الصيد فى مصر - تجربتي امس مع فتح الله شارع رمسيس

صفحة 2 من 3

عرض 40 مشاركات من هذا الموضوع لكل صفحة

الصيد فى مصر (http://www.egyhunt.net/index.php)

- ادوات الصيد الثقيله (http://www.egyhunt.net/forumdisplay.php?f=66)

- - تجربتي امس مع فتح الله شارع رمسيس (http://www.egyhunt.net/showthread.php?t=6417)

welly210

11-04-01 04:42 AM

رد: تجربتي امس مع فتح الله شارع رمسيس

اخي العزيز انا فعلا اتحرق دمي وكأن اني كنت معاك في المحل وفعلا الناس اللي زي دي وكانها لا ترتقي الي مستوي البشر المحترمين ولكن العشوائية والجهل هم بيئتهم ولذلك اذا انا كنت مكانك كنت مسكت الواد ده اديته درس وعلمته الادب وكيفية التعامل مع الزبائن لاني انا مش داخل اشحت منه وبا ريت يا جماعة اي احد اشتري منهم ولاقي مشكلة في اي مسدس يقولي او اذا احد اشتري منهم ورفضوا يعطوا له فاتورة ايضا يقولي ويرسل لي رقم تليفونه وساعلمهم الادب عن طريق حماية المستهلك ولا تزعل يا اخي وروق والف مبروك علي المسدس الجديد

hema777h

11-04-01 04:46 AM

رد: تجربتي امس مع فتح الله شارع رمسيس

اقتباس:

المشاركة الأصلية كتبت بواسطة dr_mohasan (المشاركة 65393)

مبروك يا باشا عالسلاح الجديد وربنا يباركلك فيه , أى انسان محترم يتعرض لهذا الموقف يجب فعلا ان ينسحب فورا كما فعلت بدون حتى اى رد لأنه خسارة فيهم , عالعموم احنا لازم نعمل قائمة سوداء لمثل هذه المحلات حتى لا نتعامل جميعا معها

انا راي مع الدكتور والاول الاسماء في القائمة دي

1-فتح اللة لاسلحة
العنوان شارع رمسيس بجوار نقابة المحامين
معدل التقيم :-سي جداااااااااااااااااا
مستوي الثقافة :- مسجل خطر وبلطجة
اي معلومات اخري :- عتاب الندل اجتنابة

2-موسئسة صيامكو لاسلحة

العنوان شارع الخليفة المامون بجوار سوبر ماركت مترو مصر الجديدة روكسي
انا هسيب بقية الموضوع :) لتقديركم الشخصي واركم

hema777h

11-04-01 04:52 AM

رد: تجربتي امس مع فتح الله شارع رمسيس

اقتباس:

المشاركة الأصلية كتبت بواسطة hema777h (المشاركة 65788)

اسف جدااااا نسيت اقولك الف مبروك علي المسدس الجديد..................

Mohamed Mahmoud

11-04-01 09:03 AM

رد: تجربتي امس مع فتح الله شارع رمسيس

اقتباس:

المشاركة الأصلية كتبت بواسطة Batman (المشاركة 65287)

شكرا لك على التوضيح - يعنى باختصار و فرت 400 جنيه !!
من الواضح جدا ان افضل محلين من حيث المعامله و الاسعار فى القاهره هما :
- الاهليه عازر فى العتبه .
- ابو ضيف فى شبرا.

كلام زى الفل

manshee

11-04-01 09:08 AM

رد: تجربتي امس مع فتح الله شارع رمسيس

مش هقدر اقولك غير حسبى الله ونعم الوكيل فى الى بيستغل ظروف الناس
وان شاء الله ظروف البد هتتحسن ومش هيلاقو يبيعو 200 جنيه:d

hokaboka

11-04-01 09:30 AM

رد: تجربتي امس مع فتح الله شارع رمسيس

اقتباس:

المشاركة الأصلية كتبت بواسطة بسام سعيد (المشاركة 65423)

لا دية لازملها زيارة ياعم حوكا
دي هيا عوزاك انت وزيكس تبقى بجد جبتلي حقي

والله نروح ونطلع عين ابوهم عشان خاطرك...حقك في عنينا...بس كام يوم اجمعلي 4 صحابي ولا حاجة عشان ميحضلشي خناقة ولو حصل منضربش :)

ادم عبد ربه

11-04-01 10:10 AM

رد: تجربتي امس مع فتح الله شارع رمسيس

انا عندى فكرة قيمة 10 افراد او اكتر يروحوا ورا بعض على انهم زباين وهم بيشتروا طبعا هيعرفو الاسعار و ويشتكو الاسعار غالية ويسمعوهم كلام محتر دى سرقة ده نصب انا مش هشترى من هنا وواحد واحد يطلع من غير مايشترى حتى علبة رش وطبعا لما يشوفوا المنظر كدة تبقى الامور تمام ويارت تسمعهم ان فيه كام محل محترمين بنتعامل معاهم مثلا ابو ضيف ميشيل كده يعنى والله انا لو مش قاعد فى الاسكندرية لكنت لميت اصحابى وكنا عزوة ورحنا قسمنا عليهم وكنا عرفناهم مقامهم الخنازير دول

aboadle

11-04-01 10:13 AM

رد: تجربتي امس مع فتح الله شارع رمسيس

ههههههههههههه بعد كده الراجل صاحب المحل يمسك اللي قال كده وانتو عارفين الباقي ؟؟؟؟

hosam ibrahem

11-04-01 10:52 AM

رد: تجربتي امس مع فتح الله شارع رمسيس

الف مبروك علي المسدس ومتزعلش نفسك كل واحد بيعمل بأصله

شلاطه سكوووب

11-04-01 11:17 AM

رد: تجربتي امس مع فتح الله شارع رمسيس

دي ناس صعبه جدااااااااا وبيعاملو البشر كان عبيد انا بناشد الجميع قطع المعامله معاهم ارجووووكم لاننا احنا اللي خلينا الناس دي كده
فتح الله دول حرميه سلاح مش تجار سلاح
حسبي الله ونعم الوكيل فيهم

شلاطه سكوووب

11-04-01 11:21 AM

رد: تجربتي امس مع فتح الله شارع رمسيس

ومبرووووك عليك المسدس ياعم متخليش في بالك دي ناس الجشع ماليهم .... وربنا هيوريهم اخرت الضلم سيئه ليهم ...مبروووك

doos99

11-04-01 11:56 AM

رد: تجربتي امس مع فتح الله شارع رمسيس

ده حال الدنيا ناس حلوه و ناس تيتتتتتتتتت

michael

11-04-01 12:31 PM

رد: تجربتي امس مع فتح الله شارع رمسيس

لازم طبعا يتعملوا كده مع الناس شوف بيدخلوا كام فى اليوم فلوس تجاره ملهاش تسعيره كل تاجر بيقول السعر الى عايزه واليومين دول الاقبال اشد من زمان بس احنا السبب فى ده هل مسدس الصوت ممكن يحمينا اول يساعدنا لو فى مشكله ؟ انا اعتقد انى لو وقعت فى مشكله اخاف اطلعه

SIGSAUER P226

11-04-01 01:30 PM

رد: تجربتي امس مع فتح الله شارع رمسيس

ياباشا مبروك عليك المسدس بس دايما بستغرب ليه المعامله فى فتح الله مقرفه كاننا شحاتين و مع العلم انى رحت فتح الله فرع اسكندريه فرق شاسع مع انى خنقت الراجل فرجه و قرف بس فرق شاسع فى المعامله ناس محترمه فعلاً
و على فكره المسدس اللى حضرتك اشتريته ده انا كنت شاريه من رمضان اللى فات ب 500 جنيه من عند الاهليه برضه و علبه الطلق كانت ب 150
و لسه بايعه ب 750 جنيه و مضربتش بيه غير حوالى 12 طلقه فى اوقات مختلفه
مبروك عليك

khaledabdelnaby

11-04-01 01:38 PM

رد: تجربتي امس مع فتح الله شارع رمسيس

حد حاول فى مرة انه يكلم مع الناس اللى واقفة عند فتح الله ويرشدهم على مكان الناس المحترمة اللى ممكن يشتروا منهم زى ابو ضيف والاهلية فى القاهرة بدل البهدلة دى

michael

11-04-01 01:43 PM

رد: تجربتي امس مع فتح الله شارع رمسيس

يا باشا هما بيبقوا فهمين انهم بيتعاملوا وحش مع الناس بس بيجدوا متعه انهم بيتعملو وحش وبيجدوا الزبون مش بيرد عليهم علشان عايز يشتى وبيحسوا كمان ان عندهم حاجه زى الدهب

michael

11-04-01 01:45 PM

رد: تجربتي امس مع فتح الله شارع رمسيس

انا فعلا بقيت بقرف من باس زباله
مشكله الشعب المصرى قله الى عندهم سلوك

taimour

11-04-01 06:53 PM

رد: تجربتي امس مع فتح الله شارع رمسيس

أخوانى الآعزاء00000
الموضوع اللى بتتكلموا فية على فكرة من قديم الازل طول عمر تجار السلاح معاملتهم كدة مع البشر و مش حتتغير الى يوم قيام الساعة و دة اكيد لعدة اسباب و اهمها
1- مهنة امتهنها الان كل الصيع و المطاريد 000مش زى زمان كانو ولاد ناس جدا و كلاس جداا و لما تسال عن حاجة ينزلها و يوريهالك و يخليك تجرب و وشة مفلق من كبر الابتسامة اللى علية لانة تاجر و كمان غاوى و عاشق للسلاح
2-البضاعة بايعة نفسها يعنى انت اللى مضطر تيجى و هو مش حيدلل عليها
3-اليومين دول بلذات بقى هم زهقوا من البشر لان البلد كلها بتدخلوهم المخروب المحل و اكيد مش طايقين يشوفو وشوش تانية و مش عايز يبوصلك اساسا هو باصص لجيبك و بيضرب اى سعر و من الجايز يغلط الزبون و يكون شابط فى الحتة و يشترى ودة اللى بيحصل لان البروح لتاجر سلاح بيبقى شبطان فى حتة شافها و عايز يشتريها
4- طول عمر تجار السلاح من قبل ظهور الاسلام و حتى 1400 سنة بعد الهجرة كانو يهود00000 يعنى اصلا زبالة ودية تجارة زى الديلر بتاع الحشيش انت اللى عايزة مش هو000 هو بايع بايع بيك او من غيرك
عشان كدة بقى لازم0000
اولا00 مقاطعة تامة واللى يعرف يقول للميعرفش
ثانيا00 التعامل مع المحترمين فقط و على فكرة دول كتير
ثالثا00 نستعمل اسلوب الجرس و الفضايح يعنى اللى يعامل حد فينا وحش نجرسة و نفضحة فى المنتدى0 و على فكرة المنتدى مسمع فى وسط التجار0
رابعا00 لما تتزنق قوى و تروح متحولش تبص فى الحاجة كتير و متشبطش فى اى حاجة لان خبرتهم بيقراو عينك و بيعرفوا انت شبطان و حايح و لا لا00 و من المنطلق دة بيرفع و بيتمسك بلسعر
المهم0 استعمال اسلوب العجرفة معاهم و اوعى تدخل المحل خايف او بتسال على حاجة انت مش عارفها ساعاتها الزبون وقع00 و عليك تن تتحمل كافة الغلاسات و تحمل اسلوب التعالى بتاعهم و اخيرااااااااا التعامل مع المحترمين بس ولاد الناس منهم و بس و نعمل لستة باسماء الناس الغير مرغوب التعامل معاهم الى ان يغيروا من نفسهم 0 و يحاولوا اكل عيش بقى لانى بجد مفروس و متغاظ جدا من الطايفة دية و شكراااا00000 تيمور

EGOO7

11-04-01 10:36 PM

رد: تجربتي امس مع فتح الله شارع رمسيس

أستاذ بسام
أولا الف مبروك علي السلاح الجديد
ثانيا ولا يهمك اكييد هي حاجه تحرق الدم بس معلش
ثالثا ممكن تقولي الموديل بتاع مسدس الساقيه الي حضرتك اشتريته عليشان انا بدورعلي حاجه محترمه زي كده
والف شكر
أحمد موسي

sayedlabib

11-04-10 06:06 PM

رد: تجربتي امس مع فتح الله شارع رمسيس

الف مبروك على السلاح بس بعد اذنك مش كفاية الكلام على المنتدى فقط يا ريت الخبر ده يطلع على الفيس بوك وينتشر عشان كل اصحاب المحلات يعتبروا ويعرفوا ان المعامله الحسنة هى اساس رأس المال وان المعامله السيئة مش هاتلاقى غير المقاطعه

سمسم	11-04-10 08:21 PM

رد: تجربتي امس مع فتح الله شارع رمسيس

علي فكرة انت غلطان انت كنت رزعت الراجل قلمين على وش امه و خناقة بخناقة و لا كنت حرئت دمك

alaa@virus

11-04-10 11:58 PM

رد: تجربتي امس مع فتح الله شارع رمسيس

سيبك منهم
الف مبروك على السلاح
المهم يا جماعة احنا لازم نعمل لستة سوداء لهؤلاء التجار

hema777h

11-06-28 05:34 AM

رد: تجربتي امس مع فتح الله شارع رمسيس

ليكم عليا بكرة هتصل بيهم واديهم شوية من التمااااااام الي كيفهم

fesal

11-06-28 07:42 AM

رد: تجربتي امس مع فتح الله شارع رمسيس

بجد فعلا طريقه كلام البائع بتبين خلقه وبيئته الي اتربي فيها منساش ابدا مره رحت اشتري موبيل من السراج مول دخلت عل يالمحل في الاول بقله عايز اتفرج علي الموبيل اتفرجت وشوفت الموبيل بس حسيت زي في هزه خفيفه في الشاشه التله معلش مش هقدر اخده عشان انا موسوس وخايف منه الي اتفضل يافندم المحل كله تحت امرك وقالها بطريقه لزيزه قلتله والله انتا راجل محترم لان من عاده اصحاب محلات الموبيل انه لو اتفرجت علي الموبيل خلاص كانك اشتريته ولو سبته يعد يس ويشتم ويلعن عشان كدا بصراحه انا عندي ادفع في الحاجه تمن اغلي حبتين لو فرق 50ج بس تبقا معامله محترمه ولو قلتله ارجعه يرجعه
بجد لازم يتعلموا اساسيات الماركتينج وطرق المعامله وازاي يبتسموا في وش الناس الناس دي زباله مفروض يشتغلوا في مقلب زباله مش في محلات بجد بتقرف منهم جدا جدا وغيتي اني استفز اي صاحب محل مقرف وكشري يا مزااااااااااااااااااااج مزاااااااااااااااااج اني اعصبه وخليه يتجنن هههههههههههههههههه دا اقل واجب يتعمل معاهم

kiko_2015

11-06-28 08:04 AM

رد: تجربتي امس مع فتح الله شارع رمسيس

عادي..نعملهم ثوره

mo_rateb

11-06-28 01:09 PM

رد: تجربتي امس مع فتح الله شارع رمسيس

اقتباس:

المشاركة الأصلية كتبت بواسطة بسام سعيد (المشاركة 65327)

الف شكر للاخوة الافاضل على الرد
بس انا كنت بحاول اوضح الي حصل معايا علشان لازم المحل ده كلنا نقاطعة
تحياتي للجميع

دى الشكوى المليون من المحل دا. ياريت بجد كلنا نقاطعو و حرام الواحد يهزق نفسو معاهم و فيه شريف ابو ضيف.

hogan

11-06-28 02:19 PM

رد: تجربتي امس مع فتح الله شارع رمسيس

سيدى الفاضل انا بتعامل مع المحل ده واللهى العظيم تلاته الراجل الكبير الى اسمه عاطف قمه فى الادب وكل الى فى المحل محترمين واخدمنهم شغل يجى 15الف واللهى رحتلو من اسبوعين لقيتو مرحب بى جدا واخت منه الفالتارو ونزلى فيه 200 جنيه وادالى معاه 15 طلقه
اما الست الى فى فتح الله هيا مرتين وتويه
خد منها قبل الثوره بفتره حوالى 6 حتت روم و4 حتت جلوك وكانت العمليه تمام بعد كده لقيتها بتتكلم باسلوب مش عارف اه زباله رحت قلتلها شكرا ورحت جبت بردو من الاهليه دى عالم تنكه رغم محلات فتحلله الى عند نادى الصيد غير دول حتى بيقلولى انهم غير فتحله بتاع رمسيس بقلو ازاى بيقولى دول قريبى ومليش دعوه بيهم يعنى فكل الاحوال هما زباله
وتقبل مرورى

msa_79

11-06-28 02:22 PM

رد: تجربتي امس مع فتح الله شارع رمسيس

اقتباس:

المشاركة الأصلية كتبت بواسطة hogan (المشاركة 135502)

سبحان الله حضرتك اول واحد يشكر في المحل ده
هو فعلا فيه ناس محترمه بس الست اللي هناك مش بتحترم اي حد

احمد على

11-06-28 02:40 PM

رد: تجربتي امس مع فتح الله شارع رمسيس

اقتباس:

المشاركة الأصلية كتبت بواسطة بسام سعيد (المشاركة 65273)

في البداية احب اقول اني كتبت الموضوع ده بعد ما حسيت اني فعلا كنت غلطان لما فكرت انزل اليومين دول اشتري حاجة من محل سلاح بالرغم من انك بتدفع الافات الا اني المعاملة زززززززززززفففففففففففففففففففففففتتتتتتتتتتتتتتتت تتتتتتتتتتتتتتتتتتت
انا غاوي سلاح وعندي حب اقتناء واعشق السلاح بكل اشكالة ( الصوت )
كان ليا مبلغ من المال عند احد الاشخاص وكان شبة اني الفلوس دية ماتت وقولت لو رجعت انزل اشتري حاجة ساقية (انا بحب شكل الساقية )
نزلت على فتح الله الي جنب نقابة المحامين (على فكرة انا محامي) يعني جيران ههههه
اولا قفلين باب حديد وبيدخلو واحد واحد المهم دخلت وطبعا قابلت الحاجة الي اسمها مدام نادية واقفة على الكاشير قبل مارجلي التانية تتحت جوه المحل لقتها بتقولي اامر وخلص على طول انا عاوزه اخلص قولتلها هو انا لسة دخلت (وللعلم اني كنت بتعامل معاهم قبل الاحداث ) وكانت المعاملة ناشفة بس مش كده
المهم انا نت متصل وسال على الايكول الفيبر ال4.5 و6 وقالولي900 و1200 قولتلها انا عاوز الايكول الفيبر 4.5 و 6 قالتلي ايه الفايبر ده مش موجود
قولتلها يا حاجة الساقية الطويل والوسط قلتلي مفيش غير الطويل و1600 ج قولتلها انا متصل وقالي 1200 قالتلي امتى قولتلها امبارح السعة 7 م قالتلي النهارده 1600 لو عاوزه 1500 وياريت تخلص المهم قولتلها اشوفة راحت مده ايديها في الرف الي وراها وجابتلي كرتونة مقطهة وقالتلي هو ده وبتحتة في شنطة قولتلها انا لا شوفتة وعرفت ششكلة ايه قالتلي انت مش عاملي فيه ناصح وبتقولي فيبر ومش عارفة عاوزه شوفة في البيت مش عاوزه الباب ياعم محمد ووصل الاستاذ هي مش ناقصة قرف
على الرغم انا كنت لابس بدلة كونكريت والله 2000ج ومعايا في ايدي مفتاح العربية يلا المهم
قولتلها من فضلك اتكلمي باسلوب احسن من كده وزعقت راح في واحد شاب حوالي 30 سنة قالي عاوز ايه قولتله حصل كذاكذا قالي اه هو ده اسلوبنا متبقاش تتعامل معانا ومعندناش حاجة للبيع روحتمزعق قولتلة والله عندكم حق علشان احنا بنيجي نشتري وندفع الافات في لعب والناس الي بتستحمل الاسلوب والسعر هما السبب في الي انتو بتعملوه راح قال ياعم محمد الباب ووصل الاستاذ ومعندناش مسدسات للبيع وراح واقف عند باب المحل وقال للناس معندناش مسدسات للبيع والي عاوز يشتري هياخد المسدس في شنطة ويروح يجرب في بيتهم ولو في حاجة فية يروح 100 شارع شبرا يصلحوله ياريت يرجعة او يجيبة
المهم دخلت النقابة وانا بغلي وعمال العن المحلات والي فيها المهم انا مكنتش اتعاملت مع محل الاهلية للاسلحة الي في العتبة شربت شوية شاي وقولت انا هروح ولو قلو ادبهم هما كمان والله لبهدلهم بذنب التانين
روحت داخل على الاهلية لقيت الفترينة مرصوصة وفي حتتين ساقية ماسورة صغيرة وماسورة كبيره والدنيا عنده زحمه جداااااااا وعلى الرغم من كده الباب مفتوح وقفت شوية شربت سيجاره لحد المحل ما هدس شوية ودخلت قولتلة بكل قرف وريني الاتنين الساقية الي في الفترينة قولت بصراحة انا رايح اخلص الي حصل فيا عند فتح الله
لقيت الشب الي وقف قالي مالك زعلان كده لية كل الي في الفترينة عنيا استغربت قولتلة لا وريني الساقية الكبير بس جابلي واحد من الرف في علبتة وكيسة وحاجة محترمة قووووووووي وايطالي بروني بسالة على الايكول الساقيية قالي مبنتعملش في التركي خالص المهم قولتلو بكام قالي 1200 وده 9 م وعلبة الطلق 200 ج قولتلة لا كتير انا هاخده هو وعلبة الطلق ب 1300 ده بعض ممكسكت المسدس وقالبت فية وطلعت عين ام المسدس وهو واقف منتظر انا اقوله ايه لا في شوفة في بتكو ولا الكلام ده لقيتو وافق وقالوه هات علبة طلق وطلقتين نجربهم للاستاذ وراح فاتح المسدس ومركب الطلقتين ومجرب واحده وقالي جرب التانية ولو في اي حاجة هاتو في اي وقت وانا تحت امرك
ايه رايكو في فرق المعاملة بجد فرق شااااااااااااااااااااااااسع
انا اسف اني طولت عليكو بس حبيت افضفض مع اخواتي في المنتدى علىشان الموضوع ده مضايقني ولازم نشوف حل للمعاملة الوحشة دية ده احنا لو شحتيني مش عاملونة كده
شكراااااااااا

اسمها ليلا وكرهتنى فى شرا البنادق وكرهتنى فى فتح الله كلة ومش عارف هى قاعدة تطلع عقد النقص على الناس المحترمة لية
كتها قرف

akmels

11-06-28 02:59 PM

رد: تجربتي امس مع فتح الله شارع رمسيس

على فكرة دى مش اول شكوى و الحل الوحيد هو المقاطعة

nour	11-06-28 03:35 PM

رد: تجربتي امس مع فتح الله شارع رمسيس

احسن حل مع هذا المحل هو المقاطعة

الشبح المصرى

11-06-28 04:13 PM

رد: تجربتي امس مع فتح الله شارع رمسيس

تم التعديل بواسطة الادارة حفاظ علي مصدقية الموقع

waleedrd

11-06-28 09:22 PM

رد: تجربتي امس مع فتح الله شارع رمسيس

يا اجوانى الغلطة مش غلطة المحل " يا فرعون ايه فرعنك؟ ما لقيتش حد يلمنى"
الغلطة هى غلطة غالبية الشعب المصرى اللى إتعود على الاهانة والاستهانة به وتكبير الدماغ والوصول فى بعض الاحيان الى الدوس عليه وكل ده من تبعيات نظام الحرامى الملعون " ربنا يخده"

أتذكر بعد الثورة انى كنت ناوى اشترى مسدس وكنت معدى من أمام محل فتح الله وفوجئت ان الناس محشورة أمام الباب ذى الشحاتين مستنيين الامن والامان والعطف والشفقة من أصحاب المحل , كأن الواحد رايح يشحت منهم مش هيكسبهم ألوفات , قلت ايه القرف ده هو الناس بتتعامل ذى الشحاتين كده ليه؟
ما فكرتش حتى ان اركن وانزلهم وقلت دوله شوية زبالة ما يستهلوش ان الواحد حتى يفكر فى ركنه,
ومع احترامى للجميع , كل واحد شاف المنظر المهين ده ورضيه على نفسه ان يتعامل كده يبقى يستاهل كل اللى يحصله,
وياريت نفوق احنا شباب الثورة ولا يمكن نخلى أى كلب ان يرجعنا الى سابق كأن ما يكون
تحياتى وأسف للاطالة

sadaany

11-06-28 11:16 PM

رد: تجربتي امس مع فتح الله شارع رمسيس

اللى زيه فى المعامله وكنت همسك فيه وشكلهم عامل زى المجرمين المحل اللى فى الجيزه اللى على الشمال عند نزله الكبرى فى اتجاه مستشفى الرمد تحس انك داخل مزبله والى قاعدين جوه كأنك بتتكلم عن فتح الله وعلى العكس المحل اللى على اليمين جمبه ناس فى منتهى الزوق والادب واسعارهم فى منتهى الجمال ارخص اسعار طلق هجيب اسمهم كان معايا كارت ليهم بس للاسف مش لاقيه

YOSSEF EL MASRY

11-06-28 11:44 PM

رد: تجربتي امس مع فتح الله شارع رمسيس

فتح اللة مش فاتح المحل عشان مستني يبع مسدس اوبندقية رش لواحد في بلد كل يوم اماكن الصيد فيها بتقل الراجل المهم عندة المنقصات والتوريدات والي انا سمعتة من ناس مقربين من المعلم الكبير بتعهم انة عندة مصنع خرطوش في اسبانيا غير مصنع برج العرب في الاسكندرية

hogan

11-06-30 09:45 AM

رد: تجربتي امس مع فتح الله شارع رمسيس

اقتباس:

المشاركة الأصلية كتبت بواسطة msa_79 (المشاركة 135506)

سبحان الله حضرتك اول واحد يشكر في المحل ده
هو فعلا فيه ناس محترمه بس الست اللي هناك مش بتحترم اي حد

باشا انا اقصد محل الاهليه الى فى العتبه اما الحاجه الى فى فتحله فهيا عمله زى ستى اطاطا عارفا زباله الزباله

bravehro1

11-06-30 11:18 AM

رد: تجربتي امس مع فتح الله شارع رمسيس

معلش يابسام هما كده معاملتهم زفت اما الاهليه والله زوق جدا وهما توكيل الباروني

dina	11-06-30 01:05 PM

رد: تجربتي امس مع فتح الله شارع رمسيس

السلام عليكم ورحمه الله وبركاته
انا بجد متضايقه جدا من اللى بسمعه ده
الاول اعرفكم بنفسى انا دينا من سكرتيرة محل فتح الله لاسلحه بفرع اسكندرية
وبالنيابة عن اى حد فى فتح انا بعتذر اعتذار شديد جدا جدا
ولو سمحتم يا جماعه حقكم عليا انا
واتمنى تقبلوا اعتذارى لانى بجد مش عارفة اقول ايه

ahmadkader

11-06-30 01:08 PM

رد: تجربتي امس مع فتح الله شارع رمسيس

اقتباس:

المشاركة الأصلية كتبت بواسطة dina (المشاركة 137454)

إعتذار مقبول و ياريت وجهات النظر اللى سيادتك قرأتيها دى توصل للإدارة عندكم عشان ميصحش كدا

dr_mohasan

11-06-30 01:15 PM

رد: تجربتي امس مع فتح الله شارع رمسيس

اقتباس:

المشاركة الأصلية كتبت بواسطة dina (المشاركة 137454)

اعتذار مقبول من ناحية المبدأ

ولكن المهم هو تغيير الواقع

و إلا يبقى ماعملناش حاجة

الساعة الآن 03:50 PM

صفحة 2 من 3

عرض 40 مشاركات من هذا الموضوع لكل صفحة