|
رد: اى مساعدة
السلام عليكم يا استاذ مصطفى
يا ترى الجامو هنتر افضل ولا ديانا ماحنوم 350 |
رد: اى مساعدة
يا ريت يا باشا لو تعرف معلومات عن البنادق الصيني اللي في مصر لو حبيت ابدأ اشتري اية
وفين لو سمحت مكان يكون بيعلم الرماية والصيد بشكل احترافي واكون شاكر لو تعرف فين معلومات اكتر عن البنادق الصيني واكون شاكر الافضال |
رد: اى مساعدة
يا ريت يا باشا اي معلومات عن البنادق الرش الصيني اللي ممكن نشتريها من مصر ايه افضل نوع لو عايز اشتري عرفت ان في انواع تقليد الاماني وممكن فين اتعلم الرماية والصيد بشكل احترافي لو سمحت وشكرا
|
رد: اى مساعدة
ممكن يا شباب أفضل أنواع التلسكوبات إللي تنفع مع Bam B21 الصيني وياسلام لو تقولولي أسعارها كمان
|
رد: اى مساعدة
بسم الله الرحمن الرحيم
أشكرك يا أخ مصطفى وباقي الإخوة الكرام على هذا المجهود المتميّز الذي تبذلونه لإيضاح كل ما خفي واستبهم في عالم الصيد والبنادق الهوائية. أود أن تتفضلوا بالإجابة على هذا الاستفسار الذي أظن أن خبرتكم تجاوزه بكثير، وهو يتعلق بتزييت البندقية الهوائية:- بأي نوع من الزيوت يكون؟ وما هي الأجزاء التي يتم تزييتها من البندقية الهوائية؟ وهل هي صحيحة الطريقة التي أرى بعض الصيادين يستخدمونها في التزييت؛ ألا وهي صب قطرات من الزيت في فتحة مخرج الهواء التي تقابل بداية السبطانة؛ أي الفتحة التي يخرج منها الهواء لدفع الرصاصة خارجا؟ ثم ما هي المدة التي يجب تزييت البندقية الهوائية خلالها؟ والسلام عليكم ورحمة الله وبركاته |
رد: اى مساعدة
اقتباس:
|
رد: اى مساعدة
اقتباس:
وفعلا فى بندقية رش صينى تقليد للديانا 52 وانا لاحظت مشركة احد الاعضاء بيقول ان سعرها وصل ل 1500 جنية و السعر دة غالى بالنسبة لبندقية صينى وفى نفس الوقت متقارب لاسعار الجامو والنوريكا. واوضح من كلامك انك عايز تحترف الصيد فلو انت مبتدئ ومش متعمق اوى فى هواية الصيد يستحسن تشترى بندقية رخيصة وغالبا هتكون الصينى وبالنسبة للنوادى المهندس محمد السيد هيسعدك اكتر منى فيها والاحتراف بيجى بالممارسة. ولا شكر على واجب اخى العزيز |
رد: اى مساعدة
اقتباس:
ثانيا اى بندقية صينى بشفها على الشبكة العنكبوتية بلاحظ انهم بيفضلوا المنظار 4 او 7 فى 15 ملى او20 ملى وغير كدة لو جبت منظار اقوى من كدة هيقف عليك بضعف تمن البندقية فكلام مش منطقى المنظار 4 فى 15 هيقف عليك ب 150 جنية تقريبا او ممكن يكون اغلى |
رد: اى مساعدة
اقتباس:
بالنسبة لموضوع التزييت انا عن نفسى بستخدم wd-40 فى تزيت السطع المعدنى للبندقية و القليل من الشحم فى الزناد وفى مفصل دراع التعمير والحمد اللة موجهتش مشاكل مع البندقية ولا صدأ ولا حتى تقشير لدبشك البندقية والطريقة دى بستخدمها بقالى 7 سنين وبالنسبة لتزييت البندقية من المصورة دة غلط تماما علشان كدة الزييت بينزل للجلبة والسوستة وكانك زيتهم بتضبط هتحث ان البندقية بقيت اقوى فى اول 5 طلقات بس وبعد كدة هتلاقى عمر السوستة و الجلبة بيقصروا وكل شركات الاسلحة فى المواقع او حتى الكتلوج بتاع البندقية لما تيجى تشتريها بتلقية بينصح بعدم تزييت البندقية من المصورة و بالنسبة للمواد الكيميائية لمحلول التزييت انا مبهتمش بيها وبحط ثقتى كلها فى نوع العلبة فى الاول و فى الاخر اهم حاجة من التزييت انة يزيل الصدأ لو موجود حتى لو كان بنسبة بسيطة انت مش مدركها وانة يسهل حركة بعض الاسطح المعدنية المحتكة ببعضها. |
رد: اى مساعدة
وبعدين بالاضافه لكلام مصطفي انت ممكن تفك البندقيه كل 6 شهور تمام وتشحمها بس من غير تزييت ( طبعا التشحيم يكون خفيف ويكون علي اجذاء الزناد ) اعيد كلامي تشحيم خفيف جدا لان في ناس بتفتكر ان كتر التشحيم مفيد وده غلط
يعني تكرر العمليه دي في السنه مرتين ان شاء الله اي سلاح هيعيش معاك العمر كله بالطريقه دي |
رد: اى مساعدة
بسم الله الرحمن الرحيم
الأخ مصطفى والأخ عاصم بارك الله فيكمها على هذه المعلومات الطيبة، وجزاكم الله خيرا، وواضح أن كلامكما مبني على تجربة وخبرة طويلتين، واطلاع أيضا. ولي استفسار آخر أرجو من حضراتكم أن تتكرموا بالكلام عليه بشيء من التفصيل لو أمكن، ذلك أنني استخدم اثنين من المناظير، الأول من نوع Bushnell 50/9-3 ، والثاني Bushnell 40/9-3 ، فهل هذان النوعان جيدان؟ وثمة شيء طالما حيرني؛ ألا وهو أن مكان التصويب على الهدف باستخدام المنظار يختلف بحسب ما إذا كان الهدف بعيدا أو قريبا، عاليا أو على الأرض، وهو ما يعرف بقواعد الرماية بالبصريات، فهلا تكرمتم بشرح هذه القواعد؛ لأن معرفتي بها محدودة، مما يؤثر في الصيد كثيرا. وجزاكم الله خيرا والسلام عليكم ورحمة الله وبركاته |
رد: اى مساعدة
المناظير مناسبه جدا في الصيد القوه بتاعتهم وقطر عدستهم جميل ومناسب مفهمش اي مشكله لكن بالنسبه لقواعد المريا بالبصريات ده موضوع كبيره انا هكتبه في موضوع وازله ان شاء الله عل المنتدي
|
رد: اى مساعدة
مصطفى وانت فعلا مصطفى
واخيرا حنلاقى اخ عزيز حيفيدنى فى المنتدى اصل انا بقالى فتره عاوز اشترى بندقيه صيد تكون اسبانى فى حدود 1000الى 1500جنيه يارب تفيدنى وتقولى نلاقيها فين وشكرااااااااااااااااااااااااااا اخوك ابو فرح |
رد: اى مساعدة
اقتباس:
مشكور اخى الكريم انا بفضل الجامو cf20 عن تجربة هى بندقية حلوة فى كل حاجة , بس عبها ان الدبشك حساس شوية ولو حصل نصيب واشترتها متحطش رش كبير فى الحجم علشان بياكل الحروف , قصدى فى رش بيبقى مصبوب غلط وغالبا بيكون الرخيص متجربهوش على البندقية دى. يعنى من الاخر البندقية دى هتجيب معاك من الاخر لو حفظت عليها هى ممكن تلقيها بسعر 1200 وفى منها موديل cf 30 وعلجوا فيها المشكلتين االى انا قلتهملك دول. وقدامك برضة النوريكا جيت بس سعرها ممكن يكون من 1500 ل 1600 على حد علمى. وهى متوفرة ممكن تلاقيها فى معظم محلات الصيد وغالبا المشهورة واتمنى التوفيق و حسن الاختيار فى البندقية الى انت هتشتريها |
رد: اى مساعدة
ايه الجمال ده ايه الروعه دى يا سلام لو نص الاعضاء زى درش حبيب الكل حيبقى منتدى ميه ميه
وللامام يا محترمممممممممممممممممممممممممممم |
رد: اى مساعدة
شكرا يا زعيم على الافاده
يعنى اتوكل على الله واشترى النوع الثانى cf30 بس انت يا درش مقلتليش سعره كام ولو فيه عيوب قولى علشان انا عاوز حاجه نضيفه ومتزهقنيش |
رد: اى مساعدة
اقتباس:
وبعدين يا ابو الافراح الاعضاء هنا كلهم والحمد لله 100 100 ومتعاونين جدا وبيحبو يساعدو بعض وزى ما انت شايف مفيش حد بيسأل على حاجه الا ويلاقى الاجابة تمام يا بشا ربنا يوفقك ونشوف صور صيدك بالجاموcf30 |
رد: اى مساعدة
السلام عليكم ورحمه الله وبركاته
انا عندى بندقية gamo 600 بس السسته بتاعتها باظت وجبتلها سوسته مصرى لانى مكنتش عارف انها ممكن تاثر على قوتها كده انا عارف انها بندقية قديمة بس حلوه والله انا خر مرة اصدت بيها بالسسته المصرى اصدت 14 حمامه بس انا قولت لو جبتلها سوسته اصليه اكيد هتبقى جامده جدا سؤالى هو هل السسته بتاعتها موجود والاقيه فين وسعرها حوالى كام وهل الجلبه بتاعة الكبس ممكن اجيب واحده فبر زى الى فى البنادق الحديثة من الاخر انا عاوز اخلى البندقية دى مدفع ممكن والا ايه؟؟؟؟؟؟؟ واكون شاكر جدا يا درش |
رد: اى مساعدة
الله ينور عليكو يارجالة 10 علي10
|
رد: اى مساعدة
الاخ الفاضل الاستاذ/مصطفي
فية بندقية جامو موديل CFX Royal ياريت يا درش بعد اذنك لو عندك معلومات عنها تقلي عشان البندقية دية عجباني وعايز اجيب واحدة السؤال التاني بعد اذنك لو البندقية دية مش حلوة اية هو في رايك احسن موديل في البنادق الجامو واسف يا درش علي الاطالة |
رد: اى مساعدة
--------------------------------------------------------------------------------
انا عايز اجيب بندقية جامدة من السعودية الناس فى مصر تقول الديانا 54 او الديانا عمتن وفى السعودية يقولو الفايروخ علشان الحاجات دية قلب الديانا الان بيجي فيبر اما الفايروخ الان ياتي المونيوم او حديد 2_زناد الديانا ياتي بلاسيتيك او فيبر اما الفايروخ ياتي المونيوم 3_خشب الديانا عادي واقل فخامة وثقيل اما خشب الفايروخ خفيف وفخم . 4_نيشان الديانا بيجي فيبر ونيشان الفايروخ بيجي المونيوم 5_ والديانا شركة لم تطور بنادقها وبقيت عيوبها موجودة في كل موديل يصدر ولم يتلافوها ومنتج كل سنة لايختلف شيئاً عن سابقة ؟ أين التطور إذاً والآن وكيل ديانا يبيع بنادق فايروخ ؟ الوكيل كما ذكرت يقول أن ( قلب السستة من البلاستيك ) وليس السستة لأن السستة ( النابظ ) من المستحيل أن تأتي بلاستيك فهو في الديانا بلاستيك وينكسر بإنكسار النابظ بينما الفايروخ القلب حديد ولايحتاج إلى تبديل السدادة الخلفية في الديانا تعاني من عدم التوازن والثبات في الوزن بينما الفايروخ والجامو تتمتع بسدادة خلفية دقيقة وثابتة وتصميمها رائع الفايروخ 30 أرخص من سعر الديانا 36 وأقوى منها وأدق إصابة أيضاً وتستطيع تركيب نابظ ماغنوم للفايروخ أيضاً ولكن الديانا لايوجد لها نابظ ماغنوم ( لأنها لن تتحمل قوة الماغنوم ) يا ريت يا جماعة من فضلكم حد يفدني بس يكون فاهم او مجرب |
رد: اى مساعدة
اقتباس:
لاسف مفيش دليل يفرق اذا كانت السوستة دى اصلية ولا لا ,بس انت ممكن تفرق بين السوستة الكويسة و السوستة الوحشة من حيث الصلابة و المرونة ولازم تبقى نفس الطول ونفس العرض و نفس عدد الحلقات الحلزونية والجلبة ياريت تبقة فيبر و سميكة هتبقى احسن وبالنسبة للبندقية تكون مدفع لازم يبقة هيكل البندقية نفسة مسعدك كل ما يبقى كبير كل ما يخزن هوى اكتر , كل ما السوستة تقدر تتدفع الهوى دى كلة , كل ما الطلقة بقيت اسرع يعنى من الاخر مينفعش تحمل على البندقية قوة اكتر من قوتها الا بقى مكنش حد غلُُب كان خلى الصينى فى قوة الديانا |
رد: اى مساعدة
اقتباس:
هى بندقية اكتر من ممتازة وتعتبر امتداد لموديلات الCF وزودوا عليها شوية لمسات فنية زى الدبانة والنيشان الفيسفور والmuzzlebrake و قضيب المنظار البارز و مؤخرة جراب الميكانزم والدبشك وانت لو بتحب الاستيل دة اختار cfx الى بدبشك فيبر علشان هتحافظ على منظرها ومسكة البندقية هتبقى احسن هتبقى ملمومة بلبلدى. وياريت تقولى انت هتجبها من مين؟ واعتزر عن التأخير فى الرد |
رد: اى مساعدة
اقتباس:
خامة الزناد ملهاش اى دور علشان الى فوق الزناد سوستة الى فعلا صح وبيفرق ان خشب الديانا فعلا تقيل بس مش اقل فخامة فى موديات من الديانا فيبر وفى زهر بس النقطة الى اكتر اهمية هل سٌمك الدبانة مناسب للنيشان? موديلات الديانا سعات بتطور من حيث القوة ولو كان فية عيوب ملموسة كانوا غيروها وانت دلوقتى بتقول عيبوبها وانا بحاول اقنعك وقلب السوستة محصلش وانكسر فى الديانا مع اى عضو من اعضاء المنتدى ألسدادة الخلفية مكملة لهيكل الزناد فى معظم بنادق الديانا دة ممكن يبقى عيب تركيب فى بندقية دون اخرى انا مقرنتش ما بين الفايروخ 30 و الديانا 36 فمقدرش احكم ما ببينهم نابظ ماغنوم بيتاخد على قياسات و بيتحرك على مساحة معينة كل دى متعتبرش عيوب لاكن فن فى الصناعة مش لازم كل حاجة تبقى حديد فى حديد اكيد كان هيبقى ليها عيوب اكتر |
رد: اى مساعدة
السلام عليكم
والله احلي حاجه في المنتدي ان الكل بيستفيد منه ومفيش حد بيسال الا لما يلاقي الرد علي طووول معلش طولت شويه انا كنت عايز استشير اهل الخبره يا اخ مصطفي ولو تعرف اي حاجه الرجاء متبخلش علينا معلش ايه اخبار البندقيه دي وكام سرعه الطلقه وهل هي قويه ام لا وكام سعرها حاليا في السووووق ؟؟ ودي شويه صور ليها http://gunshop.com.ua/products_pictures/bamb4_m.jpg http://images.bidorbuy.co.za/user_im...2629_xsb4a.jpg http://images.bidorbuy.co.za/user_im..._b4airgun2.jpg |
رد: اى مساعدة
اي يا جماعه انتو رحتو فين
|
رد: اى مساعدة
سرعة الطلقة نمرة 1 600 قدم فى الثانية
سرعة الطلقة نمرة 2 450 قدم فى الثانية بالنسبة للعصافير تصدها ونسبة صيد اليمام و الحمام بيها 80 فى المية على مسافة 50 ياردة وانا اخر مرة عرفت ان سعرها 400 جنية ممكن يكون زادت او قلت |
رد: اى مساعدة
واعتذر عن التأخير فى الرد , انا مشغول جدا الفترة دى انتوا عرفين , ادعولى بالتوفيق |
رد: اى مساعدة
السلام عليكم
انا امتلك البندقيهxs b4 وهى بندقيه متوسطه مقارنه بالينادق الصينيه الاخرى تتميز بنابض صلب الى حد كبير لذلك يتعرض للانكسار لكنه قصير تتميز بقوتها الملحوظه رغم صغر الكانون تصل السرعه الى 650 قدم ثانيه لعيار 5,5 عيوبها تعرض النابض للانكسار فى بعض الحالات الجلبه الداخليه ليست من الفايبر ولكنها من الجلد مجموعه التنشين غير دقيقه نظرا لتصميمها لذلك يفضل تركيب نليسكوب لها وتعرض الجزء الخاص اللذى يمسك ذراع التعمير للانكسار وهو يوجد فى الطرف الامامى للماسوره التقييم لها انها بندقيه متوسطه يمكن لها اصطياد كل انواع الطيور ولكن عمرها الافتراضى محدود نظرا لان خامتها ليست جيده عموما من ناحيه القوه وليست الجوده او الخامات المصنعه منها فاننا لو قارنا بيتها وبين النوريكا 56 فانها اقوى بشكل ملحوظ وقد قارنتها بنفسى وكانت بالفعل اقوى من النوريكا 56 |
رد: اى مساعدة
|
رد: اى مساعدة
2 مرفق
على فكره فى حاجه انا عايز الفت نظركوا لها
وهى ان xs b4 هى اول صوره وهنلاحظ الناشينكان الخلفى للموديل ده بيركب على قاعده التليسكوب اما الصوره التانيه لموديل اسمه b3 وهو مش تبع شركه bam وهتلاحظو ان الناشينكان الخلفى له موجود فى الامام عكس الصوره الاولى انا اتكلمت على الموديل اللى بمتلكه وهو b4 واللينك اللى انت ضايفه يا مصطفى لموديل b3 وانا هرفق الصور عليها علامات توضح الاختلاف |
رد: اى مساعدة
لا مفيش اي حاجه يا اخ مصطفي
انا الي اسف اني شغلتك وربنا يوفقك يا رب وشكرا علي اهتمااااامك |
رد: اى مساعدة
يعني من رايك ان البندقيه دي اقوي من 56 يا اخ steyr68
ولو انت متاكد من ده معلش مين الاحسن في تركيب التليسكوووب الb3 ولا b4 والي الخامات بتاعتها احسن ولو تعرف اسعارهم يبقي جزاك الله خير |
رد: اى مساعدة
هي كام قوه النيوركا56 بالمتر او بالقدم
|
رد: اى مساعدة
اي يا جماعه انتو فين؟؟؟
|
رد: اى مساعدة
سلام
بمناسبة الموضوع الخاص بطلق الهوائي ارجوا بيان انواع الطلق والنوعيه حسب الاستخدام ولو في صور يكون افضل ارجوا مااكون الح بالطلب والسلام |
رد: اى مساعدة
اخوتي الاعزاء اريد بندقية ديانا th 470 عيار 22 الرجاء افادتنا في اي محل موجودة في مصر و كم سعرها وبارك الله فيكم
|
رد: اى مساعدة
انا سعيد جدا اني لقيت المنتدي الجامد ده و الف شكر للشباب علي المعلومات دي
انا كان عندي بندقية رش زمان تعبانه كده ... بس الموضوع رجع يلعب في دماغي , و طالب شوية نصائح و ردود على استفسارتي الساذجة بما اني جديد 1- عاوز بندقية تكون في حدود 1500-2000 2- البندقية دي تكون مناسبة لصيد ايه ؟ 3- اجيبها منين ؟ 4- اصطاد فين حيوانات او طيور ؟ ( انا من القاهرة) 5 - انواع الرش المناسبة للبندقية ؟ و شكرا مقدما |
رد: اى مساعدة
يا مستر مصطفي
أنا كنت عايز أعرف فين الاقي حد بيبيع منظار للبندقية أنا لفيت على محلات كتير ومحدش بيبيع المناظير بيقولو أنها ممنوعة أنا أخوك أحمد من الإسكندرية أرجو الإفادة من فضلك ولك مني جزيل الشكر |
رد: اى مساعدة
اقتباس:
|
| الساعة الآن 10:28 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir