الصيد فى مصر - الموضوع الشامل للمبتدئين

ااااااااااه
احنا دلوقتي بقى بقينا حاجة تانية خالص الحمد لله
و سيبنا مستوى المبتدئين و الحمد لله و دلوقتي بقينا في الفئة المتوسطة
دلوقتي بقى عاوزين نسأل اسئلة اصعب شوية عن اسئلة المبتدئين طبعا كل لما مستوانا بيتحسن بنسأل اسئلة اقل و الاسئلة و الحجات اللي هنتعلمها بتقل
وده رابط الجزء الاول
http://www.egypthunt.net/showthread.php?t=5244
يلا نبتدي :-->
دلوقتي بقى عيب لما مستوانا يبقى كده و مش عارفين نعمل صيانة للبندقية بتاعتنا
اه يا سيد بقى عاوزك تقولي ازاي افكها و انضفها و الكلام ده و الزتونة بتاعت الموضوع
زتونة ايه انت جاي تتعشى هنا
حاضر يا عم الحج
انا مبشوفكش فينك ياض من شهرين
اهو انت كده متعرفنيش غير لما يكون فيه مصلحة
- مصلحة ايه
* فين ياض اكلة اليمام و الفراخ و السمك و الكباب و الكفتة اللي كنت قايلي عليهم
يلا ما علينا
بص يا عم الحج
دي شوية حجات انت محتاجها عشان تبتدي و ده كركر اللي عملنالو العملية
http://img29.imageshack.us/img29/770...11600x1200.jpg
ايه يا عم كل ده هوة احنا هنفك عربية
استنى بقى اقولك الحجات
- مفك صليبة
-حتة خشبة صغيرة
- شوية مفكات صغيرة ( بتاعت الساعة )
- مفتاح
ايه يا عم كل ده مفتاح هوة احنا هنفك عربية
اه اصل انا احنا هنعدي على صمولة نفكها و انا المفاتيح بتاعتي كانت في العربية ساعتها و كسلت انزل و لقيت المطلوب )
المهم
- طقطوقتين
انا شايف واحدة بس
اه لا ما التانية عشان لو بتشرب سيجارة تطفيها فيها عشان احنا عاوزين تركيز
- محتاج طبعا بندقية
امال هتفك ايه
اه تمام انا كده عرفت الحجات قولي بفى ابتدي افك ازاي
بص يا عمنا من الاول كده
انت مش هتفك حاجة
ايه مش هفك حاجة امال مقعدني هنا اعمل ايه
لا عشان تتعلم و مش هتفك البندقية كده من اول مرة اول مرة لازم حد خبرة او فني يكون معاك
انت دلوقتي عندك بديل انك تصبر و تتفرج على الشرح كذا مرة
انا حبيت اعملك شرح عن الفك و التركيب عشان كل الفيديوهات اللي على النت الاقي المصور واقف في حتة و الراجل اللي بيفك و اقف في اخر الدنيا و انا مش شايف تفاصيل فعشان كده قولت انزلكم حاجة طازة و من قريب يلا نبتدي
1- هنفك الدبشك من على البندقية زي كده
فيه اربع مسامير نبتدي نفك القنطرة بالمسمار ده
http://img12.imageshack.us/img12/137...31600x1200.jpg
بعد كده تفك اخوه اللي جمبه
http://img683.imageshack.us/img683/5...41600x1200.jpg
بعد كده تفك مسامير الاجناب اللي قدام اللي هية دي
http://img27.imageshack.us/img27/374...61600x1200.jpg
احنا كده فكينا واحد
نفك اخوه بقى من هنا
http://img34.imageshack.us/img34/174...51600x1200.jpg
كده احنا بقى فكينا الدبشك و معانا في ادينا الدبشك و البندقية و القنطرة و 4 مسامير و مسمارين الدبشك الجانبيين مع كل واحد وردة صغيرة لازم تحافظ على كل ده و تحطه في الطقطوقة او الطبق اللي احنا جبناه
بعد كده هتشوف المنظر ده
http://img543.imageshack.us/img543/4...81600x1200.jpg
بعد كده في جزء مهم اووووووووي لازم تفكه عشان ميتنطرش اللي هوة الجزء ده
http://img96.imageshack.us/img96/165...91600x1200.jpg
و دي صورة تانية ليه
http://img222.imageshack.us/img222/4...01600x1200.jpg
و فيه بقى جزئين بلاستكيين لازم برده نحافظ عليهم
اللي هما دول
http://img710.imageshack.us/img710/2...11600x1200.jpg
و ده
http://img685.imageshack.us/img685/8...21600x1200.jpg
طبعا كل الحجات الصغيرة اللي بنفكها نحطها في الطقطوقة او الطبق
عشان لو حاجة اتنطرت هتبقى مشكلة و هتزعلك جامد
المهم
خلاص ياعم سيد انا كده عرفت ه و بعدين اعمل ايه تاني
تعمل ايه
انت شكلك بتفكها معايا
انا قولتلك ايه
الاول تتعلم و تشوف الصور كذا مرة لغاية لما تبقى قاعد بتسمع الخطوات منغير ما تشوف الصور بعد كده بقى تبقى تفكها
يلا قوم و شيل البندقية انا شايفك
المهم
ده كده المنظر قدامك بعد لما فكينا الجزئين البلاستك دول ده المنظر اللي هيبقى قدامك
http://img852.imageshack.us/img852/1...31600x1200.jpg
دلوقتي بقى نفك الجزء ده بالمفتاح
الصامولة دي هي اللي مثبتة مجموعة الزناد
المهم هنفكها كده
http://img64.imageshack.us/img64/916...41600x1200.jpg
و هية دي شكلها تاني و معاها وردة برده هنشيلهم مع الحجات التانية
http://img219.imageshack.us/img219/3...51600x1200.jpg
بعد كده بقى ده المنظر اللي قدامنا
http://img577.imageshack.us/img577/6...61600x1200.jpg
دلوقتي الدراع هنفكه فيه ناس معندهاش الدراع ده تعتبرني مقولتش الخطوة دي
الخطوة دي للي عندهم الدراع ده
هوة ده الدراع
http://img707.imageshack.us/img707/5...71600x1200.jpg
اه حلو اوي الدراع ده يا سيد ههههههه
افكه ازاي طيب
بص هتفكه من نحيتين الاول هتفك الوردة دي
انا مسميها الوردة الشقية
دي وانت بتفكها بتنط جامد و بتضيع ضاعت مني كذة مرة بس الحمد لله بلاقيها و بالتعود و التمرس بقيت تعرف تفكها منغير ما تنط
المهم هية دي الوردة
أللي هنفكها و اللي بتثبت الدراع و زي ما قولت اللي معندهوش الدراع ده يبقى اكنر مقولتش الخطوة دي
http://img34.imageshack.us/img34/955...91600x1200.jpg
اه يا سيد تمام
و ده شكل الوردة من قريب بعد لما اتفكت اوعى تفك وردة تانية انت تفك اللي مثبتة الدراع بس
فيه ناس بنادقها عندها اكتر من وردة مثبتة الدراع فكهم بردو
http://img546.imageshack.us/img546/9...01600x1200.jpg
تمام يا سيد بس انا عاوز اسأل سؤال لولبي
قول يا بابا قول اتبسط
السؤال بيقول علل
هوة انا لازم كل حاجة افكها احطها على علبة المفكات و بعد كده احطها جوة الطقطوقة
بس يلا
ركز معايا و صحصح كده و متشغلش دماغك عشان اطلعك معايا في الجزء التالت ان شاء الله
و بعدين نفك السوستة دي
كل الكلام ده لسة على الدراع
http://img862.imageshack.us/img862/9...11600x1200.jpg
و دي صورة تانية للسوستة نفكها من نحية واحدة بس اللي هية اللي ماسكة الدراع
http://img860.imageshack.us/img860/7...21600x1200.jpg
و ده الدراع بعد لما سلك من الزناد
http://img818.imageshack.us/img818/6...31600x1200.jpg
اه يا سيد طب ايه لزمة الدراع الرخم ده
أمن ياسيدي
امن و نتانة هههههههههه
المهم ركز معايا عشان الخطوة اللي جاية بيضيع فيها صوابع
نجيب حتة الخشبة اللي احنا قولنا عليها و نحطها بالشكل ده و نضغط عليها بالشكل ده
http://img121.imageshack.us/img121/2...51600x1200.jpg
و نجيب المفك و نحطه على المسمار ده و نضرب عليه بشاكوش او بالمفتاح الانجليزي كل ده طبعا مع الضغط بالشكل ده
http://img864.imageshack.us/img864/7...61600x1200.jpg
لغاية لما يطلع المسمار ده من النحية التانية طبعا كل ده و انت لسة ضاغط
كل ده و لسة ضاغط يا سيد يعني هضغط بأيد و همسك المفك بأيد و هضرب ازاي و الله لو كان عندي ايد تالتة كنت ادتهالك
خلاص يا عم هات حد يساعدك و هوة ده المسمار
http://img849.imageshack.us/img849/2...71600x1200.jpg
بعد كده تبتدي تقلل الضغط و تخف ايدك حبة حبة عشان السوستة مضغوطة جوه و بتنطر نطرة غبية
و هتطلع بالمنظر ده
http://img576.imageshack.us/img576/2...81600x1200.jpg
بس و تقوم ساحبها هية والجزء اللي معاها اللي كان متثبت بالمسمار في جسم البندقية
بالمنظر ده و تركنهم الاتنين على جمب و يستحسن على ورق جرايد عشان الشحم بقى الاسود و الزيت المحروقين و اللغوصة دي
http://img706.imageshack.us/img706/4...91600x1200.jpg
ااااااااه و بعد كده بقى وصلنا للزناد
دي ممكن تعرف تفكها و ممكن لا بس بعد لما تفك البندقية كام مرة و تتعلم هتعرف مرة بمرة
المهم
تزق بمعنى تدفع الزناد للأخر و بعدين ترفع اخر حتة فيه اللي هوة الجزء اللي كانت الصامولة راكبة عليه و تهزه براحة انا بقول اهو براحة هتلاقيه طلع في ايدك المهم بالشكل ده
http://img860.imageshack.us/img860/8...21600x1200.jpg
بس بعد كده بقى بعد لما فكينا الزناد الحمد لله نشيلو بقى مع اخواته
و ده شكل مجموعه الزناد
http://img194.imageshack.us/img194/1...31600x1200.jpg
بعد كده نفك دراع التعميربالشكل ده
1- تكسر الماسورة
2- تتني المفصلة دي حاول بقدر الامكان تبقى عمودية بالشكر ده
http://img263.imageshack.us/img263/1...71600x1200.jpg
بعد كده ترجع الدراع لأخر المشوار الاخر اللي نحية الماسورة مش الاخر اللي نحية الزناد
و بعد كده ترفع الدراع بالشكل ده و كده انت فكيتو
http://img13.imageshack.us/img13/719...91600x1200.jpg
و فيه جزء مهم اوي هتلاقيه جزء بيمنع احتكاك البندقية لدراع التعمير اللي هوة ده
http://img24.imageshack.us/img24/751...51600x1200.jpg
و بعد كده تبتدي تخرج البستم بالمنظر ده لو عصلج معاك مدقش عليه حط شوية زيت
http://img18.imageshack.us/img18/573...01600x1200.jpg
و ده الحج بستم في اخر طريق الخروج
http://img688.imageshack.us/img688/4...11600x1200.jpg
ودي صورة البستم بعد لما خرج بالسلامة و الجلبة في المقدمة بتاعت البستم
http://img707.imageshack.us/img707/8...41600x1200.jpg
و دي بقى الحجات اللي اهم حاجة انها تتنضف
1- جسم البندقية ههههههههه او اللي اتبقى منها بعد التفكيك الجسم شامل دراع التعمير طبعا عشان هتلاقي عليه حجات سودة الحجات السودة دي طبعا شحم محروق
2- البستم بالجلبة بتاعته
3- السوستة بكل حجاتها
و الصورة دي للحجات اللي هتتنضف تاني
http://img269.imageshack.us/img269/9...71600x1200.jpg
اهم حجاة قبل ما تيتدي تنضف
قوم نضف ايدك الاول كويس و حط بلاستر على التعاوير اللي عملتها في ايدك و ريح شوية و سيب كل حاجة زي ما هية عشان انا متأكد انك تعبت جدا و عرقت
اه يا سيد
بس انا عاوز اسألك سؤال
ما الحجات اللي في الصورة قدامي دي نضيفة انا اقوم انضف البندقية ليه
بص انا مش هرد عليك و شكلي هجيب واحد تاني في الجزء التالت ان شاء الله
ده عشان انا يا ناصح كنت منضفها اساسا بس لما شوفت الناس الصراحة طالبة الموضوع ده
قمت عملته عشان خاطركم و فكيتها والله عشانكم
المهم
و انت بتنضف نضف البندقية كلها
طيب انضفها بجاز يا سيد
لا اوعى متنضفهاش بجاز خالص
طيب انا يا سيد الجاز بينضف احسن
خلاص نضف بيه
بس افتكر اني قولتلك بلاش يلا انت و نصيبك بقى
مش مستاهلة جاز يا عم و لو لقيت حجات مبتطلعش بالمنديل و الدعك كده بس
حط شوية زيت اي زيت بس طبعا مش زيت اكل
انا عن نفسي علطول شغال استعمال على زيت العربية الموبيل في ناس هتقول وحش و الله انا كنت مرة مزنوق و معنديش قولت اجرب ده و علطول بجربه و مبيعملش حاجة
المهم و تنضف السوستة كويس و تنضف المكان اللي البستم كان جواه يعني جسم البندقية من جوه يتنضف كمان و جوه البستم كمان الجزء اللي بنحط فيه السوستة بس كده خلي بالك تنضف البندقية كويس و بضمير مش تلاقي نفسك تعبت تقول انا هلمها بقى لا اوعى
احنا مش كل يوم هنفك البندقية
نبتدي نشحم بقى
نستخدم شحم esso fibrax 235 ده شحم حلو اوي
طب اشحم ايه يا سيد
تشحم السوستة ( تشحمها اوعى تزيتها التزييت غالبا بيتسبب في كسر السوستة )
البستم بالجلبة
دراع التعمير
الجزء اللي دراع التعمير بيحتك بيه
بس كده
متفتريش في الشحم
بعد لما شحمنا
نروح ننضف ادينا بقى عشان نركب على نضيف خلي الشغل نضيف * نضيف البندقية هتبقى معاك 100 100
نبتدي نرجع البستم زي ما كان و ندخله على الاخر زي ما كان الفتحة اللي بالطول بتاع جسم البندقية يبقى ماشي مع فتحة البستم بعد لما يخش للاخر
بعد كده نشحم الجزء اللي دراع التعمير بيحك فيه
بعد كده نرجع دراع التعمير زي ما كان ندخله تاني بالمنظر ده
http://img839.imageshack.us/img839/1...61600x1200.jpg
بعد كده نرجع مجموعة الزناد
بعكس العملية برده
http://img18.imageshack.us/img18/986...21600x1200.jpg
ندخل بقى السوستة برده عكس العملية
http://img718.imageshack.us/img718/1...31600x1200.jpg
بعد كده نضغط تاني و نركب المسمار اللي فكيناه ( عكس عملية فك السوستة )
http://img718.imageshack.us/img718/1...51600x1200.jpg
بعد كده نبتدي نربط الصامولة تاني و نرجعها هية بالوردة بتاعتها اوعى تنسى حاجة
http://img695.imageshack.us/img695/9...21600x1200.jpg
و نرجع دراع الامان بعكس العملية زي ما ركبناه معلش بقى نسيت اصور الخطوة دي
و بعد كده نرجع الجزئين البلاستيك بالشكل ده
http://img687.imageshack.us/img687/7...71600x1200.jpg
و نرجع الجزء اللي عامل زي الاسطوانة اللي فكيناه ده زي ما كان بالشكل ده
http://img846.imageshack.us/img846/5...31600x1200.jpg
بس كده احنا خلصنا مفاضلش انك تربط البندقية في الدبشك بعكس اول عملية
http://img12.imageshack.us/img12/137...31600x1200.jpg
http://img683.imageshack.us/img683/5...41600x1200.jpg
http://img27.imageshack.us/img27/374...61600x1200.jpg
http://img34.imageshack.us/img34/174...51600x1200.jpg
و خلاص على كده مبروك البندقية كده جديدة
اه تمام يا سيد
اه اديني بنبه اهو محدش يفك حاجة دلوقتي لغاية لما تتقن الموضوع نظري
و اس استفسارات على الفك و التركيب تكون على العام هنا في عشان الكل يستفيد مش على الخاص ده طبعا على حاجة لو انا مش قايلها بس انا مصور كل الخطوات
المهم
كده احنا خلصنا على جزء مهم
دلوقتي نخش على جزء تاني
تاني هوة فيه تاني يا عم
اه طبعا فيه لسة فيه حجات كتير لسة هنتعلمها بعدين
اه زي ايه
اهم الاعطال و طريقة التعامل معها :
1- البندقية و انا بضرب رشة الاقيها بتطلع نار او دخان : ده مش عيب ده شحم زيادة او زيت و بيتحرق و بيتبخر مش مشكلة
2- البندقية ضعيفة اوي : 1- الجلبة اللي حولين بيت الرش داخلة لجوة و بتسرب 2- الجلبة اللي على البستم من جوة مقطوعة و بتسرب 3- البندقية مش متشحمة كويس و بتحك في بعضها
3- البندقية بعمرها ناشفة اوي ومبتتعرش : 1- دراع التعمير بيحك في البندقية جامد ده اشهر عيب و بتلاقيه عند كل الناس و بتقول عليها مشكلة كبيرة لا كبيرة ولا حاجة
4- البندقية مقاومتها قلت عند التعمير جامد بس بتضرب و ضربها ضعيف : البندقية سوستها اتكسرت و انا قولت ازاي تفكها و تركبها تاني عادي
5- الزناد سايب خالص : يبقى انت شحمته او زيته و دي غلطة كبيرة لازم تغسله بجاز عشان تضيع اثار الشحم
دي اشهر العيوب اللي بتواجهنا دايما
--------------
تمام يا سيد
طب بقولك انا نفسي اركب تلسكوب عاوزك بقى تقولي الزتونة بتاعت الموضوع
زتونة تاني
ده انت جاي تتعشى ( تاني )
المهم يا عم الحج
البندقية بيبقى فيها حزين ( مش شرط فيه بنادق مفيهاش ) لو مفيهاش حزين يبقى ميركبش عليها تلسكوب
اه تمام
طيب فين المكان ده
ادي يا سيدي المكان اللي بيتركب عليه و بيتربط بمسامير
http://img151.imageshack.us/img151/7...01600x1200.jpg
هوة ده
طيب ايه يا سيد الجزء ده
http://img18.imageshack.us/img18/726...91600x1200.jpg
ده اسمو استوبر
ده بيثبت التلسكوب و فيه منو نوع بيتركب على طول الحزين
طيب ايه الفرق
الفرق ان الكبير بيدي ثبات اكبر للبنادق الهاي بور
اه
طب عندك صور ليه
اه ادي صورة ليه
http://www.dianawerk.de/fileadmin/gi...paMount_gr.jpg
اه طيب انا يا سيد بسمع ارقام غريبة اوي
يعني ايه 3-7*50 و 3-7*20
و الكلام ده
بص يا سيدي
3-7 دي قوة الزووم
50 دي قطر العدسة فهمت
طيب ايه الفرق بينهم
ابدا الكبير 50 مثلا العدسة بتاعته اكبر من 20
فبتشوف احسن
اه طيب ده بيتظبط زي النشان
اه طبعا
و ليه طريقة و هية دي على الفيديو ده
معلش بقى انا معملتلكش شرح على تلسكوب عندي عشان انا معنديش و مليش فيهم اوي
ده احسن فيديو شوفتو عن الظبط

YouTube

اه تمام يا سيد
بس كده عايز حاجة تاني
لالا يا سيد انت كده تمام يلا بقى نزل الموضوع على موقع الصيد في مصر عشان الناس المبتدئين اللي زي حلاتي كده يلاقوا كل اللي هما عايزينه ان شاء الله في الموضوع
خلاص من عنيا الجوز و مناخيري اللوز
بس كده احنا خلصنا
الموضوع غير منقول و حصري لمنتديات الصيد في مصر
ممنوع النقل غير لما اللي عاوز ينقل ياخد رأيي و رأي الادارة
ارجو التثبيت