المشاركة الأصلية كتبت بواسطة griffin (المشاركة 399231)

شكرا ليك أن شاء الله الموضوع يكمل على خير
بص أنا أتعلمت من تجاربي القديمه أن حتى لو حاجه ما نفعتش فأنا بكون على الأقل خت خبره و لو لا قدر الله ال pcp مانفعتش يبقى على الأقل كلنا أتعلمنى حاجه
بس أنشاء الله تنفع :d
بصراحه أنا أكتر جزء خايف منه هو المنظم لأنه محتاج خرم عامل زي الفونيه (وهوه معمول من الأستنليس و ده معدن صعب جدا في التقطيع) و متهيئلي أنه أحسن حل أنه يتخرم بالليزر :eek:

بس طبعا مش عارف هلاقي ولا لأ :d

المشاركة الأصلية كتبت بواسطة Champion (المشاركة 399404)

سؤال سريع و مش في مكانه :)
يعني ايه بندقيه pcp ?
,و تفرق ايه عن الرش ؟

المشاركة الأصلية كتبت بواسطة Griffin (المشاركة 397608)

الألومنيوم ده مالوش مواصفات معينه أعتقد أنه الومنيوم صافي و هستعمله للأجزاء السميكه زي المنظم و ال valve
السوسته دي للشاكوش بس بيتهيألي هشتري واحده أقوى منها

المشاركة الأصلية كتبت بواسطة Griffin (المشاركة 399635)

طيب تعالى نفكر بطريقه علميه و مش مجرد تخمينات
ال yield strength و ال ultimate strength بتوع الألومنيوم الصافي بكام؟

المشاركة الأصلية كتبت بواسطة Griffin (المشاركة 399378)

أنا أول بندقيه رش مسكتها في حياتي كان من خمس شهور :D
حضرتك عندك خبره أد أيه؟؟
الموضوع بتاع ال pcp ده جديد على أي حد فالناس ألي بتعتمد على الخبره في شغلها بدل ما تفكر بنفسها هيكون شكرا كده دورهم خلص
الشخص العادي هو الي بيتعلم من أخطائه أما الشخص الذكي فهو الي بيتعلم من أخطاء الأخرين
تحب تكون مين؟؟
تفكر بنفسك و تتعلم من أخطاء الأخرين قبل أخطائك
ولا تستنى الخبره الي عمرها ما هتجيلك لوحدها على الجاهز؟؟

أنا أسف لو كلامي مستفز بس أنا صدقني همي مصلحتك و مصلحه كل الناس الي موجوده هنا و بدعوهم يعلموا نفسهم و يجربوا زي ما أنا بعمل

أنا ماكنتش بعرف أي حاجه عن البنادق بس لما بحب أعرف معلومه بدور عليها الأول و مابخدش معلومه من مصدر واحد لكن كذا مصدر و بحكم عقلي و لو كل ده منفعش سعتها بسأل

المشاركة الأصلية كتبت بواسطة Griffin (المشاركة 400425)

أنا رحت أشتريت شويه (ورد طبق) و دي هي هتكون السوسته الي بتقفل المنظم عند ضغط معين
السوست العاديه عمرها ما تستحمل ضغط 200 بار و مش هتشتغل أصلا فعلشان كده بيستعملوا الورد ديه بترتيب معين يعني الورده الواحده عامله زي ال قوس ده ( و لو أترتبوا كده:
()()()() هيكونوا عاملين زي السوسته لو السوستع ضعيفه ممكن الترتيب نعمله كده:
(())(())(()) و السوسته مش ممكن قوتها تتحسب لكن هي بتتجرب و تتقاس و تتظبط على ضغط :D

المشاركة الأصلية كتبت بواسطة Griffin (المشاركة 400577)

الوره الطبق دهالأسم المصري الي بقولوه بتوع العدد و الألات على ال spring washers
لو تعرف أيه هي الورده العاديه هتكون سهلت عليا بس يمكن في لبيا مش بتسموها ورده
الورده هي الديسك المعدن المثقوب الي بيطحت قبل ما تربط المسمار
الورده الطبق نفس الشكل ده بس مقوسه عامله زي الطبق
تخيل أنا طبعا ماكنتش أعرف الأسامي دي و بروح أفضل أوصف للراجل علشان ما قولوش spring washers :D

بس خلي بالك في أنواع كتير من ال spring washers أكتر نوع معروف هو النوع ألي عامل زي مايكون حلقه مقصوصه من سوسته
و كمان في ألاف المقاسات و أنا مش ببالغ ألاف أقصد بيها ألاف فعلا

المشاركة الأصلية كتبت بواسطة bebeto (المشاركة 403081)

وصلت لإيه يا كبير ؟؟؟؟ فاضل كتير ؟؟ ههههههههههه

المشاركة الأصلية كتبت بواسطة Griffin (المشاركة 402865)

كلام حضرتك مظبوت 100%
أنا أول ما أبتديت التصميم بتاع البندقيه مكنتش عاملها ترباس كنت عاملها عتله جانبيه علشان أقدر أحط الميكانزم ألي أنت بتتكلم عنه بس ماعرفتش أعمله
السبب الأساسي هو المشكله الموجوده في الخلوص
بص معايا كده علشان أنا ملقيتلهاش حل بس ممكن حد تاني يعرف (هي معموله في مسدس منافس لل edgun أسمه cricket)
الذراع بتاع الترباس لازم يرجع لورا مسافه 30 مم قبل ما المكانزم بتاع الساقيه يشتغل و يلفها
ال 30 مم دول هم الخلوص اللازم يحصل علشان الترباس يخرج من الماسوره و الجزء الأمامي من البلوك و الساقيه نفسها المشكله ألي واجهتها لأنه بعد ما يرجع ال 30 مم هيكون فاضل بس 10 مم يرجعهم و في ال 10 مم دول مطلوب يلف الساقيه
غير كده لم جيت فكرت فيها لقيت أنها محتاجه أجزاء رفيعه جدا و كلها معموله بدقه جدا و خراطه الأجزاء دي منغير cnc مستحيله
فأنا عملت حسابى أن في المستقبل ممكن أبدل الجزء ألي فيه الترباس بالجزء ألي حضرتك فكرت فيه و بعدين قلت لأ طب ماهو العلم أتطور أكتر و بقى فبه ألكترونيات فممكن أشيل الجزء ده و أحط مكانيزم ألكتروني حيكون أسهل و أدق و أصغر و كمان semi-auto

المشاركة الأصلية كتبت بواسطة griffin (المشاركة 403253)

كلامك أكتر من ممتاز بس أنا معرفتش أنفذه يا ريت لو تساعدني برأيك
الساقيه 32 مم عرض بتشيل 10 رشات الزاويه 36
الرسم فيه الساقيه بالمقاسات شوفها و قولي أيه رأيك في التعديلات الممكنه

متنساش حضرتك أنها هتتخرط فا ياريت لو تقولي مش بس التصمييم لأ و هيتنفز أذاي :d
هههههههههههههههههههه

المشاركة الأصلية كتبت بواسطة sofyan (المشاركة 451282)

مرحبا
حسيت ان الموضوع غريب عندكم؟؟؟
مش عارف ليش مافيش اي تعليق علي الموضوع!!
ياجماعة انا مش عاوز شكر انا عاوز تقيم او ملاحظات

تحياتي

المشاركة الأصلية كتبت بواسطة haninie (المشاركة 451802)

السلام عليكم
احب اولا ان اقول لك ربنا يوفقك وتنهى المشروع بالشكل الذى يسعدك
ثانيا الموضوع عندنا ليس غريب انما به من صعوبات لدينا اكثر من اللازم تجعل الكثيرين يفقدون اهتمامهم انما يوجود من قام بإنجاز شىء ولكن ليس بالكثرين فلذلك لن تجد كثرين مهتمين
و بالتوفيق