المشاركة الأصلية كتبت بواسطة جنرال (المشاركة 123188)

يا جماعة أنتوا ليه عايزين تراخيص وتاعبين نفسكوا الدفاع الشرعي عن النفس أمر أقره الدين - الذي هو أعلى من القانون - (من مات دفاعاً عن شرفه وعرضه وماله فهو شهيد ) أو مامعناه - يبقى الي يمنعك من الدفاع عن نفسك يعرض حياتك وأموالك للخطر.الذي عايز يدافع عن أهله وممتلكاته مايهمهوش ولا ترخيص ولا نيلة.هو لو واحد حرامي دخل بيتك ومعندكش تصريح ولا حتى مسدس حتقوله بعد إذنك أطلع ترخيص ولا حتضربه بأي حاجة حتى لو سكينة؟(والسكينة طبعا سلاح أبيض ضد القانون) ؟في حاجة أسمها دفاع شرعي عن النفس سواء في الدين أو القانون الوضعي وده أنك تدافع عن نفسك.أنا فاكر قصة فتاة العتبة لما الناس كانت بتتفرج ومحدش إتدخل فالشرطة قالت اللي ممكن يتدخل في هذه الحالة لا يُعاقب وتكرر نفس الأمر في وقت هوجة العمليات الإرهابية.يبقى إسلوب الشرطة هو التعطيل.فمافيش فايدة إلا بصورة قانونية زيبقى مانضيعش وقتنا ونحرق أعصابنا ونخللي ناس ذي اللواء ده يضحك علينا.اللي عنده خلفيه في القانون أو محامي يجمع توقيعات ويقدمها للنائب العام مثلا على أن نظام الشرطة يعرقل قيام المواطنين عن الدفاع عن أنفسهم .أو مثلا نجمع توقيعات ونروح المجلس الأعلى للقوات المسلحة نطلب إستثناء وكل واحد يكتب تعهد أنه يتم القبض عليه وإلغاء التصريح في حالة إستخدامه بصورة غير قانونية.عارف أن كل الناس متضايقة وبتضفضفض بس ماتنسوش وجه نظر الشرطة برضه أن مش كل الناس محترمين.يبقى لازم نفكر بعقل.

المشاركة الأصلية كتبت بواسطة جنرال (المشاركة 123204)

أنا متفق معاك بس ذي ما أنا شايف أن حضرتك مهندس مش حايعملوك ذي واحد مش متعلم مثلا.وبعدين يا سيدي إبقى إضربة في رجلة .هو لازم في دماغه يعني.ولا حتى أضربه في دماغه وأضرب واحده في الهوا بسرعة مش حايبان أنهى أضربت الأول .لاعبهم يا باشا طالما هما عايزين اللعب.
أما عن الأيه الكريمة فهي ليست عن الدفاع عن النفس ولكن عن الجهاد والإعداد يعني التدريب البدنى وتخزين المواد الغذائية والتدريب على السلاح وخلافة مش حيازة السلاح بصورة مباشرة.
مع إحترامي لحضرتك.

المشاركة الأصلية كتبت بواسطة smart141366 (المشاركة 123331)

الاخوة الافاضل احنا كدة هنقعد نتناقش بكلام بينا وبين بعض بس بدون اى فعل ومحدش هيسأل فينا انا مع الاقتراح الخاص بتجميع توقيعات وارسال طلب لتسهيل الاجراءات بس طبعا دة هيكون صعب لاننا من مدن مختلفة اغلبنا وهيكون صعب ان حد يفضل يلف يجمع توقيعات يعنى الطلب دة غير عملى و انا اقترحت اقتراح نحدد يوم او اثنين او حتى اسبوع وليكن مثلا من يوم السبت القادم وحتى نهاية الاسبوع وكل واحد من مدينتة وجنب بيتة يرسل فاكس من اقرب مكتب فاكس لرقم الشكاوى بالداخلية ودة هنحددة مسبقا ونتفق على الرقم الى هنبعت علية اعتقد ان الحل دة مش هيكون فية ارهاق للاعضاء ولا تكلفة اكثر من 30قرش ثمن الفاكس المحلى وهيكون لتصرفنا دة صدى كبير انشاء اللة ولو جاب نتيجة ملموسة اهلا وسهلا مجبش نتيجة ومحصلش استجابة نحدد رقم جهه اعلى لمخاطبتها مثل مجلس الوزراء وديتها 30قرش كمان فى اقرب سنترال وهاكذا لحد مطلبنا ما يتحقق ودة طبعا بعد ما ننشر الاتفاق دة فى المنتدى وبين الاعضاء كلهم عشان عدد الفاكسات يزيد وبكدة نبقا بنعمل الى فى المستطاع ومنبقاش بنتفرج ونشكى لبعض و بنتكلم وبس لكن للاسف لما افترحت شىء ممكن تنفيذة عمليا وفية نوع من الجد محدش رد عليا خالص والكل تجاهل الكلام العملى ودخلنا فى مناقشات صماء

المشاركة الأصلية كتبت بواسطة جنرال (المشاركة 123350)

باشا حتى لو كلنا من مدن مختلفة في حل بسيط وهو توكيل أحد المحاميين من أبناء المنتدى لتقديم طلب بهذا الموضوع في الجهه اللي يراها مناسبة.يبقى كده حلينا موضوع البعد عن بعض ووريناهم أننا ماشيين قانوني بس الفاكسات يا إما حاتترمي في الزبالة أو ماعندهم أصلا ورق للكم الهائل من الفاكشات اللي حاتتبعت فيقفلوه أصلاً.

مع إحترامي

المشاركة الأصلية كتبت بواسطة ahmed914 (المشاركة 123509)

المشاركة الأصلية كتبت بواسطة ahmed914 (المشاركة 123531)

المشاركة الأصلية كتبت بواسطة remah (المشاركة 123723)

يجماعه في فرق كبير قبل و بعد الثوره و انا شخصيا مستبشر خير المتحدث الرسمي قال من حق اي موظف عام الدفاع عن نفسه

المشاركة الأصلية كتبت بواسطة الصقر المصرى (المشاركة 124998)

المشاركة الأصلية كتبت بواسطة smart141366 (المشاركة 68645)

اولا انا عملت اكثر من موضوع اطلب معلومات وافادة من الاخوة بس محدش رد عليا خالص كانى فى الصحراء الشرقية بس دة مش هيخلينى ابخل عليكوا بخلاصة تجربتى النهاردة لاستخراج رخصة سلاح حى
اولا التصريحات شغالة مش واقفة ذى ما فى ناس كثير هنا كانت بتضللنا وتقول انها واقفة
وهى بتطخ ومش عارفة اى حاجة دى شغالة والناس كثير بتستخرج ولو واحد بس كان عرفنا وقال انها شغالة من بداية الاحداث كان زمانا طلعنا الرخصة وخلصنا
ثانيا الاجراءات هتروح القسم ومعاك شهادتين باطنة ونظر لاستخراج رخصة سلاح تاخد طلب تملاء وتعمل فيش الطلب والفيش فى القسم ثم تمضى على اقرار بانك معندكش امراض نفسية تقدم شوية الورق دة وتاخد جواب تروح بية مقر التدريب والرماية التابع لمحافظتك وبعد متخلص التدريب يدوك شهادة ترجع بيها القسم تضم لملفك وتروح الامن العام للموافقة على الرخصة انشاء اللة .
لحد هنا كويس مكنش حد غلب كلنا كنا طلعنا المشكلة بقا فى شروط الامن العام وهي كالاتى:
لا يكون عليك اى احكام قضائية فى حيازتك ارض زراعية او محل ذهب او تجارة ضخمة شركة كبيرة محلا جامدة وليها اسم مش عندك سايبر يعنى ولا سوبر ماركت هه او شغلك مندوب مشتريات لشركة كبيرة وتجيب موافقة من الشركة الى انت بتشتغل فيها انهم بقيدولك مبالغ ضخمة تسافر بيها او تكون بدرجة مدير عام فى اى مصلحة حكومية فيما فوق او ظابط سابق
لو عرفت توفى شرط من دول جنب شوية الورق الى قلنا علية فوق مبروك عليك الرخصة وعلى فكرة انا طلع عينى عشان الم كل المعلومات الى قدامكم دى بس مش خسارة فيكم على اللة بقا لما اطلب الافادة من حد اطنش كالعادة :d

المشاركة الأصلية كتبت بواسطة smart141366 (المشاركة 125169)

الاخ صقر الصقر المصرى نورت موضوعنا بمشاركاتك وانا متفق معاك فى مطالباتك برابطة وتوكيلات ونشر الفكرة برة المنتدى والفيس بوك وتويتر كمان لو تحب بس يسروا ولا تعسروا وبشروا ولا تنفروا انا اختارت الفاكسات وعلى مستوى المنتدى تسهيلا للاعضاء الفاكس اسهل من التوكيل والنشر جوا المنتدى اسهل من النشر جوا مصر بس احنا ننفذ الفاكسات وجوة المنتدى ونوحد كلمتنا ونبقا يد واحدة ونشوف جدية الاعضاء ومدى الالتزام وهنقدر نتوحد جوا المنتدى على فاكس بس وليك وعد منى ياسيدى لو نجحنا فى دة اصلا نعمل حاجة اكبر ذى التوكيلات وننشرها كمان على الفيس بس خطوة خطوة عشان منبقاش بنشتغل نفسنا كام واحد هيسيب شغلة وينزل يروح الشهر العقارى ويدفع رسوم التوكيل ويقف فى الطابور لو الناس قدرت على لفاكس ربنا يكرمن ونشجعهم على الى اكبر منة واكيد الفاكس الموحد دة هيكون لية صدى وانشاء اللة يحل المشكلة وانا وضحت انة مش هيكون للداخلية بس هنبتدى بيالداخلية ونصعد جهه الفاكس لحد اعلى مستوى ومش عايزين المنتدى كلة انا عايز نص العدد الى شاهدوا الموضوع دة واستفادة من المعلومات الى فية يعنى قرابة 6000 فاكس دول كفيلين يعملوا اثر

المشاركة الأصلية كتبت بواسطة جنرال (المشاركة 125192)

مع إحترامي فيه فرق بين الجهاد والدفاع عن النفس , أما تاني نقطة فهي أن الأية الكريمة بترد في الجزء اللي حضرتك ذكرته (ترهبون عدو الله وعدوكم) يعني إخافة من عادى الله والمؤمنين .الدفاع الشرعي عن النفس - طبقا للقانون - أن حضرتك تدافع عن بيتك وممتلكات وخلافة يعنى دفاع أما الجهاد ففيه دفاع (ذي الدفاع عن الممتلكات والعرض وخلافه) والهجوم (ذي حالة الحرب أو رد الإعتداء أو تحرير الأرض) فالجهاد أوسع من الدفاع عن النفس والدفاع عن النفس جزء من الجهاد . بمعنى مش هما حاجة واحدة.اما الإعداد - وكما ذكرت حضرتك - مش سلاح بس يعنى ماينفعش واحد يجاهد ويسيب زوجته أو بنته لوحدهم أو والد أو والدة لا تقدر على إعانة نفسها.الإعداد مش بس سلاح ز والإرهاب مش بس سلاح أحنا لو إتعلمنا كويس حيخافوا ولو صلينا الفجر حيخافوا .فالموضوع أعم من مجرد حمل السلاح.
للتوضيح فقط
مع إحترامي

المشاركة الأصلية كتبت بواسطة الصقر المصرى (المشاركة 125216)

المشاركة الأصلية كتبت بواسطة جنرال (المشاركة 125221)

يا باشا أنا مش معترض خالص.أنا بوضح وجهه نظري ممكن تكون صح أو غلط.أما عن الصلاة والتعلم فالموضوع جه من منطلق الإجابة على تفسير الأية الكريمة أننا لازم نستعد فشرحت أن الأستعداد يكون بحجات كثيرة مش بالسلاح فقط.أما عن الصلاة تحديدا صلاة الفجر فيقال أن الرسول (ص) قال ما معناه أننا لن ننتصر على أعدائنا إلا عندما يمتليء المسجد في صلاة الفجر كما يمتليء في صلاة الجمعة.قصدي أن ده نوع من الإستعداد برضه .يعنى نبدأ من 1 مش ننط ل100 مرة واحدة.أما عن الحرامي اللي حيتردع لما يعرف أني معاي سلاح فده منطقي ولكنه غير قانوني بمعنى أنك حتى مع وجود التصريح لا يمكنك إظهاره أو حتى حمله في بعض الأماكن.اللي عايز أقوله أن الموضوع خطير وهام فلازم نتعامل معاه بحكمة . وللمعلومية تصاريح السلاح في العالم كله مش سهلة يعنى متفتكرش أنك بتروح محل تشتري سلاح وتدفع تمنه وتروح.لأ فيه تصاريح برضه وحتى مع التصاريح في إجراءات معقدة لشراء وغستخدام السلاح.فالسؤال الهام لة إفترضنا أن التصاريح بقت سهلة في مصر - وده ماأعتقدش حايصل أبدا لأن الموضوع ليه علاقة بالأمن العام والأمن القومي - هل سيكون السلاح في أيدي أمينة؟حضرتك محترم بس السلاح في الحالة دي مش للمحترم بس ده لأي حد طالما أنه حق. فتيسير التصاريح لازم يتبعه غجراءات صارمة للحصول عليه.لأنه كمان لو كل الناس خدت تصاريح حتلاقي السلاح بقى بمليون جنيه عاشان كل الناس عايزه (ذي الصوت دلوقتي اللي بيتباع أغلى من الحي من سنه أو خارج مصر).
مع إحترامي

المشاركة الأصلية كتبت بواسطة smart141366 (المشاركة 125240)

اخى الصقر المصرى شكرا لردك مع احترامى لية بس اسمحلى اعقب على (وبقولهالك عن ثقه هتترمى فى اقرب صفيحه زباله ده ان بصوا فيها او استقبلوها من الاساس خاصه ان العدد مش هيكون كبير لا سته الاف ولا حتى ستين الف هيهزوا شعره فيهم وخدها منى كلمه ثقه هيعملوا ودن من طين وودن من عجين) حضرتك استخدمت ضمير الغائب فى (بصوا , استقبلوها,شعرة فيهم ,هيعملوا ودن ) اعتقد ان ضمير الغائب دة بيعود على الداخلية ومعنى دة ضمنى ان حضرتك عذرا ماخدتش بالك من قصدى انى ابتدى بالداخلية واصعد للجهات الاعلى مع تاكيدى للجهات الاعلى دى انى لجئتليهم بعد ما الداخلية تجاهلت فاكستنا ورمتها لو دة حصل والجهات دى ذى رئيس الوزراء ومجلس رئاسة الوزراء والمجلس الاعلى للقوات المسلحة وهاكذا ولو كنت حضرتك فهمت قصدى دة فهل ضمير الغائب الى حضرتك بتستخدمة دة مقصود بية كل الجهات دى هتعمل نفس الشىء من تجاهل ورمى للفاكسات فاسمحلى انا معترض معاك فى دة لان الجهات الحكومية بتهتم بالفاكسات انا موظف باحدى الوزارات الحكومية وعارف يعنى اية فاكس والفاكس بيكون لية ورقة اسمها ريسيفيد فية بيانات الفاكس وعدد الورق وساعة التسليم للجهة المرسل ليها بتاخدة لما ترسل الفاكس ومن حقق ترجع وتابع ببيانات الريسفيد دة وتشتكى كمان لو فاكسك ضاع بالخطء مابالك بالاف الفاكسات وكل فاكس بياخد رقم .