|
رد: الموضوع الشامل للمبتدئين
10\10 انت حببتني فيهم بس للاسف انا المبلغ الي معايا مينفعش اجيب بيه بندقيه لغرض الصيد انا دلوقتي معايا 800 جنيه وبدورعلي حاجه للحمايه انت عارف الاحوال دلوقتي عملا ازاي فا الاولويه للحمايا
|
رد: الموضوع الشامل للمبتدئين
اقتباس:
وكل اللى ادرت اعمله انى وضعت رقبتها امام فوهة البندقية وسميت وضربت اتمنى من الاعضاء الافاضل ان يوضحو هل صحيح ما فعلتة ام ما هو الحل ؟ |
رد: الموضوع الشامل للمبتدئين
اقتباس:
لأن الصيد إذا أمسكته حياً , يصبح حكمه مثل الذى نربيه , فهل يجوز أن تفعل ذلك بالحمام الذى تربيه فى البيت مثلاً ؟؟؟ طبعاً لا. والصيد الذى فعلت به ذلك لا يحل أكله هذا رأيى والله أعلم. |
رد: الموضوع الشامل للمبتدئين
اقتباس:
كلام سليم يا دكتور محمد .. واعتقد ان اى حيوان او طير لازم يتم ذبحة .. لخروج مادة معينة مع الدم .. حضرتك طبعا تعرف المسائل دى احسن منى بكتير .. فياريت لو تشرحهلنا فى موضوع خاص كامل .. اكون شاكر لحضرتك .. تحياتى |
رد: الموضوع الشامل للمبتدئين
سلام عليكم انا عضو جديد معاكم هنا فى المنتدى احب اوجه الشكر لصاحب الموضوع على شرحه الوافى
كان لى سؤالين ممكن صور واضحه لاجزاء البندقية (( الرمسيس على الأقل )) من الداخل و اسمائها و فايده كل جزء ايه ((( الجزء التانى من الموضوع الصور مش واضحة ))) معايا رمسيس نمرة واحد من 15 سنة ياترى الرش نمرة واحد يوقع الحمام و الجمام ولا عصافير بس لان الجمامه كانت واضحه امامى و ضربتها من مسافة معقولة كل اللى عملته الطلقة انها نتفتلها شوية ريش من جسمها و طارت مع انى متاكد من اصابتها علما بان نوع الرش اللى كنت بستخدمه اسمه (( عبد الجواد ههههههههه)) الصياد العادى المفروض بتكون نسبة الاصابة للخطأ كام لكام ((( يعنى مثلا لو معايا علبه رش فيها 100 رشة و صوبتهم كلهم على طرائد هوقع منهم كام واحده لو انا صياد عادى ببندقية رمسيس ن1)) اخر حاجة بالنسبة لصياد هاو عايز يتخطى مرحلة الرمسيس ن 1 بشرط التعمير بالعتله و وجود خزنه ان امكن دون ان اتعدى مرحلة 1500 جنيه و طبعا البندقيه تدعم تركيب التليسكوب ياترى ايه افضل خيار امامى بشرط احس بفارق ملحوظ عن الرمسيس ن 1 من حيث الدقة و القوة و المدى المؤثر و حجم الطرائد ((يمكن زيادة الميزانية اذا لم تحقق ال 1500 شرط العتلة )) |
رد: الموضوع الشامل للمبتدئين
اسف يا جماعة جدا على التأخر في الرد
بالنسبة للاستاذ talha_hasan الالماني او الاسباني مش هتفرق عادي كله بيصطاد بس اكيد الالماني احسن و و الله لو مصري بيصطاد برده بالنسبة للاستاذ محمود صالح لازم يكون معاك سلاح حاد للذبح غير كده مينفعش و الموضوع ده حصل معايا قبل كده و مأكلتهاش و اديتها لقطة ماشية في الشارع لازم يكون معاك سلاح للذبح و بالنسبة للاستاذ ahmadkhalaf طبعا غلط و الاستاذ dr_mohasan قالك الحكم الصحيح و بالنسبة للاستاذ a7md10 كل البنادق من جوه نفس الشكل من جوه الا اختلافات بسيطة ممكن مجموعة الزناد مثلا مفيهاش امان غير كده كله واحد و بنفس المبدأ و العتلة نفس الكلام الفرق بس في حجات بسيطة يعني لو عرفت تفك دي هتفك دي و معلش الصور اللي في الجزء التاني حضرتك قصدك على انهو جزء مع اني شايفها بس لو محتاج جزء مش فاهمه قولهولي في الجزء التاني و انا هصورلك الخطوة تاني و بالنسبة للرمسيس شغالة و كويسة و بتصطاد بالنسبة للمشكلة اللي عندك انت بس تنشن في مقتل الرأس الجناح كده يعني و الوضع هيتحسن معاك ههههههههههه انت بتهزر و لا بتتكلم بجد عبد الجواد مسمعتش عنه الصراحة استعمل الرماية او المارسمان المصري و جرب بالنسبة للنسبة و الله مفيش نسبة ثابته للموضوع ده بتختلف من واحد لواحد والله لو عاوز مدفع يبقى البام الصيني بس مش دقيقة زي الرمسيس لكن لو ركبتلها تلسكوب هتبقى 100 100 فيه بقى الكرال العتلة مع واحد صاحبي و مجنناه مش مريحة خالص بس انت تشوفهم و شوف انت انهو الي عجبتك اكتر و شكرا لكل الناس اللي شاركت في الموضوع و معلش لو اتأخرت في الرد |
رد: الموضوع الشامل للمبتدئين 2
انا جاوبتك في الموضوع على الاسئلة اللي حضرتك طلبتها
و بالنسبة للاستفسارات الجديدة اه عادي و يا ريت لو تصورلي الجزء اللي حضرتك قصدك عليه عشان مش واخد بالي بالنسبة لموضوع التعمير المشكلة ان دراع التعمير بيحك في جسم البندقية و محتاج تشحيم و انت مش محتاج تفكها كلها انت بس هتكسر البندقية و ترفع دراع التعمير زاوية 90 زي منا قلت بس متفكهوش شحمه و هوة في مكانه بس كده و بالنسبة تزييت او تشحيم انا بفضل التشحيم لدراع التعمير و لو هية شغال و مفيهاش عيب غير التقل في التعمير يبقى متفكهاش كلها انت تشحم بس دراع التعمير و الشحم اسمه esso fibrax 235 العلبة النص كيلو منه ب 17 جنيه و الزيت اوعى يكون wb40 ده و لو هوة اوعى تستخدمه استخدم زيت الموبيل زي منا قايل فوق بس لو المشكلة طلعت من دراع التعمير بس يبقى مش محتاج غير انك تشحمه منغير فك ولا بتاع انما لو محتاجة و لقينا عيب تاني يبقى نفكها و معلش لو اتأخرت في الرد |
رد: الموضوع الشامل للمبتدئين
اقتباس:
اقتباس:
اقتباس:
يعنى ايه بندقية مدفع تقصد بندقية للمحترفين ؟؟؟؟ طيب ايه مشاكل الكرال العتلة ؟؟؟؟ و ياريت لو ترشحلى نوع تانى عتلة برضه بس يكون دقيق و قوى و يجيب الطرائد الكبيرة و المدى المؤثر و يا حبذا لو يكون بخزنة لو سعره كويس لو الخزنة هتخلى سعره نار بلاش خزنة .... أهم حاجة العتلة شكرا جزيلا لحضرتك و جعل الله مساعداتك لاعضاء المنتدى فى ميزان حسناتك |
رد: الموضوع الشامل للمبتدئين 2
الحمد لله ربنا و فقنى و قدرت افك الرمسيس ن 1 حته حته عشان اعملها الصيانة
ممكن اعرف ازاى اصينها يعنى ايه هى الأماكن اللى هتحتاج تشحيم و ايه هى الاماكن اللى محتاجة تزييت و ايه افضل نوع شحم استخدمة و افضل نوع زيت استخدمه تانى حاجة فى جز من داخل البدقية عبارة عن اسطوانه رفيعة قطرها أقل من قطر السوستة اتنطرت مع الصامولة الخلفية اللى رابطة اسطوانة البندقية من الخلف و انا بفكها الاسطوانة دى فيها طرف مبطط ياترى اتجاه لداخل البندقية و لا لخارجها بالنسبة للبستم عاوز ارجعه مكانه مش عارف الجلبة بتحشر مش راضية تخلى البستم يدخل و خايف اتعافى عليها تتفرك و تبوظ |
رد: الموضوع الشامل للمبتدئين 2
اقتباس:
الاماكن اللي محتاجة تزييت و تشحيم و كذلك قايل برده نوع الشحم و الزيت زي ما قولت موبيل بتاع العربية و بالنسبة للجزء اللي حضرتك قصدك عليه ده الطرف المبطط يبقى لتحت و المشرشر لفوق لو ركزت برده هتلاقيني مصور الخطوة دي و بالنسبة للبستم شحم بس الجلبة كويس و متخافش اللي خلى البندقية تستحمل الضرب اللي جوه يبقى اكيد هتستحمل و انت بتدخلها عادي يعني انت شحمها كويس و لو مش راضية تدخل يبقى حط ورقة عليه من الاخر و دق عليه على الخفيف متتعافاش في الدق بس كده و اي استفسار تاني انا في الخدمة |
رد: الموضوع الشامل للمبتدئين 2
شكرا للافادة بس ياريتنى ما فكتها اديلى ساعة مش عارف اقفل البندقية من السوستة
لى كام استفسار كده انا نسيت انضف البندقية من الشحم القديم هيبقى فى مشكلة و الشحم اللى استخدمته لونه ابيض متخزن عندى من فترة كبيرة دا كويس و لا اجيب نوع تانى و ابدأ العملية من الأول مشكلة تانية يظهر انى شحمت بزيادة لدرجة انه الشحم بيخرج من مكان غرفة الهواء الفتحة المقابلة لمكان وضع الطلقة فى الماسورة اعمل ايه انا مستخدمتش زيت خالص فيها مشكلة ولا عادى |
رد: الموضوع الشامل للمبتدئين 2
لو السوستة مغلباك ممكن تستعمل كوريك العربية لو عندك
اللي هوة الاسود القديم ده مش الهيدروليكي العادي يعني و تركب بيه البندقية يأما تخلي حد يساعدك يأما توديها لحد يقفلهالك لو غلبتك اوي هوة اه لازم تنضف البندقية من الشحم القديم و تشحمها من جديد و بالنسبة للشحم ده معرفش والله مجربتهوش بس احسن تجيب حاجة متجربة زي اللي انا قولت عليه يأما علبة الشحم السعودي ده برده انا جربته لونه بيج و كويس مش مشكلة مستخدمتش زيت ولا حاجة و الشحم تقدر تشيل الزيادات عادي و اساسا بعد مده الزيادة بيخرج و بيتبخر من الحرارة عادي بس انت تركز شوية و نصيحة اخوية انت تسيبها دلوقتي و تبقى تكملها بعدين انا اول مرة فكيت بندقية كانت مغلباني و هتجنني و كنت هموت و بنهار ههههههه لكن ريحت شوية و استرخيت و استرجعت قوتي و ركبت السوستة و ربنا معاك و متقلقش عادي جدا سهلة و اقولك على طريقة كنت بستعملها لما بفكها انت تمسك في ايدك سفنجة او حتة قماشة و تخليها كده سميكة اكنك هتطلع حاجة من الفرن او احسن تستعمل الجوانتي بتاع الفرن و تضغط بأيدك على فوهة البندقية من فوق و تثبت البندقية بأيدك الشمال كويس و تخلي حد يركب المسمار اللي ماسك السوستة بس كده لو غلبتك انت تاخدها كده و تشوف اقرب محل صيانة يركبهالك و اهو برده تتعلم بس سهلة يعني ان شاء الله ممكن تعملها لوحدك و عادي لو مستخدمتش زيت مش مشكلة |
رد: الموضوع الشامل للمبتدئين 2
اوك بس المشكلة ان الرمسيس فيها حاجة غبية الا و هى ان نهاية اسطوانة البندقية بتغلق بغطاء حديد مقلوظ يعنى لازم اضغط و بعدين الف لغاية لما اقفل للأخر زى مل تكون بتربط مسمار قلوظ شفت الهنا اللى انا فى هههههههه
التانية نهاية البندقية نصف كرة يعنى مش هينفع اخليها على الأرض ولا على خشبة و اضغط من فوق لانها هتفلت على العموم انا هخليها الوقت لغاية لما اعيد التشحيم من اول و جديد لان زى ما قلتلى لازم اشيل الشحم القديم انا حقيقى عاجز عن الشكر |
رد: الموضوع الشامل للمبتدئين 2
لا العفو على ايه
و ان في الخدمة و في اي وقت بالنسبة ليك دلوقتي الموضوع صعب جدا تالت او رابع مرة ليك تفك البندقية هتحس انها لعبة يعني الموضوع بقى سهل جدا فاهم يلا ربنا معاك و استعمل بس شحم من اللي قولتلك عليه و ان شاء الله البندقية هترجع 20 سنة ورا و هتحس بفرق جامد |
رد: الموضوع الشامل للمبتدئين 2
اخيرا ركبتها اظاهر المصانع الحربية عندهم ضمير اوى
لى استفسار اخير فى بعض الشحم بيدخل فى الماسورة ياترى يأثر على الدقة و اجاه الطلقة لما تخرج من الماسورة |
رد: الموضوع الشامل للمبتدئين 2
طيب تمام الحمد لله
اول مرة متعبة شوية معلش بعد كده هيبقى سهل زي ما قولتلك الشحم اه هيأثر على الدقة لمدة قصيرة يعني اضرب بيها 10 رشات هتلاقيه اختفى تماما هوة بعد 4 رشات بيكون تأثيره راح اساسا بس بعد 10 هتحس انها عادي و رجعت دقتها زي الاول و اي استفسار تاني انا في الخدمة |
رد: الموضوع الشامل للمبتدئين 2
السلام عليكم موضوع رائع معلش اتأخرت عليك كنت بشترى البندقية ههههههه
طيب دلوقتى عندى مشكلة ومحدش بيرد عليها رد مقنع او محدش بيرد اصلاً انا عندى بندقية جامو هنتر 890 س شكل قديم واحد صحبى شحهمها وظبطها وانا هفك الدبشك الخشب وهظبطه عاوز اعرف ادهن جسم البندقية المعدن بإيه !!!!!!!!!! متعرفش علب رش نظيفة الوان عشان عاوز اموهها وتكون الوان مطفيه ومش بتطلع او حتى وصيلة إنها تترش اسود مطفى عادى ومش بيطلع برضه ! ولك جزيل الشكر |
رد: الموضوع الشامل للمبتدئين 2
الحقونى يا جماعة و ديت البندقية لواحد عشان يشحمهالى راح الباشا نضفها من الشحم القديم بجاز .....أعمل ايه؟؟؟؟
|
رد: الموضوع الشامل للمبتدئين 2
بالنسبة للاستاذ الصورة الرمزية omarara
بالنسبة لجسم البندقية المعدن فيه واحد صاحبي رشها دوكو عند واحد معرفة لكن لو انت وديتها لواحد هيخاف و مش هيعملك حاجة انت ممكن ترشها بالاسبراي فيه هنا عضو كان عملها قبل كده عادي و اول لما تطلع تبقى ترشها تاني مش مشكلة او ممكن توديها لورشة احسن هوة يرشهالك احسن بدل ما تعمل حاجة و متعجبكش في الاخر و بالنسبة للاستاذ a7md10 هوة تنضيف الجاز ممكن في اي حتة في البندقية الا الجلب لو محطش جاز على الجلبة يبقى مفيش مشكلة و لو اني بفضل انو ميحطش جاز اساسا بس خلاص هيبان معاك بعد فترة لو هوة حط جاز على الجلبة هتلاقيها اتقطعت في الاخر و تبقى تغيرها بس هوة اكيد فاهم يعني بس انا مبحبش احط جاز خالص على البندقية اساسا بس مش مشكلة هوة التأثير بيحصل لما بيحطه على الجلبة فبتلاقيها اتقطعت في الاخر |
رد: الموضوع الشامل للمبتدئين 2
للأسف انا مودتهاش لواحد متخصص انا ودتها لواحد سمكرى بتاع عربيات عشان يشحمها و جبتله الشحم و الزيت اللى انت قولت عليه لاقيته منضف السوستة بالجاز و غرقها كلها جاز ياترى اجيب جلبة تانية منين و ياترى لو شحمت البندقية على كده و قفلتها السوستة هتتكسر ولا ايه ..... ارجو الحل ؟؟؟؟
|
رد: الموضوع الشامل للمبتدئين 2
الصراحة انت بدأت الموضوع غلط خالص
مينفعش الصراحة توديها لسمكري عربيات خالص عشان هوة مبيفهمش فيهم فهيعاملها زي العربية الشحم بيتغسل بالجاز المهم هوة نضف السوستة بس بالجاز و لا نضف البندقية كلها لو نضف الجلبة كمان بالجاز يبقى تجيب واحدة تانية من محلات السلاح بقى اللي في مدينتك فتح الله مثلا فيه كذا محل على حسب مكانك و تشحمها ليه تاني هوة مش شحمهالك و نضفهالك ولا نضفهالك و شحمهالك بس و سايبهالك انت تركبها عشان انا مش فاهمك بصراحة هوة السوستة عموما بتتكسر لو حطيت عليها زيت كتير انا عن نفسي بفضل ابعد عنه اساسا في السوستة بالذات فبشحمها |
رد: الموضوع الشامل للمبتدئين 2
اقتباس:
هو ورش السلاح بيرشوا ؟ لو تعرف حد ممكن تقولى انا عارف واحد اللى هو شريف بتاع شبرا بس انا من اكتوبر مينفعش إنى اروح اسئله :confused: فمش عارف هيكون عنده ولا ايه الكلام |
رد: الموضوع الشامل للمبتدئين 2
هو الباشا رحتله و هو شغال فيها لاقيت الافندى بيغسلها بالجاز من جوه و بره و لما لاقيته غسل السوستة بالجاز قلتله متشحمهاش و سيبها على كده و مخليتوش يكمل عشان خايف لو شحمتها و ركبتها السوسته تتكسر جوه حتى الجلبة لم تسلم من الجاز ....... الوقت انا كده هغير الجلبة بس كنت عاوز جلبة أفضل بالمرة عشان تخلى الطلقة اقوى ياترى نوعها ايه و اجيبها منين ....... و بالنسبة لموضوع السوستة اعمل ايه عشان اضيع اثر الجاز
|
رد: الموضوع الشامل للمبتدئين 2
بالنسبة للاستاذ الصورة الرمزية omarara
اكيد ورش السلاح بترش او تعرف لها سكة يعني انا معرفش حد بره اسكندرية بصراحة ان شاء الله حد من اكتوبر يفيدك و بالنسبة للاستاذ a7md10 انا بقول احسن تروح لورشة سلاح في القاهرة زي ما الاستاذ omarara قال فيه ورشة لشريف بتاع شبرا يعملك البندقية و يغيرلك الجلبة عشان الصراحة موضوع الجاز ده غلط في غلط ازاي يغسل البندقية كلها بجاز عموما هوة بيتبخر فانت سيبه شوية يتبخر بس الجلبة هية اللي هتبوظ كده خلاص انت تروح بالبستم لاي واحد بتاع قطع غيار للسلاح و تخليه يديلك واحدة زيها و الاحسن تخليه يركبهالك على البستم و انت بتركبها تتبع الخطوات اللي انا كتبتها في الموضوع عشان انت متبعتهاش صح او مقولتش للراجل يتبعها يعني بس مش مشكلة خلاص اللي فات مات و تقرأ الموضوع تاني و كويس عشان انت مقرتهوش كويس و تركز فيه عشان متقعش في اخطاء تانية زي اللي حصلت دي و ربنا معاك و اي استفسار تاني انا في الخدمة |
رد: الموضوع الشامل للمبتدئين 2
سؤال تانى ياترى ينفع ابدل النشنكاه الخلفى و الامامى للرمسيس نمرة 1 بنشنكاه افضل زى مثلا نشنكاه فسفورى
|
رد: الموضوع الشامل للمبتدئين 2
ياباشا عندى سؤال معلش
انا لسه مشترى نوريكا سبورت بس حاسس انها ضعيفة شوية ! وانا ببص على الكلام المكتوب عليها لقيت مكتوب (f) هو كل السبورت فرجن f !! |
رد: الموضوع الشامل للمبتدئين 2
اقتباس:
|
رد: الموضوع الشامل للمبتدئين 2
بالنسبة للاستاذ a7md10
ممكن كل شيئ جايز فيه انواع كتيرة انت تاخده و تروح تدور على واحد زيه او تلون النشان الامامي و الخلفي باللون الفسفوري و الاستاذ جمال عمل موضوع قبل كده عن الطريقة و بالنسبة للاستاذ omarara الاجابة زي ما الاستاذ سمير حبيب قلبي جاوبك ان النوريكا سبورت مش هاي بور هية متوسطة القوة |
رد: الموضوع الشامل للمبتدئين 2
يا شباب ممكن استفسار بخصوص النشان مع الرمسيس ن1 معظم الطير اللى بصطاده لما تكون الزاوية لفوق من 30 الى 60 درجة نادرا ما اصيب اذا كانت الزاوية لفوق اعلى من 60 درجة الى ال 90 درجة و تنعدم الاصابة اذا كان اتجاه البندقية للأسفل ...... حد يعرف ليه ؟؟؟؟؟؟؟؟؟؟؟؟؟؟؟؟؟؟
|
رد: الموضوع الشامل للمبتدئين 2
اقتباس:
بالنسبة لسن نملة الدبانة الفكرة وصلت المشكلة فى النشنكاه الخلفى للبندقية الرمسيس ن 1 (( اللى هو حتة حديدة فيها شق ))) ممكن اغيره بنشنكاه فى بكرتين زى الكرال و النوريكا و الانواع الجامدة و لو ينفع اجيبه منين و اركبه ازاى |
رد: الموضوع الشامل للمبتدئين 2
موضوع اكتر من رائع وخبرتك ما شاء الله تمام اووووووى
وانا هحتاجك اووووى الفترة الى جاية لانى سمعت من واحد صاحبى ان عندو بندقية وبيقول عليها انجليزى ونمرة اتنين بس هو مبيفهمش فى الانواع علشان كدة عارف بس الصناعة فهحاول اشتريها منو لو مش محتاجها مثلا 200 او 300 جنية وانا وحظى بقى هو بيقول شغالة وقوية جدا بس عندو من زمان وبيصطاد بيها فيران فى المزرعة بتاعتو وبيقول بيموت من اول رشاية من بعيد يعنى يجى منها حبة نظافة وتبقى تمام اهو لو ليا نصيب فيها هكلمك ونشوف هنجددها سوا ازاى |
رد: الموضوع الشامل للمبتدئين 2
تسلم ايدك وجزاك الله خير
|
رد: الموضوع الشامل للمبتدئين 2
انت تظبط النشان بتاعك من تاني يا استاذ احمد عشان شكله مش مظبوط
و بالنسبة لنشان الرمسيس تبدله بأيه انت تفك النشان و تجيب واحد يكون نفس مقاسه عندك انواع كتيرة بقى عشان انا مجربتش بصراحة بس اكيد يعني هتلاقي بديل اهم حاجة يكون نفي مقاس المسمار بتاع التثبيت و كده يعني يعني يكون متطابق معاه بس طبعا فسفوري بقى فهمتني و بالنسبة للاستاذ lilkapo انت الاول تاخد فكرة عن الصيانة في الموضوع و لغاية لما تبقى متمكن نظري فكها و نضفها و لو اي حاجة وقفت معاك اكتبها هنا في الموضوع عشان كلنا نستفاد من الموضوع باكبر قدر ممكن و شكرا لمرور العضو البطل و انا في الخدمة في اي وقت |
رد: الموضوع الشامل للمبتدئين
على فكرة ليا سؤال فى قطع غيار للشنجهاى جديدة يعنى ممكن نغيرلها النشينكاة الخلفى والامامى ولا لا؟
كمان يركب عليها سست حاجة اسبانى او اى حاجة يعنى من وجهة نظرك اية التعديلات الى تغير فى الاداء شوية لان فى واحدة قدامى وعاوز اضيفها للمجموعة فرائك اية هيا نمرة 2 وعاوز فيها 300 جنية وبيحلف مضرب بيها اكتر من 100 رشة رايك اية |
رد: الموضوع الشامل للمبتدئين 2
إستفسار بسيط من الأخ sayed allaa وباقي السادة الأعضاء. هو أنا لو إشتريت بندقية جديدة وغالبا ها تكون نوريكا سبورت إن شاء الله. ها تكون محتاجة صيانة أو تظبيط في الأول ولا أستعملها على طول؟ وبعد قد إيه أبتدي أفكر أعملها صيانة؟ ومتشكر على إهتمام حضراتكم
|
رد: الموضوع الشامل للمبتدئين 2
بالنسبة للاستاذ solom1
انوريكا سبورت على الاستخدام علطول مش محتاجة صيانة و هوة لو عايز قوة جامدة يبقى بعد 500 رشة و فيه ناس شغالة بيها و منضفتش حاجة و شغالة بردو انت اول لما تلاقيها ضعفت ات لوحدك هتقول ان البندقية محتاجة صيانة بس انا من رأيي انك تكمل عليهم و تجيب النوريكا جيت نمرة 1 سعرها من 1650-1800 كده احسن عشان مش بعد شوية تحس انها بقت ضعيفة عليك بقى يقوم الندم يشتغل كمل و اصبر شوية و هاتها دي بندقية جميلة و كمان الواحد مش كل يوم هيشتري بندقية فهمتني |
رد: الموضوع الشامل للمبتدئين
بالنسبة للاستاذ lilkapo
و الله انا متعاملتش معاها قبل كده بس اكيد هتلاقي ليها قطع غيار انتا تاخد الاجزاء اللي انتا عايز تغيرها و تجيب زيها بقى الماني اسباني زي ما يجي معاك بس لازم تكون قطع الغيار متطابقة |
رد: الموضوع الشامل للمبتدئين 2
اقتباس:
|
رد: الموضوع الشامل للمبتدئين 2
هو سؤال بس
اخويا سيد / انا الوقت فهمت كل حاجة فى فك البندقية تمام اوووى وعلى استعداد ابدا اجرب افكها لكن الى واقف قدامى مجموعة الزناد فهل اقدر اسيبها من غير مفكها واكمل فكل السستة والبستم من غير مفك مجموعة الزيناد ولا هيا ماسكة حاجة جوة ولازم تتفك قبل محل السوستة والبستم وكدة علشان اعتقد هتقف قدامى شوية رايك اية؟ |
رد: الموضوع الشامل للمبتدئين 2
اسف على التأخر في الرد
انت لازم تفك مجموعة الزناد ده لازم عشان تعرف تخرج البستم هوة في الاول بيعلق شوية بس هيخرج معاك في الاخر انت هترجعه لورا زي منا قايل و بعد كده هترفع الجزء اللي على الحرف زي ما في الصورة اللي انا حطيتها و تخلخلعه بالراحة و تشده على فوق بالراحة برده هتلاقيه طلع في ايدك و لو معرفتش مش مشكلة مرة بمرة هتعرف انا عن نفسي في الاول خالص اتعلمت كده |
| الساعة الآن 10:56 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir