|
حصريا طريقة استخراج رخصة سلاح حى فى مصر
اولا انا عملت اكثر من موضوع اطلب معلومات وافادة من الاخوة بس محدش رد عليا خالص كانى فى الصحراء الشرقية بس دة مش هيخلينى ابخل عليكوا بخلاصة تجربتى النهاردة لاستخراج رخصة سلاح حى
اولا التصريحات شغالة مش واقفة ذى ما فى ناس كثير هنا كانت بتضللنا وتقول انها واقفة وهى بتطخ ومش عارفة اى حاجة دى شغالة والناس كثير بتستخرج ولو واحد بس كان عرفنا وقال انها شغالة من بداية الاحداث كان زمانا طلعنا الرخصة وخلصنا ثانيا الاجراءات هتروح القسم ومعاك شهادتين باطنة ونظر لاستخراج رخصة سلاح تاخد طلب تملاء وتعمل فيش الطلب والفيش فى القسم ثم تمضى على اقرار بانك معندكش امراض نفسية تقدم شوية الورق دة وتاخد جواب تروح بية مقر التدريب والرماية التابع لمحافظتك وبعد متخلص التدريب يدوك شهادة ترجع بيها القسم تضم لملفك وتروح الامن العام للموافقة على الرخصة انشاء اللة . لحد هنا كويس مكنش حد غلب كلنا كنا طلعنا المشكلة بقا فى شروط الامن العام وهي كالاتى: لا يكون عليك اى احكام قضائية فى حيازتك ارض زراعية او محل ذهب او تجارة ضخمة شركة كبيرة محلا جامدة وليها اسم مش عندك سايبر يعنى ولا سوبر ماركت هه او شغلك مندوب مشتريات لشركة كبيرة وتجيب موافقة من الشركة الى انت بتشتغل فيها انهم بقيدولك مبالغ ضخمة تسافر بيها او تكون بدرجة مدير عام فى اى مصلحة حكومية فيما فوق او ظابط سابق لو عرفت توفى شرط من دول جنب شوية الورق الى قلنا علية فوق مبروك عليك الرخصة وعلى فكرة انا طلع عينى عشان الم كل المعلومات الى قدامكم دى بس مش خسارة فيكم على اللة بقا لما اطلب الافادة من حد اطنش كالعادة :d |
رد: حصريا طريقة استخراج رخصة سلاح حى فى مصر
طب بتاخد وقت اد اية
|
رد: حصريا طريقة استخراج رخصة سلاح حى فى مصر
طب يا جماعة حد يعرف ايه المطلوب لرخصة بندقية خرطوش
يعني رخصة للصيد مش دفاع عن النفس |
رد: حصريا طريقة استخراج رخصة سلاح حى فى مصر
الموضوع مطروح للنقاش لكل من هو مع او ضد الترخيص علي الفيس بوك من خلال اللينك التالي و شكرا لكل المشاركات من الأعضاء المحترمين و لكل من يري من ان في هذا الطرح ضرر اكثر من نفعه او العكس فكل شيء يعتمد علي توافر الضوابط التي تضمن عدم سوء الأستخدام
و لي سؤال بخصوص شرط توافر مع الطلب تقديم قائمه ممتلكات تفيد بوضع المتقدم المالي و هل الأراضي الزراعيه يشترط ان تكون ملكيتها مسجله شهر عقاري و هل يوجد شرط مساحه معينه 10 فدان مثلا و اخيرا ماذا عن من يمتلك عقارات سكنيه او حتي اصحاب المهن الحره و من لديهم ممتلكات و سيوله نقديه او ذهب و ما شابه و عذرا للأطاله شكرا |
رد: حصريا طريقة استخراج رخصة سلاح حى فى مصر
الاخ m_mostafa14 بتاخد وقت من شهر ل شهرين تساهيل وليك عشرين يوم من تاريخ الطلب لاحضار شهادة التدريب ورخص الصيد موقفوفة دلوقتى من منطلق دة مش وقت دلع حد فاضى للصيد ودة عن سؤالى فى الجهة المختصة مش طخ اى كلام وخلاص والاخ AMR ALY الهدف انك تكون بتتحرك بمبالغ او حاجات قيمة يعنى لو عندك شقة بعشرة مليون جنية على النيل ميطلعلكش رخصة سلاح عليها لكن لو عندك ارض زارعها برسيم وبتنزل تبيعة فى السوق وترجع لبلدك تانى بثمن المحصول وهو مثلا ميساويش خمس الاف جنية يطلعلك رخصة الفكرة انك تثبت انك بتتنقل بمبالغ وقيس على المثال دة كل حاجة
|
رد: حصريا طريقة استخراج رخصة سلاح حى فى مصر
اخى الفاضل الصيد ليس له اى ترخيص لانها بنادق رش وليست خرطوش وتقبل مرورى,,,
|
رد: حصريا طريقة استخراج رخصة سلاح حى فى مصر
افادك الله بس الشروط غلط والاجراءات سليمه
لان من حق كل مواطن يمتلك سلاح للدفاع عن نفسى بشروط السلامه والامان الجنائيه والمرضيه لكن ده استعباط ولازم يتغير احنا ممكن ننزل كلنا علشان نطلع رخصه ونشوف التعامل والاسلوب وطبعا مش هايوافقو نقوم طالعين كلنا على وزاره الداخليه او مديريه امن الجيزه نشتكى شكوى جماعيه ونبدى فيها الاسباب يمكن حد يسمعنا ويغيرو القوانين واللوائح بجد حراااااااااااام شكر خاص ليك يا سمارت وربنا يجازيك كل خير عن اللى عملته لينا ياريت نفكر كلنا ايد واحده واحنا مش بلطجيه ولا هفئات علشان يطلعو علينا اشاعات احنا دكاتره ومهندسين وناس اصحاب مراكز مهمه ياريت التفاعل |
رد: حصريا طريقة استخراج رخصة سلاح حى فى مصر
اقتباس:
والله انا واحد من الناس اللي سالت و قولت انه مقفول بس مش طخ والله و خلاص انا مأمور سجن مصر الجديده جار واحد صحبي فلما سألناه قالنا كده عموما ربنا يكرمك و تستلم الترخيص و تشتري كمان ياعم بس ثق تمام لو كان حد عارف مكنش تأخر عليك |
رد: حصريا طريقة استخراج رخصة سلاح حى فى مصر
الاخ سيدخالد مع احترامى لكلامك بس الصيد لية رخصة مش ملهوش ذى مبتقول ودة الصيد بالخرطوش وهو النوع دة من الصيد الى بيتكلم عنة الاخ m_mostafa14 الراجل سال صراحة عن الصيد بالخرطوش مجبش سيرة الرش خالص ودة لية رخصة فعلا وموقوفة حاليا والى كان مطلعها قبل كدة بيروح يجددها حاليا ودة شفتة بعينى مش طخ والاخ hoka كلامك جميل بس يفضل دة من شكوى وخلافة لما الامور تهدى شوية لان اصلا محدش فى الداخلية فاضى لحد ولا فايق لينا لانهم منهارين اصلا ومتقوليش لما الامور تهدى مش محتاجينة لا احنا هاوين فهنحتاجة ثم قدرنا الفترة الحالية فلازم نواجهه والاخ وليدعادل شكرا لردك
|
رد: حصريا طريقة استخراج رخصة سلاح حى فى مصر
اليوم انهاء شهادة اتمام التدريب بقسم السلاح والرماية
|
رد: حصريا طريقة استخراج رخصة سلاح حى فى مصر
الاخ سمارت جزاك الله خيرا علي مجهودك اللي ش هايضيع هباء طبعا
وياريت ده يكون درس لكل الاخوان اللي في المنتدي ان محدش ينقل كلام سمعه فرسول الله صلي الله عليه وسلم يقول( كفي المرء كذبا ان يحدث بكل ما سمع به) لان فعلا كذا واحد قال في المنتدي ان الرخص مقفوله لانه سمع من قريب واحد جار صاحبه شغال في الداخليه طبعا مع احترامي ليهم كلهم ده مش مصدر موثوق المصدر الموثوق انك تكون سألت بنفسك في ادراة التارخيص وقالولك مفيش تصريحاات وتقبلو احترامي جميعا |
رد: حصريا طريقة استخراج رخصة سلاح حى فى مصر
شكرا لردك اخ msa_79 وعايز اوضح ان الامور الان يمكن اسهل من الاول كمان بعد الغاء امن الدولة وقرفة وكمان العجرفة فى الداخلية اتكسرت حدتها وبقا فى تجاوب اكثر
|
رد: حصريا طريقة استخراج رخصة سلاح حى فى مصر
العفو smsm2011
|
رد: حصريا طريقة استخراج رخصة سلاح حى فى مصر
معلومات مفيدة جدا .. و شكرا لك لنشرها .. و فقك الله.
|
رد: حصريا طريقة استخراج رخصة سلاح حى فى مصر
العفو اخ Brave Heart
|
رد: حصريا طريقة استخراج رخصة سلاح حى فى مصر
شكرا على المعلومه
|
رد: حصريا طريقة استخراج رخصة سلاح حى فى مصر
يا ترى لو ان الحيازة للارض الزراعية خاصة لوالدي الذي يبلغ من العمر 69 سنة وانا ولده الوحيد, و كذلك حيازة اخرى باسم الزوجة, و ايضا باسم اولادي القصر هل يجوز التقديم لهذة الاسباب؟
|
رد: حصريا طريقة استخراج رخصة سلاح حى فى مصر
العفو اخ fidodido و الاخ melgazzar ممكن تقدم ويدرس موقفك وانت وحظك بتوفيق ربنا
|
رد: حصريا طريقة استخراج رخصة سلاح حى فى مصر
مشكور يا اخ سمارت لكن الكلام دة كان فى السويس مش كدة؟؟
|
رد: حصريا طريقة استخراج رخصة سلاح حى فى مصر
الاخ unknown الكلام دة كان فى السويس فعلا والسويس تخضع للاجراءات والقانون المصرى يعنى الى بينطبق من مواد واشتراطات وفقا للقانون يطبق فى السويس ينطبق على كافة محافظات الجمهورية
|
رد: حصريا طريقة استخراج رخصة سلاح حى فى مصر
كلامك صحيح لكن اصبح للسويس حاليا وضع خاص جدا مع الداخلية والدليل على كلامى ان التراخيص والتصاريح المؤقتة مغلقة حاليا فى محافظتى الدقهلية وبورسعيد الا لاعضاء الهيئات القضائية واعضاء مجلس الشعب والشورى السابقين والوزراء السابقين وضباط الجيش المتقاعدين وتلك الفئات يصدر لها تصريح حمل سلاح مؤقت وليست رخصة
اخوك عبدالله الى كلمك على الخاص ومردتش عليه :d |
رد: حصريا طريقة استخراج رخصة سلاح حى فى مصر
اسف اخ عبد اللة لم الحظ الخاص والا كنت رديت على حضرتك بدليل انى رديت على تعليقك هنا بمجرد قرائتة
|
رد: حصريا طريقة استخراج رخصة سلاح حى فى مصر
ثم التميز بين فئات الشعب فى استخراج الرخصة وفقا للى حضرتك بتقولة فية ظلم بين الفروض ان الرخصة للى ظروفة تستوجب ومحتاجة مش للمناصب فقط يعنى ظابط او وزير سابق مش محتاج لرصة سلاح اطلعهالوا ومواطن شريف مندوب مشتريات بيتحرك بفلوس وحياتة معرضة للخطر مطلعلوش عذرا لو قالولنا كدة فى السويس ذى ما بتقول فى بورسعيد والدقهلية كان ممكن صادرنا القسم وقفلناة :d
|
رد: حصريا طريقة استخراج رخصة سلاح حى فى مصر
شكرا اخ Vabreso
|
رد: حصريا طريقة استخراج رخصة سلاح حى فى مصر
اولا مبروك و ان شاء الله الاجراءات تخلص بسرعة
سؤالي بالنسبة للشروط في حالة امتلاك عقار (فيلا) في منطقة من المناطق الجديدة هل يجوز الحصول علي رخصة لحيازة سلاح للدفاع عن النفس سواء طبنجة او بندقية خرطوش ؟؟ |
رد: حصريا طريقة استخراج رخصة سلاح حى فى مصر
السلام عليكم
هذا الموضوع انا ضده تمام لان من وجهه نظرى ضررة فعلا سيكون اكثر من نفعه والله اعلى واعلم |
رد: حصريا طريقة استخراج رخصة سلاح حى فى مصر
اقتباس:
|
رد: حصريا طريقة استخراج رخصة سلاح حى فى مصر
بالتوفيق يا أستاذ سمارت
متابع |
رد: حصريا طريقة استخراج رخصة سلاح حى فى مصر
الاخ Axel اللة يبارك فيا ثم قانونا يجوز فى حالة امتلاك عقار (فيلا) في منطقة من المناطق الجديدة الحصول على رخصة وفى بعض المناطق الجديدة كانت الداخلية فى بداية الاحداث بتوزع منشورات تطالب اصحاب الفيلات بالمناطق الجديدة باستخراج الرخصة ملحوظة المعلومة دى سمعتها من واحد من الاخوة فى المنتدى يعنى مش مسئول عن مصداقيتها لكن الى مسئول عنة انة يجوز ليك الحصول على رخصة
|
رد: حصريا طريقة استخراج رخصة سلاح حى فى مصر
استاذ احمد هاشم شكرا لردك ووجه نظرك طبعا تنطبق علي حضرتك وممكن تنطبق على غيرك كمان كثير بس لا تعمم على كل الناس اكيد فى ناس هيكون نفعها لية اكثر من ضررها عشان كدة احنا بنطرح الموضوع وكل واحد يقيم ظروفة ويتخذ الى يناسبة يعنى الفكرة مش بتفرض على الكل ولا نمنع الكل منها (رصاصة بتخرج من سلاحك فى موضعها تساوى حياتك ) ومعتقدش فية ضرر يقع للانسان اكثر من فقدة حياتة
|
رد: حصريا طريقة استخراج رخصة سلاح حى فى مصر
صديقى محمد على من السويس اتثبت بطبنجة والحرامى شد الاجزاء وقالة انزل من العربية ونزل والحرامى اخد العربية النترا لونها كحلى الشكل الجديد والكلام دة الساعة 8 مساءا فى مكان ملىء بالسيارات المارة تفتكروا لو كان صديقى دة معاة طبنجة كان خسر عربيتة؟؟؟
|
رد: حصريا طريقة استخراج رخصة سلاح حى فى مصر
ايه رايك فى الولتر p99 وسعره كام واللى معاك بكام وايه امكانياته وهو احسن ولا الهكلر روم96
|
رد: حصريا طريقة استخراج رخصة سلاح حى فى مصر
يا ريت الداخليه تفهم بقي ان الأنسان مش محتاج واصي عليه الحلال بين والحرام بين اللى يشيل سلاح عادي واللى يستخدمة غلط يتحاسب
|
رد: حصريا طريقة استخراج رخصة سلاح حى فى مصر
الاخ shamel elnaggar الى معايا والتر سى بى 88 ودة مسدس رش مش صوت
والى حضرتك بتكلم عنهم صوت الاخ SHAWKYGHAZYانا متفق معاك فى الراى |
رد: حصريا طريقة استخراج رخصة سلاح حى فى مصر
والله احنا عندنا واحد حصل معاه موقف المحششين ابلوه وهو ماشي مع زوجته وبعدين الولو احنا عايزين منك الموزه دي بنفس اللفظ وارجو ان تسامحوني عليه وبعدين هو بكل هدوء الهم اوكي خدوها وسبهالهم وهما لسه بيركبو العربيه كان هو طلع مسدسه المرخص وضربهم التلاته اصابه في الرجل وحدش مات وسبتهم هو بعد مكانو هما الي مسبتينه واتصل بالجيش وجه اخدهم
|
رد: حصريا طريقة استخراج رخصة سلاح حى فى مصر
سؤالي هل فيه سن معين لاستخراج الرخصه لاني سمعت انه يشترط 25 سنه
كمان سوال هل ممكن والدي يتنازلي عن اراضي بعقود ابتدائيه وينقلي الحيازات ولا ما ينفعش ولازم تسجيل وكام فدان كحد ادني يا ريت لو حد عنده اي اجابه واثق منها يقول وله جزيل الشكر |
رد: حصريا طريقة استخراج رخصة سلاح حى فى مصر
فعلا ياريت حد يشرح اجراءات استخراج رخصة سلاح
مع الشكر مقدما |
رد: حصريا طريقة استخراج رخصة سلاح حى فى مصر
اخوانى اعضاء المنتدى الكريم انا حامل لرخصه سلاح نارى بندقيه خرطوش ومسدس 9 مم البندقيه دى مش بستعمله لانه قيمه وغاليه ومتورثه فى الاسره اما المسدس ده والتر المانى قديم بس بيضرب اى امشاط بدون سخونه وده مع اخويا عماد هههههههههههههه اولا رخص السلاح عمره ما وقفت خالص ولا حتى للحظه عشان حضرتك ترخص سلاح نارى لابد من مبرارات للتراخيص وهى :
1-حيازه زراعيه 2-سجل تجارى وبطاقه ضريبيه ولايقل السجل عن 200 الف جنيه 3-اصحاب محلات الذهب والصيارفه ومندوبى الشركات الكبرى 4- موظفين البنوك المسئولين عن الخزينه 5- اصحاب شركات الصرافه والعاملين بها 6-اصحاب مزارع الدواجن الكبيره 7- مندوبى صرف المدارس الحاملين للشيكات الحكوميه اكبر من 70 الف جنيه لو توافرت فى حضرتك شرط من الشروط دى تتقدم الى القسم التابع له لوحده الرخص والسلاح وتجيب ملف وتقدمه وبيكون عباره عن : 1- مبرر الترخيص واثباته لو كان فى شغل بتجيب الموافقه من شغلك على حمل سلاح نارى 2-لو انت عندك حيازه زراعيه بتجيب بيان حيازه من الجمعيه الزراعيه التابع ليه شرط لاتقل عن خمسه افدنه ولو انت مقيم مثلا بالقاهره وارضك فى محافظه تانى ينفع برضه مفيش مشكله لان الشرطه بتبعت تعمل تحريات عن الارض وعن حضرتك اكيد.... 3-الملف ده بيحتوى على ورق كتير ذى موافقه السيد رئيس وحده الرخص بالمديريه على الترخيص موافقه السيد رئيس المباحث واخيرا موافقه السيد مامور القسم وبعد كده موافقه الامن العام وبعد كده موافقه امن الدوله 4-وثيقه تعارف من خمس نسخ للاقارب للدرجه التالته ولو عندك حد منهم عنده قضيه سياسيه او قتل انسا ترخص غير بالكوسه ههههه 5 موافقات كل من مكتب المخدرات والاداب والاثار وشرطه المسطحات والشعبه بالمديريه تفيد بعدم وجود تسجيل بدولاب المسجلين 6- واخيرا العرض على السيد المبجل مدير الامن هههههههههه وغالبا طالما وافقت امن الدوله خلاص بياشر بالموافقه على الترخيص ومبروك يعم...... بتروح حضرتك لوحده الرخص فى القسم وبتاخد تصريح شراء سلاح وطبعا السلاح اللى حضرتك طلبه خرطوش او مسدس او مشخشن ومدته ثلاثه شهور فى خلال المده دى لو ما لقتش سلاح وانتهت بتروح تجدده لثلاثه شهور اخرى ودى اخر فرصه لو مشترش وسقط التصريح ده من خيبتك القويه ههههههههههههههههههههههههههههههههههههه وبله واشرب |
رد: حصريا طريقة استخراج رخصة سلاح حى فى مصر
الف الف شكر على المعلومات القيمة
|
رد: حصريا طريقة استخراج رخصة سلاح حى فى مصر
الاخ صائد البوم شرط السن لابد من توافرة فعلا 25 سنة وبالنسبة لموضوع الارض انت وحظك لان حرية تقيم الممتلكات متروكة ليهم وبدون اسباب يعنى ممكن يقبلوا مبرر حيازة ارض بعقود ايتدائية ولو مزاجهم متعكر ممكن ميقبلوش انت وحظك والاخ hamada1970 مهو كل الموضوع شرح طريقة الترخيص انت بتطلب شرح اية بالظبط تانى؟؟؟!!!! الاخ صقر ابوحسانين اوضح لحضرتك ان امن الدولة اتلغى وملهوش علاقة بتصريح السلاح ذى ما حضرتك بتقول ثم ان محدش هنا فى المنتدى خيبتة قوية ذى ما حضرتك بتقول ولا حد هنا بيبل ويشرب مياة البلل
|
| الساعة الآن 01:42 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir