الصيد فى مصر - أخيــــــــــــــــــــــرا اشتريت الروم 9ملل يا رجااااااالة

الصيد فى مصر (http://www.egyhunt.net/index.php)

- ادوات الصيد الثقيله (http://www.egyhunt.net/forumdisplay.php?f=66)

أخيــــــــــــــــــــــرا اشتريت الروم 9ملل يا رجااااااالة

لولولولولولولولولولي
بااااااركولي ونقطنوني واياكم تحسدوني ههههههههه ، مش عايز بقي ألف مبروك والشغل ده انا مش هاقبل أقل من طلقة من كل عضو وتكون ألماني علشان مش بستعمل التركي انا ، يااااااااااااااه الحمد لله الحمد لله اللهم لك الحمد والشكر يارب العالمين ، باركلي يا استاذ بدر أخيرا بقيت من مالكي الروم ال9ملل واشتريت ألماني حتي لو كان القرار متأخر أوي ،بجد مرتاح نفسيا اوي فعلا ،
الموضوع جه ازاي .. عارف حاضر هاحكي ، قبضت الجمعية بتاعت المسدس ولسة عمال ادور وبردو مش لاقيه ولفيت مصر كعب داير مش لاقيه ، نزلت عند فتح الله لاقيته بردو لسة بيبيع من ورا الباب الحديد والموجود ال8ملل فقط وعاملة 1800 جنيه، نزلت علي الأهلية قاللي الاستيراد لسة موقوف ومش عنده غير الوالتر ومسألتش بصراحة علي سعره ، قولت مافيش قدامي غير مين (البارودي) هو الوحيد اللي عنده اخر حتة في مصر كلها ، البارودي بالمناسبة زي ما انتو عارفين كان قايلي من شهر انها ب3500 جنيه ، المرة دي الباشا علا السعر عليا لما عرف اني نازل اخلص وبدل ما كانت ب3500 عايز يبيعهالي ب5500 وتخلص علي 4500 (طبعا دي قلة ادب) طبنجة ايه اللي بخمسة وبأربعة آلاف هو احنا زباين ، المهم قولتلو خليها عندك ومش هتتباع ، وبالنسبة لل8ملل قالي عاملة 3000 وتخلص 2750 قولتله موجودة عند فتح الله انهاردة ب1800 قاللي يبقي انت أولي بالفرق (مش عارف ايه الأسعار السياحية دي) ، المهم لم افقد الأمل كان قدامي واحدة 9ملل معروضة للبيع (ومازالت وهاعمل لصاحبها الاعلان هنا عالمنتدي) وكنت ناوي اخلص فيها عشان استعمال 3 شهور فقط ، وسبحان الله جتلي فكرة جهنمية ، اقتبستها من فكرة للعضو المحترم الأستاذ رجب وهو عارفها أكيد ، المهم الفكرة دي هو طبقها ونجحت وانا حبيت اطبقها وفعلا الحمد لله نجحت بفضل الله ، لاقيت محل بيبيع روم 96 9ملل جديدة نوفي ، ازاي ، روحت المحل وسألت عليها قالولي موجودة قولتلهم السعر كام ، قالو 2500 وكلمتنا واحدة (طبعا السعر بالنسبة لي وبالنسبة للي عارف قيمتها سعر خيالي وجميل) لأنها مش موجوة أصلا 9ملل ، قولتلهم تمام عايز اشوفها قالو هي في المخزن لو حضرتك هتاخدها ادفع عربون ونجيبهالك بكرة وبردو أسأل برة الأول قولتلهم لالا انا مرتاح في المعاملة معاكم (قال يعني انا مافرمتش الدنيا برة قبل ما اجي) ، المهم قلقت شوية لأنهم مش بيقولو عليه (روهم) ولكن بيسموه (هكلر صوت) حبيت اتأكد روحت فاتح اللاب توب بتاعي وفرجتهم عالصور والفيديو بتاع المسدس قالولي اه هو موجود يا استاذ ، روحت فعلا دفعت 100 جنيه عربون واتفقنا عالميعاد ، وفعلا روحت تاني يوم في الميعاد وقبل ما ادخل المحل بحوالي 50 متر قرأت الفاتحة وبعدين دخلت لاقيت ابتسامة حلوة من الناس اللي جوة وقالولي اتفضل يا استاذ جبنالك المسدس ، طبعا زهلت وراحو مطلعينو من الدرج روحت سألتهم (هو 9ملل) قالولي اه 9ملل اتفضل اتفرج عليه ، طبعا مسكته فحصت امه حتة حتة وملل ملل ، وبعدين اخدت العلبة والمرفقات بتاعته ودفعت باقي المبلغ وبصراحة ماكنتش عايز امشي من حلاوة المعاملة مع الناس دي (ناس بجد محترمة اوي) وعندهم 1+1 = 2 ومافيش كدب ، احلي حاجة الالتزام ، وبعدين جربنا المسدس (اللهم صلي علي النبي الليه اكبر) وداني زنت ، (صوته غبي) وفضلت مرتبك من الفرحة حتي لما خرجت بره المحل وهامشي لاقيت نفسي لسة مرتبك روحت مولع سيجارة واشتريت علبة عصير علشان اعصابي تهدا (كأن مراتي بتولد ومستنيها علي باب العمليات) وبعدين هديت فدخلت تاني وسألتهم انتو عندكو تاني منه والمفاجاة (اه موجود) بس تقريبا هما كام حتة اللي فاضلين يا فندم علشان اتسرقنا ايام الثورة ، شوفتو ايها الأخوة مانسيتكوش وانا هناك لكل اللي عايز روم ألماني 9 ملل موجود ان شاء الله ، وكمان اتفرجت علي مسدسات كتير هناك وانواع مختلفة وحاجات بقي نادرة لاقيت هناك مسدس ايكول جاكل السريع نسخة منه كدة لونها اسود ومزخرفة ذهبي بس تحفة فنية ، والاسعار معقولة بس كفاية المعاملة الجميلة ، والحمد لله ربنا عارف انا تعبت اد ايه علشان الاقيه ، وبساعد ناس كتير وقولهم ادعولي يمكن ربنا استجاب الحمد لله
ودلوقتي أسيبكم مع الصور وعايز ردودكم الجميلة ومش هنسي الطلق كل واحد ينقط بطلقة ألماني أيوة مش عايزين تنفيض ده واجب وتتردلكم في الأفراح ان شاء الله وألف مبروك عليا هههههه
خالص تحياتي للجميـــــــــــــــــــــــــــــــــع