الثورة واثرها على السوق واخر الاحداث والاسعــار
 

السلام عليكم ورحمة الله
بعد التحية
اولا ياجماعة انا عضو حديث معاكم فى المنتدى بس تقدروا تقولوا مطلع او باحب اعرف كل حاجة عن فهم وانا استفدت منكم كثيرا لدرجة انى احببت الاستاذ بدر والقنصل والافوكاتو وحبه للروم 96 والاستاذ شريف ابو ضيف طبعا وكثير من الاعضاء المهم حانتكلم عن اسعار السوق فى نقط محددة .بعد الثورة حصل غياب امنى ادى بالناس الى البحث عن سلاح للحماية منهم اللى اشترى اسلحة ميرى من اللى اتسرقت ودى على فكرة تخطت 60000 قطعة ايوة ستون الف وليست ستة الاف ومنهم اللى اشترى مسدسات صوت وهنا احب انوه عن ان الحاج محمد فتح الله باع اكثر من 100000 مائة الف قطعة وده تاجر واحد مش حانقول على الباقى وطبعا ارتفعت اسعار الحديد عشان الابواب والامن المهم حاندى شوية امثلة
1-التونا اللى ماكنش له تمن ولا حد يعبره وصل الى 800 جنيه والان 500جنيه
2-ekol p 29 ارتفع من 550 الى 650 الى1500 والان 1000جنيه
3-ekol special 99ارتفع من 600 الى 1600 جنيه وحاليا 1100 وشاحح حاليا
4-ekol firat ارتفع من 700 الى 800 الى 1000 الى 1750 والان 1500
5-ekol jacal ارتفع من 750 الى 2000 والان 1500-1600جنيه
6-الروم 9مم ارتفع من 1500 الى 4000 ماشاء الله ودلوقت -2500-3000 وشاحح
7-الروم 8مم ارتفع من 1000 الى 2000 وحاليا 1800 متوفر عند فتح الله سعد زغلول ولو تعرف الحاج محمد يخلص على 1300!!
الوالتر 8مم المانى p99 وصل 1600 وحاليا 1200 اما ال 9مم فهو غير موجود وكان ياماكان ب 1000 جنيه دلوقت لو لقيته ب 2500 لانه بطل ينزل مصر
احب اقول الاسعار اللى قولتها دى فى بعض مناطق زادت عنها وهنا لازم نفهم يعنى ايه عرض وطلب لان زى ماهو واضح المنحنى ارتفع وصل القمة والان فى طريقه للهبوط
طيب عايز ايه من الكلام ده؟؟ عايز اقول ان فى ناس لازم تفهم انها اشترت حاجة ب 2000 مثلا وده مش ثمنها الحقيقى وثمنها دلوقت النص او اقل فلو قابل يبيع بالسعر ده ماشى انما لازم يفهم ان كل يوم السعر حاينزل ومش حايطلع تانى الا بحدث زى اللى عشناه وده بيحصل مرة فى العمر متهيألى.
وطبعا التجار باعو اللى ماكنوش يبيعوه فى 100 سنة فى 4 شهور.

لازم نفهم اولا ان ده مسدس صوت وليس حى ما معناه انه ليس به لى ششخنات وكمان الخامات بتاعته لا تتحمل درجات حرارة عالية بل انه ممكن يتكسر كمان كويس.

طيب الناس اللى عاوزه تحوله حى طبعا ده موضوع خطير جدا لان الخامات مش بتاعت مسدس حى وهنا احب اقولكم ان فيه مسدسات صوت اتباعت ان هى حى وان هى معدله بس ليها طلقات مخصوص وفعلا كان فى ناس بتخرط مقذوف وتلبسه للطلقة زى البلية والناس بتشترى على انه حى ده ايه الشعب اللقطة ده.
نيجى نتكلم عن الحى طبعا الناس انهالت على طلب التراخيص وممكن اقول ان كل قسم بوليس بيبعت يوميا مثلا 15 طلب للترخيص للمديرية طبعا مش كله بيتوافق عليه انما فى ناس رخصت كتير طيب ده ادى الى ايه؟
كان عندنا الحلوان 51 واقفه على المصنع ب500 جنيه بتتباع ب 1000-1500 عند التجار اصبحت 8000 من المصنع او 9500 اذا كانت من بتوع التصدير اللى هو انظف شوية ثم الى 16000 حاليا فى نوفمبر وعلى فكرة مصرنا الحبيبة بتبيعوه فى دول العالم ب100 دولار يعنى 600 جنيه مش دى حاجة تغيظ؟؟ على فكرة سعره مستعمل دلوقت من 10000-9000جنيه.
2-الحلوان 920 الىى هو 15 طلقة كان 9850 الى 15000 ودلوقت 23000-جنيه لان فى احدث منه وعلى فكرة بلدنا الموقرة بتبيعوه فى دول العالم ب200 دولار يعنى 1200 جنيه مش دى حاجة تنقطططط
3-ايه تانى وجعت دماغنا؟الحلوان 920 تم اضافة فوسفور للناشينكان بتاعه عشان يبقى زى البريتا ده ايه الحلاوة دى طب بقى بكام؟تم تعديل سعره من 16000 الى 26000 جنيه من المصنع وعند التجار المعتدلين بقى 25000ده ايه ده وهو هو اللى 200 دولار ايوة.
ماهى الدوله برضه نفسها تكسب اشمعنى تجار السلاح يعنى حاجة بقرش ابيعها ب17 قرش ايوة.
4-الطلقات الحية طبعا حاتروح لاى تاجر مش حايصرفلك بالاورنيك ليه؟؟؟ عشان يبيع الطلقة ب 20-30جنيه ايه الحلاوة دى.

المهم انا حبيت اجاوب اسئلة كتير واحاول اصحح وافهم الناس حقيقة الاسعار جاية منين ورايحة فين.واوضح موضوع تعديل الصوت والبلى.
واخيرا ارجو انى اكون اضفت جديد للناس وماكنتش ضيف غلس على فكرة انا بس محب للاسلحة جدا تقدروا تقولوا مدمن. وسامحونى اذا كنت نسيت حاجة والسلام عليكم ورحمة الله

رد: الثورة واثرها على السوق واخر الاحداث والاسعار
 

انت فينك من زمان اللللللللللللللللللللللللله ينور ايه الدماغ الموزونة دى لأ وايه دى المشاركة السابعة ولسانك بينقط سكر ربنا يحفظك يا ابنى

رد: طبنجات بلجيكى9مم من ليبيا لمن يريد
 

السلام عليكم
كلام حضرتك صحيح و واقعى
لكن بما أن الدولة مش عايزة ترخص سلاح للشرفاء الذين يريدون حماية عائلاتهم فى غياب الأمن الذى لن نشعر بعودته قبل مدة لا يعلم مداها ألا المولى ....... ألا نلتمس العذر لمن يشترى سلاحا ( و لو بدون ترخيص ) و يحتفظ به فى بيته لحماية زوجته أو أخته أو أبنته ؟؟؟؟؟؟؟؟ ...... الدولة تعتبر حيازة أرض زراعية أهم من زوجتى و بناتى !!!!!!
أما موضوع الأسعار فأرتفاعها أجده طبيعيا طبقا لقانون العرض و الطلب ....... سيأخذ فترة توهج ثم يبدأ منحنى الأسعار فى الهبوط حتى تتعادل القوى البيعية و الشرائية
وفى أعتقادى أنه مهما بلغ غلاء السلاح .... صوت أو حى .......... أمان أسرتى أهم
و بخصوص مسدسات البلى ........ سأسألك سؤال جدلى ( هل تقبل الوقوف أمام مرمى مسدس البلى الغير مؤثر من وجهة نظرك ؟؟؟؟؟؟؟؟؟؟؟؟؟؟؟؟ ) ........ طبعا بعد الشر عليك بس أنا بقول سؤال جدلى ( أفتراضى )
عندى مسدس صوت يضرب بلية مقاس 4 و خزنة كاملة دون أن يتعطل أو يكذب فى الضرب ولا أنصح كائنا من كان بالوقوف أمامه لأختبار تأثيره ....... فهو قاتل
و أخيرا ......... الحاجة أم الأختراع
و شكرا لحضرتك على كلماتك الواعية و فتح مجال النقاش فى موضوع هام
تحياتى

رد: طبنجات بلجيكى9مم من ليبيا لمن يريد
 

موضوعك اكتر من ممتاز
بس الناس بردو مفيش في ايدها حاجه
كلنا عايزين نحمي نفسنا واهالينا
انا لسه امبارح عارف ان سعر المطواه بقى 70 بدل 35

رد: الثورة واثرها على السوق واخر الاحداث والاسعار
 

و الله يا جماعه انا اول مرة اتحمس اني اكتب رد ع مقال فعال للدرجة دي لأن بأختصار الاستاذ The last knight قال كل حاجه ممكن حد يكون بيسأل عليها وهي صح 100% من غير نقاش ولا جدال .. و التوقعات سليمة طبعا .. وحكايه المنحنى السعري اللي بينزل ف مسدسات الصوت للتجار الجشعه ..
و اخيرا اللي هتكلم فيه .. حكايه ترخيص السلاح الحي .. يا ريت بجد دولتنا المحترمة تصرح بالتصريح لحمل السلاح وخصوصا للاشخاص اللي بيتعرضوا لظروف معينه تسدعي حمل السلاح ومن غير تلكيكات فاضيه ..
وفي الاخر بشكر الاخ The last knight مرة تانيه .. وربنا يجازيك خير
الله الموفق .....

رد: طبنجات بلجيكى9مم من ليبيا لمن يريد
 

هههههههههههههه لا برافو عليك وانا عمال ادور على الطبنجة البلجيكى بس خد بالك برضة لم اقرأ الموضوع كلة
تحياتى

رد: الثورة واثرها على السوق واخر الاحداث والاسعار
 

شكرا لمجهودك الرائع ، ولكـــــــــــــــــــــن انا من رأيى إن التجار مغلطوش لما طبقوا سياسة العرض والطلب ، بمعني ان وقتها كان المعروض قليل والطلب كتير جدا جدا جدا جدا جدا جدا جدا ، فأي حد لو مكانهم هيعمل أسوأ من كدة ، طبعا انا عمري ما كنت تاجر ولا بجامل اي حد ايا كان علي الإطلاق ، بس هي الفكرة جاية منين ؟ ان زي ما حضرتك تفضلت وقولت : احنا شعب لقطة
برة ، الناس بيطلقوا علينا : مستهلك رائع
يبقي اللوم كل اللوم علينا احنا كمستهلكين
انك تجري تشتري مسدس صوت وتبقي طالب انه شكله يبقي زي الحي بالظبط (يبقي تستاهل لما يقولك الكيمار بريجيدير بـ3000 جنيه)
انك تجري تجيب مسدس صوت وتكون قصدك الحماية وليس الاقتناء (يبقي تستاهل لما يقولك الايكول بي 29 بـ1500)
لما تجري تسأل علي الروم وتحسسه انه هو الوحيد اللي عنده روم في مصر (يبقي تستاهل لما يقولك الروم ب4000)
يعني في الآخر احنا اللي عملنا كدة في نفسنا ، احنا اللي كنا بنوافق علي أي أسعار يقوللنا عليها ، احنا اللي كنا راضيين بمسدسات فرز عاشر وبأغلي ثمن ، علي فكرة اي تاجر كان هايضطر ينزل السعر لو مافيش اقبال ، طيب ما بالك لو كان فيه مقاطعة ؟ كان غصب عنه هيبيع بالسعر الحقيقي .
احنا اللي ادينا الفرصة للتجار إنهم يلعبوا بينا ، ويكسبو ملايين علي قفانا ، ويبيعو كميات هائلة في مدة قصيرة .
وعلي فكرة احنا شعب مشكلته إنه مش بيتعلم من غلطته السابقة ، يعني حتي لو حصلت تاني لا قدر الله وحصل إنفلات تاني ، الأسعار هتزيد ، وبردو الناس هتشتري بالسعر الجديد .
علشان كدة .. ناس كتير بتزعل مني لما بقول اننا : شعب ماكنش مستعد للثورة في الوقت الحالي .. وإننا شعب غير مؤهل للعيش بحرية في الوقت الحالي ، نظرا لأننا فضلنا ثلاثون عاما نحكم بالحديد والنار وماشيين جنب الحيط ، ولما عشنا الحرية بقت البلد مالهاش كبير وبنمشي في الشارع عكس الاتجاه والفوضي أصبحت عادة (يبقي احنا غير مؤهلين للحرية الآن) ، وعلشان نبقي مؤهلين لابد من تغيير أخلاق الأجيال ، بل لابد من تعاقب الأجيال نفسها .
في النهاية أشكرك لمجهودك الرائع .
خالص تحياتي للجميــــــــــــــــــــــــــــع

رد: طبنجات بلجيكى9مم من ليبيا لمن يريد
 

شكرا لتعليقك يا استاذ عراف على فكرة انا لو ماعنديش سبل الحماية الكافية لى ولاهلى كنت حادور فكل الطرق حتى اللى مش شرعية .بالنسبة للارض الزراعية والمبررات اللى قصدك عليها لترخيص السلاح احب اقولك انك لو عندك كل المبررات وهما ماهمش مزاج خلينى اقولها كده مش حايدولك الترخيص.

انا كتبت الموضوع ده لانى بكره الاستغلال وياريت الناس تعرف ان منحنى الاسعار فى النازل يعن كمان شهر ان شاء الله حانسمع اسعار تانية خالص ومفيش مايدعوا للعجلة

رد: طبنجات بلجيكى9مم من ليبيا لمن يريد
 

ياريت يا استاذ بدر تشرفنا بقراءة الموضوع لان الناس بتثق فى كلامك ويمكن الموضوع ده يفهم ناس كتير الوضع
اخوك الصغير

رد: طبنجات بلجيكى9مم من ليبيا لمن يريد
 

موضوع اكثر من رائع يا بشمهندس

واللة خير حافضا وهو ارحم الراحمين وربنا يسترها علينا وعلى مصرنا الغالية علينا

ومش لازم نارى ومش عايزين نرخص هىحتة هاى باور برش صلب تقوم بالواجب وزيادة شوية .

رد: طبنجات بلجيكى9مم من ليبيا لمن يريد
 

يا اخى انا قرات الموضوع طبعا ودة فعلا ملخص للاحداث التى عشناها الفترة الماضية ولا زالت تبعاتها تمر بنا
ولا تعليق سوى انى مازلت ابحث بين السطور عن الطبنجة البلجيكى هههههههه
تحياتى

رد: طبنجات بلجيكى9مم من ليبيا لمن يريد
 

ربنا يبارك فيك_وشكرا على الكلام الفل دة

رد: طبنجات بلجيكى9مم من ليبيا لمن يريد
 

رد: طبنجات بلجيكى9مم من ليبيا لمن يريد
 

رد: طبنجات بلجيكى9مم من ليبيا لمن يريد
 

يسعدنى التحاور مع مثل هذه العقلية التى من خلال المشاركات لا يسعنى سوى أحترامها
بالنسبة لسؤال حضرتك عن الأختراق ..... سأكتب مجددا أنها بلية مقاس 4 مضغوطة جيدا على أفضل نوع طلقات 9 مللى على الأطلاق تخترق و تحطم ......... كبر حجمها يعطيها سرعة و قوة رهيبة ........ فهى ليست مثل مقاس 2 أو 3 و أكرر هى لا تلسع و لكن تحطم
بالنسبة لدقة النيشان ..... تعايشت مع هذه الجزئية طويلا و خلصت الى التصويب على أعلى نقطة فى الهدف حتى تصيب منتصفه ........ ( واقع و الحمد لله تعاملت معه بنجاح )
أنا أحتفظ به فى بيتى ولا أحمله خارج البيت مطلقا ...... و هذا يناسبنى و يكفينى
تحياتى

رد: طبنجات بلجيكى9مم من ليبيا لمن يريد
 

موضوع تحليلي من ارض الواقع تسلم يا غالي

رد: طبنجات بلجيكى9مم من ليبيا لمن يريد
 

رد: طبنجات بلجيكى9مم من ليبيا لمن يريد
 

شكرا لذوقك

رد: طبنجات بلجيكى9مم من ليبيا لمن يريد
 

البلى من أى عجلاتى ......... كيس بحوالى 3جنيه أو حتى 5جنيه ........ حسب طمع العجلاتى
أنما هو 2.5 من أبو الجوخ شارع الجمهورية

رد: طبنجات بلجيكى9مم من ليبيا لمن يريد
 

رد: طبنجات بلجيكى9مم من ليبيا لمن يريد
 

رد: طبنجات بلجيكى9مم من ليبيا لمن يريد
 

جزاك الله خبرا .

رد: طبنجات بلجيكى9مم من ليبيا لمن يريد
 

انتى كدة جبت من الآخر بجد ....مشكور على المجهود دة

رد: طبنجات بلجيكى9مم من ليبيا لمن يريد
 

رد: طبنجات بلجيكى9مم من ليبيا لمن يريد
 

رد: طبنجات بلجيكى9مم من ليبيا لمن يريد
 

ربنا يباركلك و الله بس فين الي هينفذ

رد: طبنجات بلجيكى9مم من ليبيا لمن يريد
 

رد: طبنجات بلجيكى9مم من ليبيا لمن يريد
 

رد: طبنجات بلجيكى9مم من ليبيا لمن يريد
 

برافو
موضوع اكتر من هايل

رد: طبنجات بلجيكى9مم من ليبيا لمن يريد
 

جزاك الله كل خير على موضوعك ... ده اول مشاركه لى فى المنتدى ويشرفنى انى ارد على موضوعك
... بس احب اعلق على كذا نقطه
1 _ بالنسبه للترخيص وزاره الداخليه الى الان لم تصدر تصاريح شراء اسلحه الا لفئه بسيطه جدا من المواطنين ومهما قلنا على النت وطالبنا محدش هيسمعلك ولا يسمعلنا حتى لو عملت ثوره
2 _ بالنسبه للاسعار ده علشان مفيش منافسه بين الشركات الموجود هو الحلوان يا كده يا متشتريش لانك علشان تشترى المستورد لازم تروح تاخد موافقه الامانه العامه للقوات المسلحه وده طبعا مش لاى حد بالتالى مش هتلاقى غير الحلوان او تشترى بالاسعار الموجوده الغاليه فوق العاده
3 _ بالنسبه لسعر الطلقات ده بسبب ان مصنع طلقات الرصاص مش بينتج اما الخرطوش بينتج بسيط جدا على الرغم من حاجه السوق ... والاسباب لعدم الانتاج غير معروفه

اللى عاوز اعرفه بقى فين المسدس البلجيكى

رد: طبنجات بلجيكى9مم من ليبيا لمن يريد
 

موضوعجميل جدااا
ارجو من الادارةالتثبيت

رد: الثورة واثرها على السوق واخر الاحداث والاسعــار
 

رد: الثورة واثرها على السوق واخر الاحداث والاسعــار
 

جزاكم الله خيراااااااااااااااااااااااااااااااااااااا

رد: الثورة واثرها على السوق واخر الاحداث والاسعــار
 

موضو ع جميل وتعليقات مفيدة ربنا يحفظكم ومصرنا الجميلة من كل سوء لاكن عاوز أطيب خاطر إلآ نفسة فى سلاح ومش قادر يحصل علية ودة وجهة نظر متواضعة أضعها بين يدى أخوانى وأساتذتى فى المنتدى
أولا ـ قلة التراخيص فى السلاح والتشديد عليها أفضل من حيث المصلحة العامة للبلد من تسهيلها وفتحها
ثانيا : لما نبعد عن أماكن البلطجة والمشاكل والقلق أفضل من وجودنا فيها حتى إن غلب على ظننا إن إحنا نقدر نغير شيئ أو نتصرف بحكمة علشان وجود السلاح فى حد ذاتة ممكن يدفعك إنك تتصرف تصرف تندم علية بعد كدة
وتقول ياريت مكنتش رخصت وطبعا أنا مبقلش إن دة لكل الناس لان فية ناس محتاجة فعلا يكون معاها سلاح
يعن ممكن تتعور ممكن حد يصاب بطريق الخطا ممكن حد يموت وطبعا إنت مش هتتساب وممكن0000000
بطيب خاطركم بقول الله ( وعسا أن تكرهو شيأً وهو خير لكم ) وحديث النبى علية الصلاة والسلام
(سَتَكُونُ فِتَنٌ ، الْقَاعِدُ فِيهَا خَيْرٌ مِنْ الْقَائِمِ ، وَالْقَائِمُ فِيهَا خَيْرٌ مِنْ الْمَاشِي ، وَالْمَاشِي فِيهَا خَيْرٌ مِنْ السَّاعِي ، وَمَنْ يُشْرِفْ لَهَا تَسْتَشْرِفْهُ ، وَمَنْ وَجَدَ مَلْجَأً أَوْ مَعَاذًا فَلْيَعُذْ بِهِ " رواه البخاري (3601) ومسلم (2886)

ومفهو الكلام يعنى ( إبعد عن الشر وامشاكل والقلق قدر الإمكان وربنا يحفظكم جميعأ وأنا أحترم آرائكم جميعا )

رد: الثورة واثرها على السوق واخر الاحداث والاسعــار
 

موضوع ممتاز
انت عارف انا كان نفسي أعمل موضوع يبقى مكتوب فيه اسعار الاسلحة الصوت والرش قبل الثورة وبعد الثورة عشان كل الناس تعرف ، انت تقريبا بدأت ربنا يسهل والناس تكمل

رد: الثورة واثرها على السوق واخر الاحداث والاسعــار
 

اخي العزيز
كل ما قلته صحيح 100 *100
لكن لازم ندور علي الحل
و نشترك كلنا في البحث
و انا فكرت اقدم طلب شركة استيراد من الخارج للسلاح لكن والله ما عندي وقت
ياريت نفكر والي عندة اقتراح يقدمه وان شاء الله كلنا ندعمه و نقف خلفه
مع تحياتي

رد: الثورة واثرها على السوق واخر الاحداث والاسعــار
 

موضوع شيق وتحليل فى غالبيته واقعى مع بعض التحفظات, تحياتى

رد: الثورة واثرها على السوق واخر الاحداث والاسعار
 

نبقي مؤهلين لابد من تغيير أخلاق الأجيال ، بل لابد من تعاقب الأجيال نفسها .
في النهاية أشكرك لمجهودك الرائع .
معاك اننا محتاجين تغير اخلاق الاجيال ولكن ده مش سبب فى اننا نقعد طول عمرنا فى استبداد هيجى اليوم ان شاء الله اللى هنتعلم فيه الاخلاق والالتزام بالقواعد السليمه

رد: الثورة واثرها على السوق واخر الاحداث والاسعــار
 

موضوع جميل جدا وبجد عندك حق فى كل كلمة الموضوع مبقاش هواية او رياضة الموضوع بقى حرب فى حد حيهجم وحد لازم يدافع باى حاجة والناس طبعا محتاجة اسلحة والسوق مفتوح لازم يحصل غلاء فى الاسعار وجشع ودا طبيعى فى مصر

رد: طبنجات بلجيكى9مم من ليبيا لمن يريد
 

أنا مع الأستاذ عراف ولو أني مش تاجر في أن الوقت الحالي لا أؤمن بصورة شخصية أن من يحمل السلاح لابد من أن يحمل ترخيص.عراف قال كلمة وجعتني بجد قال : هي الأرض الزراعية أهم من زوجتي وبناتي؟" اللي متزوج وعنده بنات حيتوجع ذيي كده.الخلاصة أن أنا رايي طالما أن الأمن في مصر متسيب ومافيش قانون يبقى ليه ألتزم أنا وحدي بالقانون للدرجة التي تؤذيني وعائلتي؟لأيه لازم يكون عندي رخصة علشان القانون بيقول كده ومش لازم يكون فيه شرطة كافية لحمايتي أنا وأسرتي؟مش ده قانون ومبدأ ومنطق كمان؟أنا أعلق هنا على الفكرة وليس على الدراسة اللي حضرتك قدمتها. مع إحترامي