الصيد فى مصر

الصيد فى مصر (http://www.egyhunt.net/index.php)
-   مطبخ المنتدى (http://www.egyhunt.net/forumdisplay.php?f=77)
-   -   طريقة عمل الكلماري المحشي بالجمبري (http://www.egyhunt.net/showthread.php?t=3310)

galal khalifa 10-09-23 09:22 AM
طريقة عمل الكلماري المحشي بالجمبري
 
الاخوة الاحباء لاني اعشق المأكولات البحرية وبطريقة جنونية النهاردة ها اصف طريقة عمل الكلماري المحشي بالجمبري والارز
المكونات
1- كيلو كلماري احمر
2- نصف كيلو جمبري مقشر
3- ربع كيلو ارز
طريقة العمل
1- يغسل الكلماري جيدا وتنزع منة الرأس
2- يتم طهو الجمبري نصف طهو
3- يتم طهو الارز ربع طهو باضافة توابل سمك وبعد ذلك يتم اضافة الجمبري علية ويخلط جيدا
4- يتم حشو الكلماري بالارز والجمبري
5- يوضع في صينية داخل الفرن ويترك لمدة نصف ساعة
وبالهنا والشفا للجميع

prince of hunt 10-09-23 09:39 AM
رد: طريقة عمل الكلماري المحشي بالجمبري
 
الله ينور يا عمدة الصيادين

hoka 10-09-23 10:27 AM
رد: طريقة عمل الكلماري المحشي بالجمبري
 
الله الله الله
استاذ جلال بنفسه دخل المطبخ؟؟؟ يا مليون اهلا وسهلا بحضرتك مع شيف المنتدى الاول طيفاااااااااااااااااا
بس بصراحه انا معرفش ايه الكلمارى ده
او ممكن اكون اعرفه ودوقته بس معرفش اسمه
وربنا يكرم حضرتك انت وطيفا وتسيلو ريقنا دايما والواحد ما يطولش حاجه م اللى بتقولوه واللى بتعملوه

الجزار 10-09-23 12:33 PM
رد: طريقة عمل الكلماري المحشي بالجمبري
 
تسلم ايدك يا استاذ جلال

wegdan12345 10-09-23 01:24 PM
رد: طريقة عمل الكلماري المحشي بالجمبري
 
دي اكلة متكلفة جامد كاليماري وجمبري عموما الحمد لله عندنا في البلد ميعرفوش غير البلطي والبياض والشال احمدك يارب هااهاهاهاها

ايهاب رمزى 10-09-23 08:10 PM
رد: طريقة عمل الكلماري المحشي بالجمبري
 
الله ينور ياريس
الف شكر

عاشق القنص 10-09-23 09:28 PM
رد: طريقة عمل الكلماري المحشي بالجمبري
 
ياااااااااااااااااااااااجماله ياجماله
روعه ياعمده

محمد عز 10-09-25 12:59 AM
رد: طريقة عمل الكلماري المحشي بالجمبري
 
الكبير كبير ياعمدة
يعني الواحد هيقضيها بين مطبخ وسوق المنتدى
جميلة اوي الوصفة يا جلال بك
ومستنيين المزيد

محمد حافظ 10-09-25 01:44 AM
رد: طريقة عمل الكلماري المحشي بالجمبري
 
ألآكلة دى يا جناب ألماريشال عاوزة طلعة جامدة زى طلعة حدود ألسودان أللى كنت كلمتنا عنها علشان تفرغ ألطاقة أللى فيها و أنت كده يا كبير كشفت سر حيويتك و نشاطك ألدائم
أللهم لا حسد و لا قر و لا نبر

المستشار 10-09-25 02:55 AM
رد: طريقة عمل الكلماري المحشي بالجمبري
 
احنا نسميها فياجرا الصيادين

Consul 10-10-22 05:07 PM
رد: طريقة عمل الكلماري المحشي بالجمبري
 
الله ينور عليك يا عمدة...وبألف هناء وشفاء للشباب...اللي في سننا ياكل الأكلة دي...ويتوكل علي الله........ينام علي طووووووووووووووووووووووووووووووووووووووووووووووووو وول...اللهم ارحمنا برحمتك...خالص تحياتي للجميع...

الجزار 10-10-22 05:57 PM
رد: طريقة عمل الكلماري المحشي بالجمبري
 
الله ينور يا عمده

درويش51 10-10-23 09:11 AM
رد: طريقة عمل الكلماري المحشي بالجمبري
 
جميلة من ايد جميلة تسلم يا استازنا العزيز بس واللة بجد اية الكلمارى دة
الجمبرى وعرفناة بس ايى الكلمارى واللة متضحك علية اصلى مشفتوش قبل كدة يمكن اكون كلتة غلط فى مطعم ولا حاجة زى دية بس اية شكلة بجد

galal khalifa 10-10-23 09:23 AM
رد: طريقة عمل الكلماري المحشي بالجمبري
 
اقتباس:
المشاركة الأصلية كتبت بواسطة درويش51 (المشاركة 31879)
جميلة من ايد جميلة تسلم يا استازنا العزيز بس واللة بجد اية الكلمارى دة
الجمبرى وعرفناة بس ايى الكلمارى واللة متضحك علية اصلى مشفتوش قبل كدة يمكن اكون كلتة غلط فى مطعم ولا حاجة زى دية بس اية شكلة بجد
واللهي انت عسل شوف يا باشا الكماري هو نوع من فصيلة السبيط او اخطبوط البحر ولكن لونة احمر وحجمة صغير ولما بيتنظف بيكون علي شكل قمع متوسط الحجم وهو من اشهي الاكلات في خارج مصر يعتبر من اشهي انواع السلطات اي خدمة وتعالي كل قبل ما الحسدين يبصوا في الاكلة

ابو عامر 10-10-23 11:26 AM
رد: طريقة عمل الكلماري المحشي بالجمبري
 
لو سمحت يا عمده ممكن سندوتش انا ريقى جرى

Consul 10-10-23 05:29 PM
رد: طريقة عمل الكلماري المحشي بالجمبري
 
اقتباس:
المشاركة الأصلية كتبت بواسطة درويش51 (المشاركة 31879)
جميلة من ايد جميلة تسلم يا استازنا العزيز بس واللة بجد اية الكلمارى دة
الجمبرى وعرفناة بس ايى الكلمارى واللة متضحك علية اصلى مشفتوش قبل كدة يمكن اكون كلتة غلط فى مطعم ولا حاجة زى دية بس اية شكلة بجد
أخي العزيز الأستاذ درويش51...الكاليماري ده والله أعلم زي ماقال كده بالضبط أستاذنا وعمدتنا جلال بك خليفة متعه الله بالصحة والعافية وأعضاء المنتدي جميعا...علشان هو يعرف أكثر مني...بس أنا عن نفسي سمعت الكلمة دي أول مرة في حياتي منذ أكثر من 30 سنة...أيام الخطوبة والرومانسية والأحلام الوردية والوعود البراقة ( ربنا يوعد الشباب الذي لم يتزوج بعد ويريح باله بقي...علي فكرة الزواج حلو يا شباب وعن تجربة ) وعليم الله...ويشهد الله علي ما أقول...أنه الي يومنا هذا لم يشرفنا هذا الكاليماري بالزيارة...وحرمنا سيادته من شرف معرفته...وأدعو الله عقب كل صلاة أن يطيل في عمري حتي أنول هذا الشرف السامي وأتعرف عليه...ولو من بعيد...علي الريحة حتي...قبل أن يأخذ الله أمانته...ولكن للأمانة ربنا ما بينساش حد زي ما بيقولوا فقد عوضني الله عنه بأكلات أخري كثيرة غنية ومفيدة...وتفول التانك...( ماحدش بيبات من غير عشاء ) فأصبحت خبيرا في الكشري والفول والفلافل...والبيض المسلوق...اللهم أديمها نعمة واحفظها من الزوال...وارحمنا برحمتك يا أرحم الراحمين...خالص تحياتي للجميع...

درويش51 10-10-23 08:17 PM
رد: طريقة عمل الكلماري المحشي بالجمبري
 
ههههههههه شكرا يا استاز جلجل انا كنت باحسب انى لوحدى معرفهوش
بس دلوقتى عرفت انى مش حالة شازة والحمد للة
وربنا يديك ويدينا طولة العمر ويبقى الاستاز الكبير جلال يعزمنا ويعرفنا علية عن قرب
بس يا ريت الكليمارى ميستغربناش ههههههههه

المستشار 10-10-24 03:30 AM
رد: طريقة عمل الكلماري المحشي بالجمبري
 
القسم ده من المنتدى فى قمه الخطوره بالذات والدنيا ليل وانت قاعد لوحدك جعاااااااااااان ربنا يستر

eng.essam 11-02-16 11:05 AM
رد: طريقة عمل الكلماري المحشي بالجمبري
 
مشكور ياغالي علي المعلومات تقبل مروري


الساعة الآن 07:07 AM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir