مبتدأو عاوز النصيحة
انا يا جماعة مبتدأ في الصيد و الرماية
و لفيت على الموقع ده و عجبني اوي و عاوز مساعدتكم انا دلوقتي عاوز ابتدي ابتدي بأنهو نوع و انا كنت عاوز حاجة خفيفة عشان لسة في الاول في ناس قالولي بالهوا بتاع المسابقات اللي هوة ده http://www.pyramydair.com/images/fwbP56.jpg ايه رأيكو في الكلام ده و لو في رأي تاني ابدأ بأنهو نوع و ياريت كده لو تقولولي على الاسعار في مصر و الكلام ده معلش بقى مبتدأ |
رد: مبتدأو عاوز النصيحة
حدد هدفك
صيد ولا رماية اذا كان صيد فيلزمك بندقية خفيفة تتعلم عليها وممكن تجيب نوريكا56 او 61 أو صيني ودي اسعارها من 550 الي 1200 للاسباني ولو انت غاوي رماية فانصحك بمسدسات كسر مش غاز عشان الغاز بيسرب وعموما المسدسات لا تصلح للصيد لانها ضعيفة جدا |
رد: مبتدأو عاوز النصيحة
طيب مسدس الكسر ده شكلو عامل ازاي و سعرو عامل ازاي
و محتاج ترخيص ولا لأ |
رد: مبتدأو عاوز النصيحة
اه و اجيب نوع ايه
بس يكون خفيف عشان البداية ده (المسدسات) |
رد: مبتدأو عاوز النصيحة
بصراحة ماعنديش خلفية عن الاسعار والأنواع وفي انتظار اراء الخبراء وعموما ممكن تنزل برضه وسط البلد عند فتح الله والصياد المصر ي في التوفيقية وتاخد جوله وتتفرج علي الأنواع الكسر وعلي الأقل هتاخد فكرة عملية
وفقكم الله |
رد: مبتدأو عاوز النصيحة
وعندك في رابط في جميع عناوين محلات الاسلحة في الجمهورية
http://www.egypthunt.net/showthread.php?t=2175 |
رد: مبتدأو عاوز النصيحة
شكرا جدا على المساعدة
|
رد: مبتدأو عاوز النصيحة
ولو عايز للصيد فزي ما قال استاذ اسامة عليك بالبنادق وارشحلك البندقية كرال التركي نمرة 2
|
رد: مبتدأو عاوز النصيحة
حدد صيد ام رمايه؟؟؟؟؟؟
مع احترامى اذا كان للرمايه فلابد ان يكون غاز واحسن الوجود فى مصر الايطالى و الانجليزى والسعر من 750ج وانت طالع اما الصيد فانت محتاج بندقيه وارشح لك التركى او النوريكا |
رد: مبتدأو عاوز النصيحة
[=""]زى ما قال الاستاذ / صلاح فريد اذا كان للرمايه فلابد ان يكون غاز واحسن الموجود فى مصر الايطالى و الانجليزى
والسعر من 750ج وانت طالع ولك إذا كا للصيد فأرشحلك بندقية Diana 54 و الامكانيات القوة:900 قدم فى الثانية نمرة 2 وتعتبر من اقوى فئة بنادق ضغط الهواء الوزن:4.7 كيلو الطول:105 سم الدبشك:خشب اروو الميزة الاساسية:ان البندقية ملهاش اى رد فعل وبالتالى سوف تساعدك وأيضا لأنك هتحتاج للنوع ده عندما تحترف الصيد فلما لا تبدأ به وتتكيف معه من الان وعلى الاقل توفر فلوسك وتقتنى بندقية محترمة بجد من الاول .[ |
رد: مبتدأو عاوز النصيحة
متشكر على الردود يا جماعة
|
رد: مبتدأو عاوز النصيحة
أخي العزيز الأستاذ سيكو...بالنسبة للمسدسات لا أنصح بالغاز للتسريب وغلو خراطيش الغاز وضعفها عموما...العملى جامو فالكون أسباني عيار 4.5 ( نمرة 1 ) متوافر في حدود 750 جنيه تعمير بعتلة سفلية يصلح للتدريب على الرماية وكذلك لصيد العصافير واليمام لمسافة أقصاها 10-15 متر...بندقية لتعلم الصيد والرماية أرشح لك نوريكا سبورت عيار 5.5 ( نمرة 2 ) في حدود 1250 جنيه وقابلة للفصال عند ميشيل عازر متوسطة القوة سرعتها 160م/ث نيشينكان فوسفوري سريعة في تجميع النيشان وخامتها نظيفة وأمان أوتوماتيكي مع التعمير سهلة في التعامل وتحببك في الصيد معمرة وتصلح للمستقبل أيضا...وهناك الكرال التركي عيار 5.5 ( نمرة 2 ) أم دبشك بني بلون الخشب خامتها أحسن وأنظف من السوداء وفي حدود 1100 جنيه...مدفع قوي سرعتها 240م/ث...وإن كنت لا أرشحها أو أنصح بها للتعلم أو التدريب...لكنها بندقية قوية وشديدة للمحترفين وللصيد من مسافات بعيدة...ويوجد أيضا ماركات بأسماء أخرى وخامات وأسعار أعلى...وخامات وأسعار أقل...حدد غرضك من الإقتناء وحدودك المادية...خالص تحياتي...
|
رد: مبتدأو عاوز النصيحة
متشكر جدا بس هوة اسلحة الصيد بتبقى محتاجة رخص
او اسلحة الرماية |
رد: مبتدأو عاوز النصيحة
لا بالنسبة لبنادق الرش مش بتحتاج اي ترخيص حتي البنادق الرش الهاي باور مش بتحتاج لكن بالنسبة للمسدسات علي حد علمي مش بتحتاج برضو اي نوع من التصاريح
|
رد: مبتدأو عاوز النصيحة
اقتباس:
|
رد: مبتدأو عاوز النصيحة
اقتباس:
|
رد: مبتدأو عاوز النصيحة
كلام صح الصح لو فى امكانيه تبدا باديانا عشان تحب الصيد اكترواحنا يهمنا ان كل يوم يكون فى صياد جديد
وفى بنادق كتير ممكن تحببك فى الهوايا الجميله الراقيه هى ونسها ولك التوفيق انشاء الله |
رد: مبتدأو عاوز النصيحة
بجد متشكر اوي يا جماعة
على المتابعة و المشاركة في الموضوع |
رد: مبتدأو عاوز النصيحة
ماهي اسعار الديانا 54
|
رد: مبتدأو عاوز النصيحة
السلام عليكم
الديانا 54 حتجدها فى حدود من 6300 الى 6500 . |
رد: مبتدأو عاوز النصيحة
إن شاء الله ربنا يوفقك لما فيه الخير والصلاح
تقبل مروري... |
رد: مبتدأو عاوز النصيحة
موضوع شيق.. وهنا حتلاقي كل أنواع مسدسات الرش
http://www.egypthunt.net/showthread.php?t=387 اللي كان بيسأل في اول الموضوع كان بيسأل على مسدسات الرش بس الكلام أخدنا على البنادق والأفضل للبداية والتدريب |
رد: مبتدأو عاوز النصيحة
طب انا عايز اعرف ... فيه بنادق كرال تركي بعتله في مصر ؟ ولو فيه تكون فين واي انواع بالظبط اللي نازله منها ... ؟!!
|
رد: مبتدأو عاوز النصيحة
اللي بعتلة أحسن من التعمير اللي بكسر الماسورة؟؟؟ والكرال البني اللي بلون الخشب أحسن من الفيبر السودة؟؟ وفيه تباديل وتوافيق مابينهم؟؟ يعني فيه فيبر سودة بعتلة وكسر ماسورة؟؟ وفيه برده بني بعتلة وكسر ماسورة ولا ايه بالضبط؟؟ ياريت حد من المنتدى والخبراء يرد علينا وخصوصا أستاذ بدر والأستاذ القنصل جمال بك.. اللي حبيته والله من غير ماشوفه وكل أعضاء المنتدى العظيم ده فيهم الخير
|
رد: مبتدأو عاوز النصيحة
اقتباس:
|
رد: مبتدأو عاوز النصيحة
أشكرك على إجابتك الشافية والوافية يا أستاذ جمال القنصل واسمح لنا أن ننهل من علمك العظيم..
أنا أشعر فعلا و كأني بين أخوتي و أتمنى أن تدوم روح التعاون بيننا |
رد: مبتدأو عاوز النصيحة
اقتباس:
|
رد: مبتدأو عاوز النصيحة
الموضوع الشامل للمبتدئين
http://www.egypthunt.net/showthread.php?t=5244 |
رد: مبتدأو عاوز النصيحة
مفيش حاجه كويسه زي الديانا 54 و في نفس الوقت بتاخد اكتر من رشه او يكون فيها خزنه
|
رد: مبتدأو عاوز النصيحة
و ايه رأى حضراتكم فى مسدس الرش gamo p800 , و هو كسر زى البندقية مش غاز .
|
الساعة الآن 02:22 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir