|
لشراء بندقية جديدة نمرة 3 .... جامو هنتر ولا نوريكا ميفريك ؟
السلام عليكم يا جماعة .......
أنا بأفكر أشتري بندقية عيار 3 جديدة ... وبالسؤال لقيت ان فيه نوعين متاحين دلوقتي .... جامو هنتر دبشك كاموفلاج بـ 5400 جنيه ....... ونوريكا ميفريك (مش متأكد من اسم الموديل بصراحة ) بـ 4000 جنيه ........ هل الأسعار دي مناسبة ولا غالية ، وياريت اللي يقدر يفيدنا بأي معلومات عن البندقيتين (نمرة 3) أكون شاكر أفضاله ....... |
رد: لشراء بندقية جديدة نمرة 3 .... جامو هنتر ولا نوريكا ميفريك ؟
انا اول مرة اسمع عن نمرة 3 بس يمكن عشان انا لسه جديد نوفى
|
رد: لشراء بندقية جديدة نمرة 3 .... جامو هنتر ولا نوريكا ميفريك ؟
السلام عليكم اخى الكريم انا مش بنصح حضرتك بنمرة 3 خليك فى النمرة 2 احسن لعدت اسباب اولا سرعتة ضعيفة جدا وفى افضل الانواع يعنى مثلا الديانا 54 سرعة فى نمرة 3 610 قدم فى الثانية- والحاجة التانية الرشة بتاعتها عزيزة شوية وسعرها غالى بالمقارنة بنمرة 2 و 1 واذا كنت عايز 3 ضرورى يبقى تجيب الويبلى باترويت لكن هى مع الاسف غير موجودة فى مصر وتقريبا مفيش غير نوريكا مارفيك ودية سرعتها فى النمرة 3 190متر فى الثانية وسعرها من 3200 الى 3500 وبالتوفيق ان شاء اللة وتحياتى للجميع
|
رد: لشراء بندقية جديدة نمرة 3 .... جامو هنتر ولا نوريكا ميفريك ؟
انا بايد الاستاذ عصام ان النوريكا المارفك جولد نمره 3 افضل............ ولكن راجع نفسك تانى
|
رد: لشراء بندقية جديدة نمرة 3 .... جامو هنتر ولا نوريكا ميفريك ؟
بارك الله فيك أخي الحبيب...لا بد أن أنبهك أن هذا العيار لا يصلح لليمام والحمام والطرائد الصغيرة...وأفضل أن تعطيني فكره إنت محتاجها في إيه وما هي خبرتك ومدى معلوماتك عن الصيد؟...حتى أستطيع أن أفيدك وكذلك باقي الأخوة والأبناء الأعزاء الأفاضل...عموما سأفيدك بالمعلومات المتوفرة لدي:
أولا بالنسبة للنوريكا مارفيك جولد :- 1- وزنها 3.3 كجم. 2- سرعتها في عيار 6.35 ( نمرة 3 ) 185 م/ث. 3- نظام التعمير بكسر الماسورة وتلقيم الرش المعتاد. 4- نيشانات فوسفورية دقيقة وسريعة التجميع. 5- دبشك خشب عالي الجودة ليس به مخدات للخد. 6- سعرها قبل الأحداث الأخيرة كان 3400 جنيه لدي ميشيل عازر ( الشركة الأهلية ). بالنسبة للجامو هانتر بهذا السعر لا بد وأن توضح أي موديل إكستريم أو موديل 1250...وعموما الموديلين نادرين وغير متوافرين في مصر. ثانيا بالنسبة للجامو هانتر إكستريم :- 1- وزنها 4.08 كجم. 2- سرعتها في عيار 6.35 ( نمرة 3 ) 228 م/ث. 3- نظام التعمير بكسر الماسورة وتلقيم الرش المعتاد. 4- بدون نيشانات مجهزة بتيليسكوب. 5- دبشك خشب عالى الجودة به مخدة للخد. 6- سعرها بالخارج 529$ ( موقع الشركة ) غير متوافرة في مصر. ثالثا بالنسبة للجامو هانتر 1250 :- 1- وزنها 4.08 كجم. 2- سرعتها في عيار 5.5 ( نمرة 2 ) 280 م/ث. 3- نظام التعمير بكسر الماسورة وتلقيم الرش المعتاد. 4- نيشانات عادية وليست فوسفورية. 5- دبشك خشب عالي الجودة به مخدة للخد. 6- سعرها كان لدى بينو بالزمالك بـ 5000 جنيه وغير متوافرة الآن. أرجو أن أكون قد أفدتك ورديت على سؤالك...خالص تحياتي... |
رد: لشراء بندقية جديدة نمرة 3 .... جامو هنتر ولا نوريكا ميفريك ؟
أنا شاكر اهتمام حضراتكم جميعا وربنا يجازيكم كل خير ....
الحقيقة أنا قاصد العيار ده تحديدا وحأقول لحضراتكم ليه .... أنا أصلا عندي بندقية نورينكو صيني نمرة 1 يجي من 15 سنة وكل فين وفي فين لما كنت أطلع طلعة صيد مع قرايب أو صحاب فأغلب الوقت كانت مركونة ويدوبك أضرب بيها يا في طلعة أو عشان أدرب نفسي على النشان .... المهم طبعا بعد الأحداث الأخيرة كلنا جالنا استنفار أمني وهوس في السلاح فأنا ماشي ان شاء الله في اجراءات تصريح الشراء للحي وناوي على طبنجة للحماية الشخصية المباشرة ... انما موضوع البندقية ده طرأ في بالي لما شفت الرشة نمرة 3 ولقيتها نوعا ما ممكن تسبب أذى من على مسافة لأي معتد أو مجرم وبالتالي تعتبر احدى وسائل الحماية ... فضلا على انها باعتبارها بندقية رش مش محتاجة ترخيص وكذلك ممكن تستخدم في صيد الطرائد الكبيرة إذا ما سنحت الفرصة يوما ما لرحلة صيد فيها مثل هذه الطرائد ....... |
رد: لشراء بندقية جديدة نمرة 3 .... جامو هنتر ولا نوريكا ميفريك ؟
البندقيه نمرة اتنين لو هاى باور مع رش ماستر بوينت او بروماجنوم ممكن تشكل كارثه لاى بشر وتسب فيه اثر بالغ من الخطورة وفى بعض الاماكن ممكن ان تقتل بشر لو كانت فى الرقبه
|
رد: لشراء بندقية جديدة نمرة 3 .... جامو هنتر ولا نوريكا ميفريك ؟
اقتباس:
و بافكر برضه فى نمرة 3 ...على اى حال افضل من خطورة السلاح الحى و للتخلص من الاعداد الغفيرة من الغربان التى قضت على كثير من فراخ اليمام تحياتى |
| الساعة الآن 06:50 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir