الصيد فى مصر

الصيد فى مصر (http://www.egyhunt.net/index.php)
-   بنادق ضغط الهواء ومتعلقاتها (http://www.egyhunt.net/forumdisplay.php?f=51)
-   -   ما هي انواع مسدسات ضغط الهواء (http://www.egyhunt.net/showthread.php?t=387)

شمس الملوك 08-03-19 01:14 PM

ما هي انواع مسدسات ضغط الهواء
 
لو سمحت يا مصطفي بما انك معلومات قويه قوي ومفيده انا بسال عن مسدسات الرش افضلها واقوها ويا ريت لو تعرف او عند ك اسعرها كمان

moustafa_hunter 08-03-20 01:14 AM

مسدسات الرش
 
1)مسدسات الرش فى منها نوعين :

1-نوع بساقية او بكرة.
2-نوع بخزنة(طلق خرز).
3-نوع فردى(طلقة كل ما تعمر).

دة من جانب النوع اما من جانب مصدر القوة او الهواء فى ثلاث مصادر .

ب)مصار القوة او الهواء:

1-سوستة(spring power): ودى زى بنادق الرش الى بتحتاج تعمرها علشان تضغط السوستة.

http://www.pyramydair.com/images/zoomed/hw70z.jpg

2-كاربون ديوكسيد(CO2 power): ودى عبارة عن انابيب صغيرة جواها CO2 الى هيدفع الطلقة وبتغيرها كل ما تخلص (تقريبا كل 60-80طلقة).

http://www.gamousa.com//images/acces...detail_co2.jpg

http://www.pyramydair.com/images/zoo...8_116_zm-2.jpg

3-نفخ هوائى(Pneumatic Pre-compressed): ودى عبارة عن اسطوانة كبيرة شوية موجودة تحت المصورة وليها بلف علشان تتنفخ بالمنفاخ لغاية ما الموئشر يتملى(مصطفى الصياد).

http://www.pyramydair.com/images/MHB17.jpg

ج)قوة المسدسات والعيار:

معظم المسدسات الرش هتلاقيها نمرة 1 ودة علشان يعرفوا يوصلوا لاقوى سرعة وعلشان حاجة كمان ان نمرة واحد بتستخدم لضرب الاهداف المعلقة ودة غرض المسدس الرش وعلى فكرة دة هيبقى حلو ليك يا شمس فى نوادى الصيد وتقريبا معظم المسدسات عيار 177 هتلاقى سرعة الطلقة 400.
اما نمرة 2 هتلاقى منها قليل شوية ةتقريبا هتلاقة سرعة الطلقة ضعيفة الا فى مسدس واحد صناعة DIANA.

صور لئشكال المسدسات:

1-مسدس ساقية CO2.

http://www.pyramydair.com/images/sm_ws8_black.jpg

2-مسدس خزنة CO2.

http://www.pyramydair.com/images/pt80_nolaser.jpg

3-مسدس فردى سوستة spring:

http://www.pyramydair.com/images/zoomed/IZH53Mz.jpg

4-مسدس المسابقات,نفخ هوائة (PCP):

http://www.pyramydair.com/images/fwbP56.jpg

د) افضل مسدسات الرش:

1-Beretta FS92

http://www.pyramydair.com/images/zoo...black-wood.jpg
http://www.pyramydair.com/images/zoo...2_156_zm-0.jpg

طبعا beretta شركة مسدسات عريقة والمسدس دة بيدى طبع او شعور كائنك معاك مسدس حقيقى.

2-Beeman p1

http://www.pyramydair.com/images/p1.jpg

Feinwerkbau P40-3

http://www.pyramydair.com/images/zoo..._1323-zoom.jpg

ودة مسدس الرماية او المسبقات , منتهى الدقة تمنة بيوصل ل2400 دولار.

ه)اقوى المسدسات و اشهرها:

1-Diana RWS P5 Magnum

http://www.pyramydair.com/images/zoo...482-zoom-1.jpg

المسدس دة بجد ممتاز فى القوة قوتة بتوصل ل 550 قدم فى الثانية نمرة 1 و 450 قدم فى الثانية نمرة 2.

2-GAMO P-23 Combat

http://www.gamo.com/images/catalogo2...mbat_large.jpg
المسدس دة ممكن يضرب 15 طلقة فى ثنيتين.

وعلى فكر تقريا كل المسدسات زى بعضها الى يفرق بس الstyle او شكل المسدس و فى مودلات كتير فمصر باليزر .
وانا مقدرش او صعب انى اجيب الاسعار بتاعت كل مسدس بالتفصيل بس الى انا عرفوا ان الاسعار بتكون ما بين 400 الى 1700 جنية .
وارجوا انى اكون اديت معلومات كويسة ولو مش كويسة يريت تقولوا.كاتب الموضوع مصطفى الصياد (egypthunt)

شمس الملوك 08-03-23 11:08 AM

متشكره جدا يا مصطفي
 
فعلا معلومات قيمه جدا ومفيده وواضح انك تعبت في جمعها مجهود جبار

moustafa_hunter 08-03-23 01:27 PM

لا شكر على واجب
 
لا شكر على واجب وعلى فكرة انا مبجمعش معلوامت ولا حاجة دة دى خبرتى فى المجال دة ولو عوزة معلومات تانية يريت تسألى وانا هحاول افيدك اكتر من الموضوع دة علشان انا حاسس انى قصرت فية لو كنتى يعنى عايزة موديلات اكتر او الاسعار و شكرا على مشركتك فى الموقع ونتمنى المزيد.

msgm 08-05-13 10:31 PM

رد: ما هي انواع مسدسات ضغط الهواء
 
نفسي أجيب واحد .. يكون بال co2 بس كل الماركات الي في مصر .. أي كلام .. مش تمام ..

مصطفى باشا .. طلب صغير ... ياريت لو ترشحلي . ماركة محترمة تكون متوفرة في مصر ..؟
و شكرا ليك .

عاصــم الشبراوينــي 08-05-14 12:01 AM

رد: ما هي انواع مسدسات ضغط الهواء
 
علي فكره النوع ده ممتاز جدا جدا وموجود عند فتح الله -Beretta FS92
والنوع ده كمان موجود بس غاليين حبتين كده Feinwerkbau P40-3 والماركه دي بتاعت مسابقات
بس بصراحه تحفه

moustafa_hunter 08-05-14 03:39 AM

رد: ما هي انواع مسدسات ضغط الهواء
 
اقتباس:

المشاركة الأصلية كتبت بواسطة msgm (المشاركة 1322)
نفسي أجيب واحد .. يكون بال co2 بس كل الماركات الي في مصر .. أي كلام .. مش تمام ..

مصطفى باشا .. طلب صغير ... ياريت لو ترشحلي . ماركة محترمة تكون متوفرة في مصر ..؟
و شكرا ليك .




المركة الوحيدة الى متوفرة بكثرة و مضمونة GAMO وكلهم عيار نمرة 1 , ومتوسط القوة 400 قدم فى الثانية ومعظمهم بأنبوبة CO2 وفى مسدسات باليزر وفى بسقية , دى الامكانيات الى موجودة فى مصر.

moustafa_hunter 08-05-14 03:44 AM

رد: ما هي انواع مسدسات ضغط الهواء
 
اقتباس:

المشاركة الأصلية كتبت بواسطة asem hamdallah (المشاركة 1357)
علي فكره النوع ده ممتاز جدا جدا وموجود عند فتح الله -Beretta FS92
والنوع ده كمان موجود بس غاليين حبتين كده Feinwerkbau P40-3 والماركه دي بتاعت مسابقات
بس بصراحه تحفه



معلش يا عاصم بس انا الى اعرفة ان انواع مسدسات الرش الى موجودة فى مصر قاصرة بس على WEALTHER و GAMO و الموديل BERETTA FS92 و FEINWERKBAU مش موجدين فى فتح اللة ولا فى مصر اصلا

msgm 08-05-14 05:11 AM

رد: ما هي انواع مسدسات ضغط الهواء
 
ألف شكر يا باشا

طيب قولي أحسن وأقوى واحد ... .!؟!

moustafa_hunter 08-05-14 01:35 PM

رد: ما هي انواع مسدسات ضغط الهواء
 
بص يا باشة القوة مش هتفرق فى مسدسات الرش علشان هى مصممة خصيصا على شان الاهداف المعلقة والتنشين
الموديلات دى موجودة فى مصر ومحققة اعلى نسبة مبيعات فى gamo

http://www.pyramydair.com/images/gamo-p23.jpg

المسدس دة بيضرب 12 طلقة فى 3 ثوانى وفى منة باليزر

http://www.pyramydair.com/images/pt80_nolaser.jpg

المسدس دة نصف اوتوماتيكى

والسدس دة walther

http://www.pyramydair.com/images/wal...-black_265.jpg

الخازنة 8 طلقات

وكلهم نمرة 1 وانبوبة co2

msgm 08-05-14 09:45 PM

رد: ما هي انواع مسدسات ضغط الهواء
 
ألف شكر يا مصطفى .. بجد مش عارف أشكرك إزاي ..!

كنت بأكلم خالي من شوية في موضوع المسدس ده ..

قالي أخطر حاجة في المسدس و أكبر عيب .. أن مجرد ما ركبت الأنبوبة و إتفتحت .. لازم تخلصها .. لأنها لو قعدت يومين .. حتفضى لوحدها ..!

..طيب يا مصطفى إيه العمل ...؟؟!

و خصوصا أن الأنبوبة سعرها مش بسيط ..."" و سؤال تاني ..هي الأنبوبة بتضرب لغاية كام طلقة ..!؟

عنتره 08-09-28 01:20 AM

رد: ما هي انواع مسدسات ضغط الهواء
 
مشكور أخوي على الموضوع الرائع
طلب جاد :إلي يقدر يوصل ماقنوم أول واحد إلى الكويت أو يعرف محل يبيعه بالكويت أنا مستعد أشتريه بأي سعر كان.

steyr68 08-10-01 12:08 PM

رد: ما هي انواع مسدسات ضغط الهواء
 
عيد سعيد على جميع الاعضاء
اسمحوا لى اشارك معاكو فى موضوع طبنجات ضغط الهواء على حسب معرفتى بالسوق المصرى
اكتر ماركتين منتشرين فى السوق المصرى الجامو الاسبانى والولتر المانى والاكثر انتشارا والسعر المنخفض بيكون لصالح الجامو وخصوصا موديل p23 وانا امتلك واحدة من هذا النوع مميزاتها
توجد خزنة اسفل الماصورة وموازية لها تتسع 12 طلقة من نوع bb وممكن تضرب رش عادى
على شرط ان تكون الخزنة فارغة من الطلقات سرعة الطلقة400 قدم ثانية وفى نوع تانى سرعة الطلقة تصل الى 450 قدم ثانية من جامو وهو موديل v 3 وهو عندى كمان والخزنة بتاعتة بتركب فى المقبص من الاسفل بيوضع فيها 14 طلقة bb وفيها فى نفس الوقت الكارترج بتاع الغاز
بس النوع الاول افضل من الثانى لانى v3 مش متاح مع الموديل دة انك تستخدم رش عادى
دة غير عامل الدقة والثبات فى الرماية لانى v3 تريجر تقيل والسبب التصميم اللى بيحاولوا
بيحاكوا بية الطبنجات النارية فى عملها ودة بيكون عائق فى سرعة الرماية ودقتها
اما p23 زى ما قال مصطفى ممكن تفرغ الخازنة فى ثانيتين دة غير دقتة فى الرماية وسعرة اقل من v3 اما بالنسبة لافخر نوع انا شوفتة فى مصر وكمان هو يمكن اقوى طبنجة co2 هى طبنجة colt
كنت شوفتها من مدة عند ابو ضيف فرع شبرا وزنها تقيل وحجمها كمان لانها كلاسيكية جدا مفيش فيها ولا حتة بلاستك واحدة .اما بالنسبة للتعامل مع الانبوبة قهى عند تركيبها يفضل استخدامها وعدم تركها مدة طويلة راكبة لانها بتضغط على الجوانات الفيبر ودة بياثر عليها وعلى سمكها ودة ممكن يؤدى الى تسرب الغاز. فى النهاية عايز اقول حاجة ان طبنجات ضغط الهواء ما تنفعش فى الصيد
هى تنفع فى التدريب على التعامل مع الطبنجات لانها تختلف تماما عن البنادق تانى حاجة انها ممكن تكون وسيلة دفاع بانك تشيلها معاك مثلا فى السيارة بس من الخطا حملها معاك وخصوصا لو شيلتها
فى جراب لانها فى الحالة دى بتاخد صبغة حمل سلاح من الناحية القانونية

osama hanafy 08-10-18 06:53 PM

رد: ما هي انواع مسدسات ضغط الهواء
 
اخي العزيز مصطفي............
بجد انا عايز اشكرك جدا علي الموضوع المميز دة
لاني كنت نازل اشتري مسدس وكنت هاجيب نوع تاني خالص بس بعد ماقراءت الموضوع بتاعك اتضحت الرؤية تماما وقررت اغير نوع المسدس
الف شكر

tiger_chan 09-04-21 11:13 PM

رد: ما هي انواع مسدسات ضغط الهواء
 
الف شكر علي المعلومات الممتازة لكن اود ان اعرف اماكن بيع تلك المسدسات في مصر حيث اني حاليا في الكويت و لقد حاولت الشراء من الكويت و لكن البعض نصحني بعدم الشراء لان سيكون هناك مشكلة لادخالها مصر علما بان الموديلات الموجودة بالكويت رائعة و هي نفس الموديلات الموجودة باميركا.اود ان اعرف ايضا سعر انبوبة الغاز في مصر
و شكرا
د.احمد

smsmn8888 09-04-22 12:47 PM

رد: ما هي انواع مسدسات ضغط الهواء
 
طيب ياشباب انا سمعت علي مسدس البلي الحديد
حت عنده اى معلومة عنها وياليت اسعارها في مصر لو مفيهاش تقالة

أبو أدهم 09-04-23 01:43 PM

رد: ما هي انواع مسدسات ضغط الهواء
 
معلش عايزين نعرف مكان بيعها بالتفصيل لأني مش من القاهرة فلو حد يعرف عناوين الوكلاء وأماكن بيع هذه المسدسات أكون شاكر جداً

Fox 11-04-06 03:46 PM

رد: ما هي انواع مسدسات ضغط الهواء
 
بعد اذنكو يا جماعة
انا ماليش خبرة في المجال بس عايز مسدس beretta fs 92 أو gamo r 77
و عايز اعرف الأسعار
أرجو الإفاده
و شكرا

امنيتي الصيد 11-04-28 02:16 AM

رد: ما هي انواع مسدسات ضغط الهواء
 
يا جماعة نفسي اطلع رحلة صيد اعمل ايه ؟

omar oz 11-05-17 11:30 AM

رد: ما هي انواع مسدسات ضغط الهواء
 
.........
موضوع يستحق التثبيت

moneey1975 11-05-17 11:47 AM

رد: ما هي انواع مسدسات ضغط الهواء
 
معلومات قيمه جدا عن مسدسات الرش والله الموفق والمستعان

EMADCABO 11-05-18 01:40 PM

رد: ما هي انواع مسدسات ضغط الهواء
 
تشكيله رائعه ياريت حد يدلنى على مكان بيع السدسات دى فى الاسكندريه

BERETTA M92FS 11-05-19 02:29 AM

رد: ما هي انواع مسدسات ضغط الهواء
 
اقتباس:

المشاركة الأصلية كتبت بواسطة emadcabo (المشاركة 97977)
تشكيله رائعه ياريت حد يدلنى على مكان بيع السدسات دى فى الاسكندريه

فتح الله سعد زغلول


الساعة الآن 12:48 PM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir