اية اسم الطير دة صور
 

اخوانى الكرام حد يقولى اية نوع الطير دة وبيتاكل ولا لاء والبومة دى انا ضربتها عن طريق الخطاء وشكلها كدة من الانواع النادرة

رد: اية اسم الطير دة صور
 

هذا الطائر لايؤكل واسمة غراب الليل ... على فكرة انا اصطدت واحد زية

رد: اية اسم الطير دة صور
 

غراب؟؟؟؟؟؟؟؟؟؟؟ لادة مالوش علاقة بالغربان خالص دة طير نباتى

رد: اية اسم الطير دة صور
 

الطائر الازرق ده يشبه بلاشون أزرق وهو طائر بحري
بس مش عارف منقاره اقل من البلشون ...

رد: اية اسم الطير دة صور
 

انت لو تلاحظ هو منقارة وغروز فى الارض شوية هو فعلا منقارة اطول من اللى ظاهر امامك فى الصورة وصدرة لونة فاتح ابيض مايل للرصاصى

رد: اية اسم الطير دة صور
 

يبقي بلشون ازرق وعلشان نتأكد رجله طويلة ولا قصيرة وورقبته طويله ولا لأ ومكان الصيد عوامل ترجح جامد هل في بحر او ترعة كبيرة أو بحيرة قريبة أو النيل قريب مثلا
لأنه فعلا أنا برجح انه غراب الليل بنسبة 60% وبلشون بنسبة 40% ومتخدش فبالك كلمة غراب ... فاللغة العامية بيقولو علي أي طائر كبير ولونه داكن غير الأحمر والبني غراب بس الأسم الصحيح له هو طائر الليل الحزين

ملف مرفق 28732

http://rebelheart.squarespace.com/bl...g-the-day.html

رد: اية اسم الطير دة صور
 

اة رجلية طويلة ولونها اخضر فاتح وهو موجود على شاطىء النيل على شجر فى جنينة على الشط

رد: اية اسم الطير دة صور
 

وبيبقا مجوعة مع بعض تطيرو وييجو تانى لنفس المكان

رد: اية اسم الطير دة صور
 

ورقبتة طويلة

رد: اية اسم الطير دة صور
 

هو اللى فى الصورة دة غراب ولا بلاشون

رد: اية اسم الطير دة صور
 

امانة عليكم تفيدونى لانى عطيهم لواحد صحبى ولو كانو مبيتكلوش هزعل جدا وعشان كمان اعرف بعد كدة وللعلم هو قالى ان طعمهم زى البط

رد: اية اسم الطير دة صور
 

ملف مرفق 28733

الاسم العربي : بلشون الليل

الاسم الإنجليزي: Night Heron

الاسم العلمي: Nycticorax nycticorax

وصف الطائر : بلشون ضخم الجثة ، يتميز بشكل الجسم المقوس واللون الرمادي والتاج الأسود على الرأس وأعلى الظهر.

البيئة : في المواقع ذات الغطاء النباتي الكثيف في البرك والمستنقعات على مصبات الأودية في البحر الأحمر ، كما يتواجد في بيئات الأودية ومياه الصرف الصحي.

التغذية : يتغذى في وقت الغروب على الأسماك والرخويات.

الحالة : طائر مهاجر ويصل في أكتوبر . أعداده في الشتاء جيدة ولكنه منعزل فلا يشاهد بكثرة

رد: اية اسم الطير دة صور
 

ملف مرفق 28734

الاسم العربي : بلشون الصخور

الاسم الإنجليزي: Western Reef Heron

الاسم العلمي: Egretta gularis

وصف الطائر : يتواجد هذا النوع على شكلين الأول أبيض اللون والثاني رمادي غامق والمنقار في كليهما أصفر ومسود والساق سوداء والقدم صفراء والرقبة طويلة وهناك ريش طويل خلف منطقة الرأس . أما الشكل الرمادي فتوجد بقعة بيضاء اللون على الحلق وهناك ريش طويل خلف منطقة الرأس.

البيئة : ساحلية
التغذية : يتغذى على الأسماك الصغيرة.

رد: اية اسم الطير دة صور
 

قولي بقي كانو زي الاولاني ولا التاني وعلي فكرة الأتنين بلشون وقلنا غراب ده اسم شائع مش غراب يعني أنه من طائفة الغربان
زي طائر الغراب النيلي مش غراب بس بيقولو عليه غراب وذلك لعظم حجم منقارة زي الغراب ودول نفس الكلام دا غير اللون الداكن

واطمن الأتنين بيتاكلو يا سيدي

رد: اية اسم الطير دة صور
 

الله اعلم مش هافتى لانى ماعرفش ده ايه بس بالله عليك ماتضربش بوم ولا صقور تانى وياريت ماتضربش اى طير الا لما تتاكد انه بيتاكل الاول

رد: اية اسم الطير دة صور
 

بص ياسيدى الطير ده بيسموه الواق وهو نوع من انواع البلشون , بيجى مصر فى الشتاء ودايما بيبقى فى جماعه وعلى الالسواحل او الشواطئ وفعلا بتجمع بالنهار "لانه ليلى" على شجره او مجموعه شجر واذا طيرته بيلف شويه ويرجعلها تانى ودى نقطة ضعفه , اصطدت منه كتير قبل كده وهو حلال اكله , لكن من ناحيه النفس مش هتقدر تاكله لانه زفر جدا وطعمه مقرف لانه لايتغذى الا على الاسماك , لذلك بطلت اضرب عليه وانصحك انك متحاولش تصطاده تانى , ونصيحه من اخ ياريت تاخد بالك كويس من الحاجه اللى بتضرب عليها لان دى نفس وسنسال عليها
ودى صور للواق

رد: اية اسم الطير دة صور
 

الله عليك يا شريف باشا انت فين يا عم

رد: اية اسم الطير دة صور
 

سلام عليكم ...

هو مش واق لأن الواق لونه مش أزرق عالعموم أهم كلهم بلشونيات ومن سلسلة مالك الحزين
اما الواق فهو شكله كده وهذه صورة له وهو طائر وهو واقف + معلومات تفصيلية عنه

ملف مرفق 28760
ملف مرفق 28759
ملف مرفق 28758

مكان التصوير ( دخان – قطر ) -يعيش في أراضي المستنقعات. وتصعب مشاهدته بين القصب بسبب ألوانه. الواق، طائر.
طائر الواق أحد أنواع الطيور التي تعيش في المستنقعات، وتزيد على 12 نوعًا، وتنتمي إلى فصيلة البلشون (مالك الحزين). يوجد الواق في كل العالم ماعدا القارة القطبية الجنوبية والأجزاء الشمالية من آسيا وأمريكا الشمالية، وجزر محيطات معينة. والواق الأوروبي أكبر الأنواع ويبلغ طوله حوالي 75سم. وعنق الواق وأرجله طويلة إلى حد ما، ولكنها أقصر من طيور البلشون الأخرى. ولطيور الواق منقار كبير حاد ودقيق. ولون الأجزاء العليا من جسم الطائر أصفر برتقالي داكن، مع بُقع سمراء مُحمرة وسوداء، ولونُ أجزائها السفلى أصفر برتقالي شاحب مع خطوط سمراء. وأرجلها خضراء مصفرة.
يعيش الواق بصورة عامة، منفردًا عدا وقت التكاثُر. ويبني عشه البسيط على الأرض، بين النباتات المائية الطويلة. وتضع أنثى الواق من ثلاث إلى خمس بيضات بنيّة اللون. ولكي يتغذى الواق يقف ساكنًا تمامًا في الماء الضحل، مرتقبًا الأسماك والضفادع والفئران والسحالي والحشرات. ويشير الطائر بمنقاره إلى الأعلى، عندما يريد أن يختفي، ويقف ساكنًا تمامًا. وتصعب مشاهدةُ الواق وسط القصب المائي بسبب ألوانه. ويتردد صياح الواق بانتظام رتيب عبر المستنقعات التي يعيش فيها. ويحدث الواق الأوروبي ضحيجًا مدويًا كالبوق المزعج البعيد، كما يتردد صياحُ الواق الأمريكي مثل المضخة الصدئة، أو مثل صوت الضرب بالمطرقة على الوتد. ويدعى الواق الأمريكي أحيانا بسبب صياحه “المضخة الصاخبة أو الوتد المطروق”. يعتبر الواق الأقل أصغر الأنواع، ويبلغ طوله 30سم، ويعيش في كل أنحاء أمريكا الوسطى والشمالية. وله ريشٌ أسودُ مُخضرّ في قِمَّة رأسه وفي المؤخرة.

رد: اية اسم الطير دة صور
 

ثانيا وأخيرا الراجل قال أنه بيطير مع بعضه مجموعة
والواق طائر يطير في زوجين أو فرادي ولا يطير كفرق بعكس البلشون الأزرق لأنه فالغالب طائر مهاجر فيطير في هيئة فرق سبعات

رد: اية اسم الطير دة صور
 

طبعا اسم الطائر بيختلف من مكان لاخر او حتى من محافظه لاخرى , عموما الطائر اللى الاخ اصطاده بنسميه عندنا فى دمياط الواق واللى حضرتك عرضت صورته بنسميه "ديك الغاب" وبرضه اصطدت منه قبل كده , وبالنسبه للطائر اللى الاخ اصطاده بيطير فرادى او زوجين فعلا لكن الكلام ده وقت الصيد واللى غالبا بيكون ليلا اما عند مبيته نهارا يتجمع فى مجموعات ولا يتفرق حتى تغيب الشمس وعموما فى حاله الصيد بالنسبه لنا مش هيفرق اسم الطير المهم حلال ولا لآ وطعمه مستساغ ام لا وبيتغذى على ايه . ودى كانت صور قديمه من صيدى, وشكرا لحضرتك وتحياتى للجميع

رد: اية اسم الطير دة صور
 

الله يخليك يا عمر , قولى اخبارك ايه وياترى لقيت الديانا ولا لسه , ومتنساش تسلملى على السيد الوالد , واجدعن بقى ياعم عايزين نطلع سوا