|
ساعدوني فى إصلاح بندقية ( Diana 50 )
السلام عليكم ورحمه الله وبركاتة انا معاية بندقية ديانا نمرة 2 ودي كل البيانات اللى على البندقية Diana MOD. 50 T01 CAL 5.5 / .22 Made in west Germany ---------------- البندقية دى انا بعشقها اوى . بس للأسف فى يوم من الايام كنت مديها لواحد صحبى ربنا يسمحه بقى بوظها وبهديلها وهنهااا ورجعهالى بعد 7 شهور ... !!! ( ونعمة الصاحب ) ------------------- العيوب هي : 1- الناشنكان اللى على اول الماسورة مش موجود 2- الناشنكان اللى فى النصف بايظ ومتكسر 3- قاعدة المنظار مش موجودة 4- من داخل البندقية بقى مش عارف اقولكم ايه عشان انا مش بعرف افك البندقية بس فى حاجات مكسورة جوه تقريباً وكمان لما اجي اعمر البندقية واجي اضرب بيها بسمع صوت ضعيف اوى حاسس ان انا معاية مسدس ( بيبي جن ) مش بندقية ---------------- دى صور البندقية http://www.imgcorner.com/image-7C25_4B0952F2.jpg http://www.imgcorner.com/image-ED38_4B09531F.jpg http://www.imgcorner.com/image-3DC5_4B095333.jpg http://www.imgcorner.com/image-9A04_4B095343.jpg http://www.imgcorner.com/image-8F91_4B095351.jpg http://www.imgcorner.com/image-CC1F_4B095371.jpg http://www.imgcorner.com/image-51DC_4B095382.jpg http://www.imgcorner.com/image-0230_4B095398.jpg -------------------- انا كدة قولت كل اللى عندى ومحتاج المساعدة منكم ايه اللى ممكن اعمله فيها بظبط هل البندقية دى هتتصلح ولاا لآ .... ؟ والقطع الغيار موجودة ولاا لآ . وسعرها غالى ولاا رخيص ... ؟ والبندقية دى هتكلف كتير عشان ترجع زى الاول ولاا لآ ...؟ ارجووووو الرد |
رد: ساعدوني فى إصلاح بندقية ( Diana 50 )
بص ياأخي العزيز البندقية دي يبدو أنها تعرضت لبهدلة جامدة جدا أذا كانت الصورة المرفوعة دي هي صورها الفعلية ويجب أنها تتفور تماما علشان يتعرف الأول أيه اللي حصل فيها وأنشاء الله كل حاجة ليها حل
ولو محتاج مساعدة في ذلك أنا تحت أمرك |
رد: ساعدوني فى إصلاح بندقية ( Diana 50 )
اقتباس:
من نحيت الصور الموجودة دى هى صور البندقية بتاعتى وكمان انا لسا مصورها انهاردة :) انا عاوز اعلق على كلمة ( يجب انها تتفور تماما ) يعنى اعمل اية ؟ واروح عند مين ؟؟ وشكراً لمتابعتك ليا يا جميل |
رد: ساعدوني فى إصلاح بندقية ( Diana 50 )
لازم فني ويكون متخصص اما النشينكان الخلف سعره 250 والامامي 100 اما الباقي لا اعرفه عشان انا مش عارف بايظ ايه تاني
|
رد: ساعدوني فى إصلاح بندقية ( Diana 50 )
الاخ العزيز
انا كان عندي بندقية اختها من حوالي 15 سنة وهية بندقية قيمة جدا بس عيوبها كتيرة وبالنسبة الي الحالة الي انت فيها ممكن النيشان الخلفي يتصلح وانا اعتقد ان الصوت الداخلي الي في البندقية نتيجة كسر السوستة بالداخل وسن نملة الذبابة لو مالقتهاش جديدة ممكن سمير ذكي يعمل لك واحدة والخسبة ممكن تروح لواحد استورجي كويس يسنفرها ويرشها بس قولة يرشها بالمسدس زي الدوكة علشان باليد الخشبة مش ها تكون كويسة |
رد: ساعدوني فى إصلاح بندقية ( Diana 50 )
اقتباس:
اخ محمد انا متشكر بجد على الأسعار دي بس انا عاوز اسألك على الراجل الفني المتحصص .. ياريت تقولي على واحد كويس وعلى قطع الغيار اجيبها منين بالاسعار دى .... ؟ وشكرا لمتابعتك ليا |
رد: ساعدوني فى إصلاح بندقية ( Diana 50 )
اقتباس:
الكلام ده جميل اوى اوى بجد بس انا مش عارف اعمل ايه لحد دلوقتى يعنى اروح عند مين بظبط وانا عاوز اعرف مين سمير ذكي دة ...؟ وعنوانه فين بظبط وكمان الاستورجي عاوز اعرف مكان واحد كويس ... ؟ وعنوانه بجد انا متشكر اوى يا جلال لمتابعتك ليا جزاك الله كل خير |
رد: ساعدوني فى إصلاح بندقية ( Diana 50 )
اخي العزيز كاتشب بعد التحيه
ان كنت من القاهره فانت عندك قطبين هما م/طلعت ا/جلال خليف اصحاب الردود السابقه كلاهما علي العلم الكافي بالبندقيه واعطال السلاح وانا ارشحهم لك |
رد: ساعدوني فى إصلاح بندقية ( Diana 50 )
اقتباس:
اخ محمد اولاً شكرا لمتابعة الموضوع انا من محافظة القاهرة تحديداً من ( مصر الجديدة ) ------------------- انا روحت عند ورشة اصلاح اسلحة ( زكى عوض واولادة ) دا فى الشرابية بجوار مستشفي غمرة العسكرى بس حاسس انو بيضحك عليا عشان قالي ان سن نملة الذبابة بـــ 300 جنية و الناشنكان اللى فى النصف بــــ 300 جنية والسوستة بـــ 200 جنية وطقم جلب بـــ 80 جنية ومصناعية 100 / 120 جنية ... يعنى كدة العملية دخلت فى 1000 جنية ------------------- وانا عامل الموضوع دة عشان تساعدونى انا طالب منكم مكان واحد فنى يكون كويس ومش غالى اوى كدة والاهم يكون امين وعاوز اعرف الاسعار اللى هوا قالي عليها دى صح ولا لآ . ولو حد منكم متأكد من اسعار قطع الغيار لبندقيتى ياريت يقولى عليها . يا جماعة انا عوزكم تساعدونى . قلولى اعمل اية بظبط اروح عند مين وهتتكلف بكام . وانا بشكركم كلكم لمتابعة الموضوع جزاكم الله كل خير |
رد: ساعدوني فى إصلاح بندقية ( Diana 50 )
زكى عوض مش عارف اية الى حصلة بيبالغ فى الاسعار+ الاسعار الى بيتكلم فيها مش بس غالية لا دى مبالغ فيها جدا
اسئال عن قطع الغيار عند فتح الله هيقولولك متوسط الاسعار |
رد: ساعدوني فى إصلاح بندقية ( Diana 50 )
اقتباس:
والله انتا زى العسل يا ابو الشوق :D [/]انا مش عارف بجد ليه هوا قالى كدة مع ان الناس قلتلى انو دا احسن واحد وهيجيب من الاخر بس انا هروح عند فتح الله وان شاء الله اسمع اسعار حلوة منه وشكرا لمتابعة الموضوع يا جميل :D |
رد: ساعدوني فى إصلاح بندقية ( Diana 50 )
اقتباس:
|
رد: ساعدوني فى إصلاح بندقية ( Diana 50 )
الاخ العزيز
رقم تليفوني 0127717179 وانا ساكن في شارع منشية التحرير من جسر السويس بجوار كلية الهندسة والتكنولوجيا ولو محتاج اي مساعدة احنا كلنا في خدمة اعضاء المنتدي |
رد: ساعدوني فى إصلاح بندقية ( Diana 50 )
يا عم كاتشب انتا محتاج اية تانى معاك جلال بك وطلعت بك يبقى مش محتاج حاجة تانى
مترددش فى الاتصال بيهم وهما مش هيتاخروا عليك انا لو من سكان القاهرة كنت هشوفهم كل يوم |
رد: ساعدوني فى إصلاح بندقية ( Diana 50 )
بص يا كاتشب انا هقولك نصيحه الحاجات الغاليه دى بصراحه ما تتشحتش ما تزعلش منى لان كمان البندقيه الى زى دى نادره او ممكن تقول انها مميزه لانها بجد فاظيعه انا اقولك على حاجه صلح البندقيه دى لانها تستاهل الفلوس الى هتدفعها انت عليها تعرف ان الديانا الى معاك دى وصلت 5500جنيه ده دليل انها فظيعه
لو تعرف حد يبيع واحده زيها بس تكون كويس كلمنى وانا مستنى لرد وشكرا |
رد: ساعدوني فى إصلاح بندقية ( Diana 50 )
اعتقد يا كاتشب انك اذا لم تكن اتصلت بالاستاذ/ جلال او الاستاذ طلعت زى ماقالولك تبقى غلطان اوى دى ناس حتساعدك لله(جدعنه يعنى) وهم فاهمين كويس وهرشين السوق
بس كان لى تعليق صغير////اذا كانت الجزرة سليمه يبقى البندقيه تستاهل التصليح اما اذا كانت الجزرة بتسرب الضغط(بالبلدى منفسه) يبقى عوضك على الله لانها لا يمكن ترجع زى اصلها حتى لو اتصلحت فى الشركه نفسها طبعا فى ناس حتفولك تتصلح بس لايمكن تكون محكمه زى الاصل وحتعطل تانى بسرعه اما النشان فامرة سهل مش زى مانت فاكر وفعلا زكى عوض اتجنن هو والتانى (بندى) اللى فى 100ش شبرا |
رد: ساعدوني فى إصلاح بندقية ( Diana 50 )
هاتلك صينى او رمسيس وعودك على الله
:mad::mad::confused: |
رد: ساعدوني فى إصلاح بندقية ( Diana 50 )
لو عاوز تبيع انا ممكن اشتريها لو موافق اتصل بية على 0109101878
|
رد: ساعدوني فى إصلاح بندقية ( Diana 50 )
بسم الله الرحمن الرحيم
كلم الشيخ مجدي في الاسكندريه والمشاكل دي كلها تتحل ان شاء الله وباقل التكاليف بس حضرتك ماقولتلناش هو صاحبك كان بيعمل ايه بالظبط بالبندقيه اعتقد انه كان بيحفر بيها في الارض |
رد: ساعدوني فى إصلاح بندقية ( Diana 50 )
هذه البندقية ( الديانا50 ) من البنادق الممتازة فهي بندقية صيد فعلا وصيانتها ممكنة وقطع الغيار يمكن توفيرها او توفيقها من انواع وموديلات اخرى
يا كاتشب اتصل بالاستاذ جلال والاستاذ طلعت لانهم هيدلوك على كل شئ ( مكانه او سعره ) الحقيقي وانا عايز اذكر موقف حصل لي ايضا مع بندقية ديانا 50 كنت اشتريتها من نبيل فتح الله من اسكندرية واعطاني معها سوستة اصلية وايضا اعطاني كارت لـ عادل زكي عوض ( توصية يعني ) وتركت البندقية عنده وذهبت لمشوار اخر وعندما عدت قال لي خلاص ركبنا السوستة وبعد حوالي 10 ايام بدأت البندقية تضعف وقد بعتها الى احد الاصدقاء وعندما قام بفكها وجد ان بها سوستة عبارة عن قطعتين وليست سوستة اصلية - هذه تجربتي مع ورشة الشرابية والكلام ده كان سنة1999م |
رد: ساعدوني فى إصلاح بندقية ( Diana 50 )
السلام عليكم
اولا حرام عليك والله دى بندقيه فى غاية الجمال مش عارف ازاى انت فرطت فيها بالسهوله دى د انا عندى بندقيه اسبانى لوتشوفنى عامل فيها ايه ................................بجد انا حزين جداا للى حصل للبندقيه دى بس دى اخرت ان الواحد يدى حاجه لحد نفس المشكله دى حصلت معايا بس فى شنيور المانى دقاق شحته والله رجع بايظ ومن ساعتها انسى ولا يوجد له قطع غيااااااااااااااااار |
رد: ساعدوني فى إصلاح بندقية ( Diana 50 )
ارجوا ان ربنا يوفقك وتصلح بندقيتك لانها فعلا بندقية قيمة ... ونداء الى الاخوة الاعزاء اعضاء المنتدى .. اوعوا حد يسلف بندقيته لحد تانى ..لو بتحب سلاحك اوعى تديه لحد
|
رد: ساعدوني فى إصلاح بندقية ( Diana 50 )
بص يا عم كاتشب انا هقولك على نصيحتين لله
الاولى : ا / جلال خليفة وم/ طلعيت بخيت الاتنين عرضوا عليك المساعدة منهم لنفسهم فيا ريت تنجز نفسك وتتصل بيهم لانهم ناس قمة فى الذوق والاحترام ومش هيتأخروا عنك ابدا ويا سعده اللى من القاهرة ويقدر يقابل الناس دى وانت قريب منهم فيا ريت تكلمهم لانك هتشيل ذنب التفريط فى البندقية الجميلة دى التانية : بتتحرج انك تقول لحد لأ بسيطة...... شوفلك بندقية صينى سكة 100 ولا 150 واصرف عليها 30 ولا 40 جنيه سوسته جديدة وجلبة وابقى شحتها واهى لو راحت مرجعتش حتى مش هتزعل عليها لكن متخرجش اى حاجة قيمة عندك تانى وتقبل تحياتى اخوك محمود برعى |
رد: ساعدوني فى إصلاح بندقية ( Diana 50 )
بص يا اخي سعر الناشكان الخلفي كبيره اوي 250 والامامي ممكن أجيبه ليك بحوالي 50 والسسوسته من 100 الى 200 وده اللي انا اعرفه بس انا من الاسكندريه وده تليفوني 0118449904 ، حتى بالنسبه للدبشك ممكن نعمله وأنا تحت امرك .
|
| الساعة الآن 07:56 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir