طلعة الـ ( 1000 ) يمامة .
السلام عليكم ورحمه الله وبركاته :ordi:
طبعا يا اصدقائى العنوان بتاع الموضوع غريب شويه لان اكيد طبعا عمرى ماهجيب ال 1000 يمامة ف طلعة واحدة الا اذا طلعت الطلعة ورجعت بعد 25 سنة ههههههههههههههه :rir::rir: ندخل ف الموضوع :ordi: جهزت حالى والبندقية ( ولا مظبط نشان ولا مصين ولا عامل اى حاجة ) وسكينة صغيرة وكشاف وحاجات بسيطة جدا ( ابسط الامكانيات ) واطلقنا بعد العشاء للمكان بتاع الطلعة ال فاتت :comm: عدد اليمام كان أقل ( لان زى والدى ما بيقول المكان لازم * تغفله شويه ** بمعنى انك ماترحش تصطاد فى مكان واحد كل يوم والتانى لان اليمام هيطفش ) :lov: عدد اليمام كان اقل من المرة ال فاتت ومن ع اول شجرة وقعت 2 يمامة منهم واحدة وقعت ع عشة وحيرتنى على ما جبتها وشغل طرزان بقا واطلع وانزل وهكذا :mechan::mechan: ومنها على ( الشجرة المبروكة ) ودى شجرة فيكس كبيرة وا شجرتين لازقين ف بعض كده وعليها ان لم يخنى التقدير 200 يمامة مثلا اصطت منهم 2 ههههههههههه والباقى بيطير طبعا بالاضافة لليمام ال بيبقا بيقولى ( اقتلنى ياعم ) بس للاسف كل شئ نصيب ووصلنا لاخر الطريق ومكنش فيه حاجة تقريبا قولت لا مش نافع كده دانا بصطاد كل فين وفين انا هطلع ع المكان بتاع زمان ( شجر توت ) وبالفعل وصلت هناك واذا بها المفااااااااااجأة بضرب الكشاف ف الشجرة من تحت اشوف بيااااااااااااااااااااااااااااااااااااااااض الشجرة تحول لونها للابيض من كمية اليمام الموجود عليها ال أول مرة ف حياتى اشوف الكم ده لدرجة انى زهلت ومبقتش عارف اضرب انهى لدرجة انى قولت بقول ( لان دى صدرها مش باين ادور ع واحدة تانية صدرها باين انشن عليه ) ههههههههههههههه :rir::rir: ضربت واحدة ووقعت ف الترعة الصغيرة فسيبتها هجبها بعدين ( بعد ما اتأكدت ان الطلقة جاية ف جناحها وانها هتفضل عايمة ومش هتغرف فيصبح أكلها حرام :) ) وف اللحظة دى حسيت ان السما بترعد من كمية اليمام ال طار من ع الشجرة :comm::comm::comm: وفضلت اتسحب حوالين الشجرة عشان اليمام ما يسمعش ويطير لحد ما لقيت واحدة مش باين منها غير جزء بسيط وصعبها جدا لانه مستخبيه ف فرع كبير وهنا سميت ووقفت وقفه مظبوطة وصوبت عليها وانا بسترجع خطوات وقواعد التنشنين ف دماغى و ( بوووووم ) وهنا حصل حاجة خلتنى مستغرب جداااا ( وهى ان اليمامة نزلت مقفولة ) ههههههههههههههه حاجة غريبة انا مش متعود ع كده :rir::rir: لان كان قبلها بشويه فيه يمامة وفضلت اضرب عليها حوالى 20 مرة لحد ما زهقت وسيبتها ومشيت هههههههههههههههههه :rir::rir: وتكرر المشهد مع شجرة التوت ال بعديها وكان البياض بيكسو الشجرة دى كمان من كمية اليمام وجبت من عليها 2 وبكده اصبحت الحصيلة 8 ( مع انى كنت حاسس انهم كتير لانى ماعديتش غير اما وصلت البيت بس الحمد لله كله فضل ونعمة :) ) وبكده سميت الطلعة بالالف يمامة لانى شوفت عدد كبير جدا من اليمام ممكن يوصل لألف وانا متاكد ان لو فيه حد من القناصين هنا ف المنتدى كان طلع الطلعة دى مكنش رجع بأقل من 100 يمامة هههههههههههههه ودول صورتين كده للطعة ومعلش صدعتكم بكلام كتير عشان بحب اكتب التفاصيل لانها بتبقى ذكرى وبدخل بعديها اقرا الموضوع بتاعى تانى بعد فترة وافتكر الذكريات الجميلة http://s30.postimg.org/yns29vonl/015.jpg http://s24.postimg.org/wl05w0d5h/013.jpg http://s9.postimg.org/pm9hv37bz/000.jpg |
رد: طلعة الـ ( 1000 ) يمامة .
ولعها ولعها
شعللها شعللها هههههههههههههههههههههههههههه حبيبى ياض يا اسلام والله طلعه زى العسل وعلى فكره ابوك عنده حق لما قالك ماتروحش مكان واحد مرتين على الاقل سيبه اسبوع مرتاح وربنا يكرمك ياجبيبى وتجيب الالف ان شاء الله |
رد: طلعة الـ ( 1000 ) يمامة .
اقتباس:
هههههههههههههههه حبيبى يا اتش اصبر عليا انتا بس اما اخلص الجيش ان شاء الله واظبط نفسى ف شغل كده وبالى يروق وانتا تشوف اليمام ده باذن الله نازل زى المطرة عليا هههههههههههههههههههههههههههههههههههههههههه :lov::lov: |
رد: طلعة الـ ( 1000 ) يمامة .
ماشاء الله تسلم ايدك يا قناص المره الى جايه تبقى احسن ان شاء الله.
|
رد: طلعة الـ ( 1000 ) يمامة .
الله ينور ياسلم وعقبال الالف يمامه ونشوفك كده من كبار القناصين فى المنتدى،،،الحاج شكله كان صياد قديم مش كده.....
|
رد: طلعة الـ ( 1000 ) يمامة .
استعد بقى واقولك على حاجة ممتازة للاماكالعصر وتلبدتحتن اللى زى دى...انت تروح المكان دة بعد العصر وتلبد تحت الشجرة وما تبقاش باين نهائى ...اليمام بيبدا يبيت بعد العصر بساعة كدا ....البد وهاتلاقى اليمام بينزل فوق راسك اللى تنزل نشها على طول ...كدا ممكن تصتاد 20او 30 يمامة فى الفترة دى....وبعد المغرب انقل على الشجر التانى بكشاف قوى وربنا يكرمك
|
رد: طلعة الـ ( 1000 ) يمامة .
اقتباس:
اقتباس:
فعلا الصيد ده هواية عندى ف العيلة وكانت شغل جدى رحمه الله عليه كمان |
رد: طلعة الـ ( 1000 ) يمامة .
طلعه زي العسل يا اسلام
و انت زعلان على ال20 رشه ولا ايه؟ اليمامه مكتوبلها عمر لسه لحد ما القبطان يقابلها بس ههههههههههههههههههههه حظ سعيد المره القادمه بقى ههههههههههههههههههه ايه شغل الحاجه الساقعه دا ؟ |
رد: طلعة الـ ( 1000 ) يمامة .
اقتباس:
متشكر جدااااااا والموضوع نور بمرورك العطر :) اقتباس:
مسيرها تقع ف ايد القبطان فعلا وهو ينفخها ههههههههههههههههه شرفنى مرورك يا محمد :) |
رد: طلعة الـ ( 1000 ) يمامة .
ماشاء الله عليك
بالف هنا وشفا يا كبير مع تحياتي |
رد: طلعة الـ ( 1000 ) يمامة .
برنسسسسسسسسسسسسس
|
رد: طلعة الـ ( 1000 ) يمامة .
الله الله الله الله
التقيم على دمك اللى زى العسل والطريقه الجميله لكتابة الموضوع والله استااااااااااااااااااااذ تسلم ايدك يا استاذ اسلام والف هنا وشفا |
رد: طلعة الـ ( 1000 ) يمامة .
حبيبى قلبى وصديقى اسلام باشا والله منور المنتدى دايماص بمواضيعك الجميله المنمقه تقبل اعلى تقييم يا كبير والف هنا وشفا |
رد: طلعة الـ ( 1000 ) يمامة .
اقتباس:
اقتباس:
اقتباس:
متشكر جدا لحضرتك وشرفنى مرورك جدا :) اقتباس:
لكم منى كل التحية والاحترام والتقدير :) |
رد: طلعة الـ ( 1000 ) يمامة .
ههههههههههههههههههههههههه
ايه يا عم دا كل دا بيااااض طلعه موفقه و بالف هنا و عقبال ما يبقوا ميه في الطلعه |
رد: طلعة الـ ( 1000 ) يمامة .
بسم الله ماشاء الله
|
الساعة الآن 01:25 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir