الصيد فى مصر

الصيد فى مصر (http://www.egyhunt.net/index.php)
-   الصيد العام (http://www.egyhunt.net/forumdisplay.php?f=1)
-   -   مطلوب مساعدة اسكندراني (http://www.egyhunt.net/showthread.php?t=42843)

sniperwolf500 13-09-21 12:05 PM
مطلوب مساعدة اسكندراني
 
حد يا جماعة عنده Laser Bore Sighter ليزر لضبط التليسكوبات في الاسكندرية انا معايا واحد وعاوز اتأكد من وجود خلل فيه (بوش) هو الخلل شبه مؤكد بس اراجع ليطمئن قلبي نتيجة حد من الزملاء بتجربة جهاز غير جهازي علي بندقيتي وفي نفس الوقت يساعدني اضبط البندقية بتاعتي

وعلشان محدش يسألني :) البندقية جامو - سوكوم 1000 رش نمرة 2

هشام سمير 13-09-21 03:16 PM
رد: مطلوب مساعدة اسكندراني
 
طب ما انا ممكن اخلييك تظبطها من غير ليزر ولا ديولو وبطريقه اسهل 100 مره . ايه رأيك يا كبير . عمتاً انا بحروى ابن عمك يعنى :)

Ahmedsaad68 13-09-21 04:19 PM
رد: مطلوب مساعدة اسكندراني
 
اقتباس:
المشاركة الأصلية كتبت بواسطة هشام سمير (المشاركة 528388)
طب ما انا ممكن اخلييك تظبطها من غير ليزر ولا ديولو وبطريقه اسهل 100 مره . ايه رأيك يا كبير . عمتاً انا بحروى ابن عمك يعنى :)
ازززززززى قولنا

adel152 13-09-21 04:34 PM
رد: مطلوب مساعدة اسكندراني
 
اقتباس:
المشاركة الأصلية كتبت بواسطة sniperwolf500 (المشاركة 528356)
حد يا جماعة عنده laser bore sighter ليزر لضبط التليسكوبات في الاسكندرية انا معايا واحد وعاوز اتأكد من وجود خلل فيه (بوش) هو الخلل شبه مؤكد بس اراجع ليطمئن قلبي نتيجة حد من الزملاء بتجربة جهاز غير جهازي علي بندقيتي وفي نفس الوقت يساعدني اضبط البندقية بتاعتي

وعلشان محدش يسألني :) البندقية جامو - سوكوم 1000 رش نمرة 2
ياباشا حضرتك سيد العارفين ان هذا الجهاز دقته لن تكون %100 فى ضبط التليسكوب.
دايما لما بنركب تليسكوب لأول مرة على بندقية بيكون الزيرو بتاعة بعيد عن الهدف بمسافة وهنا يأتى دور الليزر بور لتقريب المسافة وفى أغلب الاحيان بيكون قريب من الهدف بنسبة %95 تقريبا وبعد كده الصياد بيضبط تليسكوبه بالطريقة المعتادة.
عملية البوش البسيطة اللى حضرتك بتتكلم عنها هتلاقيها فى كل الاجهزة الصينى الرخيصة الموجودة فى مصر وهذا البوش بيزيد مع البنادق الموجود فيها حلية النشينكان الامامى زى الكرال والجامو...الخ.
انا شخصيا بأستعمل الليزر بور لما بأنظف البندقية وأحل الاسكوب وأركبه تانى على البندقية أو لما أغير سكوب من بندقية لبندقية ثانية علشان أتأكد ان الرشة هتكون على ورقة النيشان مش بعيدة عنها وفى أغلب الاحيان الرشة بتكون بعيدة عن الهدف حوالى 5 سم ومن هنا بأضبط الاسكوب بتاعى بالطريقة العادية.
تحياتى.

elmasrey123 13-09-21 09:23 PM
رد: مطلوب مساعدة اسكندراني
 
اقتباس:
المشاركة الأصلية كتبت بواسطة adel152 (المشاركة 528432)
ياباشا حضرتك سيد العارفين ان هذا الجهاز دقته لن تكون %100 فى ضبط التليسكوب.
دايما لما بنركب تليسكوب لأول مرة على بندقية بيكون الزيرو بتاعة بعيد عن الهدف بمسافة وهنا يأتى دور الليزر بور لتقريب المسافة وفى أغلب الاحيان بيكون قريب من الهدف بنسبة %95 تقريبا وبعد كده الصياد بيضبط تليسكوبه بالطريقة المعتادة.
عملية البوش البسيطة اللى حضرتك بتتكلم عنها هتلاقيها فى كل الاجهزة الصينى الرخيصة الموجودة فى مصر وهذا البوش بيزيد مع البنادق الموجود فيها حلية النشينكان الامامى زى الكرال والجامو...الخ.
انا شخصيا بأستعمل الليزر بور لما بأنظف البندقية وأحل الاسكوب وأركبه تانى على البندقية أو لما أغير سكوب من بندقية لبندقية ثانية علشان أتأكد ان الرشة هتكون على ورقة النيشان مش بعيدة عنها وفى أغلب الاحيان الرشة بتكون بعيدة عن الهدف حوالى 5 سم ومن هنا بأضبط الاسكوب بتاعى بالطريقة العادية.
تحياتى.
يابخت من كان عم عادل بلدياته
بالتوفيق ان شاء الله

هشام سمير 13-09-21 09:53 PM
رد: مطلوب مساعدة اسكندراني
 
انا بقا مريح دماغى وبظب التيلسكوب بأدوات اوليه جداً
هنزلكم الطريقه ان شاء الله

sniperwolf500 13-09-22 01:54 AM
رد: مطلوب مساعدة اسكندراني
 
والله يا جماعة انا متشكر اوي علي مروركم وردودكم و شكر كبير وحار للأستاذ وأمير الأخلاق / هشام سمير الي ان شاء الله حشوفه قريب و المصري العسل الي حقابله في مسابقة الرماية القادمة بإذن الله اعمل حسابك مكاني محجوز
و بلدياتي عادل عادولة الي حموت واشوفه ولو نعد نشرب تي في اي مكان و احمد سعيد طبعا

وحنقل لكم تجربة ناجحة بس جابتلي صداع و مجرد تكرارها بيجبلي ألم في مفاصل المخيخ فطبعا انا محتاج طرق جديدة و اسهل من الي حقولكم عليه و نستفاد بخبرة هشام و اتحملج علي عادل علشان يساعدني لو أمكن

التجربة ببساطة حبيت اضبط السكوب علي مسافة 40 متر طبعا الضبط بالياردة التليسكوب اساسا لو حضبطه كما يقول الكتاب يبقي الكلام في 100 ياردة يعني 91.44 متر و الكليك في الضبط حتكون بتساوي 1/4 بوصة يعني حوالي 0.635 سم المهم حسبت الحسبة اني لو محتاج اضبط علي 40 يارده حولتها لمتر طلعت 36.576.744 متر الرقم لقيته استبحس بس تقريبا يناسب طبيعة الصيد بالأماكن الي بصطاد فيها عامة

قلت بما اني حضبط يبقي اضرب 40 يارده يعني 40% من المسافة الي المفروض اضبط عليها فضربت 0.40 في 1/4 بوصة طلعت النتيجة 0.1 بوصة قمت رحت لصديقي في الادارة الهندسية ورسملي ورقة كلها مربعات 0.1 بوصة و طبعتها علي البلوتر في الشغل واودعت الفلوس في الخزنة وقعد صاحبي في المالية يتنك عليا ويقولي حقدرهالك ب500 جنية ويزالولني و في الآخر دفعت 20 جنية :) وعملت مغامرة علشان تطلع من ادارة الأمن وروحت واخدت العربية و نزلت ورحت مكان شهير بالاسكندرية يسمي المشتل كان قريب من البيت وقتها بسموحة واشتريت متر طوله 20 متر وشه متر والناحية التانية يارده واعدت اضبط المسافة ووقفت علي مسافة 40 يارده وطبعا عملت مهراجا هندي علي البندقية علشان تثبت وضربت ورحت عديت الكليكات الي علي الورقة و ضبط التليسكوب طلعت قريبة شوية من النص في نطاق دائرة قطرها 10 سم حوالين منتصف الهدف الي حددته وقعدت ضبط كمان 10 رشات لحد لما بقت تمام تمام ارجوكم مش عاوز الصداع ده تاني :) وااااااااااااااااااااااااااااااااااااااااااااااااا اااااااااااااااععععععععععععععععععععععععععععععععععع عععععععععععععع

واشتريت بعد كدة laser وشكله طلع بايظ (مبوش علي الآخر) و اتوكسنا يا حبيبي اتوكسنا آه أه أه

علشان كدة محتاج مساعدة عاجلة نقل Laser علشان اضبط قبل لما اشتري المنظار الجديد بإذن الله من الحج هشام حتي لو ملحقتش العرض انا نفسي استمتع بالتعامل معاه بغض النظر عن أي ماديات فمعدن الناس هو ما يبقي ورابطة الأخوة هي الأدوم ورابطة الحب لا تذوب

Ahmedsaad68 13-09-22 04:35 AM
رد: مطلوب مساعدة اسكندراني
 
اقتباس:
المشاركة الأصلية كتبت بواسطة sniperwolf500 (المشاركة 528529)
والله يا جماعة انا متشكر اوي علي مروركم وردودكم و شكر كبير وحار للأستاذ وأمير الأخلاق / هشام سمير الي ان شاء الله حشوفه قريب و المصري العسل الي حقابله في مسابقة الرماية القادمة بإذن الله اعمل حسابك مكاني محجوز
و بلدياتي عادل عادولة الي حموت واشوفه ولو نعد نشرب تي في اي مكان و احمد سعيد طبعا

وحنقل لكم تجربة ناجحة بس جابتلي صداع و مجرد تكرارها بيجبلي ألم في مفاصل المخيخ فطبعا انا محتاج طرق جديدة و اسهل من الي حقولكم عليه و نستفاد بخبرة هشام و اتحملج علي عادل علشان يساعدني لو أمكن

التجربة ببساطة حبيت اضبط السكوب علي مسافة 40 متر طبعا الضبط بالياردة التليسكوب اساسا لو حضبطه كما يقول الكتاب يبقي الكلام في 100 ياردة يعني 91.44 متر و الكليك في الضبط حتكون بتساوي 1/4 بوصة يعني حوالي 0.635 سم المهم حسبت الحسبة اني لو محتاج اضبط علي 40 يارده حولتها لمتر طلعت 36.576.744 متر الرقم لقيته استبحس بس تقريبا يناسب طبيعة الصيد بالأماكن الي بصطاد فيها عامة

قلت بما اني حضبط يبقي اضرب 40 يارده يعني 40% من المسافة الي المفروض اضبط عليها فضربت 0.40 في 1/4 بوصة طلعت النتيجة 0.1 بوصة قمت رحت لصديقي في الادارة الهندسية ورسملي ورقة كلها مربعات 0.1 بوصة و طبعتها علي البلوتر في الشغل واودعت الفلوس في الخزنة وقعد صاحبي في المالية يتنك عليا ويقولي حقدرهالك ب500 جنية ويزالولني و في الآخر دفعت 20 جنية :) وعملت مغامرة علشان تطلع من ادارة الأمن وروحت واخدت العربية و نزلت ورحت مكان شهير بالاسكندرية يسمي المشتل كان قريب من البيت وقتها بسموحة واشتريت متر طوله 20 متر وشه متر والناحية التانية يارده واعدت اضبط المسافة ووقفت علي مسافة 40 يارده وطبعا عملت مهراجا هندي علي البندقية علشان تثبت وضربت ورحت عديت الكليكات الي علي الورقة و ضبط التليسكوب طلعت قريبة شوية من النص في نطاق دائرة قطرها 10 سم حوالين منتصف الهدف الي حددته وقعدت ضبط كمان 10 رشات لحد لما بقت تمام تمام ارجوكم مش عاوز الصداع ده تاني :) وااااااااااااااااااااااااااااااااااااااااااااااااا اااااااااااااااععععععععععععععععععععععععععععععععععع عععععععععععععع

واشتريت بعد كدة laser وشكله طلع بايظ (مبوش علي الآخر) و اتوكسنا يا حبيبي اتوكسنا آه أه أه

علشان كدة محتاج مساعدة عاجلة نقل Laser علشان اضبط قبل لما اشتري المنظار الجديد بإذن الله من الحج هشام حتي لو ملحقتش العرض انا نفسي استمتع بالتعامل معاه بغض النظر عن أي ماديات فمعدن الناس هو ما يبقي ورابطة الأخوة هي الأدوم ورابطة الحب لا تذوب
بص يا معلم أولا لو قصدك المشتل ده الى هى مزرعة كلية الزراعة الى قريبة من سكة القطار يبقى انت كده ساكن جمبى وكمان نتعرف على حضرتك فى الأساس لان حضرتك إنسان محترم يبقى بص انا عايز اظبط الاسكوب وعملت صينى مش هندي :mechan: معرفتش اضبطه يبقى ايه رائيك لو نطلع سوا نصطاد انا وانت وكان فى أستاذ مؤمن هنا عايز يجى ونطلع مع بعض ونستفيد من معلومات بعض ايه رائيك فى الوقت الى تحبه وتبقى فيه فاضى تمام

sniperwolf500 13-09-22 11:22 AM
رد: مطلوب مساعدة اسكندراني
 
ياباشا أكيد طبعا أنا كنت ساكن في سموحة لما كنت مع والدي ووالدتي وانا دلوقت في محرم بك المرة دي مش جنبك جنب مؤمن هاهاهاهاهاها بس محرم بك مش بعيد كلنا جنب بعض وممكن تبعتلي رقمك علي الخاص واكلمك و نتفق ونضبط مع بعض طلعة صحيح الموسم اوشك علي غلق بابه او تقريبا قفل بس في بقي البط :) ولو كدة ناخد عم عادل من روحه شوية ونتأنس بيه ونخطفه من وجدانه ويجي معانا :)

sniperwolf500 13-09-22 11:49 AM
رد: مطلوب مساعدة اسكندراني
 
منتظرين خبرة الاستاذ هشام علي أحر من الجمر :)

وده اهداء للجميع للاستمتاع


adel152 13-09-23 02:03 AM
رد: مطلوب مساعدة اسكندراني
 
شوف ياباشا الفيديو ده بالنسبة لى دى أسهل طريقة انا شخصيا شوفتها بس محتاجة تثبت البندقية كويس.

Ahmedsaad68 13-09-23 03:00 AM
رد: مطلوب مساعدة اسكندراني
 
اشطة هبعتلك رقمى


الساعة الآن 01:35 AM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir