الصيد فى مصر - عاجل ... للغاية

الصيد فى مصر (http://www.egyhunt.net/index.php)

- انواع الطرائد ومواسمها (http://www.egyhunt.net/forumdisplay.php?f=65)

- - عاجل ... للغاية (http://www.egyhunt.net/showthread.php?t=42887)

عاجل ... للغاية

وقعت اليوم فرخة مياة داخل بيتي علي أثر حادث هجرة من التعب... محدش يعرف دي بتاكل اية واسمها العلمي اية لحد لما اشوف لها صرفة واطيرها او اوديها الصحة البيطرية بمحطة مصر ... سنوافيكم بالأحداث والصور لاحقا لما حد يقولي اعمل ابلود للصور ازاي

رد: عاجل ... للغاية

Common Moorhen

الحمد لله ده الاسم العلمي بتاعها ... بتاكل خضار والكائنات المائية الصغيرة

وقد حصلت علي الاسم العلمي من هذا الموقع انصحكم بيه لمعرفة الاسماء العلمية للطيور

http://alsirhan.com/birds/images/Moo...70318_9_67.jpg

http://alsirhan.com/birds

شوية وبإذن الله حصورها بس لما مراتي وابني يصحو علشان الموبايل الي فيه كاميرا كويسة معاها :) وياتري مراتي بما تشوفها في البيت لما حتصحي وتلاقيها قاعدة معايا في الأوضة (الفرخة طبعا) حتعمل اية ؟؟؟؟؟؟؟؟؟؟؟؟؟؟؟؟؟

رد: عاجل ... للغاية

دور لك على حتة تبات فيها برة انت و الفرخة ...........هههههههههههههههههه

حاول تفهم الجماعة انك مخليها مؤقتا لحد ما تتعافى و تطيرها و انك لو سيبتها هتمووت........

و حطها فى البلكونة ..... هات لها كرتونة شيبسي و اعمل فيها اخرام بحجم كبير و حطها فيها

رد: عاجل ... للغاية

هاهاهاهاها المدام شافتها ... كنت رابطها ففكت الرباط راحت طايرة المهم مسكتها وانا راجع بيها علي الاوضة في الطرقة المدام صحيت ولاقتني واقف بيها راحت قايله اعوذ بالله من الشيطان الرجيم ............ هاهاهاهاااااااا

رد: عاجل ... للغاية

تم اطلاق صراح كوكو الفرخة بنجاح الساعة 2:45 صباحا صحيح انها كانت عملية صعبة بعد لما فكتها راحت تستخبه في درج المكتب المفتوح ثم خلف شاشة الكمبيوتر الا انها كانت غلبانة ومشتها بالعافية لاني كنت أود اطلاقها في مكانها الطبيعي بس اعمل اية العين بصيرة والايد قصيرة والناس علي رأي زميلي حيقولوا عليا مجنون اني اوقف عربية الشغل لأجل اطلاقها في بحيرة مريوط
طبعا لو كنت أجنبي كان زماني واخد نيشانين شجاعة علي 100000 دولار علي حس جمعية اكفل فرخة يتيمة أو تايهه وكان زماني لابس شورت باجي وبلف العالم بأجهزة الجي بي اس علشان اتابع قصة حياة الفرخة الطائشة مع انيمال بلانت

الا اني سعيد بشرف و ميثاق الصيادين ... اننا لا نأكل الفريسة الضعيفة ولا الجريحة

https://fbcdn-sphotos-e-a.akamaihd.n...26904979_n.jpg

صورة أخري لكوكو :)

https://fbcdn-sphotos-c-a.akamaihd.n...17449733_n.jpg

رد: عاجل ... للغاية

بارك الله فيك وبارك الله فى اخلاقك العاليه

رد: عاجل ... للغاية

على فكرة فراخ المية طعمها حلو جدا