تراخيص السلاح
 

يا ريت يا جدعان لو نقدر نتقابل ونتكلم ونحاول نوصل صوتنا سواء بالمعارف او التسلسل القانوني في حقنا في حمل السلاح بغرض الدفاع او الصيد قبل كتابه الدستور حتي يكون لنا نصيب بنص دستوري للشريحه الكبيره من المواطنين اصحاب هذه الهوايه
والمفروض ان السلطه ما تفترضش سوء النيه في المواطن
وعايزين يعملوا قانون رادع ماشي مفيش مشكله
بس اديني حقي الاول ولما استغله غلط حاسبني
وانا شايف ان احنا في لحظه مهمه في مستقبل بلدنا ومستقبل هوايتنا في بلدنا
لازم نحاول بجد لو عاوزين حقوقنا
ماتفتكرش انك هتبقي قاعد مكانك كده وتسمع خبر انهم طلعوا نص دستوري بحق حيازه السلاح
لو احنا ماتكلمناش محدش هيحس بينا
وانا اول واحد مستعد للمواجهه دي ويا ريت نتكاتف من اجل هوايتنا
وطبعا لو فيه اقتراحات يبقي يا سلام هو ده المطلوب واكيد المناقشه هتفيد
وشكرا

رد: تراخيص السلاح
 

رد: تراخيص السلاح
 

ماكنش حد غلب مع احترامي واعجابي بالفكره ولصاحبها

رد: تراخيص السلاح
 

رد: تراخيص السلاح
 

انا عامل مبادره من اول السنه من قبل انتخابات مجلس الشعب المنحل علشان نعدل القانون وده اللينك بتاعها يا ريت ندخل كلنا ونوصل صوتنا
http://www.causes.com/causes/644184-

رد: تراخيص السلاح
 

الفكره كويسه جدااااااااااا للتعبير عن رأينا وتقديم طلبتنا لكن فعلان صعب جدا تنفذها


لكن ممكن حد يكون بيكتب كويس يكون محامي مثلا يعملنا بيان مكتوب في طلبتنا والاسباب وكده واحنا ننشره في كل مكان وانا ليك عليا لو حصل اقدر انشر البيان ده في صفحات مجموعهم يقارب ال5 مليون عضو علي الفيس بوك

Re: تراخيص السلاح
 

للأسف الشديد جدا
الواقع مريييييييييييرللغاية
ولكي يعلم الاأعضاء قصدي سأشرح لهم تجربتي
ماكان هذا الأمر ببالي تماما قبل الثورة
وبعد الثورة كنت سأشتري مسدس غير مرخص
ونصحني ضباط أصدقائي أن أرخص سلاح وأكون رسمي
تخيلو حجم الوسائط لتعلمو صعوبة المسألة على شخص مدني
قاضي ورئيس محكمه
لواء شرطه مساعد مدير الأمن حكمدار في الخدمة
مأمور القسم
رئيس المباحث
معاون المباحث
رئيس قسم تنفيذ الأحكام
رئيس قطاع الأخبار في قناة تليفزيونية حكوميه
مالك معهد السياحة والفنادق
مدير مكتب مدير الأمن
وكيل مباحث غرب المحافظة
كفاية كده ولا أكمل؟
أنا كل خطوه بواسطة وب500تليفون وزيارة
وبقالي سنة بالضبط
حصلت على كل الموافقات
لغاية ماوصلت لمدير الأمن
كان الرد
الرفض لعدم كفاية المبررات
الآن عمات تظلم وعشمان في ربنا خير بعد ماظبطت المبررات قدر المستطاع
الحق كانت مبرراتي تافهة
ولكني فوجئت بأصحاب محلات مجوهرات مرفوضين
ومليونيرات
طب أقولكم الزغلوله الكبيرة؟؟؟؟
حد في مصر مايعرفش الملياردير رشاد عثمان؟؟؟؟؟؟
رشاد عثمان كان عايز يضيف بندقية خرطوش على الرخصة
أخد رفض من شهر
بصراحة
أنا شايف إن لو ماتعرفش مدير الأمن شخصيا تكبر دماغك من الموضوع ده تماما
في سكك
لواءات في الأمن العام بيطلبو كام ألف عن طريق وسطاء ويقول لك ادفع بعد مارخصتك تطلع
أظن ده أفضل طريق لو ماكنت ضابط أو قاضي أو صديق لوزير الداخلية أو مدير الأمن
لا أظن أي حد حيعترض على كلامي ده لأني أعيش هذه المعاناة مع الالاف من المصريين الشرفاء
وبعدها ذل السلاح والحصول عليه وأسعاره التي لا تناسب معظم المحترمين ولا حتى الضباط
ظلم ظلم ظلم في كل المجالات
طبقيه
أسياد وعبيد
ومعظم الضباط يشعرون بعدم رضا في أن يحمل مدني السلاح
ويحاولون عرقلته مااستطاعو الا ذلك سبيلا
والله هذه هي الحقيقه فاقبلوا نصيحتي

بس للأمانة أنا عندي معلومات مؤكده ان أعضاء مجلس الشعب والشورى في اجتماعاتهم مع القيادات الأمنية بيختلفوا في كل شيء وبيتفقو على حتميه سهولة استخراج التراخيص
فستحدث ولكن ستأخذ بعض الوقت لأن رأي الأمن الآن خطورة انتشار السلاح حتى المرخص

رد: تراخيص السلاح
 

كلام حضرتك كويس جداً بس يارب يتنفذ
أنا كنت عامل موضوع من فتره بتغير قانون ترخيص السلاح المصري بالقانون التركي
http://www.egypthunt.net/showthread....CA%D1%DF%ED%C7
وحضرتك لو قرات الموضوع هتلاقي أن القانون ترخيص السلاح في تركيا حلو جداً

والجديد بقي ال أنا لسه عارفة في ترخيص السلاح في تركيا أنك ممكن تقدم علي رخصه هوايه اقتناء السلاح
انت بتقدم علي رخصه لهوايه اقتناء الاسلحه وبيطلعلك رخصه باقتناء السلاح بس في البيت وملكش الحق انك تمشي بيه في الشارع
يعني السلاح ال انت عايز تقتنيه بتروح تشتريه بالرخصه بتعتك دي وتروح الي قسم الشرطه التابع له وتسبتو هناك وتعلمهم بمكان تواجد السلاح سواء في البيت أو المكتب
والرخصة دي بتديلك الحق بجمع أي عدد من الاسلحه وطبعا ليك الحق لو عندك مبررات للحمل السلاح معاك انك تقدم وتاخد رخصه تانيه للحمل بس بتبقي بحد اقصي تقريبا 3 أسلحه
وطبعا إحنا لو بقينا زي تركيا أو قصدي القانون بتعنا اتعدل وبقي زي القانون التركي هيبقي كويس أوي
لان في ناس كتير أوي بتحب السلاح كهواية اقتناء غير غرض الحماية أو الصيد
وفي ناس بتحب السلاح اقتناء وصيد وحمايه ودفاع وكل حاجه زيي كدا
وأنا معاك يا تيكا في فكرتك وبأيدك فيها ولازم نعمل حاجه قبل وضع الدستور ويا ريت لو نجيب قانون تراخيص السلاح التركي وحد يترجمو ترجمه معتمده للعربي ونطالب بتطبيق التجربة التركية هنا في مصر
واعتقد أن الحكومة وناس كتير أوي مقتنعه بنجاح التجربة التركية وسهل تطبقها في مصر

رد: تراخيص السلاح
 

احذف الرسايل القديمة عشان الجديدة تنزلك يا تيكا

رد: تراخيص السلاح
 

عمار يا تركيا

رد: تراخيص السلاح
 

رد: تراخيص السلاح
 

انا اول مرة اعرف يا استاذ شادي ان حمل السلاح ف امريكا عشان لو الحكومة سلكت طريق غر شرعي الشعب يدافع عن نفسة .. بس دي هتبقي مجزرة لو حصل فعلا يا استاذ شادي لان هناك بيشتروا اي حاجة من اول البندقية الرش ل الرشاشات الثقيلة المضاددة للدروع و المدرعات

رد: تراخيص السلاح
 

صعب يا جماعة انت بتتكلم عن شعب دمة حامى لو كل واحد معاة سلاح مرخص تحت ايدة وواحد ضرب التانى بالقلم السلاح هخايطلع وكلة هايقولك دفاع عن النفس وهاتبقة هيصة
كمان فى زميل بيقول ان موقعة الجمل لو الشعب كان معاة سلاح كان دافع عن نفسة ضد اعتداءات الشرطة ............... بذمتك دة كلام ؟
طيب فى وقت الثورة كان الحق مع الناس وكانت قضية عادلة
لكن لما تلاقى مثلا شوية سباب سيس طالعين فى مظاهرة ويقفلوا ميدان التحرير ويقولك لازم يبقى حق الزواج المثلى " الشواذ " وقفلوا الميدان وقالوا احنا مسالمين لما يجى الشرطة تفك الاعتصام ويطلع السلاح ويقولوا احنا بنرد على اعتداءات الشرطة يبقى اية الكلام ؟

انا معاك ان فى تعقيد فى الترخيص لاصحاب المبررات القوية لكن فى ناس بتشيل سلاح حبا فى السلاح زى ما بتقول
بس طالما هو حبا فى السلاح
اظن المسدس الصوت هو نسخة طبق الاصل من السلاح العادى فى كل حاجة
يبقى مشكلتك فين ؟

بس من غير نفاق ولا سفسطة ... انا لو اتفتحت رخص حمل السلاح انا هاطلع واحدة طبعا :)

رد: Re: تراخيص السلاح
 

كلامك صح 100% بس انا اخدت الرخصة بعد سنة واترفضت من رئيس مباحث القسم وبعدين قدمت تظلم اتقبل واخدت الرخصة بدون واسطة او دفع اى مقابل نقدى بس المشكلةكانت فى السلاح اللى اسعار غير طبيعية وغير مقبولة بجد حاجة تهريج هو دة اللى يكون فية الكلام