الحملة الاولي للمنتدي لحماية اسماك المياه العذبه
 

بسم الله الرحمن الرحيم

اخواني اعضاء المنتدي الكرام حبيت النهارده نلقي الضوء علي موضوع مهم جدا وهو حماية اسماك المياه العذبة
وكيفية التعامل معها والحفاظ عليها وواجب علينا بصفتنا صيادين بنصطاد من اجل متعة الصيد
اننا نحمل الحملة دي علي عاتقنا ونكون قدوة لغيرنا من الصيادين بس اذاي
دي بعض النقط المهمه كنواه للموضوع وكل واحد يقدر يضيف اللي شايفة ممكن يفيد في نفس المجال


1- الحفاظ علي الزريعة الصغيرة واعادتها للمياه مرة اخري كي تكبر
طبعا ده شيء اغلبنا انا عارف بيعملة ان لما تيجي معاه سمكة صغيرة بيرجعها المية تاني بس لازم دورنا يكون اكبر اذاي باننا ننصح غيرنا مناللي بيطلعو يصطادو معانا والتاكيد عليهم علي هذا الفعل


2-منع صيد التشميط اثناء فترة التزاوج للاسماك
للاسف في مننا بيصطاد شماط علي الاسماك في اوقات التزاوج وده غلط كبير ولاذم نقاوم الظاهرة دي وطبعا شهر 4 بالزات هو موسم تزاوج البلطي وبيكون باخخ وموجود قريب من الشط ياريت ياجماعة نسيب السمك يتكاثر
ومن شمطش علية علشان نلاقيه بعد كده بجد الموضوع خطير


3- الصيد بالسنيور والكهرباء

طبعا يعني انا مش عارف اقول اية علي اللي بيعمل كده بيدمر بيئه كاملة علشان ياخد حتتين سمك
بجد حسبي الله ونعم الوكيل


4-التوعيةوالتاكيد علي نظافة المياه من اي ملوثات وابلاغ الجهات المعنية في حالة اي تعديات علي النيل او اي مسطحات مائية اخري

وفي حاجات تانية كتير ياله ياجماعة كملوا

رد: الحملة الاولي للمنتدي لحماية اسماك المياه العذبه
 

الله ينور عليك ياعمده في الموضوع ده برغم من أني مش من هواه صيد السمك ولكني من المولعين بالحفاظ علي البيئة ياريت كلنا نلتزم ونعمل بالكلام ده
وتقبل مروري

رد: الحملة الاولي للمنتدي لحماية اسماك المياه العذبه
 

ماشاء الله كلامك يدل انك من الناس الخبره في موضوع الصيد المائي لكن للأسف انا مش حقدر افيدك ولاكن اشهدلك اني استفدت جدا وجزاك الله خير

رد: الحملة الاولي للمنتدي لحماية اسماك المياه العذبه
 

ياعمدة انت فين انت كدا تسكت تسكت وبعدين تدينا تحفة فنية الله ينور عليك

رد: الحملة الاولي للمنتدي لحماية اسماك المياه العذبه
 

الله ينور عليك يا عمده والله لو كل واحد عمل كدا ليكون فى خير ملوش اخر بس يا خساره لو عشرة عملو بالكلام دا مية الف مش هيعملو وعلى رايك دلوقتى بيخدو الزريعه من النيل ويبعوها للمزارع

رد: الحملة الاولي للمنتدي لحماية اسماك المياه العذبه
 

السلام عليكم ورحمه الله وبركاته
ياريت يكون في رقابه لان الي بيحصل كثير الصيادين في نهر النيل بدون تراخيص اول حاجه وثاني حاجه الغزل ضيق جدا ومش سايبين اي حجم ولامسطحات ولاتفتيش والمصيبه الكبري اما يكون في تفتيش بيبلغو بعض ومحدش بيطلع اليوم ده وبالزات ايام البخ ياريت يكون في نظره من المسؤلين ولكم جزيل الشكر من اسوان صبري هاوي صيد وشكرا

رد: الحملة الاولي للمنتدي لحماية اسماك المياه العذبه
 

انا معك يا اخي الكريم

و امامي دليل علي هذا

سمكه نسميها في المنصوره بالـ راي

و هي رائعه لاقصي درجه رغم صغر حجمها كنا نصطادها بالسناره
و فجاة اختفت و انقرضت و علمت ما حدث لها

حيث كان الصيادين ينتظرونها عند مداخل الترع بشباك ضيقه و يجمعون منها في اليوم الواحد مئات الكيلوات في مواسم تكاثرها و لا تصدق عدة اعوام و انتهت و لم تعد بعد

فعلا موضوع مهم جدا وهو حماية اسماك المياه العذبة

اشكرك و انا معك

د/ احمد