الصيد فى مصر - العجينة – طريقة عملها و طريقة استخدامها

من المعلوم للجميع ان اختيارك و استخدامك للطعم يحدد نجاح او فشل رحلتك للصيد و لذلك فسأقوم بطرح بعض المعلومات الهامة عن أحد أنواع الطعم المعروف والمشهور (( العجينة ))

وسنتحدث في النقاط الهامة التالية :

طرق عمل العجينة
اربعة طرق لعمل عجينة الصيد
طريقة تحضير (طعم صيد سمك ) عجينة السبيطي والمزيزي
الطريقة الصحيحة لوضع (ربط ) العجينة للصيد

1- طرق عمل العجينة

اولا عجينة العيش
ودي بتكون عبارة عن لبابة العيش الفينو( الجزء الداخلى من الرغيف الفينو- الصامولى ) ومعجونة بماء فقط كل ما تحس انها ناشفة اديها مية لغاية ماتبقة عجينة لينة ومتماسكة . بس ولما تخلص حط نقطتين زيت وبس , واعجنها تاني , وبكده تكون جاهزة .

الطريقة دي بنسميها العجينة البارده لانها مش بنستخدم النار فيها , وكمان العجينة دي مش بتنفع لكل الاسماك يعني ممكن تنفع للبطاطا والشراغيش والموزة لكن لا تنفع لاصطياد سمك البورى .

ثانيا عجينة الدقيق
وهى نوعين :-

الاول : عجينة ناشفة
وبتكون عبارة عن كوب دقيق تحطة في طاسة وتقلبه على نار هادية لغاية لما الدقيق لونة يتغير بيبقى كريم كده بس خلي بالك متخليش الدقيق يتحرق منك
بعد كده ضيف المية مرة واحده وقلب لغاية ما تنشف وتلاقيها كتلة واحده ولو حسيت انها ناشفة زود مية بس شوية صغيرين .

فيه بعض الصيادين بيحطوا مية بسكر وبيسموها عجينة بسكر ودي بتنفع كتير مع البوري

الثانية :عجينة سايحة
وطريقتها نفس الطريقة اللي فاتت بس بتزد المية شوية , ومتسيبهاش كتير على النار علشان متنشفش منك وبرضه ممكن تعملها بسكر .

وعجينة الدقيق تنفع لكل الاسماك اللي بتاكل عجين وخصوصا طبعا البوري

بس مش المهم انك تعرف تعمل العجينة ,المهم انك تعرف تطعمها في السلاح لانك لازم تستخدم فمك بحيث انك تاخد حتة عجينة في فمك وتكورها بلسانك وتحط السلاح في فمك وتلف العجينة على السلاح , مش سهلة في الاول بس بعد كده بتعملها وانت مغمض .

2- أربع طرق لعمل عجينة الصيد

العجينة الاولى : العجينه الباردة اللينة
المكونات :
1 كوب دقيق
1ملعقه من الزيت
1ملعقة من السكر
طريقة التحضير :
يتم مزج المكونات مع بعضها البعض ثم يتم عجن الخليط بالماء حتي تصبح عجينه متجانسة , الى ان تكون جاهزة ويستدل علي ذلك بانه عند مسكها لا تعلق بالاصابع .

العجينة الثانية : العجينه المستويه (تطبخ على النار)
المكونات :
1 كوب من الدقيق
2 ملعقة من النشا
3ملعقة من الزيت
4 ملعقه سكر
طريقة التحضير :
تخلط المقادير للحصول علي عجينه سايلة ثم ترفع علي نار هادئة مع التقليب المستمر حتي تصبح غليظه القوام و اذا رائيت ان العجينة لازالت سائلة اضف كمية اخرى من الدقيق الى ان تصبح غليظة القوام .

العجينة الثالثة : عجينه مطبوخة (تطبخ على النار)
المكونات :
1 كوب دقيق
2كوب الا ربع ماء
3ثلاث ملاعق زيت
4ملعقة سكر
طريقة التحضير :
توضع المياه مضاف إليها الزيت على النار حتى تبدأ فى السخونة وليس الغليان … بمعنى أول ما تلمح المياه هتبدأ تسخن ويظهر على وش المياه فقاقيع هتضيف عليهم الدقيق و ملعقة السكر .
وتقوم بالتقليب المستمر حتى تماسك العجينة ومن الممكن أن تبعد القدر عن النار لحظة لحين تماسكها وترجعها تانى على النار وتتحسسها بإيدك عشان تعرف انها اصبحت جاهزة .
لا تقوم بتعبئتها فى اى علبة الا بعد ان تبرد تماما اى بعد 2-3 ساعات .

العجينة الرابعة : العجينه القطنية (العجينة العجيبة)
اطلقت عليها هذا الاسم وذلك لقدرتها على ان تظل معلقة فى السنار لمدة طويلة و انصح دائما باستخدمها .
و لتحضير هذة العجينة يمكنك عمل اى عجينة من الطرق السابقة و لكن يضاف الى الدقيق قطن
و يكون 100 جرام قطن لكل كوب دقيق

3-طريقة تحضير ( طعم صيد السمك ) عجيبنة السبيطي

المقادير

كيلو دقيق الطحين ابيض أو اسمر حسب الرغبة
250 جم خميرة سريعة الذوبان تأتي بكيس مفرغ من الهواء (بودره)
عدد 2 بياله ( كأس صغير بيالة الشاي ) سكر ناعم
عدد 1 بياله ( كأس صغير بيالة الشاي ) ملح ناعم
كمية كافيه من الماء الحلو تقريبا كاسيين ونصف

طريقة التحضير

يوضع في أناء كاس ونصف من الماء الحلو ويضاف كامل كميه الخميرة إثناء الخفق وينصح باستخدام الخافق الكهربائي ويضاف إليها كامل كمية الملح ثم السكر إثناء الخفق ،
بعد خفق الماء والخميرة والملح والسكر مع بعض ويكون السكر والملح ذائبين بالماء نبدأ بوضع الطحين (الدقيق) تدريجيا داخل الإناء ونستمر بالخفق إلى إن تنتهي كامل كمية الطحين وتكون العجينة متماسكة جداا ولكي نعرف ذالك تكون العجينة مثل العلك متماسكة لا تلصق باليد وفي حالة حاجتنا إلى ماء أضافي يضاف الماء إثناء العجن حتى تصبح العجينة قطعة واحدة متماسكة جداا تميل إلى الصلابة ،
تفرش العجينة داخل إناء الفرن (صينية غير عميقة ) بعمق 4 إلى 5 سنتيمتر ويوضع قبل إن تفرش العجينة رشة من الطحين داخل الصينية كي تمنع الالتصاق ، ثم توضع في الفرن الذي تم تشغيله من الأعلى وإعداده قبل 5 دقائق على إن توضع في الرف الثاني غير مباشرة للشعلة لمدة من 5 إلى 7 دقائق حتى يتحول لون العجينة إلى اللون الذهبي بعدها تقلب العجينة في نفس الإناء بعد إن يرش داخل الإناء الطحين كي تمنع الالتصاق وبعد 5 دقائق تخرج العجينة من الفرن وتعجن باليد مرة ثانية وهي حارة وبعدها تقطع إلى كرات بالحجم المطلوب مثل كرة التنس الأرضي بعد دعكها لتصبح متماسكة وتوضع مجموعة من هذه الكرات داخل أكياس بلاستكية وهي حارة في الفريزر لمدة صلاحية مفتوحة ويؤخذ فقط قدر الاحتياج منها في رحلة الصيد

ملاحظات :-
يستخدم العجين في صيد الأسماك فقط من الشاطئ وليس بداخل البحر بسبب وجود التيارات المائية.
يرجى توخي الحرص ولبس القفازات ا إثناء عميلة عجن العجينة باليد وهى حارة.
يعالج ذوبان العجينة من الفريزر وهي صلبة لتصبح لينة بشكل طبيعي بتركها لفترة بدون وضعها في الماء.
يقطع من الكرة مقدار ما يغطي الميدار( السنا ره ) وينصح بدعكه باليد قبل وضعة حول الميدار( السناره).

4- الطريقة الصحيحة لوضع (ربط ) العجينة للصيد

اترككم مع الصور للشرح

http://store2.up-00.com/Apr13/4VV41458.gif مركز تحميل الصور

http://store2.up-00.com/Apr13/JgH41458.gif مركز تحميل الصور

http://store2.up-00.com/Apr13/2fw41458.gif مركز تحميل الصور

http://store2.up-00.com/Apr13/wkO41458.gif مركز تحميل الصور