عايز أصطاد فى بورسعيد
 

رد: عايز أصطاد فى بورسعيد
 

اولا البورسعيدية اكرم ناس وارجل ناس وبلاش ترمى كلام غير لما تعرف البورسعيدية كويس
ثانيا هرد على كلام حضرتك برضو وهقولك
اولا الى بتشوفهم على الكوبرى الاول والتانى وانتا مسافر دول بيصطادو بطراحة ولكن لو حبيت تنزل تصطاد فى كدا طريقة التلطيش يعنى بتشوف السرب ماشى ازاى وطبعا بيتعرف من الكنابيت الى بتضرب على وش المية وترمى قدامو بمسافى وتلطش بالهلب الصب
تانى طريقة طبعا بالجنبرى والماكنة عادى سواء جمبرى بسبعة كبير او دبابيس هتاخد نمرة ونقط شويحى فى الموسم
اتمنى اكون افدتكم ولو بجزء بسيط
اة بالنسبة للصيادين دول اطيب واكرم خلق الله ولو روحت ممكن يشربوك شاى ويدلوك على اماكن الصيد بالماكنة من غير حتى ميعرفوك
وبالتوفيق

رد: عايز أصطاد فى بورسعيد
 

رد: عايز أصطاد فى بورسعيد
 

وبورسعيد تنور بوجودك فيها
وعلى فكرة ان شاء الله الجو يتصلح بس والنوة دى تمشى ولو عاوز كمان تطلع معايا انا واسرتى والدى واخواتى ان شاء الله تنورنا

رد: عايز أصطاد فى بورسعيد
 

ألف شكر يا باشا
كنت بفكر أنا واتنين اصحابى فى الكلية ننزل أى يوم خميس

لما الجو يتصلح ابقى قولى واحنا ننزل ونتعرف وان شاء الله ترشدنا لأماكن يكون فيها سمك كويس علشان ميحسوش انى بهدلتهم عالفاضى.. كل واحد منهم بيحلم يجيب نص كيلو حتى بس يكون سمك يتاكل

وألف شكر على اهتمامك وان شاء الله تكون معرفة خير

رد: عايز أصطاد فى بورسعيد
 

طب انتو معاكو مكن ولا غاب فايبر يعنى
عرفنى امكانيتكو وانا ادلك ان شاء الله على مكان تجيبو منو كل واحد 5 كيلو مش نص كيلو وانا اضمنو ان شاء الله لو ربنا اراد يرزقكم

رد: عايز أصطاد فى بورسعيد
 

لا مكن يا باشا بس منعرفش بقى الطعم هيبقى ايه؟

المهم أنا كل ما أعدى على كوبرى الجميل أبقى عايز انط من العربية وانزل المكان ده.. شكله روعه اوووى جربت انت المكان ده ولا فى أماكن أحسن نروحها؟