|
يا جماعة حصل معايا انهارضة موقف بسبب مسدس صوت هاااام
على قد علمى ان مسدسات الصوت مصرح بيها و مفيش مشاكل فى منعها الى حصل انى كنت فى منطقة فى المنصورية مقطوعة و كان الوقت متاخر و كان معايا مسدس ايكول الجاكل و معايا الفاتورة بتاعتو و عليها نص القانون فى حق حيازتة دخلت انا و اصحابى على لجنة هناك قبل الدائرى فوقفنا مع و بيشوف البطايق و بعدين فتيش فا انا قبل ما يفتش طلعت المسدس و سلمتهولو و سلمتلو الفاتورة الى تسبيت انو مسدس صوت لقيت الضابط فح المسدس و الخزنة و بعدين بص فى الفاتورة و افاجئت من رادو يقولى طب سيبو و امشى !!!!!!!!!! فا بقولو ازاى يعنى ملكش الحق انك تؤولى كدة و القانون ميمنعش حملو فا قالى طب انا ضابط فاشل اركب البوكس و كتب فى دفتر سلاح نارى لولا انى اعرف ضابط قريب منى كلمتو و جية الحمد للة و جبهولى بس سؤال واحد بس يعنى انا لو معرفش حد كان زمانى معمولى قضية بسبب مسدس صوت !!!!!!!!
و هل طريقت الضباط الحقيرة دى لسة موجودة !!!!!!!!!! مع العلم كلنا شكلنا ولاد ناس |
رد: يا جماعة حصل معايا انهارضة موقف بسبب مسدس صوت هاااام
والله ياأخ ايمن الاخوة الاعضاء نبهوا على الموضوع من شهر فات وتم نصيحة الجميع بعدم حمل اى سلاح غير مرخص حاليا. والموضوع موجود فى الرابط ده ممكن تراجعه.
ومرحبا بيك عضو جديد فى المنتدى. تحياتى http://www.egypthunt.net/showthread....E1%D3%C7%C8%DA |
رد: يا جماعة حصل معايا انهارضة موقف بسبب مسدس صوت هاااام
والله الواحد مش عارف يعمل ايه مع الناس دى و مش عارف يحمى نفسه ازاى
|
رد: يا جماعة حصل معايا انهارضة موقف بسبب مسدس صوت هاااام
يا عم دولة ناس ميستهلوش واحد زى حضرتك يكلم عليهم
|
رد: يا جماعة حصل معايا انهارضة موقف بسبب مسدس صوت هاااام
اقتباس:
من غير الشرطة حضرتك تفضل واقف في الشارع و تسيب شغلك و حياتك |
رد: يا جماعة حصل معايا انهارضة موقف بسبب مسدس صوت هاااام
اقتباس:
بيترزلوا على خلق الله والناس المحترمه ليس الا |
رد: يا جماعة حصل معايا انهارضة موقف بسبب مسدس صوت هاااام
و اللة العظيم تلاتة زى التهم حد يؤلى بيعملو اية دة لو سبنا شغلنا و عملنا زيهم هنلم ملايين
ولو على مسك البلطجية كل واحد ساكن فى منطقة عارف الناس الى فيها |
رد: يا جماعة حصل معايا انهارضة موقف بسبب مسدس صوت هاااام
كل قسم عارف البلطجيه اللى فدايرته ومصهين بمزاجه
وكتير بلغنا ولا حياه لمن تنادى |
رد: يا جماعة حصل معايا انهارضة موقف بسبب مسدس صوت هاااام
دة ولى فية حياه و لا فيه دم و لا فية قلب كل الى موجود ظلط و يريت الظلط دة الواحد
يستيف منة الحاجة الوحيدة المستفادة منة انك بتطخط بية على نفوخك |
رد: يا جماعة حصل معايا انهارضة موقف بسبب مسدس صوت هاااام
وكمان معندهمش دين
عشان كميه القتل والاغتصاب والسرقه دى كلها والبشوات مش بتشوف شغلها كويس |
رد: يا جماعة حصل معايا انهارضة موقف بسبب مسدس صوت هاااام
ربنا يهديهم ويعرفوا و يفهمو ديانتهم مهما كانت
|
رد: يا جماعة حصل معايا انهارضة موقف بسبب مسدس صوت هاااام
ليه بتقولو الكلام دا بس عن الشرطة
في مستشفي اطسا واحد اجنن واعد يخبط في الدنيا ةويقلب المكاتب لانه لا يوجد طبيب لحالته فقالولوا روح مستشفى العام و الراجل اجنن واتصلوا بالشرطة وانا عارف الموقف كويس لان امي كانت الطبيبة . في محل حصل فيه مشكلة وروحنا نجيب الشرطة وكان في عربيتين بوكس ماشيين وشورنالهم (في حرامية يا عم ) وانا باكلم لان المحل دا بتاعنا وفي كل الحالات الاجابة واحدة : احموا نفسكوا . |
رد: يا جماعة حصل معايا انهارضة موقف بسبب مسدس صوت هاااام
هما كمان مش عاوزنا نحمى نفسنا يعنى الراجل يعمل ايه
يجيب صاحب المحل اللى اشترى منه ويمشيه معاه عشان يحلف لسيادته انه صوت ويمكن يصدق |
رد: يا جماعة حصل معايا انهارضة موقف بسبب مسدس صوت هاااام
يا يدى الفاضل ببساطة الظابط ولا امينالشرطةبيكون عاوز ياخده ويبيعة وده كلام ناس فى الشرطة هيا الى قالت لى كدا بنكون عاوزين ناخده علان نبيعه لان معظم الناس مش بتكون عارفة انه مصرح بيه يا اما اخده يا اما يسيب رشوة
|
رد: يا جماعة حصل معايا انهارضة موقف بسبب مسدس صوت هاااام
هي حركة زباله منه, والظابط المفروض انه حد ابن ناس!! لكن للاسف قليل لما تلاقي واحد محترم ومتربي, بس كويس انك مسكتش وعرفت ترجعه
وسؤال الايكول الي معاك كان مسوره مفتوحه؟ |
رد: يا جماعة حصل معايا انهارضة موقف بسبب مسدس صوت هاااام
ياجماعة ياريت نهدى شوية ونتحلى بالصبر خصوصا ان أغلب الأعضاء من الصيادين وأهم صفات الصياد التحلى بالصبر.
استاذ ايمن المصرى انا رحبت بيك فى المنتدى فى الرد عليك فى بداية الموضوع وعندى سؤال ياريت ترد عليه لو ترغب فى ذلك. دى اول مشاركة ليك فى المنتدى رغم ان حضرتك مسجل فى المنتدى من 27-4-2011 يعنى من اكتر من 6 اسابيع. معنى كده ان مافيش اى موضوع فى المنتدى شد انتباهك لتشارك فيه ولو بكلمة واحدة حتى الأن؟ ألا تعتقد ان من باب اولى أن حضرتك كنت كتبت الموقف الى حضرتك اتعرضت ليه على موقع وزارة الداخلية فى قسم شكاوى المواطنين. ياريت ياجماعة زى مابنتكلم عن السلبيات (الغير مؤكده) نتكلم ايضا عن الأيجابيات المؤكده زى فرد الشرطة 37 سنة الى قتل فى منطقة أم زغيو تابع قسم الدخيلة برصاصة فى القلب من البلطجية أثناء حمايته للمواطنين من اسبوعين والضابط الى انقذ مذيعة لقناة فضائية فى التحرير يوم الجمعة الى فاتت لمجرد أن واحد اشاع انها يهودية وغيرهم. ياريت ياجماعة مانندفعش فى الردود ونحكم على ما لم نراه او لمجرد السمع. وماتزعلوش من كلامى انا لم ارى فى مصر اى شخص بيغلط نفسه فى اى موقف حتى لو كان غلطان. وللعلم حتى لايؤخذ موقفى هذا بمعنى غلط أنا لا أشكك فى كلام أحد ولكن اكتب ماأفكر فيه واعرضه عل جميع الأخوة فى المنتدى لأبداء الرأى. السبب الرئيسى فى هذه المشاركة انى وجدت موضوع جديد من الأخ محمد نوح موجه بصفة شخصية للأخ doos99 بخصوص هذا الموضوع. http://www.egypthunt.net/showthread.php?t=10184 الموضوعين أصبح الكلام فيهم عام وليس معلومة او استفسار عن سلاح نارى لذلك سوف يتم نقل الموضوعين الى القسم العام. شكرا لسعة صدركم وتحياتى للجميع. |
رد: يا جماعة حصل معايا انهارضة موقف بسبب مسدس صوت هاااام
ما هم بياخدو فلوس على واقفتهم فى الشارع مش تتطوع ولا عمل خيرى بس المشكلة ان الفاسدين فيهم اكثر من الشرفاء اللى قابلته دة كان حرامى مش ظابط لانه كان هياخد المسدس لنفسه ماينفعش يسلمه بدون محضر ربنا يخلصنا من كل فاسد و حرامى لابس بدلة ميرى و بيتحامه فيها
|
رد: يا جماعة حصل معايا انهارضة موقف بسبب مسدس صوت هاااام
عموما يا ريت محدش يمشى بمسدس الا لو كان بينقل فلوس او معاه اهله ستات او بنات او فى تابلو العربيه غير كده يا ريت بلاش اليومين دول
|
رد: يا جماعة حصل معايا انهارضة موقف بسبب مسدس صوت هاااام
للاسف الشرطة مش هتشتغل اصلااا انسوو لغاية ما الرئيس يجي بقي عليك بخير وانشاء اللة هيفورهم اصلااا
|
رد: يا جماعة حصل معايا انهارضة موقف بسبب مسدس صوت هاااام
ارجو من صاحب الموضوع الابلاغ عن عن الواقعة ومكانها والتاريخ ورتبئة الظابط والتوقيت علي موقع الوزارة الالكتروني حتي لا يتكرر هذااا الامر مرة اخري مع اي شخص
|
رد: يا جماعة حصل معايا انهارضة موقف بسبب مسدس صوت هاااام
انا رائي ان الظابط بيشوف شغلة وليس اكثر ...
وعملية التأكد من ان السلاح دة صوت ولا لأ دى موش شغلتة دى شغلانة اللى هايفحصو السلاح لما يتحولهم .. زى لو مسك معاك مادة بيضاء شكلها العام يوحى بانها هيروين , موش هو اللى بيفحصها , كل مهمتة انة يحرزها وبس .... |
رد: يا جماعة حصل معايا انهارضة موقف بسبب مسدس صوت هاااام
انشاء الله الوضع هيتعدل ........ أصل مش هيجي من يوم ولليلة
|
رد: يا جماعة حصل معايا انهارضة موقف بسبب مسدس صوت هاااام
ارجو تقبل هذه المشاركة من السادة الاعضاء. اسمحوا لى ان اعبر عما قد يسمى وجهة نظر اخرى فطالما الموضوع مرده الى الراى فالراى بالطبع خلاف وهذا لا يفسد المناقشة بل يعززها ويثرى الحديث. دعونا نبحث عن مدى تمييز العامة منا لماهية السلاح وحقيقته لاول وهلة من بعد خمسة امتار فقط بالنهار ناهيك ليلا وعما اذا كان رد فعلك اذا باغتك احدهم حامله وسط هوجة المرج تلك الايام وطلب ومن برفقته ما بحوزتك من اموال اقصد بلطجى طبعا وليس السيد الضابط بالطبع واستغل توهمك ومن برفقتك من اهلك وزويك قد تكون زوجتك فى مظهر ما يحمله من سلاح. اقص ان المظهر الخادع له الذى ينطلى على بعض العامة هو الذى جعله يتحفظ عليه لان مثارة الشك فى استخدامك للسلاح وتلك الظروف وهذا طبيعة عمله ولا يستطيع احد ان يلومه على ذلك هو دافعه لتصرفه ذلك نحو سعيه فى اخذ خطوه الى الامام نحو الشعور بالامان فى الشارع الذى فقدناه جميعا. استطيع ان اخبرك ان مثل هذا المسلك معك انه طلب التحفظ على السلاح الصوت وتركك وحالك فى المضى قدما يشرح كلامى وهذا الخبر يتناقله المارين على الكمين من البصاصين للبلطجية فى تلك المنطقة بحكم خبرتهم انهم يامنوا على مكان تواجد الظابط وسلوكه فى الكمين لمزاولة النشاط الاجرامى فى مكان اخر بعيد عنه واستشعار مدى همة الكمين وتشكيله للاعداد لخطة مقاومة واعمال اجراميه محكمة للتعامل مع افراد الشرطة لدى التعامل معهم او ضبطهم او العامة المجنى عليهم بحسب الاحوال. انها موضوع متشابك من الافعال وردود الافعال المتبادلة بين الطرفين ووحدك انت المواطن العادى لا تجد تفسيرا لذك الا انه قهر من الضابط تجاهك ومسلك غير قويم وانه تهديدك بالركوب فى البوكس اعلم جيدا لولا شفقته عليك وعلمه الداخلى بعدم المامك بجوانب عمله و امكانيه تبرير تصرفاته امامك وامام كل من يقوم باستيقافهم وهذا بالطبع مستحيل عملا لانك تفكر دائما فى الخسارة المادية التى لحقتك من ثمن الطبنجة الصوت الا انه لو سالت نفسك هيعمل ايه بيها بعد الكمين دون فضية وتحريزها الا انه يرميها هو ناقص سالحك الصوت يعنى معذرة على التعبير لكنه للايضاح فقط كل هذا يجعله يطرح فى عقلك خيار وحيد وهو ان تترك الطبنجة بين يديه وتمضى وحالك دون التضخيم فى الحوار لانها بالطبع انت لست المقصود بتلك الرسالة بل البلطجى المتخفى الذى يستطيع مثلك شراء سلاح صوت دون حاجة الى ترخيص وتوهم العامة فيه للاستخدام فى اعمال السرقة بالاكراه مثلا وهو ايضا مثلك اشتراه بفاتوره ليس هذا منى تحاملا عليك او مجاملة للضابط بل رؤية من زاوية اخرى غير متاحة لك من خبرة عملى واحتكاكى بهذا المجال لاهدئ من حنقك ومحاولة ايجاد تبرير مناسب لك حتى تهدا اعصابك بل وان اتصال احد اقاربك به هو على سبيل الضمان لشخصك وليس مظهرك هو الضامن لان السلوك الاجرامى ليس له مظهر معين فالمظاهر فى مجال الامن خادعة وصورة البلطجى الكرتونية موجودة فى الطبقة الدنيا بينهم وليسوا من اصحاب الاجرام المزدهر ذوى المظهر الخادع
ارجو من لديه تعليك او استفسار المراسلة على الخاص ومتقبل ارائكم فى انتظارها شكرا للقراءة |
رد: يا جماعة حصل معايا انهارضة موقف بسبب مسدس صوت هاااام
اقتباس:
بارك الله فيك. تحياتى |
رد: يا جماعة حصل معايا انهارضة موقف بسبب مسدس صوت هاااام
اقتباس:
|
رد: يا جماعة حصل معايا انهارضة موقف بسبب مسدس صوت هاااام
اقتباس:
|
رد: يا جماعة حصل معايا انهارضة موقف بسبب مسدس صوت هاااام
اقتباس:
احكيلك موقف حصل معايا وربنا وقعني مع ظابط غبي وظابط تاني بيفهم انا كنت جاي من راس سدر كنت في شغل هناااك وكان في لجنة موجودة عند المدخل بتاع السويس وراحو وخدين البطاقة بتاعتي وبتاعت كل الركاب الي في الميكروباص وعلي حظي في واحد علي نفس اسمي علية قضية ووواخد فيها حكم يعمل اية الظابط الغبي راح ققايل لاربع امناء خدوة اتلمو علية عشان انهم يخدوني من غير حتي مايقولي لية هما بيخدوني داااااااااااااا غبااااااااااااااااء مطلق وبعدها بدقيقة جه ظابط تاني بيفهم راح سالهم في اية راح التاني بيتكلم معاة وبيوشوو في ودنة راح واحد بطاقتي ومتكلم معيا وراح سالني علي انا يشتغل فين وساكن فين وراح مديني البطاقة وقالي اركب الميكروباص بتاعك وتوصل بالسلامة وبعد ما وصلت القاهرة كنت عايز اعرف في اية رحت علي ظابط اعرفو دخل اسمي علي الكمبيوتر عندهم طلع في تشابه في الاسماء مع واحد من الاسكندرية واسمو علي نفس اسمي وكان متهم في مشاجرة ياريت اعرف تعليقتكم اية علي الاتنين الظباط دول |
رد: يا جماعة حصل معايا انهارضة موقف بسبب مسدس صوت هاااام
حصل خير يا جماعة و زى ما فى ضابط حقير ز دا فى ناس شريفة والى بقول بيشوف شغلو ماشى معاك بس قدر قتقولى اية سيب المسدس و امشى دى !!!!!!!!!!!!!!!!!!
و المسدس بتاعى اة ماسورة مفتوحة بس فى طبة صغيرة قدام |
رد: يا جماعة حصل معايا انهارضة موقف بسبب مسدس صوت هاااام
اقتباس:
|
رد: يا جماعة حصل معايا انهارضة موقف بسبب مسدس صوت هاااام
طيب المفروض يا جماعه لو انا رايح مشوار ومعايا الجماعه مثلا او حاجه مهمه وقيمه
ومعايا المسدس الصوت وحصل معايا الموقف ده اعمل ايه هل ضرورى انى اكلم ظابط اعرفه عشااان يجى يحللى المشكله ولو ملقتش حدي ييجى هالبس فى الحيط ولا ايه |
رد: يا جماعة حصل معايا انهارضة موقف بسبب مسدس صوت هاااام
اشكركم جميعا كل من علق على الرد واحترام الراى والراى الاخر وكيفية ثقافة الاختلاف فيه والاعتياد على ذلك فلا يمكن تواجد ما يعرف بالصح المطلق والا لتطابق سلوك الناس وما وجدت الطبائع والمذاهب والاراء. مع اهمية التاكيد على حسن التعامل والاحترام المتبادل هو الحل والمخرج السليم من اى موقف مهما كانت تعقيداته والرك كله على المرسل فى الفعل والمستقبل ورد فعل كل منهما للاخر والظروف المحيطة. ولابد من تفهم القاعدة التى يرتكز عليها الاخر فى تصرفه او رايه مع الاخذ فى الاعتبار انه غياب تفصيل فى سبب تصرفك ذلك او مدى تبريه عن الشخص الاخر المتعامل معه او زيادة تفصيل يؤدى الى سوء استقبال وظن وخطاء متبادل فى الفهم وتطور الموقف ومشادة ووووووووو........
يعنى لمجرد انه المواطن دخل على الكمين واتسال بطاقتك واخد الموضوع بمحمل شخصى وعلى سدره هيدهاله بقرف وليه يعنى وانت مين والظابط اللى فوقيك وانا وانا وبتكلم مين كده.............طب ميقول فى نفسه انه دى حملة تمشيط وتنفيذ احكام للهاربين منها على مستوى الجمهورية فى اطار الخطة العامة لذلك يعنى الظابط يعرفك قبل كدة علشان يتعنت معاك كدة او لانه اشتبه فيك مع صورة منشوره كروكى باوصاف منفذ جريمة ما بالقر من مكان تواجدك دلت التحريات باحتمال مروره من ذات المكان او بانه بصدد تنفيذ اذن ضبط كمية مخدرات مع شخص معلوم باسم شهرته وهذا شائع فى عالم الجريمة مثل بلية منجا مشرط مانشستر جمهورية القصرى اى حاجة وغير معلوم شكله او اسمه الحقيقى فقط اخبارية انه ركب ميكروباص خط كذا دلوقت وجاى عليكم مالهاش حل غير تفتيش كل القادمين على هذا الكمين فى تلك الاثنااء . اقصد انه اى فعل بالتاكيد له مبرر طالما لم يوصف بعد مرتكبه بالجنون او العبث. واخر حاجة يحبها الظابط انه يتكدر فى كمين لساعات طويلة علشان يمسك متهم يتصرف فى محامى شاطر او مخبر يسلكه. يعنى بالبلدى الظابط مغسل وضامن جنه. اهه بيادى واجب دى الاخذ الاعتبار الشخصى فهو من واجبه ذلك والمتهم كذلك يتذرع الطرق لشكاية الظابط باستعمال قسوة او خلافه علشان يوجد الكيد ويدخل الشك فى نفس القاضى من الاجراءات قباله ولو بنسبة واحد فى الميه وهى كفياة بالبراءة. والظابط نفسة انه لا مجال للمشاعر فى ذلك سيظل وراء المسجل الى ان ياخد حكم وسيظل المسجل يشتكى الظابط علشان يمارس جريمته وكل منهما يفهم ان الاخر ياخذ تصرفه ذلك على انه مهنته. فى انتظار اراءكم مع العلم انى لست من الداخلية لحد يفكر او يظن كده لان ظاهر الراى يوحى بذك التساند معهم بل مجرد انى ملم بظروف عملهم جيدا وماهيتها وبالخروج ايضا منهم عن مقتضيات الوظيفة السليمة |
رد: يا جماعة حصل معايا انهارضة موقف بسبب مسدس صوت هاااام
أحد أصدقائى و هو مقدم شرطه مسئول عن أحد الطرق السريعه و الهامه بين المحافظات بيقوللى أنه بيروح و يقعد ال8 ساعات ميعملش حاجه لأنه مش ناقص يطلعله واحد من أياهم بمدفع رشاش ييتم أولاده و لكن زملائه فالحين يتنططوا على الناس المحترمين الذين لا يوجد منهم خوف و ياريت الأستاذ المحترم manshaft اللى واضح قوى أنه ضابط شرطه يطلب من زملائه يتعاملوا مع الناس المحترمين بأحترام و يتشطروا على البلطجيه مش العكس بدل ما يبرر بالباطل تصرفاتهم الخاطئه.
|
رد: يا جماعة حصل معايا انهارضة موقف بسبب مسدس صوت هاااام
لى تعليق بسيط ارجو ان تسمحو للى به ان كان من حق الظابط تحرير محضر للشخص حامل السلاح الصوت وبعد كدة يبين المعمل الجنائى انه صوت من عدمة هذا فى حالة ان تبين للظابط من مظهر المسدس انة فعلاا انه حى مش صوت كمثلا وجود طلقات حى مع المشتبه فيه او عدم وجود مايثبت مع المشتبه فيه انه مسدس صوت مش حى او على الاقل اذا سحيب الاجزاء وشاف ان الماسورة بتاعته مفتوحة او على الاقل وجد به اى تعديل ولاكن على حسب روايه الاخ الزميل انه قدم الى الضابط مايثبت انه سلاح صوتى بتقديمه لة فاتورة الشراء فكان على الضابط مطابقة فاتورة الشراء بماركة المسدس الموضوعة فيه على الاقل فقيامة بوضعة فى البوكس فقانونا لايجوذ لان المشتبه بيه اثبت فى الوهلة الاولى انه سلاح صوت وليس حى فليس من حقة استيقافة واصحابه الى قسم الشرطة وهذا التصرف يدل على عدم تغير النفوس وماذال موجود المحسوبيه وصدقنى لو كان سلاح حى ملكى كان حيخدة ويمشيك لقتنائه فقط او للتصرف فيه عن طريقه ربنا يحفظنا سؤال امتى حال البلد دى هيتعدل ويعرفوا يتعملوا مع الناس المحترمين اذاى لللا سسسسسسسف احنا حتى الان ذى محنا مفيش تغير والبلطجة من الدخليه كما هى ايوى بلطجة مستورة بحجة تطبيق القانون واستغلال السلطات اسف للا طالة ولاكن من اتلسع من الشربه بينفخ فى الذبادى وشكرا للاخ مثير الموضوع واسسف لم حدث لة مع دعائى لة بالسلامه من كل مكروه وربا يسترها
|
رد: يا جماعة حصل معايا انهارضة موقف بسبب مسدس صوت هاااام
اقتباس:
معنى كلام حضرتك انه حافظ مش فاهم يعنى لو شاف واحده جايبه لابنها بوده اطفال او واحد ماشى بشويه جبس ابيض يعملهم محاضر هو انا عايز اسالك هو الضابط بيفهم فى السلاح ولا لا بيفهم فى المخدرات ولا لا بيفهم اصلا ولا لا لا هو بيفهم بس اما بيحب يستعبط بيستعبط لانه ببساطه ذى ما قالك اعضاء كتير هيكسب فيه لما يبيعه او هيهاديه لحد حتى السارينه طب انا هسالك سوال الراجل اساسا راكب عربيه ملاكى هو القانون بيبحلك انك تفتش عربيه ملاكى الا بموافقه صاحبها يعنى المفروض لو صاحبها اعترض ميصحش التفتيش بس هو هيقولك فى المحضر عشان يسبكها وقد لو حظ لدينا ان المتهم يقذف او يرمى بشى فالتقطناه فاذا به سجاره مشتعله او مخدر الحشيش مع انه مبيبقاش رمى ولا نيله بس هو لازم يضبط المحضر ويلفق اوقات كمان عشان يلاقى سبب يفتش بيه وممكن ميبقاش فيه حاجه وهو يحط من عنده من الاخر لمجرد ان واحد فاهم حقه ورد عليه وقاله لا |
رد: يا جماعة حصل معايا انهارضة موقف بسبب مسدس صوت هاااام
اقتباس:
واحترامي الشديد واللة يحمي الظابط الشريف المحترم زي مامور قسم الموسكي الي كلنا شفنا الفيديو بتاعو علي اليو تيوب بمجرد ما جالو بلاغ اتحرك بنفسو لا فكر انو هيوجة بلطجية ولا مسجلين ونزل بنفسو مش قالهم احمو نفسكم واكيد ناس كتير حصل معها مواقف زي دي |
رد: يا جماعة حصل معايا انهارضة موقف بسبب مسدس صوت هاااام
انا متعاطف معاك والله ولو حضرتك فعلا مصرى حر اعرف مكان الكمين وتابع لاى قسم ولو تعرف اسم الظابط اكتب فيه شكى لوزارة الداخلية وتروحلو تانى ومعاك كاميرا مخفية وتعمل نفس الموقف تانى وتسجله وتحطهاله على اليو تيوب والفيس وافضح امه خليه يتفرد هو زالكلاب بتوع الشرطة اللى لسة موجدين والله ده الحل الوحيد وياريت تبتدى انت اول الموضوع علشان تبقى قدوة لغيرك والبلد تنضف من الكلاب دى وياريت الاخوة يكونو دايما مستعدين بموبيلاتهم والكاميرات لتصوير اى مخالفات ونشرها وفضحهم على النت دى الطريقة الوحيدة علشان يتلمو
|
رد: يا جماعة حصل معايا انهارضة موقف بسبب مسدس صوت هاااام
الزمن والمواقف اثبتت ان ظابط الشرطة كان هو المجرم وهو اللى غير اهل لحمل اى سلاح وان المواطن العادى اشرف وانضف منهم لان الشرطة اللى فتحت السجون للبلطجية وهى اللى هدتت الناس بالسلاح فى القورة والمواطن العادى اللى نزل يقبض عليهم ويحمى اهله ووطنه بشومة وسكينة ولسة لحد النهاردة بنقول الناس هتبهدل بعض لو شالو سلاح اى تناقض هذا ؟
|
رد: يا جماعة حصل معايا انهارضة موقف بسبب مسدس صوت هاااام
السلام عليكم يا استاذ ايمن ممكن اعرف دة كان ضابط شرطة ولا جيش شكرا
|
رد: يا جماعة حصل معايا انهارضة موقف بسبب مسدس صوت هاااام
لا تعليه بصرحا قمت الاستهبال
|
رد: يا جماعة حصل معايا انهارضة موقف بسبب مسدس صوت هاااام
اقتباس:
يعنى بعد كل البهدلة اللى مرت بيها البلد دى وبرضو النظام هوا هوا مفيش فايدة حسبى الله ونعم الوكيل |
رد: يا جماعة حصل معايا انهارضة موقف بسبب مسدس صوت هاااام
اقتباس:
وضح جداااااااااااااااااا انك مش قارت المشاركة صح او انت بتكتب الي علي وجهة نظرك انا قولتلك ان في الميكروباص خدو الي البطايق بتاعت كل الركاب واحنا في الميكروباص وبعدين جالي امين شرطة وقالي تعالي كلم الظابط رحت من غير كلام راح قيلهم خدوة وعلي فكرة مكنش معاة اوصاف او كلام من الي انت قلتو دااااااااااا داااا كان بيبلغ عن طريق الاسلكي الرقم القومي وواخد تاني بيقلو وعلي فكرة الظابط الغبي داااااااااااااااااااااااااا انا بطاقتي كان مكتوب فيها صايغ دهب وفضة يعني مش واحد مش مكتوب في بطاقتة بدون عمل وكاااااااااااااااااان من الواضح انهم هيفكررو يقلبو رزقهم معااااااااايا ولاانا غلطان |
رد: يا جماعة حصل معايا انهارضة موقف بسبب مسدس صوت هاااام
اقتباس:
يعنى تراخيص السلاح عاوزة تكون معاك اطيان زراعية او بتتحرك بفلوس والسلاح الغير مرخص يبقى قضية سودا ولو ماشى بمسدس صوت (لعبة يعنى) تلاقى اللى يشتغلك فيه يا كدا ييركبك البوكس والقوات المسلحة تناشد المواطنين انهم يسلو السلاح والذخيرة الغير مرخصة مع العلم ان مازال الوضع الامنى غير مستقر يعنى بالعربى كدا امشى فى الشارع ولو حد سبتك اديلو اللى فى جيبك وعربيتك وسيبو ولو كان معاك ولادك ومراتك يبقى ربنا هوا الستار يا كدا يالشرطة والجيش يزعلو مع احترامى الشديد لكل ظابط جيش وشرطة محترم بيتعامل مع المواطن الشريف باحترام وانسانية بدون عجرفة فارغة |
رد: يا جماعة حصل معايا انهارضة موقف بسبب مسدس صوت هاااام
اقتباس:
|
رد: يا جماعة حصل معايا انهارضة موقف بسبب مسدس صوت هاااام
اقتباس:
|
رد: يا جماعة حصل معايا انهارضة موقف بسبب مسدس صوت هاااام
اقتباس:
|
رد: يا جماعة حصل معايا انهارضة موقف بسبب مسدس صوت هاااام
الرجاء من الأخوة الأعضاء المشاركين الإلتزام بالهدوء و عدم التلفظ بألفاظ مسيئة.
و تحياتي للجميع. |
رد: يا جماعة حصل معايا انهارضة موقف بسبب مسدس صوت هاااام
اهم حاجة يا كريم الاجتماع انت بترجح هيبقي فين .............................
|
رد: يا جماعة حصل معايا انهارضة موقف بسبب مسدس صوت هاااام
اقتباس:
|
رد: يا جماعة حصل معايا انهارضة موقف بسبب مسدس صوت هاااام
اقتباس:
كلامك كله فى مجمله مثالى بس حضرتك بتتكلم زى مبيقول الكتاب يعنى بتتكلم من منطلق ان كل ظباط وافراد الشرطه الملايكه اللى كل همهم حفظ الامن والامان ويحموا البلاد والعباد ويادوا الرساله الساميه للشرطه وناسى ان تاريخ الشرطه الاسود مع الشعب بينفى تماما ده التزبيل والنفسنه على الشعب بقت هوايه لكل ظابط او امين شرطه لسه متخرج جديد وعاوز يفرح بالبدله الميرى ويخلص اللى كان بيحصل فيه فى الكليه حتى مع اللى ممكن يكون اد ابوه او امه من غير اى احترام لاى فرق سن اللى هو من تعاليمنا وتقاليدنا كمجتمع شرقى او اللى ممكن يكون من سنه كنوع من تعويض لنواقص كانت موجوده فى شخصيته من الاصل او اتكونت بفعل سياسه الكليه فى تخريج الضباط ومتقوليش بيشوف شغله الكلام ده ممكن مع اى حد مش فاهم اه ممكن يقتنع بيه لكن اكيد حضرتك واى حد فاهم عارف ان الظابط ده لو كلف نفسه وكشف على الرقم القومى لبطاقه صاحب الموضوع وكان هيعرف فى خلال دقيقتين على الجهاز اذا كان اللى قدامه ده مطلوب على ذمه اى قضيه او ليه اى سوابق ولا لا ولا كان ساعتها السيستم واقع ولا الجهاز بطاريته فاضيه زى مبيتقال دايما لما بتكون الرخامه مقصوده غير ان حضرتك طرحت نقطه هى فى حد ذاتها عيب وتتحسب على الظابط مش ليه لان الظابط لو عاوز يشتغل ويحلل الفلوس اللى بياخدها اللى اصلا طالعه من جيوب الشعب الغلبان ضرائب علشان يحميهم مش علشان يستعبدهم يشوف شغله كويس يقف زنهار ومن الاخر كل ظابط عارف كل مجرم فى منطقته ولما بيطنش بيطنش بمزاجه يعنى انا مقلتش ياخد بالمظهر بس فى 100اجراء ممكن يتعمل يوفر على المواطن وعلى نفسه موقف زى كده سيبه وامشى يعنى من الاخر عينى فيه ملهاش معنى تانى ولا يعنى هما مش قادرين على الحمار بيتشطروا على البردعه افتكر حضرتك ظباط المباحث واللى بيعملوه فى التلاجات اللى موجوده فى كل وحده مباحث ويلبسوا القضيه لاى واحد والسلام علشان يعرف معلومه او يخليه يعترف بالحاجه اللى معملهاش من منطلق تقفيل القضايا اللى عنده وسلملى بقا على العداله الظابط اللى عاوز يشتغل بينزل ويلف على رجليه ويجمع تحريات ومعلومات ويوصل للحقيقه المجرده بعلشان يطبق القانون على الجانى مش علشان يقفل القضيه ويستفها مش بيجيب الناس ويعذبها علشان يقولوله اى كلام يستفه فى المحضر بتاعه ويوديه النيابه ويخلص نفسه او حتى يبعت مخبر من عنده بيروح يا بيقبض من اللى بيتحرى عنه يا بيتصرف زى سيده ما بيقوله وبنفس الطريقه طبعا مع اختلاف المكان والطبقه اللى بيتعاملوا معاها اسمحلى اقولك يا فندم انت بتتكلم عن الشرطه فى المدينه الفاضله مش وزاره الداخليه المصريه لان زى ما حضرتك بتاكد ان المظاهر مينفعش يتاخد بيها برده كلام حضرتك بيقول الظاهر بتاع الداخليه بس احنا عارفين الباطن واللى جوه النفوس والنوايا ايه وعذرا للاطاله وتقبل فائق احترامى لشخصك واسلوبك |
رد: يا جماعة حصل معايا انهارضة موقف بسبب مسدس صوت هاااام
أكيد الطبنجة جديدة و حلوة - تحياتي
|
رد: يا جماعة حصل معايا انهارضة موقف بسبب مسدس صوت هاااام
يا جماعه
كل فئه فيها الكويس و فيها الوحش بلاش نحكم على كل رجال الشرطه انهم وحشين لان واحد طلع سخيف انشاء الله بلدنا حتنضف من كل المرتزقه دول بس الصبر مطلوب و كل واحد فينا يحاول ينصح و يوعي الي حوليه تحياتي |
| الساعة الآن 04:45 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir