|
تدمير الحمام بال Diana 52
3 مرفق
السلأم عليكم ازيكم يا صيادين عاملين ايه ?
اتمنى انكم تكونوا فى تمام الصحه والعافيه النهارده انا جبتلكوا صور من طلعتى ليوم الجمعه 1/5/2009 اتفرجوا عليها وقولولى ايه رايكم والحصيله حوالى 40 حمامه |
رد: تدمير الحمام بال Diana 52
كاريزما المدمر
عايزين ندمر مع بعض |
رد: تدمير الحمام بال Diana 52
ماشاء الله عليك بس انا عايز اعرف المكان اللى انت مصتطاد منه الحمام ده فين وايه اماكن تواجده فى القاهرة
|
رد: تدمير الحمام بال Diana 52
ازيك يا عماد باشا عامل ايه
ياريت والله نطلع يوم مع بعض وبالنسبه لمكان الصيد مصنع القمح الى فى شبرا الخيمه او الأاراضى الزاعيه لأن ده موسم ضم القمح |
رد: تدمير الحمام بال Diana 52
ما شاء الله
فعلا كاريزما اسم على مسمى |
رد: تدمير الحمام بال Diana 52
ؤبنا يخليك يا Styer ده من زوقك بس والله نفسى نطلع
نصطاد مع بعض او نطلع جروب كلنا |
رد: تدمير الحمام بال Diana 52
العبد للة عضو جديد بس عايز أقلك ما شاء اللة لا حول و لا قوة إلا باللة العلى العظيم ربنا يباركلك فى رزقك و لكل مجتهد نصيب.
|
رد: تدمير الحمام بال Diana 52
ماشاء الله عليك بالف هنا وشفا على قلبك يا مان
|
رد: تدمير الحمام بال Diana 52
معشى فيل كلمة النتا مصطادة دة كلو حرام لان الحمام دة بتاع ناس وباين اوى انو بلدى وجمعيات ياعنى مش حمام برى راجع نفسك اصطاد اى حاجة الا حمام الناس
|
رد: تدمير الحمام بال Diana 52
اقتباس:
حد بقي والنبي يرد علي الراجل ده .................................................. .................................................. ............................................. أنت فين ياعم كاريزما ياللى متعلم الصيد أمبارح وبتصتاد حمام الناس ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
رد: تدمير الحمام بال Diana 52
أكيد كاريزما يا جماعة مش حيصطاد حمام حد و أكيد هو عارف هو بيعمل إيه لأن حسب ما شفت في المنتدى إن ليه خبرة كبيرة
|
رد: تدمير الحمام بال Diana 52
اقتباس:
خلى عنكو يا رجالة انا لها بص يا سكر بيه اولا / كاريزما ده انسان محترم وما يطلعش منه العيبة وانا اعرفه من مواضيعه ومشاركاته ثانيا / بخصوص الحمام ده مفهوش حمام لا بلدى ولا جمعيات ده كله حمام برى ولو افترضنا انه فيه فرد والا تانين بلدى ده بيبقى حمام طفشان وما بيرجعش لمكانه تانى اوى بتبقى خلفة مخلطة بلدى على برى ثالثا / الحمام الجمعيات عمره ما يسيب مكانه ويطفش لانه ذكى جدا وعليه مخ ما اقولكش رابعا / فية طريقة احسن من كده ممكن تشارك بيها وتنتقد زى ماانت عايز أأمل ان تفيد وتستفيد يا مستر سكر |
رد: تدمير الحمام بال Diana 52
معلش بقى يا استاز طلعت
اصل انا لسه بتعلم مبادى الصيد جديد فاسمحونى هههههههههههههههههههههههههههههههههه بالنسبه للحمام ده يا اخ سكر ده كله حمام جبلى لسبب واحد وهو ان مافيش حمام بتاع ناس بينزل ياكل من مصنع للقمح فى الشارع لأن ده معناه ان اصحابه مش بيحطوله اكل لأان لو اصحابه بيحطوله اكل ماكانش نزل ولمعلوماتك كمان ان حمام الغيه او حمام الناس زى مابتقول كدا مابيسيبش المكان بتاع الغيه بتاعه ويروح فى اى حته كدا ده بيبقى قريب جدا من مكان الداير بتاعه واقولك على حاجه كمان لو فعلن ده حمام ناس والناس مش بتحطله اكل ولأ ميه وسايبينه كدا ومش مهتمين بيه يبقى بجد حلال صيده وكمان على فكره برده انت بتتكلم فى نقطه الألوان بتاعت الحمام او انواعه انت عمرك ماسمعت مثلأ ان الحمام ده بيتزاوج من بعضه الجبلى والغيه لأن فى حمام كتيررررررررر جدا فى المصنع مقيم فيه وبيبات فيه وكمان حمام غيه زى مانت بتقول ومش بتاع ناس عارف ليه؟؟؟ لأنه هربان من اصحابه لأنهم مش بيحطوله اكل وبيجى المصنع يعيش هناك ويتزاوج مع الحمام الجبلى فهمت ولأ لسه اللمعلومه ماوصلتش |
رد: تدمير الحمام بال Diana 52
فعلا يإخونا واحد دنة يتعذب في النار علشان قشة مش من حقة
والأخ كريزما يصطاد أربعين حمامة مش من حقة لك الله ياكريزما |
رد: تدمير الحمام بال Diana 52
إن كان جبلي زي مابتقولو فإحنا أسفين ياجماعة
مكناش نعرف بس كان لازم نتكلم لأن إحنا خايفين علي الاخ كرزما |
رد: تدمير الحمام بال Diana 52
معلشى في الكلمة الحمام النتا مصطادة دة كلو حرام لان الحمام دة بتاع ناس وباين اوى انو بلدى وجمعيات ياعنى مش حمام برى راجع نفسك اصطاد اى حاجة الا حمام الناس
وانا كدة عرفتكو اول سبع كلمات |
رد: تدمير الحمام بال Diana 52
انا هائولك على حاجة انا عارف ارض زراعة بعيدة عن البيوت بكيلوات الارض دية لو بصيت فى كل اتجاة مش هتشوف حاجة من حجم الارض دية وكل الناس الولى الكلام بتعكو دة ان الحمام دة مش بتاع ناس ودة حمام برى لأان لو اصحابه بيحطوله اكل ماكانش نزل ورحت فعلا ضربت وحدة جيت بمسكها لايت فى رجلها دبلة اولى بئا دية مولودة بيها تانى حاجة الحمام الجبلى دة نادر اوى لما تشوف وحدة مش تصطاد انتا اربعين وحدة والمكان النتا بتصطاد فية دة شكلو مدينة مش منطقة نائية يعنى وانا بقولك الكلام دة واللة مش علشان اغيظك مثلا انا بس بقولك علشان الحرام دة حاجة كبيرة اوى
|
رد: تدمير الحمام بال Diana 52
وعلا فكرة انا عند جيراننا الحمام واللة كان بينزل على الارض الصبح ياكل عادى ياعنى الارض مش مكهربة وياخى ياالى بتقولى بية اتقى اللة
|
رد: تدمير الحمام بال Diana 52
كرازما يا حبيبي انا جلال خليفة اسمع كلام عمك طلعت بخيت لانة خبرة وفعلا بلاش تصتاد حمام الناس وبعدين انت مكسر العنز يعني ادي الحمام اجازة
|
رد: تدمير الحمام بال Diana 52
انا على فكرة ياكريزما انا شوفتك قبل كدة انتا بتروح الحوامدية
|
رد: تدمير الحمام بال Diana 52
أستاذ سكر ؛ وبهدوء شديد عايز أوضح لك عدة نقاط هامة
1 - أغلب الناس اللي بتمارس الصيد الفعلى في المنتدي ناس علي قدر كبير من التدين والألتزام والعلم بأصول الصيد وقواعده 2 - كريزما صديقى ورغم صغر سنه وفارق السن اللي بينى وبينه ألا أني بأكد أنه يقدر يميز كويس جدا بين الحمام البري من غيره 3- أنا بادعوك بمحبه وأخويه أن تتطلع أكثر على المنتدي وستجد أن كثيرين من قبل قد فندوا في مواضيع عدة الفرق بين الحمام البري من غيره علي سبيل المثال لا الحصر موضوع للأستاذ عاصم وأستاذ جلال أو أبنه مش متذكر وموضوع أيضا للواعد الجميل جامو وكما قلت ده على سبيل المثال لاالحصر ( حد من الشباب الجميل ممكن يديلك الروابط أو حاول أنت وسوف تجد المواضيع ) 4- أنا كل اللي زعلني في مشاركتك أني حسيت أن كلامك مش مبني على معرفة ( أرجو ألا تتضايق من كلامي ) 5- أنا رحت قبل كده مصنع القمح مع مهندس محمد السيد وأستاذ عماد وصديقي القناص بناء علي دعوة من كريزما والناس اللي ذكرتهم لك دول من أفضل وأعظم الصيادين فى مصر وأنا أقلهم شأنا وأقدر أأكد أن الحمام اللي هناك 99.9 % منه برى وده اللي بيتصاد مرة أخيرة أرجو أن تتقبل أعتذاري أن كان في كلامي شىء من الحدة والله العظيم دي أول مرة في حياتي أحتد علي حد On line تقبل أعتذاري ولك كل الأحترام |
رد: تدمير الحمام بال Diana 52
لنا عايز اقول حاجة وحدة واللة العظيم الحمام دة بتاع ناس وانا متاكد اكتر من اسمى واذا انتو بتحبوا تداروا على بعض فبراحتكوا خالص وانتوا بتقولو كلامى مش مبنى على معرفة انا من اكتر الناس الى ربت حمام وعارف البرى من الغية اكتر من اى حاجة واهم حاجة بتميز الحمام البرى دة انو بيبقى صغير مش اد العجول المصطادة دية تانى حاجة الحمام الصيدة دة باين انو جمعية لاما جمعية على حاجة تانية لانو طبعا ميت ومش باين اوى
|
رد: تدمير الحمام بال Diana 52
خصائص الحمام البري:
الحمام البري صغير الحجم وله منقار طويل رفيع اسود اللون حاد وصلب، لون ريشه ازرق فاتح، وعلى طرف جناحيه وذيله شريط عرضي ذات لون اسود، وعلى ظهره بقعة بيضاء. يعتبر الحمام البري من اصغر أنواع الحمام قليل الإنتاج يفرخ مرتين في العام لا يبيض الا إذا كان طليقا حراً. له قدره غريبة على التجمع في مكان معين إذا علم بوجود الطعام المناسب وكما هو معروف فالحمام البري يعتبر مصدر رئيسي للأمراض المختلفة التي تصيب الحمام المستأنس ولهذا ننصحك بالحذر من تواجده بالقرب من مسكن طيورك بقدر الإمكان. |
رد: تدمير الحمام بال Diana 52
يوجد أنواع من الحمام البري:
الأول يسمى الحمام البري الجبلي وهو يصعب استئناسه ويميل إلى الهجرة والسكن في أماكن مهجورة هادئة وينفر من الإزعاج والضوضاء وهو لا يفرخ أكثر من مرتين في السنة بسبب قلة الغذاء. النوع الثاني فهو الحمام البري النقي ويتميز بوجود بقة بيضاء على الجزء الخلفي من ظهر الحمام. النوع الثالث الحمام البري غير النقي وهو خليط بين الحمام البري والمنزلي ويسمى بالحمام العادي وهو منتشر بين هواة الحمام. وللمعلوميه فالحمام البري شبيه ببعض أنواع الحمام الزاجل من ناحية اللون مما يضع بعض الهواة المبتدئين في حرج في التفريق بينها.. رغم وجود اختلافات كبيرة بين الحمام البري والزاجل. خصائص الحمام البري: الحمام البري صغير الحجم وله منقار طويل رفيع اسود اللون حاد وصلب، لون ريشه ازرق فاتح، وعلى طرف جناحيه وذيله شريط عرضي ذات لون اسود، وعلى ظهره بقعة بيضاء. يعتبر الحمام البري من اصغر أنواع الحمام قليل الإنتاج يفرغ مرتين في العام لا يبيض الا إذا كان طليقا حراً. له قدره غريبة على التجمع في مكان معين إذا علم بوجود الطعام المناسب وكما هو معروف فالحمام البري يعتبر مصدر رئيسي للأمراض المختلفة التي تصيب الحمام المستأنس ولهذا ننصحك بالحذر من تواجده بالقرب من مسكن طيورك بقدر الإمكان. |
رد: تدمير الحمام بال Diana 52
2 مرفق
وعلى فكرة ياجماعة انا دلوقتى بدات احتار وجيبلكو صور واحكمو انتو انا يئست
|
رد: تدمير الحمام بال Diana 52
بسم الله الرحمن الرحيم
استاذ سكر الحمام اللي حضرتك بتقول عليه بتاع الناس ده بري ولو بتاع ناس مربينه اكيد حيكون في رجله حلقه زي ما انته بتقول انصحك بمراجعه احكام الصيد في الاسلام واحكام اللقطه الاسلاميه واللقطه تعني الشي الذي ليس له صاحب او الشي الذي تخلي عنه صاحبه فاصبح مال مباح وكذا راجع احكام المال المباح كل الاحكام دي تلاقيها في كتب للاستاذ الدكتور / رمضان الشرنباصي والاستاذ الكتور / محمد الشافعي والاستاذ الدكتور / محمد كمال امام وجميعهم اساتذه للشريعه الاسلاميه تشرفت ان ادرس علي ايديهم الليسانس والماجستير وكذا الدكتوراه اخوك عمرو ابوالعلا المحامي بالنقض والدستوريه العليا |
رد: تدمير الحمام بال Diana 52
خلاص يإخونا
إلي معندوش خلفية عن أنواع الحمام يشوف مواضيع المنتدي الوفيرة ومش لازم نجادل كلنا إخوات ...وياأخ سكر أنت قولت إلي عندك خلاص بقي الأخ كريزما راجل علي دراية علي ماأعتقد وبرحب بيك تاني ياأخ سكر مع أنك واخدنا علي الحامي |
رد: تدمير الحمام بال Diana 52
السلام عليكم
با اخوانا اسمحوا لى انى اشارك ولو بجزء بسيط فى الهجوم على اخى كارزما اهو بالمره نظيط فى الظيطه اول حاجه انا اولا بقالى عمر ما ضربتش حمامه بسلاحى يجى من 20 سنه مش علشان موضوع بتاع ناس ولا برى لا لانى ما فيش فرصه لكن انا عايز اوضح ان احنا لازم يكون اسلوب نقدنا للامور مختلف علشان ما نزعلش انسان محترم وحتى لو هو غلطان لازم يكون قى اسلوب نقدى اقل حده واكثر تحضرا يعنى بالمختصر اداب الحوار. انا من سنين بعيده كنت عايش فى مزرعه كبيره جدا ولا 100 فدان وكانت فيها انواع مختلفه من الزراعات حقليه وحدائق وشتلات وكان فيها حياه بريه مش هقول احسن تفتكرا انى كنت بغابات الامازون لكن بالفعل كان فيها كتير ينصاد وخصوصا بمواسم الهجره اهمها البط الخضيرى وغيره وباعداد معقوله المهم ان كان فيها زى كل المزارع الكبيره ومش عارف ليه برجين حمام كبار ولا ابراج مركز التجاره العالمى ماليانين على اخرهم حمام وما فيش حد بياكلهم او حتى يهتم بيهم وبو حد من العمال حب يشيل الحمام كله ما كانش والدى اعترض لكن ولا واحد كان بيعرف الحمام طاير معظم الوقت فى الحقول وكل اللى بيعملوه ان بيصطادو اللى بقدروا عليه من الزراعات ومنهم والدى كان بيطاد بالخرطوش ساعتها وبالفعل الحمام ده كان ممكن يدخل ضمن الحمام البرى لانه مجرد مستوطن المكان لان المكان ملائم للمعيشه ده غير وفره الاكل والصيد فيه محدود لانى ما كنش حد معاه خرطوش غير بابا والخفر والخفر من النادر يشتروا خراطيش علشان الصيد مش دماغهم ولا هوايتهم اللى يصرفوا عليها وفين لما بابا يفتكر انوا يصطاد لذلك الحمام كان عايش زى الفل وبيكتر وبيزيد .وفى كمان اكتر من مزرعه انا زرتها شوفت فيها نفس الحال ده غير انى فى ا المدينه اللى عايش فيها صوامع غلال انا كنت بشوف فيها اعداد خرافيه من الحمام مش معقول كله بتاع ناس انا ما افهمش فى تربيه الحمام لكن كنت اتذكر حاجه وهى ان الحمام وخاصه الزاجل بيطير حوالين الغيه ومش ممكن يبعد عنها حتى بيطير فى مجموعات وده لانى ليا جار من اشهر اللى بيريوا النوع ده من الحمام وانا بشوف الموضوع ده وانا على سطح بيتى حمام بيطير فى سرب فى دوائر فوق مكان الغيه بتاعته عمره ما يبعد والله اعلم اخر حاجه انت لو بتصطاد حمام من مكان تجمع طيور من الممكن انك ما تلاحظش نوعيه الحمام الامر يختلط عليك ومن الممكن تضرب طيور منزليه ولو بالغلط غصب عنك خلاص المهم النيه اخر حاجه هوجهها لاخى كاريزما وهىتتقى الشبهه فى الامر انا زعلت من اسلوبهم فى التوجيه ولا يهمك يا حماده قالولى قبل كده كلامك كله غلط فى غلط وعادى اهو ادينى لسه عايش ما انتحرتش الحمد لله Reviewing has one advantage over suicide: in suicide you take it out on yourself; in reviewing you take it out on other people. يتميز النقد عن الانتحار بحسنة واحدة: وهي أنك تمارس الانتحار على ذاتك بينما النقد فإنك تمارسه على الآخرين. “If there was nothing wrong in the world there wouldn't be anything for us to do.” لو لم يكن هناك أخطاء في العالم فلن يكون لدينا ما نفعله |
رد: تدمير الحمام بال Diana 52
انا مع الاخ سكر وطلعت في الرأي بصراحه مش معنا اني معايا بندقيه وفرحان بيها اني اتشطر علي حمام الناس وباين قوي قوي انو حمام بتاع ناس عيب يااخ كاريزما وقبل ميكون عيب فاهوا حرااااااااااام لان ده ملك ناس مش ملك سعادتك ولا جنينتك هيا - معندك ياخي مليون مكان تروح تصطاد فيه - عيب يااخ كاريزما قوي اللي انتا عملتو عشان مش جدعنه اوي ولا شطاره وكمان فرحان وحاطط الصور - لااله الا الله _
|
رد: تدمير الحمام بال Diana 52
اولأ انت كدا شكلك لم تقراء الموضوع من اوله ومش فاهم حاجه نهائ
لأن انت بتقول ان انت مع استاز طلعت واستاز سكر اولأ استاز طلعت زعلان من الى قاله الأخ سكر فى حقى تانيا الأخ سكر لما عمل بحث على النت اتضح ان الحمام ده جبلى وكمان من غير البحث ده انا مش محتاج انى اعرف الفرق بين الجبلى وبتاع الناس ولو انت حبيت ترد على الموضوع تبقى اقراء الموضوع الأول وافهم ايه الى مكتوب مش ترد كدا وخلأص وكمان لما تحب ترد ياريت ترد بشكل احسن من كدا او ماتردش خالص . |
رد: تدمير الحمام بال Diana 52
الاخوة العزاء اعضاء المنتدي وكل من كتب في هذا الموضوع السلام عليكم
اولا الاخ الي عمال يحلف ان دة حمام بتاع جمعية او بتاع ناس ممكن يقولي بقالة كام سنة بيصياد واية الانواع الي هوة جابها وبيطلع كام مرة ونوع البندقية الي معاة وحتي ولو هوة شيخ الصيادين غلط انة يهاجم واحد من غير مايعرف اي حاجة عن الموضوع وبعدين ياسيدي هوة صايد حمام ناس ربنا يحسبة هوة مش انت ولا لازم كل واحد فينا يعمل امام وعلامة من غير دراية انا اعرف كارزما كويس جدا وخرجت معاة اكتر من مرة وهوة من الشباب المحترم جدا ومافيش داعي ان نهاجم الناس من اجل المهاجمة وعلي فكرة انا عايز اقول لك حاجة ان كنت في مدينة بدر وكنت صايد حمامة من بين مجموعة حمام بري وهي نفس الون ولقيت فيها حلقة مكتوب عليها اسم صاحبها اعمل اية ارميها ولا ادور علي الاسم في الجرائد ولا اية في اية ياجماعة خير احنا لازم نحب بعض اكتر من كدة وانا بشكر الاستاذطلعت وعمرو واحمد وجامو علي ردود هم وانا اسف في النهاية اني كنت عنيف بس في لمور بدءت تزيد عن حدها في المنتدي مش كل واحد عمل اشتراك يدي لنفسة الحق في التحتمل علي الناس جلال خليفة |
رد: تدمير الحمام بال Diana 52
اقتباس:
مسبش حاجة كنت عايز أقولها .... |
رد: تدمير الحمام بال Diana 52
ياكاريزما قبل ماالاستاز طلعت يكلم وينتقد الاخ سكر شوف هوا قال ايه ( فينك ياعم كاريزما ياللي متعلم الصيد من يومين وبتصيد في حمام الناس) وبعدين الحمد لله انا بعرف اقرا واكتب ونا خريج لغات اصلا مش محتاج انو حد يقولي اني افهم الموضوع ومتكلمش وخلاص - انا عارف وشايف ايه اللي بيتقال واللي اتقال - والحمد لله انا مش محتاج حد يعدل علي اسلوبي لاني عارف بعمل ايه.
|
رد: تدمير الحمام بال Diana 52
الاخوة الاعضاء شوفتم الموضوع وصل لحد فين وصل لحد ان الناس اصبحت محفزة لبعضهم البعض وكأن الحمام الي اصتادة كرزما هوة سبب الازمة النووية في العالم ياجماعة ان ابداء الرئ في قضية بالسلب او الايجاب حق لة شروط وهي عدم الخروج عن النص الادبي والاحترام بين الناس لان رياضة الصيد رياضة الاخلاق والصبر والتعاون مع الاخرين
وفي حاجة مهمة جدا جدا جدا عايز اشرحهاوهي الفرق بين الصراحة والوقاحة الصراحة ان اطلب منك رائ في موضوع يتعلق بي شخصيا فبطبيعة الحال انت هاتقول رائيك وانا مش هازعل لاني انا الي طلبية اما ؟؟؟؟؟؟ فهي اني ابدي رائ في موضوع من غير ماحد يطلبة مني يعني ادخل في موضوع من غير ما اخبط علي الباب وحد يقلي ادخل ارجو ان تكون الرسالة وصلت ونكتفي بهذا القدر |
رد: تدمير الحمام بال Diana 52
اولأ يا استاذ نوريكاوى
ألباش مهندس طلعت مش هاقولك صد يق لأ ده والد بجد واسلوب كلأمه فى المشاركه الى هو قال فيها انت فين يا كاريزما يا الى متعلم الصيد امبارح الجمله دى اتقالت بطريقه تهكميه ردا على المشاركه بتاعت ألاخ سكر وثانيا انا معاا بندقيه ديانا 52 ومركب عليها سكوب عالى جدا يعنى بالعقل كدا انا مش محتاج انى اصطاد حمام الناس انا بمارس الهوايه دى علشان بحبها وبمارسها من حوالى 8 سنين يعنى مش لسه جديد فى الصيد ولأ لسه ببدا واكيد بعرف اميز بين الحمام بتاع الناس والحمام الجبلى وكمان احب انى اقول ا ان كتيرجدا من الاعضاء هنا بيمارسوا الهوايه دى ممكن من قبل ما انا اتولد اصلأ ( الباش مهندس طلعت بخيت والأستاز الفاضل جلأل خليفه ) وناس تانيه كتير بس دول الى انا اعرفهم كويس وهما اكيد فاهمين اكتر من اى حد تانى فى امور الصيد والطرائد وهما قالوا رايهم فى الموضوع بتاع الحمام ده ولأ يوجد راى بعد رايهم بالتاكيد وبالمناسبه انتظروا يوم الجمعه ان شاء الله مجزره جديده للحمام |
رد: تدمير الحمام بال Diana 52
كرزما عايز جوزين حمام مشوي بالطحينة
|
رد: تدمير الحمام بال Diana 52
ياعم العايز يصطاد حمام يصطاد انا مالى انشاء اللة حتى يصطاد فراخ مش انا الى بحاسب الناس
|
رد: تدمير الحمام بال Diana 52
بسم الله الرحمن الرحيم
الاخ نوريكاوي ان شاء الله يعني لسه حتجيب نوريكا يعني لسه مصتادتش لحد دلوقتي ومعاليك خريج لغات وده يوضحلي ليه فهمت الموضوع بالعكس اكيد قرأته من الشمال لليمين فيه ايه يا سيدي براحه علي كاريزما تصدق انا لحد دلوقتي لم اري طلعت بك ولا جلال بك ولا احمد بك ولا كريزما ولكن اتكلمت معهم في المنتدي وتلفونيا مع اول ثلاثه ذكرتهم وعايز اقولك انهم زي الفل ناس علم وثقافه وادب واخلاق ومستوي راقي من كل ناحيه واتشوق اني اراهم............ اما كاريزما لم اراه ولا حتي كلمته في المنتدي ولا التليفون ولكن من خلال مواضيعه وكلامه ومشاركاته من اكتر اللي حبيتهم في المنتدي وطبعا المهندس محمد السيد كمان بص كلمه ابرك من عشره براحه علي الناس وزي ما قلك جلال بك فيه فرق بين الصراحه والوقاحه وكمان الاخ سكر بلاش اسلوب الفتاوي المتهكم والحاد لان طبعا ماحدش حيقبله ثم اننا بنمارس رياضه الملوك والامراء والنبلاء فلازم نتحلي باخلاقهم وصفاتهم طبعا الناس اللي ردت عليك دول اكبر ناس في المنتدي ومن الموسسين وكفايه كلام كده وياسيدي انتوا نصحتم ان اللي ياخد حاجه بتاعه الناس حيروح النار فخلاصصصصصصصصصصصصصص عمرو ابوالعلا |
رد: تدمير الحمام بال Diana 52
استاذعمرو نورت الموضوع بمشركتك والله وعجبتني اوي من الشمال لليمين دي وموتتني من الضحك هههههههههههههههههههههههههههههههههههههههههه حتي انا لسة باضحك لغاية دلوقتي
علي الملاحظة الجميلة دي. علي فكرة انا متابع الموضوع ومش عاوز ادخل بمشاركة لكن انا اتفاجئت بان الموضوع اتطور والصراحة ذاد عن حدة ولكن طبعا الاساتذة الكبار الي اتكلمو في الموضوع اتكلمو تقريبا في جميع الجوانب الهامة وردو علي الاسلوب الي ذعل استاذ طلعت وكاريزما لانهم ما قبلوش الخطا من اعضاء جدد في المنتدي بس في حاجة مهمة جدا استفدناها من الموضوع ده ياجماعة وهي :- 1- المنتدي ملكنا جميعا (محبي هواية صيد الطيور) 2-كلنا بنحب الاعضاء المحترمين وبندافع عنهم (طالما كان عندهم حق او اعتدي عليهم ) 3-ملاحظة هامة للاعضاء الجدد (الموضوع الموجود بالمنتدي لايخص كاتبة فقط انما يخصنا جميعا) 4_علي الاعضاء الجدد مراعاه شعور الاخريمن وعدم اصدار توجيهات او انتقادات لاذعه للاعضاء الاخرين وان كان ولابد من ذلك لايكون بالمشاركة خلال موضوع وانما بوسيلة اتصال مباشرة ليكون هناك مناقشة واقناع الاعضاء الجدد لايجب ان يغضبو من هذه المناقشة المثمرة وان كان هناك بعض التجاوزات التي نرفضها جميعا ولكن زي مالناس المحترمة دافعت عن كاريزما الصياد القديم هيجي يوم ونفس الناس دي ومعاهم كاريزما هايدفعو عن( سكر)وعن (نوريكاوي) وغيرهم وشكرا للجميع عماد النجار |
رد: تدمير الحمام بال Diana 52
متشكر يااخ والثر علي كلمه ( من الشمال لليمين)وانتا عمال بتقول احنا اخوات وميمفعش نقول الفاظ خارجه عن نص الاداب - والحمد لله زي ماقولت قبل كده انا مش محتاج حد يعدل عليا في الكلام او يفهمني انا بعمل ايه - لو كنت تجاوزت شويه في انتقاد الاخ كاريزما ده مش يعني انو ابو ملطشه للي يسوا واللي ميسواش وكفايا انو الاستاز عماد النجار عجبتو قوي الكلمه بتاعتك وعمال يضحك لحد دلوقتي - قولي انتا بقا والساده الاعضاء هل دي طريقه لتهديه النقاش ام زياده البنزين عليه ؟؟؟؟؟؟؟؟؟؟؟
|
رد: تدمير الحمام بال Diana 52
وبعدين مش معني اني كاتب نوريكاوي انشاء الله يبقا لسه هشتريها - انا بصطاد الحمد لله من 12 سنه .
|
رد: تدمير الحمام بال Diana 52
الاخوة الاعضاء برجاء الي الجميع عدم الكتابة في هذا الموضوع لان الموضوع خرج عن الحدود واحنا ناس كبار وكبار قوي واحنا نعرف مقدار بعض كويس دة طبعا الي عارفين بعض وكفاية كدا ارجوكم
تحية خاصة الي والتر وعماد النجار و جلال خليفة |
رد: تدمير الحمام بال Diana 52
ياجماعة الخير بصراحة وبدون زعل الي يكتب في الموضوع دة يبقا غلاطان غلاطان غلاطان ياولدي
|
رد: تدمير الحمام بال Diana 52
بحب اوجة تحياتى لاعضاء المنتدى الكرام
ثانيا يا جماعة مع احترامى لكل عضو كتب فى الموضوع دة ياريت تبقى النصيحة بشكل لائق والرد برضة يبقى بطريقة كويسة ومش لازم يبقى بنفس الاسلوب . انا بصيت على كل مواضيع الى كتبها كريزمة عن صيدة وبصراحة عجبنى صيدة جدا ومكنش محتاج يثبت مهرتة بصيد كمية الحمام دى مهو اقبل كدة رافع صور صيد يمام كتير جدا و ما شاء اللة اصطاد طيور نادرة و عنز. وبصراحة انا من صغرى مبحبش اصطاد الحمام علشان انا معنديش مهارة كافية وصائبة 100 فى 100 تخلينى اضرب حمام من مسافة بعيدة و اميذة وفى نسبة شك 1 فى المية انة يكون بتاع ناس. انا لحظت من كذة صورة من كذة موضوع ان كريوما بيتصور ووراى سور مطحن وعلى الرصيف غلة وانا عارف انو لو طلع باكاميرة شوية وصور المطحن كنا هنشوف مئات الحمام . انا كنت بشوف المنظر دة ومع ذالك مكنتش بضرب الا طلقة واحدة اشوف الحمام هيطير ويروح على فين. ياريت يا كاريزم تتأكد بالموضوع دة بنفسك وتعرف اصل الحمام دة بالضبط على شان لو بتاع ناس شوف انت خسرت صحبة قد اية وهو بيربى الحمام دة لهوايتة برضة وعلشان يأكل بية اولادة , متعة الصيد عمرها مكانت كدة انا مرة وانا صغير عندى 11 سنة ضربت فرخة بتاعت واحد جارى مقدرتش انام الا مسألت الشيخ وعوضت الراجل عن الفرخة مبالك بقى عن سعر الحمام دلوقتى الى انت بتضربة ومش خسران فية الا تمن الرشاية. |
رد: تدمير الحمام بال Diana 52
السلأم عليكم
ازيك يا استاذ مصطفى عامل ايه ؟ بالنسبه برضه للحمام انا متاكد بنسبه 100%100 انه جبلى او برى المعنى واحد واللثبات على كدا ان القناص والاستاز طلعت ومحمد السيد وعماد النجار كل القناصين دول راحوا المصنع معايا مره وشافوا الحمام هناك وهما م ممكن يقولوا على الى شافوه |
رد: تدمير الحمام بال Diana 52
السلام عليكم يا اخ سكر
بالنسبة للحمام ده هو حمام برى 100/100 لانى ان طلعت بنفسى المكان ده مع كاريزما واصطدت من هناك وشوفت بنفسى على الطبيعة... وانا اشكر لك حرصك على ان اخوانك ما يقعوش فى الخطاء ... لك جزيل الشكر |
رد: تدمير الحمام بال Diana 52
يبدو ان المشكلة النووية الكارزمية مش ها تنتهي الا باعلان الحرب علي كرزما وتوجية ضربة
وقائية لمصنع القمح وتدمير منطقة شبرا |
رد: تدمير الحمام بال Diana 52
اقتباس:
هههههههههههههههههههه يا جماعة خلاص الموضوع خلص .. أنا بصراحة لو مكان كاريزما مش حعمل مواضيع من دي تاني |
رد: تدمير الحمام بال Diana 52
يا اخوانى ان روحت المكان ده مع كاريزما واصطدت معاه منه .. وانا بصطاد بقالى 30 سنة وكنت مربى حمام من انواع كتيرة جدا ومنه الجمعيات والرميات واعرف افرق كويس بين الحمام وبعضه بدليل انى يومها لاقيت كام حمامة بلدى منزلى ومضربتش عليهم مع انهم كانوا واقفين قريب ومستسلمين جدا ... حاجة تانية وواخيرة ... ان لو الاخ سكر او الاخ نوريكاوى زاروا الصوامع دى ح تاكدلهم امه حمام برى الا وهو العدد .. العدد لا يقل باى حال من الاحوال عن 1500 حمامة .. لايمكن طبعا ح يكون فيه حد مربى 1500 حمامة فى نفس الوقت وفى مكان واحد وكلهم نفس الشكل واللون والنوع .. والله اعلم
|
رد: تدمير الحمام بال Diana 52
السلام عليكم بلاش تصطاد الحمام ده لانه بلدى وانت كده بتشيل وزر كفايه اليمام يا زعيم
|
رد: تدمير الحمام بال Diana 52
بالله عليك كلو الا حمام الناس دى فيه ناس اكل عيشها هو اللى انت اصطدو دى ..... ودى مش هيخلى الناس تقول عليك الواد الروش راح الواد الروش جيه ....
___________________________________________ ركز فى كلامنا ليك احنا عاوزين نقلك معلومة استفاد منها احسن بدل متلاقى شوية عيال دبينك علقة سخونة |
رد: تدمير الحمام بال Diana 52
يا اخوانا حرام عليكم دة حمام (مبرر) يعنى تحول من حمام بيتى الى برى لانه طفش من اصحابه وعشق الحريه فى الطبيعه والحقول فلا صاحب له رغم انى لا اوافق على صيدة لانه محل شك
بس هناك قاعدة فقهيه وقانونيه بتقول/// اليقين يغلب الشك/// واخرى بتقول/// المتهم برىء حتى تثبت ادانته/// والله تعالى اعلم |
رد: تدمير الحمام بال Diana 52
الحمام ده بلدى والله تعالى أعلم
|
رد: تدمير الحمام بال Diana 52
أولا مبروك ياكريزما على المجهود الجبار ده وربنا يبارك ويزيد,
يصيدين ده نوع من الحمام بيسموه العرب "زريجي" وده حمام بري مابيتراباش في البيوت ولا في الابراج, كما ان الحمام اللي اصطدتو ده كله لون واحد, والحمام البلدي بيكون الوانه مختلفة. ولما ترايش الحمام شوف صدره, لأن اللون الغامق ده زريجي بينما اللون الأبيض حمام بلدي. حاجة اخيرة; لو الحمام فيه لمعة عند الصدر يبقى بلدي, لكن الحمام الزريجي مفيهوش لمعة خالص. وأرجو إنه أكون ضفت حاجة جديدة للموضوع ده. |
| الساعة الآن 10:47 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir