الصيد فى مصر - ممكن اعرف مواعيد صيد اليمام

الصيد فى مصر (http://www.egyhunt.net/index.php)

- بنادق ضغط الهواء ومتعلقاتها (http://www.egyhunt.net/forumdisplay.php?f=51)

- - ممكن اعرف مواعيد صيد اليمام (http://www.egyhunt.net/showthread.php?t=10459)

amr naser

11-06-14 05:28 PM

ممكن اعرف مواعيد صيد اليمام

عايز اعرف المواعيد الى اطلع فيها عشان اصطاد اليمام والاقيه بكتره فين وشكرااااا

omarara

11-06-14 05:58 PM

رد: ممكن اعرف مواعيد صيد اليمام

بالنسبة للميعاد بعد الفجر على طول على الشقشقة كده هتلاقيه بدأ يصحى وينزل على الارض ياكل
بس بالنسبة لفيين ديه ! ديه بتعتمد انت منين

محمود شلبي

11-06-15 02:49 AM

رد: ممكن اعرف مواعيد صيد اليمام

فعى انسب معاد قبل طلوع الشمس لحظه الظلام والضوء وحسب المنطقه ووجود الطعام والماء والحرارة
المهم انت منين ونوصفلك ونضرب اليمام ونجهزة ونبعته على البيت ولو فى حاجه اظن بجد فى موضوعات مثبته
ولك التحيه

dr mohamed kamal

11-06-15 03:01 AM

رد: ممكن اعرف مواعيد صيد اليمام

اقتباس:

المشاركة الأصلية كتبت بواسطة محمود شلبي (المشاركة 121833)

مساء الجمال ياعمرو فينك أول مرة أشوفك سهران للساعة 2 إنت أجازه بكره و لا إيه

venom

11-06-15 03:07 AM

رد: ممكن اعرف مواعيد صيد اليمام

اقتباس:

المشاركة الأصلية كتبت بواسطة omarara (المشاركة 121327)

طب سؤال في نفس الموضوع انا ساكن في مصر الجديدة في مدان الحجاز اية احسن مكان اصطاد فية

amr naser

11-06-15 03:40 AM

رد: ممكن اعرف مواعيد صيد اليمام

شكرااااااا جدت ليكم يا جماعه انا من دماط وانا ساكن فى منطقه زراعيه ومايانه شجر والمكان اكتر من مناسب بس عايز نصائح منكم فى صيده والاقييييييييييره تانيه

venom

11-06-15 03:59 AM

رد: ممكن اعرف مواعيد صيد اليمام

اقتباس:

المشاركة الأصلية كتبت بواسطة amr naser (المشاركة 121860)

دا انت عندك الخير كلة :) :) انا برضو لسة مبتدى او يمكن اقل كمان و امني اعرف اي نصائح من اهل الخبرة

smsmn8888

11-06-15 11:17 AM

رد: ممكن اعرف مواعيد صيد اليمام

وفي معاد تاني
الاول
من الساعة 3:30 لغاية 6 برضو بيكون في شوية شغل حلوين
التاني
باليلل بيكون ياعيني علية نايم علي الشجرة مش موجود يعني تضرب تقع وتضرب التانية وراها برضو

Eng\ Fekry

11-06-16 12:30 AM

رد: ممكن اعرف مواعيد صيد اليمام

اليمام حذر جدا ومش عارف الاقى اى واحده تقف لحد ماصطادها وجربت اخرج بالليل برده بيطير اول مابيحس بحركه اوضوء الكشاف مش عارف اعمل ايه؟؟؟؟؟؟؟؟!!!!!

omarara

11-06-16 12:35 AM

رد: ممكن اعرف مواعيد صيد اليمام

اقتباس:

المشاركة الأصلية كتبت بواسطة eng\ fekry (المشاركة 122743)

إنت بتضربه من على بعد كام متر ؟

Eng\ Fekry

11-06-27 10:40 PM

رد: ممكن اعرف مواعيد صيد اليمام

اقتباس:

المشاركة الأصلية كتبت بواسطة omarara (المشاركة 122751)

إنت بتضربه من على بعد كام متر ؟

حوالى 15 متر بيكون اليمام واقف على شجرة متوسطه الطول مثلا بس هو اصلا مبيستناش لما اقرب من الشجرة ده بيطير قبل ماوصل على بعد 100متر

ابو مروان

11-06-27 11:19 PM

رد: ممكن اعرف مواعيد صيد اليمام

مساء الخير بص يا باشا ممكن تجرب حل انك تلبد لليمام بمعنى اية تشوف الشجر اللى بيكون كتير علية بينام علية وعلى بعد العصر كدة اليمام بيرجع من الغيطان عشان يبات فى مكانة اللى متعود علية حضرتك هاتلبس اللبس اللى لونة ما يخوفش اليمام البس اخضر او بنى مثلا واقعد قريب من الشجر دة فى مكان متدارى شوية وعلى بعد مناسب ولما اليمامة تيجى تبيت اتوكل على اللة واضرب والبد تانى وهكذا وبالتوفيق

BooGY

11-06-28 02:59 PM

رد: ممكن اعرف مواعيد صيد اليمام

تلبد ...... ويلبس مموه !!!!!! ايه يا استاذ ابو مروان ده كده هيصطاد اسود
انا اسف بس الموضوع ابسط من كده بكتير
بالنسبة للصيد حضرتك تتجول فى وسط الزراعات وتحاول تدارى البندقية بانك تخلى الماسورة موجهة للارض وتكون مختفية وراك وتحاول تفحص اى شجرة تقابلك بنظرة سريعة من بعيد الاول لو لمحت عليها طير تحاول تقرب لاقرب مسافة ميبقاش الطير شايفك منها ويستحسن لو تيجى من ورا الطير يبقى اضمن
بس

عبدالواحدابوخضرة

11-06-30 02:23 PM

رد: ممكن اعرف مواعيد صيد اليمام

الصيد بلليل عوز كشاف ويكون مفيش قمر طالع يعنى الجو يكون مظلم لحتجيب ان شا اللة

Henry_Sox

19-10-05 02:11 AM

ظ…ظ…ظƒظ† ط§ط¹ط±ظپ ظ…ظˆط§ط¹ظٹط¯ طµظٹط¯ ط§ظ„ظٹظ…ط§ظ…

السلام عليكم

ارجو منكم اخواني احد يرشدني على ماهي الشروط والطلبات لكي اتمكن من فتح مكتب وكالة سياحية يعني اصدار تذاكر

حاولت اعرف من الانتر نت ما استطعت و ما اعرف من اي الدوائر الحكومية ابدا

اللي يعرف لا يبخل علي جزاكم الله خير

طبعا انا اتكلم عن النظام في المملكة العربية السعودي

وانا من الرياض

كما اود معرفة كيف استطيع ان احصل على دورة في الجليليو والاميدوس وانا ما عندي وكالة ولست موظف في احدها

ممكن تفيدوني جزاكم الله خير

والسلام عليكم

الساعة الآن 09:23 PM