الصيد فى مصر - صياد فااااااااشل !!!!

الصيد فى مصر (http://www.egyhunt.net/index.php)

- الصيد العام (http://www.egyhunt.net/forumdisplay.php?f=1)

- - صياد فااااااااشل !!!! (http://www.egyhunt.net/showthread.php?t=10570)

ahmadkhalaf

11-06-16 06:32 AM

صياد فااااااااشل !!!!

السلام عليكم ورحمة الله وبركاتة

منذ 10 دقائق قولت انزل اصطاد وبالفعل نزلت

و انا اتمشى وجدت 5 يمامات وقفين على الارض فقربت اليهم فكان بينى وبينهم حوالى 4 متر

فسميت ونشينت على واحدة وضربت فإذا اليمام يطير:eek::eek::eek: ولم اجد على الارض ريشة واحدة :eek::eek::eek:

فتبين لى انى صياد فااااااااااااشل يا إما النشان بااااااااااايظ (ياحلولى )

اية العمل يارجاااااااالة
اوعى حد يقولى ( ادولة سلااااح ):D:D

ابو علي

11-06-16 06:38 AM

رد: صياد فااااااااشل !!!!

انا بصراحة مش شايف إنك صياد فاشل ولا حاجة .. لا سمح الله ..

انا شايف إن اليمام هو إلي فاشل ... علشان معرفش يموت ..

boody

11-06-16 06:55 AM

رد: صياد فااااااااشل !!!!

دانت على كدة نزلت بعد الفجر على طول انت بتنزل فين يا احمد
انا ان شاء الله قريب حجيب بندقية وانزل معاك

sameer

11-06-16 07:05 AM

رد: صياد فااااااااشل !!!!

لا يا عم ولا فاشل ولا حاجة بتحصل عادي خالص ده مرة كان بيني وبين يمامة كنت مستخبيلها ومكانتش شايفاني بتاع متر ونص وولا جت فيها حاجة وساعات بتيجي وبيطيرو عادي ولا يهمك

المهم الحصيلة ايه؟

ahmadkhalaf

11-06-16 07:29 AM

رد: صياد فااااااااشل !!!!

انا نزلت تحت البيت

وبعد الموقف دة طلعت تانى وانا محبط

يعنى الحصيلة صفررررررررررررررررررر

sameer

11-06-16 07:33 AM

رد: صياد فااااااااشل !!!!

اقتباس:

المشاركة الأصلية كتبت بواسطة ahmadkhalaf (المشاركة 122955)

انا نزلت تحت البيت

وبعد الموقف دة طلعت تانى وانا محبط

يعنى الحصيلة صفررررررررررررررررررر

هههههههههههههههههههه ليه كدا يابني عادي بتحصل كتير كنت تكمل اليوم

silver_5000

11-06-16 08:49 AM

رد: صياد فااااااااشل !!!!

لا يابو حميد متشيلش ف نفسك يا ريس , هو يمام الجيل الجديد بتاع اليومين دول مش نافع , يمام بايظ , انا اسمع ان زمان كانت اليمامة تبصلها تقع كدة , منه لله الدش و النت بوظو كل حاجة جديدة , يا راجل ده انا اسمع ان زمان كان الجوز 3 يمامات

professional sniper

11-06-16 09:15 AM

رد: صياد فااااااااشل !!!!

السلام عليكم ورحمة الله تعالى وبركاته
انت مزعل نفسك كده ليه ,., يا استاذ احمد ,., المواقف دى بتحصل فى احسن العائلات ,., وبعدين العيب مش فيك العيب فى نيشان البندقيه ,., او ممكن تكون حضرتك اتسرعت ولا حاجه فى الضرب ,., هو حضرتك كنت بتضرب وانت واقف ولا وانت جالس !!!
خالص تحياتى ...

messam

11-06-16 09:54 AM

رد: صياد فااااااااشل !!!!

ولا يهمك بتحصل كتير مع أفضل الصيادين .... المهم تبقى تمارس الرماية كتير وتنشن على أهداف مختلفة بأستمرار علشان تقوى مهاراتك وتقبل مرورى

هشام سمير

11-06-16 09:57 AM

رد: صياد فااااااااشل !!!!

يا ابو حميد دا مش فشل ولا حاجه دا عاددددى وطبيعى جداً بس لو تسمحلى انى اقولك الفشل الحقيقى هو انك تركت الصيد ومكملتش ومقررتش تظبط النشان وتكمل طلعتك او تزعل منى (انا بهزر معاك:):) ) انتا اخويا الصغير ولازم بكره تنزل وتورينا صور صيدك ماشى يا قناص ولا مش ماشى

msa_79

11-06-16 11:12 AM

رد: صياد فااااااااشل !!!!

زي ما قال استاذ هشام سمير الصياد لازم يكون عنده اصرار وعزيمه امال فين روح الصياد الله يرحم زمان وانا لسه بتعلم كنت اطلع طلعه 4 ساعات واخلص فيها علبة رش وارجع بيمامه وعصفورتين ههههههه
بس هو مهم جداااانك قبل ما تبدأ تضرب علي يمام انك تتاكد ان الناشينكان بتاع البندقية مظبوط بانك تضرب علي هدف ثابت 3 رشات وتتاكد انها مظبوطه بس هوانت لتاقيك اول ما نزلت لقيت اليمام بيتمشي مقدرتش تمسك نفسك من الاغراء قمت ضربت قبل ما تظبط. صح ؟؟

tarekvb

11-06-16 11:28 AM

رد: صياد فااااااااشل !!!!

لازم تظبط النشان تمام فى الاول وتتاكد من كيدا وعدين تحكم

koktal

11-06-16 12:14 PM

رد: صياد فااااااااشل !!!!

متقلش كده يا أحمد ومفيش واحد بيتعلم ببلاش ..

essam assem

11-06-16 12:44 PM

رد: صياد فااااااااشل !!!!

ياه يا ابو حميد الموقف دة يامة حصل معاية بس يا ابو حميد نصيحة اوعا تنسها التسمية قبل شد الزناد وبعد كدة التوفيق من عند ربنا وقبل دة كلة ناخذ بالاسباب طبط النشنكان والموضوع دة كلنا بنعملة قبل كل طلعة صيد تقريبا
ونصيحة مهمة جدا يا ابو حميد حاول تطلع مع حد خبرة فى الصيد كام مرة كدة هيفرق معاك كتير وبعدين الصبر وعدم اللياس وان شاء اللة عايزينك تفرجنا الطلعة الجاية هتعمل فيها اية
وتحيـــــــــاتى للجميع

tamer el-henawy

11-06-16 01:06 PM

رد: صياد فااااااااشل !!!!

استاذ / احمد
لاتيأس فعليك بالصبر هو اساس الصيد

ahmadkhalaf

11-06-16 04:32 PM

رد: صياد فااااااااشل !!!!

فعلا النشان مكنش مظبوط
وفعلا انا اتسرعت لما شوفت اليمام
وانا دلوقتى طالع اظبط النيشان

وشكرا شكرا على توعيتى وتحفيزى وانا باذن الله هنزل بكرة .....ويارب يوفق

تحياتى للجميييييع

unknown

11-06-16 10:58 PM

رد: صياد فااااااااشل !!!!

بتعصبك يا فاشل؟؟؟؟
ههههههههههههههه ولا تزعل نفسك ابحث فى المنتدى عن مواضيع ضبط نيشان البندقية
بالمناسبة ما نوع البندقية

ahmadkhalaf

11-06-16 10:59 PM

رد: صياد فااااااااشل !!!!

رمسيييييس نمرة 2

koktal

11-06-16 11:06 PM

رد: صياد فااااااااشل !!!!

على فكرة سيادة القنصل الأستاذ/ جمال كان عامل موضوع خاص بيشرح فيه طريقة عمل نيشان فسفورى لجميع أنواع البنادق وكانت فكرة هائلة جدا ومبتكرة وتساعد ايضا على التجميع السريع ..

sameer

11-06-17 07:52 AM

رد: صياد فااااااااشل !!!!

اقتباس:

المشاركة الأصلية كتبت بواسطة ahmadkhalaf (المشاركة 123880)

رمسيييييس نمرة 2

يابني اسمها معااااااااادي مش رمسيس 2

ahmadkhalaf

11-06-17 12:55 PM

رد: صياد فااااااااشل !!!!

النهاردة راحت عليا نومة
وقولت اجرب البندقية على السطح وكان النيشان مظبوط مية مية
علقت لمونة ضاربة على اول السطح ومن على بعد 12 متر فرتكتها بالرمسيييييس
وباذن الله بكرة هنزل اصطاد
دعواتكم بالتوفيق
تحياتى للجميع

sameer

11-06-18 01:06 PM

رد: صياد فااااااااشل !!!!

اقتباس:

المشاركة الأصلية كتبت بواسطة ahmadkhalaf (المشاركة 124351)

انتا بتغيظني برضه
يابني اسمها معادي ابوس ايدك عشان ما اركبش المشروع و اجيلك سيدي بشر و اوريهالك عالبندقية ههههههههههههه

mahmoud11144

11-06-18 01:18 PM

رد: صياد فااااااااشل !!!!

اقتباس:

المشاركة الأصلية كتبت بواسطة ahmadkhalaf (المشاركة 122929)

يا فاشل يا فاشل يا فاشل
هههههههههههههههههههههههههههههههه
ياباشا دي حاجة عادية جدا اكيد النشان مش مضبوط
وانت لازم يكون عند صبر وعزيمة والا متكنش صياد ...
تحياتي يا ابو حميد ...

braveheart

11-06-18 01:39 PM

رد: صياد فااااااااشل !!!!

كان لازم تكمل ... و مش هتبقي صياد من طلعة و لا أتنين ... و في كل مرة ستكتسب خبرات جديدة و تضيفها إلي خبراتك السابقة ... و نصيحتي أنك يجب أن تظبط النشان قبل الخروج للصيد و تتأكد تماما أنك تستطيع أصابة نقطة بالحائط علي بعد 5 متر مثلا ... ثم تتوكل علي الله و تخرج ... و حاول عند الضرب ( بعد التسمية ) أن تسند بندقيتك علي أي شئ قريب منك كي تساعد نفسك و تحصل علي أدق ضربة ... و بالتوفيق في المرات القادمة إن شاء الله.

smsmn8888

11-06-18 02:35 PM

رد: صياد فااااااااشل !!!!

تا نتيجة تاثير الامتحانات بس

taimour

11-06-18 02:41 PM

رد: صياد فااااااااشل !!!!

بتحصل عادي ولا يهمك انا مش شايف إنك فاشل

سرسور

11-06-18 04:04 PM

رد: صياد فااااااااشل !!!!

انت عايزهم يقولو الصيادين الاسكندرانية معندهم صبر
بكرة ان شاء الله نسمع اخبار حلوة
مش مهم اصتادت كام طائر المهم انك تصبر

kemohabib

11-06-18 09:24 PM

رد: صياد فااااااااشل !!!!

انت زهقت من اول رشه انا طلعت 3 طلعات ضارب في كل طلعه حوالي 100 رشه وفي الاخر طلع السكوب مش مظبوط واول طلعه بعد ضبط السكوب اصطدت بطه من مسافه كبيره

الساعة الآن 12:25 PM