الصيد فى مصر

الصيد فى مصر (http://www.egyhunt.net/index.php)
-   ادوات الصيد الثقيله (http://www.egyhunt.net/forumdisplay.php?f=66)
-   -   فكرة جديدة فى مسدسات الصوت (http://www.egyhunt.net/showthread.php?t=10589)

الشبح المصرى 11-06-16 02:37 PM
فكرة جديدة فى مسدسات الصوت
 
استاشرة من الخبراء جيبت الطلق الالمانى الدهبى وهو بيتيمز بقوته ونضافته فى الرواسب اللى بتخلفها الطلقة بعد الضرب جيبت بلية كبيرة على اد فتحة الطلقة وبقت زى المقذوف بس لما جيت اعديها من الماسورة مشيت لنص الماسورة ووقفت عند بيت النار لان فتحته ضيقة شوية السوال هل لو وسعت بيت النار الجتة البسيطة دى بحيث ان البلية تعدى مرتاحة هل ده ياثر على الماسورة بتاعت المسدس مع العلم انى هشيل الطبة خالص وحجم البلية هيعوض فرق الطبة ؟ فى راى لو الفكرة دى نفعت ومعملتش تاثير على الماسورة يبقى المسدس الصوت اصبح حى وقوته هتبقى تقريبا فى نفس قوة الحى سواء فى حجم المقذوف او المدى المؤثر

sultan 11-06-16 02:43 PM
رد: فكرة جديدة فى مسدسات الصوت
 
اكيد كلامك صح بس البليه هتاكل الماسوره وده عيب ممكن يبهدلك انتا سيبك من المسدس المسدس فى داهيه بس الخوف عليك انتا انتا كده زى الى بيضرب رصاص حى فى مسدس صوت المقزوف كبير وهيسخن الماسوره ولو سخنت فى الضرب وضربت اكتر من طلقه ورا بعض المقدر هيكون وربنا يستر عليك

اسامة 11-06-16 02:43 PM
رد: فكرة جديدة فى مسدسات الصوت
 
نصيحة لوجه الله لاللتعديل
1- للسلامة الشخصية
2-المسائلة القانونية

بسام سعيد 11-06-16 02:43 PM
رد: فكرة جديدة فى مسدسات الصوت
 
بلاش لان الموضع ده خطر
لو وسعت في بيت النار انت خده هيفرقع المسدس منك
بلاش تجربها لحس الموضوع ده في غاية الخطورة

mena 11-06-16 02:45 PM
رد: فكرة جديدة فى مسدسات الصوت
 
فكرة جميلة

اللة ينور

هو نوع مسدس حضرتك اية ؟؟

و اية اخبار الناشان ؟؟؟

بس انا لية راى

يفضل تكون البلية رصاص علشان متاكوش الماسورة لان الرصاص اصعف من خامة الماسورة

جنرال 11-06-16 02:47 PM
رد: فكرة جديدة فى مسدسات الصوت
 
أنا قولت الكلام ده قبل كده بس حقوله تاني.الصوت بره مصر بيتحول لحي علشان المسدس أساسا حي وماسورته مقفولة بس الموجود في مصر كصوت مادتة أضعف من الحي فممكن قوة الرصاصة مش بس تكسر الماسورة ممكن تصيب اللي بيضرب.لو حد شاف اي حاجة ذي كده على اليو تيوب أو في أي حته أحب أقله المسدسات الصوت بره مصر مسدسات حية أصلا تم إغلاق الماسورة من الأمام لتصبح صوت فقط.
الهم بلغت اللهم فأشهد

الشبح المصرى 11-06-16 02:57 PM
رد: فكرة جديدة فى مسدسات الصوت
 
يا جماعة انا مش بقول نحول الصوت لحى انتو فهمتو غلط انا بقول نحط بلية بحجم فجة الطلقة الدهبة وهى مقاس خمسة بس مشكلتها مش بتعدى لاخر الماسورة بتقف فى بيت النار الفكرة اننا نوسع بيت النار شوية علشان تعدى البيلة مع العلم ان كل مسدسات الصوت بيضربو بيها بلى بس مقاس صغير علشان كده بنحتاج الطبة

جنرال 11-06-16 02:58 PM
رد: فكرة جديدة فى مسدسات الصوت
 
انا اعرف ان اللي مابيحتاجش أي حاجة ويضرب على طول البلو سي 6

NSAA 11-06-16 03:09 PM
رد: فكرة جديدة فى مسدسات الصوت
 
يا عم الباشا ...
إحنا أصلا عندنا مشاكل في المسدسات الحالية اللي بتشتفل من غير طبة أو توسيع زي البلو سي في في إحتمال إن الماسورة بتضعف من كتر ضرب البلي و إنت عايز تقلل سمك الماسورة بنفسك. بقى ده اسمه كلام
احنا لو نقدر نزود سمك الماسورة علشان نطول عمرها و نحافظ عليها

أكيد .... خطر إنك تعمل كده

الشبح المصرى 11-06-16 03:20 PM
رد: فكرة جديدة فى مسدسات الصوت
 
المطلوب توسيع الماسورة من التضيق علشان تضرب بلى مقاس اكبر

Zero 11-06-16 03:24 PM
رد: فكرة جديدة فى مسدسات الصوت
 
الموضوع أخطر مما تتخيل
إذا كان فى لما بيعملوا طبه و الماسورة زى ماهيا ساعات المسدس بيفرقع و قبل كدة صوباع واحد طار
يبقى أنت عايز توسع الماسورة طيب لو الماسورة وسعت يبقى أكيد السمك هيقل يبقى من أول طلقة هتلاقى المسدس أتجاب خمسين حته

mena 11-06-16 03:36 PM
رد: فكرة جديدة فى مسدسات الصوت
 
ما تجرب تقلل مقاس البلية نمرة و تعملها بلية رصاص

tamer el-henawy 11-06-16 04:07 PM
رد: فكرة جديدة فى مسدسات الصوت
 
نرجوا من خبراء المنتدى البت فى الموضوع للآفــــادة
تحياتى

BOB20102008 11-06-16 04:28 PM
رد: فكرة جديدة فى مسدسات الصوت
 
اقتباس:
المشاركة الأصلية كتبت بواسطة sultan (المشاركة 123304)
اكيد كلامك صح بس البليه هتاكل الماسوره وده عيب ممكن يبهدلك انتا سيبك من المسدس المسدس فى داهيه بس الخوف عليك انتا انتا كده زى الى بيضرب رصاص حى فى مسدس صوت المقزوف كبير وهيسخن الماسوره ولو سخنت فى الضرب وضربت اكتر من طلقه ورا بعض المقدر هيكون وربنا يستر عليك


كلم صح 100*100 انامعك فى الراي

الأفوكاتو 11-06-16 05:53 PM
رد: فكرة جديدة فى مسدسات الصوت
 
اقتباس:
المشاركة الأصلية كتبت بواسطة الشبح المصرى (المشاركة 123302)
استاشرة من الخبراء جيبت الطلق الالمانى الدهبى وهو بيتيمز بقوته ونضافته فى الرواسب اللى بتخلفها الطلقة بعد الضرب جيبت بلية كبيرة على اد فتحة الطلقة وبقت زى المقذوف بس لما جيت اعديها من الماسورة مشيت لنص الماسورة ووقفت عند بيت النار لان فتحته ضيقة شوية السوال هل لو وسعت بيت النار الجتة البسيطة دى بحيث ان البلية تعدى مرتاحة هل ده ياثر على الماسورة بتاعت المسدس مع العلم انى هشيل الطبة خالص وحجم البلية هيعوض فرق الطبة ؟ فى راى لو الفكرة دى نفعت ومعملتش تاثير على الماسورة يبقى المسدس الصوت اصبح حى وقوته هتبقى تقريبا فى نفس قوة الحى سواء فى حجم المقذوف او المدى المؤثر
انا رأيى يتلخص في الآتي ، وسوف أبدأ من حيث ما انتهيت انت :
1- يعني ايه لو الفكرة نجحت يبقي المسدس الصوت أصبح حي وقوته هتبقي في نفس قوة الحي سواء في حجم المقذوف أو المدي المؤثر .. لا طبعا .. كلام خاطئ تماما .. لو افترضنا نجاح التجربة هيبقي عندك مشكلتين .. الأولي : الاحتكاك الناتج عن المقذوف مع الماسورة وسوف يؤدي إلي التآكل في الماسورة وممكن يؤدي في بعض الأحيان إلي انتفاخ الماسورة ، والمشكلة الثانية : في المدي المؤثر .. المدي سوف يكون قصير للغاية وليس كما الحي لعدم وجود فكرة الششخنات والحتة دي انت نسيتها .
2- فكرة انك توسع بيت النار .. فكرة في منتهي الخطورة .. انا عندي انك توسع الماسورة ولا توسع بيت النار .. مع ان توسيع الماسورة لن يفيد بشئ (كل مشكلتك في بيت النار) لأن عملية إطلاق الطلقة تتم اولا في بيت النار ثم يتجه الغاز المتولد عن الطلقة إلي الماسورة فيصطدم بالطبة فيقوم بالانسحاب إلي الخلف ويدفع مع الأجزاء للوراء (ده بالنسبة للصوت) .. أما في الحي فالمقذوف يعمل عمل الطبة .. كل ما اقصده ان بيت النار عليه ضغط أكثر من الماسورة لأن لحظة الانفجار تتم بداخله ثم تأتي الماسورة في المرتبة الثانية .. فتوسيعها سوف يضعفها .. وانت تعرف الباقي .
3- ودي أهم نقطة .. ان عملية توسيع بيت النار دي أصلا كانت بتتعمل من بعص الناس لكي يتم تعلية صوت المسدس (بالنسبة لمسدس الصوت) .. فلو حضرتك وسعتها سوف يعلو صوت المسدس .. وهو نتيجة استغلال قدر أكبر من القوة المندفعة من الطلقة نظرا لزيادة حجم بيت النار
وطبعا سوف تؤثر هذه الكمية الجديدة المهدرة في بيت النار علي قوة المقذوف .
هذا مجرد رأي أولا وأخيرا
خالص تحياتي للجميـــــــــــــــــــــــــــــــــع

بسام سعيد 11-06-16 05:56 PM
رد: فكرة جديدة فى مسدسات الصوت
 
الله ينور عليك يا افوكاتو انت قولت الخلاصة
وشرحت الموضوع الشرح الوافي وفعلا لابد انت تبتعد عن هذا الموضوع
تحياتي

blow c06 11-06-16 06:13 PM
رد: فكرة جديدة فى مسدسات الصوت
 
بص ياباشا.. فى واحد زميلنا وسع ماسورة البلو على مقاس بليه نمره 4 و بيقول بقى مدفع,, ليه بقى مدفع... عشان مقاس البليه هو مقاس الماسوره فكل نواتج الاحتراق بتدفع البليع فبقت قويه... لو انت هتعمل كده و تجرب 3 او 4 طلقات و تشيله للظروف.. ماشى.. بلاش تضرب بيه كتير و هو طبعا هيضرب اكتر من 100 طلقه من غير مشاكل و ده تقديرى انا الى مبنى على تجارب فى بعض المسدسات.. هيبقى زى الحى؟؟؟ لا طبعا لان كمية البارود فى الطلقه الصوت اقل كتير من الحى و عشان كده الطلقه اضعف مش عشان الششخنات الى فى الماسوره... الششخان ده لزمته الوحيده انه يخلى المقذوف يلف فيظبط نيشانه و بس.. فى البلى فى ششخان او لا مش هتفرق فى حاجه ولا حته النيشان لان البلى مش هيلف مع الششخان.. انت بعيد كل البعد عن قوة الحى و ده مش تعديل ده انت بتشيل حته كلام فارغ و مش هتاثر فى تحمل المسدس طالما هتضرب اقل من 100 طلقه و اكتر من كده معرفش.. ممكن يعيش الف.. بس الى يجرب يقولنا....

الأفوكاتو 11-06-16 06:15 PM
رد: فكرة جديدة فى مسدسات الصوت
 
اقتباس:
المشاركة الأصلية كتبت بواسطة بسام سعيد (المشاركة 123540)
الله ينور عليك يا افوكاتو انت قولت الخلاصة
وشرحت الموضوع الشرح الوافي وفعلا لابد انت تبتعد عن هذا الموضوع
تحياتي
الله يخليك يا بسام باشا .. مع انها فكرة جميلة .. وانا بقالي كتير بفكر فيها .. حكاية الاستغناء عن الطبة وتركيب مقذوف بنفس مقاس الماسورة .. وليس عندي ادني مشكلة ولا في قوة الماسورة ولا في مقاس بيت النار .. ولكن كل مشكلتي اني مش عارف افتح الماسورة اصلا .. الروم صعب اوي
خالص تحياتي للجميــــــــــــــــــــــــــــــع

الأفوكاتو 11-06-16 06:21 PM
رد: فكرة جديدة فى مسدسات الصوت
 
اقتباس:
المشاركة الأصلية كتبت بواسطة blow c06 (المشاركة 123565)
بص ياباشا.. فى واحد زميلنا وسع ماسورة البلو على مقاس بليه نمره 4 و بيقول بقى مدفع,, ليه بقى مدفع... عشان مقاس البليه هو مقاس الماسوره فكل نواتج الاحتراق بتدفع البليع فبقت قويه... لو انت هتعمل كده و تجرب 3 او 4 طلقات و تشيله للظروف.. ماشى.. بلاش تضرب بيه كتير و هو طبعا هيضرب اكتر من 100 طلقه من غير مشاكل و ده تقديرى انا الى مبنى على تجارب فى بعض المسدسات.. هيبقى زى الحى؟؟؟ لا طبعا لان كمية البارود فى الطلقه الصوت اقل كتير من الحى و عشان كده الطلقه اضعف مش عشان الششخنات الى فى الماسوره... الششخان ده لزمته الوحيده انه يخلى المقذوف يلف فيظبط نيشانه و بس.. فى البلى فى ششخان او لا مش هتفرق فى حاجه ولا حته النيشان لان البلى مش هيلف مع الششخان.. انت بعيد كل البعد عن قوة الحى و ده مش تعديل ده انت بتشيل حته كلام فارغ و مش هتاثر فى تحمل المسدس طالما هتضرب اقل من 100 طلقه و اكتر من كده معرفش.. ممكن يعيش الف.. بس الى يجرب يقولنا....
تسمحلي اختلف معاك في نقطة بسيطة جدا .. الششخنات
انا لما علقت علي كلامه اللي بيقول فيه هيبقي قوي زي الحي .. قولتله لا علشان الحي فيه ششخنات .. ولكن أنا اعلم جيدا ان الششخنات لن تفيد مع البلي حتي لو تم عملها في المصنع
لن تفيد بشئ .
ولكن الششخنات ليها بردو علاقة بقوة المقذوف مش مجرد ظبط نيشانه وبس .. الاثنين ده وده
أما موضوع كمية البارود أكتر في الطلقات الحية .. فالموضوع ده اتكلمنا فيه كتير قبل كدة والكمية هي هي 9ملل .
خالص تحياتي للجميــــــــــــــــــــــــــع

blow c06 11-06-16 06:32 PM
رد: فكرة جديدة فى مسدسات الصوت
 
يافوكاتو باشا انا كنت باوضحلو بس النقطه دى و انا عارف كويس انك عارفها و انت استاذنا
بس موضوع كمية البارود انا مختلف معاك فيه لان الصوت و الحى 9مم اه بس ده القطر زى محضرتك عارف.. انما الصوت لو شلت الغلاف هتلاقى الطلقه تقريبا فاضيه.. كمية بارود قليله جدا,,, شوف كمية البارود فى الحى...هتلاقيها اكتر.. انا نفسى حد يكون عارف المعلومه دى و يقولنا دى كام جرام ودى كام جرام بارود و نفس النوع ولا ده بارود و ده نوع تانى... انما فى فرق كبير فى الكميه ده انا متاكد منه و بالنظر و المقارنه واضحه جدا بس الكميه اد ايه بقى.. ياريت حد يقولنا

الأفوكاتو 11-06-16 06:38 PM
رد: فكرة جديدة فى مسدسات الصوت
 
اقتباس:
المشاركة الأصلية كتبت بواسطة blow c06 (المشاركة 123579)
يافوكاتو باشا انا كنت باوضحلو بس النقطه دى و انا عارف كويس انك عارفها و انت استاذنا
بس موضوع كمية البارود انا مختلف معاك فيه لان الصوت و الحى 9مم اه بس ده القطر زى محضرتك عارف.. انما الصوت لو شلت الغلاف هتلاقى الطلقه تقريبا فاضيه.. كمية بارود قليله جدا,,, شوف كمية البارود فى الحى...هتلاقيها اكتر.. انا نفسى حد يكون عارف المعلومه دى و يقولنا دى كام جرام ودى كام جرام بارود و نفس النوع ولا ده بارود و ده نوع تانى... انما فى فرق كبير فى الكميه ده انا متاكد منه و بالنظر و المقارنه واضحه جدا بس الكميه اد ايه بقى.. ياريت حد يقولنا
يا باشا انت اللي استاذي .. بس عادي وكويس اننا اختلفنا .. مش عيب
خلقنا لنتناقش ونختلف ثم نكون رأي ومن ثم نطبقه ونستفيد (حكمة مصرية من الأفوكاتو) ههههه
فأنا اختلف معك في الرأي ولكني علي استعداد ان أضحي بحياتي في سبيل أن تدافع أنت عن رأيك
خالص تحياتي للجميــــــــــــــــــــــــــــع

blow c06 11-06-16 06:40 PM
رد: فكرة جديدة فى مسدسات الصوت
 
ياباشا انت دايما كده بتحرجنا بكرم اخلاقك و زوقك

أبو سلطان 11-06-16 06:54 PM
رد: فكرة جديدة فى مسدسات الصوت
 
ردود جميلة تأكد على شئ واحد
أن أصحاب الردود يحترمون الخلاف فى الرأى
شكرا لك يا أفوكاتو
شكرا لك يا بلو سى

أبو سلطان 11-06-16 06:56 PM
رد: فكرة جديدة فى مسدسات الصوت
 
أريد توضيح شئ مهم جدا
كلام بلو سى فى موضوع حجم البارود فى الطلقة الصوت مختلف عنه فى الطلق الحى صحيح 100 فى 100
ثانيا أزيدك علما اخى وتأكد من هذه المعلومه براحتك ان نوع البارود المستخدم فى الطلق الحى مختلف كثير جدا عن الطلق الصوت .

الأفوكاتو 11-06-16 07:02 PM
رد: فكرة جديدة فى مسدسات الصوت
 
اقتباس:
المشاركة الأصلية كتبت بواسطة أبو سلطان (المشاركة 123595)
ردود جميلة تأكد على شئ واحد
أن أصحاب الردود يحترمون الخلاف فى الرأى
شكرا لك يا أفوكاتو
شكرا لك يا بلو سى
شكرا لك انت يا ابو سلطان
خالص تحياتي للجميــــــــــــــــــــــــــــع

محمد حسام 11-06-16 08:09 PM
رد: فكرة جديدة فى مسدسات الصوت
 
سيدى الفاضل الموضوع ده فى غايه الخطوره وغير مجدى على المسفات ولان حضرتك مش حتقدر تشخشن المسوره وده حيلاغى سبات الطلقه فى الهواء فمن الممكن تصدم البليه داخل المسوره وذلك يؤدى الى ضعف وتاكل المسوره
وغير ذلك لو ضبط معك هذا المسدس ممن الممكن ان تقع تحت طائله القانون لا قدر الله
وعلى فكره لو حضرتك دخلت على اى موقع فى الخارج للطلاقات لاتجد الطلق البلى سواء التركى او الالمانى او الايطالى ستجد الطلق الذى نشترى وطلاقات الفلفل

sadaany 11-06-17 05:27 AM
رد: فكرة جديدة فى مسدسات الصوت
 
ممكن حد يحط صوره ويبين عليها فين بيت النار علشان اعرفها وافهم كلامكم وشكرآ

s.elrefaey 11-06-17 06:00 AM
رد: فكرة جديدة فى مسدسات الصوت
 
بلاش الموضوع ده
مالهاش لازمه التجربه ولو فيها نسبة 1 % خطر
لان المخاطره هاتكون عليك انت ده من ناحية السلامه
من الناحيه القانونيه فانت كده معاك سلاح معدل من غير ترخيص و دي مشكله تانيه
لان ده مخالف للقانون و ممكن تتحاكم..... و طبعا لو حصل كده في الوقت اللي احنا فيه مش بعيد يطبق عليك قانون البلطجه لحملك سلاح غير مرخص
فبلاش احسن تجنبا للمخاطر الناتجه عن التحويل

s.elrefaey 11-06-17 06:05 AM
رد: فكرة جديدة فى مسدسات الصوت
 
اقتباس:
المشاركة الأصلية كتبت بواسطة الأفوكاتو (المشاركة 123536)
انا رأيى يتلخص في الآتي ، وسوف أبدأ من حيث ما انتهيت انت :
1- يعني ايه لو الفكرة نجحت يبقي المسدس الصوت أصبح حي وقوته هتبقي في نفس قوة الحي سواء في حجم المقذوف أو المدي المؤثر .. لا طبعا .. كلام خاطئ تماما .. لو افترضنا نجاح التجربة هيبقي عندك مشكلتين .. الأولي : الاحتكاك الناتج عن المقذوف مع الماسورة وسوف يؤدي إلي التآكل في الماسورة وممكن يؤدي في بعض الأحيان إلي انتفاخ الماسورة ، والمشكلة الثانية : في المدي المؤثر .. المدي سوف يكون قصير للغاية وليس كما الحي لعدم وجود فكرة الششخنات والحتة دي انت نسيتها .
2- فكرة انك توسع بيت النار .. فكرة في منتهي الخطورة .. انا عندي انك توسع الماسورة ولا توسع بيت النار .. مع ان توسيع الماسورة لن يفيد بشئ (كل مشكلتك في بيت النار) لأن عملية إطلاق الطلقة تتم اولا في بيت النار ثم يتجه الغاز المتولد عن الطلقة إلي الماسورة فيصطدم بالطبة فيقوم بالانسحاب إلي الخلف ويدفع مع الأجزاء للوراء (ده بالنسبة للصوت) .. أما في الحي فالمقذوف يعمل عمل الطبة .. كل ما اقصده ان بيت النار عليه ضغط أكثر من الماسورة لأن لحظة الانفجار تتم بداخله ثم تأتي الماسورة في المرتبة الثانية .. فتوسيعها سوف يضعفها .. وانت تعرف الباقي .
3- ودي أهم نقطة .. ان عملية توسيع بيت النار دي أصلا كانت بتتعمل من بعص الناس لكي يتم تعلية صوت المسدس (بالنسبة لمسدس الصوت) .. فلو حضرتك وسعتها سوف يعلو صوت المسدس .. وهو نتيجة استغلال قدر أكبر من القوة المندفعة من الطلقة نظرا لزيادة حجم بيت النار
وطبعا سوف تؤثر هذه الكمية الجديدة المهدرة في بيت النار علي قوة المقذوف .
هذا مجرد رأي أولا وأخيرا
خالص تحياتي للجميـــــــــــــــــــــــــــــــــع
الله ينور عليك يا باشا
جبت كل الكلام اللي احنا عاوزين نقوله بس باسلوب خبير محترف و هو ده اللي بيفرق من واحد هاوي لواحد خبير بجد

الصقر المصرى 11-06-17 09:42 AM
رد: فكرة جديدة فى مسدسات الصوت
 
بدايه احب اتفق مع كلام الاعضاء ان خامه المسدس الصوت اقل جوده بمراحل من خامه المسدس الحى على الاقل فى مصر واللى بتبقا فى اغلبها سبائك الومنيوم عاديه مش معدن او حتى سبائك الومنيوم راقيه وبتكوت فى صلابتها تعادل الحديد الزهر او اقوى قليلا فبالتالى المسدس غير مؤهل بالمره على اطلاق المقذوف وكل دور الماسوره فيه بيبقى علشان الشكل وحبس الغاز اللى بيرجع الظرف الفارغ طبقا لنظريه عمل المسدس وهى ارتداد الظرف الفارغ على وجع الاجزاء
يعنى من الاخر الصوت صوت والحى دى وياريت الناس تفهم كده .
ثانيا للى بيقول ان البارود اللى فى مظروف طلقه الصوت هو نفسه اللى فى طلقه الحى ده كلام خاطئ بالمره لان البارود اللى فى الطلقات الحى بيكون نوع اسمه البارود السلطانى وده تقريبا ارقى انواع البارود وناتج احتراقه بيكون غاز بضغط الموجه الانفجاريه للظرف الفارق وبيتوجه للمقذوف بعكس طلقه الصوت اللى بيكون فيها بارود عادى وبكميه اقل علشان يكون ناتج احتراقه بصوره ضوئيه واللى يلاحط ان فى ضرب طلقات الصوت بيخرج نار من فوهه الماسوره لانه بارود عادى بعكس الحى اللى بيخرج من الماسوره مجرد غاز ممكن يتلاحظ بسهوله وفى الحالتين لو فتحنا الطلقتين لازم هتبقا فى مساحه فاضيه لابد منها علشان يحصل اشتعال للبارود من الاصل
غير انكوا ناسيين ان المسدس فى النهايه سلاح دفاعى لا يصلح للاشتباك يعنى زى ما بيقولوا hit and run يعنى اضرب واجرى اه فعلا مدى الطلقه بيوصل ل 200 متر بس المدى الفعلى ليها بيكون 10 متر بالتوجيه و20 بالمحاذاه و 50 بالتنشين وده بالنسبه للطبنجات الحى لانها بعد كده مش هتسبب اصابه مؤثره حتى لو تم الاصابه بيها فى الحيز القاتل او مساحه الموت كما تسمى
يعنى الموضوع من كل النواحى غير مجدى خصوصا انكوا مش هتحاربوا بيه فى النهايه
خالص تحياتى،،،

الشبح المصرى 11-06-17 12:59 PM
رد: فكرة جديدة فى مسدسات الصوت
 
من بعد قراءة كل التعليقات اتضح فعلا ان فيها مخاطرة خصوصا ان حجم المقذوق مش صغير بالعكس كبير بلية خمسة فعلا كبيرة وممكن الماسورة متتحملهاش خصوصا ان المسدسات التركى رديئة فى اخامتها الامن البلى الصغير اتنين او بالكتير تلاتة ولكن بزعل لما بلاقى اعضاء كتير يقولو ده غلط بدون ما يقولو حلول زى مثلا نغير الماسورة الثابتة بواحدة متحركة من الصلب ومش هيضرب حى هيضرب صوت بردو ويتقفل بطبة علشان المسائلة القانونية بس الفرق انه هيضرب بلى كبير فى الطلق الالمانى بماسورة تتحمل الضغط بتاع البلية وهتكون الذخيرة متوفرة فى كل المحلات ومتسوش اننا بنعمل ده لان لاسف المكلف بحماية البلد هما اللى ارهبوها فى الثورة ومبقناش عارفين نحمى بيوتنا وااولادنا ازاى فياريت نقول الحلول ومش نقفل الموضوع ونصادره من قبل حتى ما نفهم ايه مببرات الاخريت فى حماية انفسهم تقبلو مرورى وتحياتى للادارة وللجميع

mazenger 11-06-17 02:23 PM
رد: فكرة جديدة فى مسدسات الصوت
 
تحذير انت كدة بتحمل المسدس اكثر من طاقته

الأفوكاتو 11-06-17 03:47 PM
رد: فكرة جديدة فى مسدسات الصوت
 
اقتباس:
المشاركة الأصلية كتبت بواسطة s.elrefaey (المشاركة 124187)
الله ينور عليك يا باشا
جبت كل الكلام اللي احنا عاوزين نقوله بس باسلوب خبير محترف و هو ده اللي بيفرق من واحد هاوي لواحد خبير بجد
يا سيدي الفاضل .. انا ولا خبير ولا محترف .. وقد عرفت معلومة جديدة من أخواني الأعضاء وهي كمية البارود في كل من الطلقات الصوت والطلقات الحية
إذن أنا ليس خبير ولا محترف .. وكل يوم نتعلم شئ جديد
خالص تحياتي للجميـــــــــــــــــــــــــــع

smsmn8888 11-06-19 12:18 PM
رد: فكرة جديدة فى مسدسات الصوت
 
ممكن بس هضحي المسدس لو حصل خطااا

osha966 11-06-20 01:19 AM
رد: فكرة جديدة فى مسدسات الصوت
 
يا أخى الكريم الماصورة مصنوعة من الأنتمونيا ولا تتحمل أى عبث بها ولا تتحمل الضغوط الناجمة عن البلى الحديد ...وفيه مخاطرة على سلامتك


الساعة الآن 08:57 AM

Powered by vBulletin® Copyright ©2000 - 2026, Jelsoft Enterprises Ltd. TranZ By Almuhajir