مسدسات الصوت......تجارة لم تروج إلا في مصر !!!!
 

ديت دعوة للنقاش والحوار يا شباب ، وكل واحد يقول رأيه
وهنا أنا بعبر عن رأيي ، فجأة ودون مقدمات ، أصبح الشعب المصري كله بيبحث عن مسدسات الصوت ، وتمشي في الشارع كل واحد ضاربلك في جنبه الطبنجة ، وفي الآخر تطلع صوت :) ، للأسف هو رد فعل نفسي نتيجة الحرمان من السلاح الحي والتضييق الرهيب على اقتناءه ، فلجأ كل هواة الاقتناء ومحبي السلاح وأحيانا محبي "الفشخرة" للصوت ، مع إني رأيي الشخصي إنها حاجة تكسف لما أطلع طبنجة وأضرب بيها وفي الآخر تطلع صوت ، فرقعة يعني على الفاضي ، وجزئية تانية طبعا وهي -ويكون م نالظلم إني أنساها _ وهي جزئية الظروف الحالية وعجز الناس برده عن اقتناء السلاح الحي للدفاع الشخصي وبالتالي الكل لجأ للصوت على أساس العيار الي ميصبش يدوش .

للأسف أنا بشوفها ظاهرة مؤسفة ودمي بيتحرق لما باتفرج على مراكز التدريب في دول العالم أوربا وأمريكا وغيره حتى الهند والصين والإمارات كمان مراكز تدريب على أعلى مستوى على السلاح الحي واستخدامه ودورات لأكفأ مدربين في العالم ، واحنا عندنا يوم ما تتعمل بطولة رماية خرطوش أو 9ملم أو .22 يبقى كأننا طلعنا القمر ، يمكن قريب أحط تقارير عن المراز ديت بالصوت والصورة وعن حال نوادي الصيد ومراكز التدريب عندنا في مصر عشان الكل يقارن ، ومستنى رأي الناس كلها وأحب أختم بالفيديو دوت وشوفوا المهارة

http://youtu.be/_6UtpCX82Pc

رد: مسدسات الصوت......تجارة لم تروج إلا في مصر !!!!
 

خليك متفــائل
وأنســـــــــــى

رد: مسدسات الصوت......تجارة لم تروج إلا في مصر !!!!
 

+111111111

رد: مسدسات الصوت......تجارة لم تروج إلا في مصر !!!!
 

ياباشا احنا شعب بيحب المظاهر وكمان بنعشك السلاح شوف كده لما يجتمعوا مع بعض وبعدين المسدسات الصوت مظهرتش الي بعد الانفلات الامني وموضوع الطلق البلي علشان تمشي المسدسات وانا والله كنت هجيب قبل الثوره مسدس علشان كان عندي فرح وكان بيتحايل عليا والله علشان تاخده وكانت معروفه موضوع البلي ده من زماااااان وكمان في حاجه النظام السابق كان مكهرب موضوع السلاح اوي خوفآ عليه ومن الجماعات الارهابيه وشكرآ وده رآيي الشخصي

رد: مسدسات الصوت......تجارة لم تروج إلا في مصر !!!!
 

فعلا ده من الحرمان
بس اكتر من الخوف
مع انه فالشده مش حيفيد
بس ربك بيسترها

رد: مسدسات الصوت......تجارة لم تروج إلا في مصر !!!!
 

ممكن افهم ايه الهدف من الموضوع

رد: مسدسات الصوت......تجارة لم تروج إلا في مصر !!!!
 

رأيي الشخصي :
1- موضوع أنه ماظهرش إلا بعد الثورة .. كلام غير صحيح .. فأنا والدي عنده والتر p88 من التسعينات
2- أنا مثلا بحب اقتني المسدسات .. ومش شرط تكون صوت .. ممكن حتي اير سوفت .. بل اني قريب اشتريت مسدس خرز أطفال علشان أخذ الليزر اللي فيه وأركبه علي مسدسي الروم والعملية نجحت بالفعل .
3- هذه الهواية هي بديل قريب من اقتناء السلاح الحي الذي هو ممنوع في مصر + أسعاره خرافية
يعني علشان أجيب مسدس هكلر أدفع 50000 جنيه ، والجلوك 35000 ، والزيجزاور 90000
في حين ممكن أن توهم نفسك (وتخدع جهازك العصبي) وتمتلك روم 96 وبروني جاب وريتاي بارون
بأقل من عشرة آلاف جنيه ، ومش هتحس بأي اختلاف غير في المقذوف
4- طبعا كلامي السابق عن هواية الاقتناء .. مثلها مثل هواية اقتناء العملة .. وانا صغير كنت بضحك علي الناس اللي بتروح سوق الجمعة تشتري فلوس قديمة .. تدفع فلوس علشان تشتري فلوس
ولكنها هواية تحترم .. وأيضا هواية جمع لوحات فنية نادرة .. كل هذا لا يختلف عن هواية مسدسات الصوت .. كهواية .. اما موضوع الدفاع عن النفس .. فده بعيد كل البعد عن المسدس الصوت .. واستخدام مسدس صوت في الدفاع عن النفس معناه انتحاااااار .
وانا بصراحة خلصت دماغي من الموضوع ده وجبت شوزن علشان اريح دماغي
لكن المسدسات الصوت .. هواااااااااااااااية
خالص تحياتي للجميـــــــــــــــــــــــــــــع

رد: مسدسات الصوت......تجارة لم تروج إلا في مصر !!!!
 

والله كنت هكتب نفس سؤالك ولكن اتضح لي أنه مجرد نقاش
خالص تحياتي للجميـــــــــــــــــــــــــع

رد: مسدسات الصوت......تجارة لم تروج إلا في مصر !!!!
 

طالما بيستخدم الاستخدام الصح و مبيسببش مشاكل يبقى ايه المشكلة

رد: مسدسات الصوت......تجارة لم تروج إلا في مصر !!!!
 

شكراً للجميع وأما بالنسبة للسؤال عن الهدف من الموضوع ، فممكن مراجعة الي انا كاتبه في الأول إني الحمد لله رحت دول كتير وشوفت يعني إيه سلاح ، ونوادي صيد كتير مراكز تدريب ، وللأسف لما انتهي بيا الحال لمصر لقيت سوق السلاح في مصر = مسدسات صوت (في أغلب الأحيان ) ، اما عن هواية الاقتناء فانا أحترمها تماماً ، ولا شك أنها هواية قيمة غير انها في كل دول العالم تختص بالأسلحة الحية .

نريد أن نصل لسوق سلاح محترم في مصر ، كأي دولة من دول العالم المتقدم ، وينبغي احترام رغبة المصريين من الهواة في اقتناء السلاح ، والسلاح في أي دولة ليس حكرا على أجهزة الشرطة والامن ،كما ينبغي ان يكون هناك مراكز تدريب في متناول الجميع للتدريب على السلاح ، وألا تكون كلفة العضوية في نادي الصيد تصل ل 500 ألف كما أان العضوية مغلقة
وشكرا

رد: مسدسات الصوت......تجارة لم تروج إلا في مصر !!!!
 

أنا مع lody الموضوع ممكن كان موجود قبل الثورة بس مش بالشكل ده دلوقتي بقت حاجة غريبة جدا الناس بتدفع في الصوت ثمن الحي.متقوليش مش عارف أطلع رخصة .اللي بيحصل ده إستنزاف لموارد يجب إستخدامها في الصالح وناس كتير وقعوا تحت إيدي نصابين علشان الإندفاع لشراء مسدسات الصوت.اللي كان بيتباع بمئات الجنيهات بقى بالألاف.دانا لسه شايف حاجات ب 3000 و5000 جنيه .حتسألوا أمام ربنا عن الفلوس دي.دا لو واحد أشترى حي حتى بدون ترخيص يبقى فيه منطق ومعني بس صوت ؟؟؟؟؟؟؟؟!!!!!!!!!

مع أحترامي للجميع

رد: مسدسات الصوت......تجارة لم تروج إلا في مصر !!!!
 

صح مليون في الميه

رد: مسدسات الصوت......تجارة لم تروج إلا في مصر !!!!
 

تسلم يا جنرال

رد: مسدسات الصوت......تجارة لم تروج إلا في مصر !!!!
 

هو ده الي انا بتكلم فيه ان المسدسات كانت موجوده بالفعل بس مش للدرجه دي والي مش عارف يشوف فرق الاسعار قبل الثوره وبعدها و

رد: مسدسات الصوت......تجارة لم تروج إلا في مصر !!!!
 

طب خلوني أقولكوا الأسعار بره مصر الولتر الصغير والكبير والسميث ووالمراكوف من 500 إلى 1000 جنيه! وللمعلومية مش تركي ولا صيني أصلي !أيوه حي !التغيير الوحيد أنهم سدين الماسورة من قدام فالفتحة صغيرة.وبكرر تاني مسدسات حية متحولة لصوت مش العكس.اما الحي من نفس الأناع فممكن تلاقي من 1000 جنية لغاية 8000 جنيه (كل الأنواع ألماني وتشيكي...ألخ) أما البنادق الرش فمن 1000 لغاية 3000 جنيه.والمسدسات الش من 200 جنيه لغاية 1000 جنيه.والرشاش الصوت (حي متعدل صوت) ب 2500 جنيه (عوزي وهتلر) .شفتوا بقى أن الصوت في مصر سعره تقريبا سعر الحي بره.يبقى ده بقى اسمه إيه؟؟؟!!!!!!!!!

رد: مسدسات الصوت......تجارة لم تروج إلا في مصر !!!!
 

نسيت أقولكوا ان فيه رشاشات حيه ب2000 جنيه!!!أرخص من مسدس صوت تركي!

رد: مسدسات الصوت......تجارة لم تروج إلا في مصر !!!!
 

طالما انهادعوة للنقاش اسمحولى اقول ان المسدسات الصوت لها سوق جامد جدا فى مصر من زمااااااااااان بدليل انى امتلك اكثر من نوع نادر جدا جدا ومعظمهم المانى مش موجودة دلوقتى وكمان مسدسا خرز كنت اشتريها لللعب بحكم السن الصغير ومحافظ عليها لحد دلوقتى وعملت فى المنتدى موضوع بيهم بحكم ندرة هذة المسدسات لانها من عشرات السنين ولكن الانفلات الامنى وظروف البلد بدات تظهر المسدسات الصوت وكمان المسدسات الحية وكلة موجود من زمان بس ظهر على الساحة فى وقت قليل والحكمة مش المسدس صوت او حتى حى المهم الشخص الى هيستخدم السلاح ودى هواية جااااااااااااامدة وكلام الافوكاتو جميل جدا فى نقطة ان المسدس الصوت بيعمل مسكن ..احسن من المسدس الحى وممكن بعد كدة يجيب لصاحبة مصيبة يعنى المسدس الصوت حل مشكلة واحب اطرح سؤال لو مفيش مسدسات صوت وحصل الى حصل مش كل واحد معاة مسدس صوت دلوقتى كان هيشترى مسدس حى باى شكل وتخيل ياباشا كمية المسدسات الحية الى كانت هتبقى موجودة . والحمد لله الامور تسير الى الاحسن حفظ الله مصر بلدنا الحبيب الغالى الزى تربينا على ارضة وشربنا من نيله..
بسم الله الرحمن الرحيم .ادخلو مصر انشاء الله امنين ..هذا كلام الله فمصر بلد الامن والامان رغم حقد الحاقدين

رد: مسدسات الصوت......تجارة لم تروج إلا في مصر !!!!
 

انا كنت زمان بجيب المسدسات الفل (مع أحترامي معرفش أخواتي عارفينها ولا لأ)مسدس بلاستيك تكبس فلة في ماسورته وتعمر وتضرب والفلة مربوطة بحبل علشان ماتطيرشزأقصد أنى معاك أن المسدسات موجودة من زمان ماحدش قال لأ بس الإنتقاد للمغالاة في الأسعر لحاجة فعلا مش ضرورية.ما هو لو واحد معاه حي وشاف الصوت اللي معاك حقه يضربك لو شك فيك او أظهرتهولهزهاتعمله إيه وقتهاّ!بالإضافة أنها أصبحت جنحة عند إظهار أو إستخدامه للترويع أو الإزعاج.
يعنى مش بس فلوس على الفاضي ده ممكن يجيبلك مصيبة برضة .وبعدين معاك أنها هواية بس تدفع تقريبا تمن واحد حي في مسدس صوت؟!!
مع إحترامي

رد: مسدسات الصوت......تجارة لم تروج إلا في مصر !!!!
 

للأسف ثقافة منتشرة في الوطن العربي فقط من خلال أنظمة الظلم والاستبداد
سلاح حي = جريمة وقتل
كل حاجة في حياتنا سلاح ذو حدين ، لكن تركيز الإعلام على الأسلحة كبضائع غير مرغوب فيها وشبهة ودليل على كسر القانون والإجرام جعل الموضوع بهذه الصورة ، وبالتالي الممنوع مرغوب ، لذا أصبح هناك تجار سلاح سوق سودة وراجت تجارتهم -طبعا مش في مصر بس - وأصبح الموضوع زي الهيروين ، وأكبر دليل على كده الرعب الي بيحس بيه أي عضو هنا في المنتدى بتاعنا -على سبيل المثال- قبل ميكتب عن اي حاجة تخص السلاح الحي ، والمباردة الرهيبة من كل الأعضاء للتضييق على كل من يطرح موضوع يخص الحي وكأن كل واحد بيبرئ ساحته ولسان حاله بيقول انا ماشي جنب الحيط ومليش علاقة بالسلاح :))

رد: مسدسات الصوت......تجارة لم تروج إلا في مصر !!!!
 

يا جماعه انا بقول انها كانت موجوده من زمااااان محدش قال حاجه بس انتشرت بعد الثوره والانفلات الامني بكتير وبرده بقرر لاحظ الاسعار من زمان ودلوقتي وشوف حضرتك بتقول انك من زمان بتشتري مسدسات لاحظ الفرق كده والمسكنات مش بتعالج المرض ولاكن بتخفف من شعورك بالام