علشان ما تنضربش علي قفاك
 

اليوم اهدى نسخه من كتاب علشان ما تنضربش علي قفاك الذى تم منعه بعد نزوله في الاسواق بقرار سيادى و تسبب لمؤلفه بمشاكل كتيررر ادت لهروبه خارج مصر و الذى يعرف المواطن المصري حقوقه و واجباته و اهدى هذا الكتاب لاخوانى في المنتدى لكى يعرف كل منهم ما له من حقوق وما عليه من واجبات
وهذا رابط تحميل الكتاب
http://www.mediafire.com/?wt3eyntqtoq
وهذا رابط الموضوع الاصلى
http://www.micro4all.com/showthread.php?t=20428

ارجو ان ينال اعجابكم وفي انتظار ارائكم

رد: علشان ما تنضربش علي قفاك
 

أنا قريت الكتاب ده بس في أجزاء كثيرة متكررة وبعدين الراجل ده لجأ سياسيا لأمريكا ومن حين للتاني بيطلع أشاعات علشان الناس تزعل من الجيش والشرطة . تحس أنه بيتكسب من الشتيمة. أحنا كلنا شعب وشرطة وجيش عائلة واحدة.

مع إحترامي

رد: علشان ما تنضربش علي قفاك
 

لالالالالا .. هو كان ضابط تقريبا برتبة عميد شرطة .. اسمه عمر عفيفي .. وكان بينزل فيديوهات عاليوتيوب قبل وبعد وأثناء الثورة
خالص تحياتي للجميـــــــــــــــــــــــــــــع

رد: علشان ما تنضربش علي قفاك
 

ايوه يا باشا أنا عارفة وعامل حساب على الفيس بوك وكل يوم بيحرض الناس على الشرطة والجيش.لو عايز اجيبلك بيقول إيه.يا باشا دي سبوبة ماهو اللاجيء السياسي يرجع بلده لو الأمور أتصلحت.

رد: علشان ما تنضربش علي قفاك
 

أخبارك إيه يا باشا ، الكتاب ده أنا قرأته من أكثر من سنتين و هو بيفضح كثير من أساليب أمن الدولة القديمة و إزاى كانوا حاكمين البلد بقبضتهم ، و هو كتاب قيم يعد تأريخا لحقبة من تاريخ مصر المعاصر نرجوا من الله ألا يعيدها ثانية

رد: علشان ما تنضربش علي قفاك
 

يا جماعه الغرض من الموضوع ليس الدفاع عن صاحب الكتاب انما الغرض منه ان يقرا اعضاء المنتدي هذا الكتاب لمعرفه حقوقهم و واجباتهم و هذا ضرورى في هذه الفتره التى نعيش فيها حاليا

رد: علشان ما تنضربش علي قفاك
 

اشكرك اخـــى أ/doos .....موضوع جديد و مميز

رد: علشان ما تنضربش علي قفاك
 

كتاب رائع للدستور القديم
ننتظر الدستور الجديد

رد: علشان ما تنضربش علي قفاك
 

رد: علشان ما تنضربش علي قفاك
 

رد: علشان ما تنضربش علي قفاك
 

تسلم ايدك يا اشرف بيه ربنا يكرمك

رد: علشان ما تنضربش علي قفاك
 

مشكور يا فندم اكثر الله من امثالك .. تحياتنا

رد: علشان ما تنضربش علي قفاك
 

مع إحترامي لحضرتك ياريت تدخل موقعهه (عمر عفيفي) على الفيس بوك وتشوف هوا بيقول إيه على الجيش وبيهيج الناس إزاي.لو ملاقيتهوش بيهيج الناس وبيكذب حاجيبلك كلامه برضه من الفيس بوك.
أما عن البرادعي فأحب أقولك أن كل اللي بيعمله في مصر ليه إرتباط بينه وبين أمريكا.
للمعلومية أنا أشتغلت مع البرادعي 3 سنين يعني ما بسمعش من حد ولا محتاج ترجمة جوجل.
طبعا مشكور الراجل منزل الكتاب ودي حاجة كويسة هو مش بيدافع ولا يهاجم لكن بيقدم الموضوع بموضوعية كبيرة وتعليقى أنا شخصيا مش ضد عمر عفيفي أو الأستاذ doos أنا بقول معلومة علشان كلنا نستفيد.واكرر معلومة مش إشاعة ولا المعلومة معروفة عن طريق حد.
مع إحترامي للجميع

رد: علشان ما تنضربش علي قفاك
 

يااا عمرو عفيفي هوز كاتب الكتاب تا ياااااااا

رد: علشان ما تنضربش علي قفاك
 

انا رايي ان الحقيقة دائما ما تكون وحشةةةةةةةةة

رد: علشان ما تنضربش علي قفاك
 

إيوه هو هو اللي قالك فيه قناصة إسرائليين في التحرير وأن الجيش حايهرب مبارك ولازم الناس تعمل مظاهرات ضد الجيش

رد: علشان ما تنضربش علي قفاك
 

رد: علشان ما تنضربش علي قفاك
 

أنا دورت عليه و كان بيقول جمعة تطهير
طيب ماهو فعلا فيه فى كل مكان ناس فاسده ولا أنتوا نسيتوا الحرس الجمهورى و قائد الحرس الجمهورى ؟ أنا بالتأكيد مش بحرض عليهم بس دى وجهة نظر شخصيه أحاسب عليها و على فكرة أنا مش بعتبر ان الحرس الجمهورى دة جيش و بعد كدة قال أن الجيش ده هما أحنا و أخواتنا و و أن جيش مصر عظيم و كله من الشعب و للشعب و على فكرة إلى ناشر الفيديو دة كاتب نكسه 25 يناير يعنى الموقع إلى ناشر كدة عايز يفهم كدة بمزاجه و بيحاول يأثر على الناس بصورة مباشرة أو غير مباشرة عشان يفهم الناس كلام عمر عفيفى غلط و يتهئ لى مقالش حاجة عيب خالص مع أختلافى معاه فى موضوع أعتصام أمام المجلس العسكرى لكن برضة نقدر نقول أن المجلس العسكرى بطئ و دا مش عيب من المجلس العسكرى دى فتره أنتقال يعنى لازم نكون فاهمين أن دى تعتبر فتره تجمديه لحين تعيين رئيس جديد
و معلش بقى ندخل فى موضوع تانى خااااااااالص البرادعى إلى حضرتك أشتغلت معاه 3 سنين مش دة إلى أتقال عليه ضيع العراق ولما الحقيقة اتكشفت و أتعريت زى مابيقولوا قالك لأ دا ملحد و مش بيأمن بربنا و لقينا صور ليه و هوا بيصلى قالك لأ دا مع الأخوان المسلمين و هيخلى البلد متدينين و الناس هتتكلم بالدين و بعد كدة قالك لأ ياعم دا بيشرب خمره و فى الأخر طلعت أزازة حاجة ساقعة و بنته متجوزة واحد مسيحى طلعت متجوزة مسلم و فى سفارة فيينا و على أيد مأزون يا باشا بص أنا ممكن أشتغل مع واحد لكنى معرفوش مش عيب منى و لكن لأنى متعاملتش معاه كتير و من النهايه لو واحد فعلا بيعمل لصالح دولة تانيه مش هييجى يقول أنا شغال لصالحها حتى لو لأعز ناسه و كمان على فكرة أنا مش بشبه حضرتك بيه لأن أكيد حضرتك أفضل منه بكتير و هو الشخص إلى كان شغال برضة مع البرادعى و قال أن البرادعى ده عميل و قبل كدة كان بيقول أن الدكتور البرادعى دة من أروع الأشخاص فى العالم و من أذكى الناس و الكلام دة طبعا ده جه فى التليفزيون المصرى ولا عشان الناس عرفت يعنى أية عصيان مدنى و حمله التغيير إلى عملها البرادعى ؟ و قولى حاجة واحدة حضرتك كدة شايفها بتتعمل لصالح أمريكا و أمريكا من النهايه هيا السبب فى أن البرادعى يسيب وكالة الطاقة الذريه يبقى أزاى فى يوم من الأيام السبب فى ضياع شغلى و مستقبلى أبقى شغال لحسابه دا حتى كلام غير عقلانى و ميتصدقش و أرجو أن وجهة نظرى تكون حضرتك تقبلتها بصدر رحب لأن الأختلاف فى الرأى برضة لا يفسد للود قضية و بجد شكرا جدا على تقبل كلامى مع حضرتك

رد: علشان ما تنضربش علي قفاك
 

يا جماعه الحوار كده هيخرج عن الهدف الاساسي من الموضوع و سوف يتجه للنقاش في شخصيه مولف الكتاب و اعماله و سلوكياته و هذا ليس الهدف المرجو من الموضوع انما الهدف من طرح هذا الموضوع في منتدانا الجميل الستفاده من المعلومات القيمه و المواضيع الهامه التى يحتويها الكتاب

رد: علشان ما تنضربش علي قفاك
 

عليا النعمه والله العظيم أنت راجل زى الفل
يا ريت كل ظباط الشرطة زيك كانت البلد نضفت من زمان

رد: علشان ما تنضربش علي قفاك
 

الف شكر علي موضوعك الهائل وشي مش جديد علي شخصك المهذب

رد: علشان ما تنضربش علي قفاك
 

ده بس من ذوقكم و اخلاقكم العاليه

رد: علشان ما تنضربش علي قفاك
 

بصراحة يا جنرال الراجل كل اللي قاله طلع صح ويا رب الباقي ميطلعش صح
كتاب مفيد جداً فعلا بس المهم التطبيق في الواقع
شكراً جزيلاً