|
طلعة المسافات البعيدة
3 مرفق
تم ترتيب طلعة الجمعة التى ضمت
فريق مصر الجديدة (طارق / محمد حسن/ كريم /القناص اشرف باهى /2 من اصدقاء اشرف) فريق التجمع الاول ( انا و عصام عاصم) طبعاً طلعنا ب 3 سيارات وسمينا الله وبدأنا طبعاً كان يوم ظريف وكان الحلو اللى فية طبعاً الصحبة و الصيد اللى كان دون مبالغة من 50 ل 80 متر (الحمام البرى) ولو قولت اكتر مبقاش ببالغ علشان مطولش عليكم اتعمل اسكور لا بأس بة حوالى 52 فرد حمام على يمام ( فريق مصر الجديدة) 28 فرد (16 حمام) (12 يمام) ( فريق التجمع الاول) طبعاً كريم ومحمد وطارق مكملوش اليوم نظراً لتعب د/ محمد (صداع) وللأسف مصورناش غير حصيلتى انا وعصام واسبكم مع الصور . |
رد: طلعة المسافات البعيدة
اله ينور يارجاله ده انتو دمروتو المنطقه طب كنتور سيبو حاجه عشان لما ترجعو تاني تلاقو حاجه تصطادوها هههههههه
بالهنا والشفا ليكم جميعا |
رد: طلعة المسافات البعيدة
اية الجمال دة ياباشا مشاء الله
الف الف هنا يا رجالة بس انتو كدا سبتو اية هههههههههههههه.. تحياتي... |
رد: طلعة المسافات البعيدة
يا عينى ع المسافات البعيييييييده
رحله حلوه وصحابها احلى وربنا يبارك فيكم وعقبال كل طلعه سلام عليكم |
رد: طلعة المسافات البعيدة
بسم الله ما شاء الله
الله ينور يا استاذ امير انتا وعصام باشا ربنا يباركلكو فيهم |
رد: طلعة المسافات البعيدة
يا جماعة شكراً على الردود المحفزة وعلى فكرة خيير ربنا كبير ومن الحجات الظريفة ان كان فية ناس من بنجلاديش بيصطادو بفخوخ
بس طبعاً البنادق تكسب . |
رد: طلعة المسافات البعيدة
تحياتى يا أمير أنت وعصام و ماشاء الله عالصيد الجميل كان نفسى أكمل معاكم , بس كنت مرهق جدا بسبب عدم النوم لدرجة أنى كنت بنام وانا سايق فى طريق العودة ان شاء الله تتعوض فى رحلات قادمة |
رد: طلعة المسافات البعيدة
اقتباس:
|
رد: طلعة المسافات البعيدة
يا كريم باشا مانتا كمان جايب حمامة من حوالى 80 متر وقافلها على السطح
وعصام ابدع بالويبلى من مسافات اكبر والله احنا عايزين فرصة بس :) |
رد: طلعة المسافات البعيدة
على فكرة
من الحجات الجامدة اللى حصلت ان عصام اصطاد حمامة طايرة ونزها مقفولة !! |
رد: طلعة المسافات البعيدة
اقتباس:
دماغي حتفرقع انا مصدقك يا باشا مش بكدبك الله انا بس منبهر عارف دي لو تتصور فيديو تبقا جاااااااامدة هو جابها بتلسكوب ولا ايه اشرح بالله عليك |
رد: طلعة المسافات البعيدة
يا باشا الصيد على الطاير مبيكونش بنشان
انتا بتمشى ايدك بالسلاح مع الطير وفى لحظة بتسبق الصيد وبتضرب ودى ملكة وبتيجى نتيجة اندماج الصياد مع البندقية والحجات دى متجيش علطول ممن من كام محاولة تصيب مرة وعلى فكرة انا الشهر اللى فات جبت حمامة على الطاير واللى قبلة جبت صقر ( كان منقض مش واقف فى الجو) طبعاً مستحيل تصوير الصيد بالطريقة دى لأنها مرة تصيب و كذا مرة تخيب ومن الاخر دة توفيق من الله . تحياتى ليك |
رد: طلعة المسافات البعيدة
اقتباس:
|
رد: طلعة المسافات البعيدة
اقتباس:
|
رد: طلعة المسافات البعيدة
صيد على الطاير مش بعيد على احلى صيادين
تحياتى |
رد: طلعة المسافات البعيدة
الله ينور عليكم ....رجالة بجد رحلة موفقة وصيد رائع تحياتى لكم جميعا
|
رد: طلعة المسافات البعيدة
بسم الله ماشاء الله
|
رد: طلعة المسافات البعيدة
السلام عليكم معلش انا اسف يا جماعة انى اتاخرت فى الرد بس معلش بقى انا اليوم اللى قبل الطلعة منمتش غير ساعة ونصف فتقريبا مطبق عموما نخش فى الموضوع اولا عايز اقول لامير شكرا انك سمحتلى بان اكون فى فريقك لان فعلا يا جماعة امير قمة فى الاخلاق والادب والكرم والرجولة وفعلا اخلاق صياد بجد وهو ضفلى كتير جدا على مدار صدقتنا ببعض ودية شهادة كان لازم اقولها امام جميع الاعضاء حتى احاول ان اعطيك حقك يا ابو امير ثانيا : متعة الخروج للصيد مع اصدقاء قريبن من قلبك حاجة تانية يا جماعة بتبقى رحلة للتنزة مش صيد وبس طبعا كريم وطارق ودكتور محمد حسن ومفيش شك طبعا تشرفىاشرف باهى (القناص ) وهو اسمة على ما يسمى فعلا او زى ما بيقولة قناص زى ما بيقول الكتاب ثالثا : الطلعة بصراحة كانت ممتازة بالذاد انها كانت تمرين على الاهداف البعيدة وانا وامير كنا كل منصتاد اهداف بعيدة بنطير من السعادة 60 متر وانتة طالع قنص بجد كنا عاملين زى اللى معاة عربية مرسيدس اخر موديل وماشى فى شوارع مزدحمة وفجاة بيطلع على الطريق السريع شوفة بقى بيعمل اية وطبعا التوفيق بتاع ربنا سبحانة وتعالى ودة يا جماعة مهم جدا للاخوة اللى معاهم بنادق هاى باور السرعات العالية انة يحاول يطلع طلعات صيد بها اهداف بعيدة متعة ما بعدها متعة واللة رابعا : موضوع الصيد على الطاير متهيلى كلمة السر هنا كانت فى الخيالات ودية كانت فكرة امير اننا نسيب الحمام اللى احنا صيدينة على الارض حتى يعمل خيالات للحمام الطائر ودة كان لما امير بيضرب كان الحمام بيطير فى مجموعات كثير ويقرب على الحمام اللى على الارض سبحانة اللة كانة بيقولة قوم اجرى او قوم طير فى خطر وفى اللحظة دية وهو قريب من الارض انا كنت بضرب علية بدون تنشين او بمعنى اصح بدون نظرية التنشين اللى احنا كلنا عارفنها يعنى بتيقى عملية تقديرية بتيجى اولا بالتوفيق من ربنا وثانيا بالتكرار والتوقع ومش عايز اقولكم بقى لو بضرب بخرطوش كان ممكن يحصل اية ههههههههههه خامسا : واسف على الاطالة نصيحة الى كل زملائى بالمنتدى لصيد الحمام البرى 1- التخفى - و ذلك باستخدام لباس تشابه الوانه الوان منطقة الصيد . 2- الخيالات - علفكرة يا جماعة قبل الطلعة دية مكنتش بومن بموضوع الخيالات ويفضل توزيع الخيالات على ارض مفتوحة مع ضرورة وضع الخيالات بوجه الرياح لان الحمام لا يهبط الا بوجه الريح . 3- اوقات تواجد الحمام - عادةً يبدأ تحرك الحمام في الساعات الاولى بعد شروق الشمس ، و تكون اول وجهة للحمام الى لشرب الماء حيث انه يتوجه لها من اماكن المبيت مباشرة وطبعا اختيارة دائما للوقوف فى الاماكن الظل بعيد عن الشمس 4- الصيد نفسة - مهم جدا يا جماعة انك على الاقل تكون ببعد عن الحمام 30 متر على الاقل لان الحمام البرى حريص جدا لابعد الحدود وطبعا مهم جدا سرعة التجميع لانة حركة سريعة وكثيرة وطبعا يفضل انك تكون فى مكان متخفى فية واخيرا انا بشكر جميع زملائى فى الطلعة على وجودهم معى مع تمنياتى ليكم جميعا بطلعات موفقة والسلام عليكم ورحمة اللة وبركاتة |
رد: طلعة المسافات البعيدة
يا عصام باشا الكلام اللى انت قولتو عليا تاج على راسى ومتنساش يا باشا ان لولا طلعاتك معايا مكانش مستواييا يتحسن وياريت تبطل التواضع اللى انت فية علشان انت كتير بتتفوق عليا فى الصيد والوبلى تشهد والامن العام يشهد .
:) اما عن الخيالات فدى من افكار القناص (اشرف باهى) انا كنت بشوف صيادين بيحطواحمام متحنط ويوزعوة على الارض ولما سألت اشرف قال دى اسمها خيالات بتدى للحمام اللى طاير امان علشان يحط على الارض ولما اشرف قال انى ممكن احط الحمام وهوا ميت مش شرط متحنط عملت كدا والفكرة نفعت معيا انا وعصام وللعلم احنا كنامستخبيين فى غرف مفتوحة السقف وتبعد عن المبى الخرسانى اللى بيقف علية الحمام حوالى 40 متر غير ان المبنى حجمة عملاق وباين مبنى مشابة فى الصورة الاولى خلف الغرف اللى عصام وكريم و طارق كانوا فيها واخيراً احب اقول ان الصيد من مسافات بعيدة متعة بكل المقاييس . |
رد: طلعة المسافات البعيدة
محمود باشا شلبى
شكراًعلى مرورك الكريم ويا باشا احنا تلاميذك وانشاء الله عن قريب نتشرف بطلعة مع حضرتك . |
رد: طلعة المسافات البعيدة
الله ينور يا قناصين تسلم الايدى
|
رد: طلعة المسافات البعيدة
Alahh enawar ya amir
|
رد: طلعة المسافات البعيدة
اهو دة الكلام ....فعلا هيا دى رحلات الصيد الصح صداقة واخوة وترويح عن النفس والهزار والصيد كمان
بسم الله ما شاء الله صحبة ولا اروع ربنا يكرمكم |
رد: طلعة المسافات البعيدة
الله ينور يارجالة فعلا خلصتوا على الحمام واليمام عقبال الغزلان والارانب
تحياتى |
رد: طلعة المسافات البعيدة
بسم الله مشاء الله أيه يعم ده انتم خلصتم على اليمام تسلم اديكم وبارك الله فيما رزق
|
رد: طلعة المسافات البعيدة
ايه الجمال ده بسم الله ما شاء الله باهنا و الشفــــــا
|
رد: طلعة المسافات البعيدة
بسو الله ماشاء الله رحله موفقه واهم مافيها الصحبه الجميله وكما قالو من قبلنا الرفيق قبل الطريق وحاجه جميله جدا وممتعة الضرب على مسافات بعيدة وربنا يوفقكم فى كل طلعاتكم وتقبلو مرورى
|
رد: طلعة المسافات البعيدة
اقتباس:
صيد جميل و متميز و أهم منه تبادل الخبرات و الصحبة. و أنا أريد تليسكوبا مثل هذا يا أمير دلنى عليه أفادك الله. و إن شاء الله نلتقى قريبا فى طلعة جماعية اخرى تحياتى للجميع |
رد: طلعة المسافات البعيدة
اقتباس:
خالص تحياتى |
رد: طلعة المسافات البعيدة
ايه الجمال ده يا جماعه بجد شوقتوني اني يبقي ليا الشرف وانضم لفريق التجمع الاول وانا من التجمع الثالث ونفسي بجد اتعلم الصيد علي اصوله علي ايديكو يا اجمل صياديين فممكن تضموني معاكم ابقي شاكر فضلكم جدا
علي فكرة انا كذا مره كلمت الاستاذ عصام بس مكنشي بيرد عليا فلو ليا الشرف ممكن تكلموني علي 0116664141 واكون معاكم الطلعه الجايه باذن الله تعالي |
رد: طلعة المسافات البعيدة
اقتباس:
طلعه موفقة |
رد: طلعة المسافات البعيدة
اقتباس:
بعد اذن الاستاذ امير ينزلها مقفولة يعني تنزل خلصانة لا تروح ولا تيجي يعني تنزل جثة هامدة مش مجرد اصابة و بيسموها مقفولة عشان مش بتلحق تفتح جناحها بتقع قافلة جناحها يعني فهمت يا باشا؟ |
رد: طلعة المسافات البعيدة
اقتباس:
يعني ما خدتش الرشة و طارت و بعدين ماتت ... لا ... دي أول لما الرشة جت فيها نزلت ميتة علي طووووووول ... و دة في مجالنا أسمة ( نزلت مقفولة ) ... أما لو خدت الرشة و طارت و بعد شوية ماتت ... دي بتبقي أسمها ( أتسرقت ) يعني الرشة أخترقتها ... و طااااااارت و بعد شوية الأصابة أثرت فيها و ماتت. و شكرا لمرورك ... و أتمني أن أكون قد أفدتك ... تحياتي لك. |
رد: طلعة المسافات البعيدة
اقتباس:
هههههههههههه كريم باشا حبيبي ايه اللي حصلك ده انتا كنت دايما بتسبقني |
رد: طلعة المسافات البعيدة
اقتباس:
عموما وااااحد يا سيدي و عمرك أطول من عمري. :) تحياتي لك. |
رد: طلعة المسافات البعيدة
اقتباس:
|
رد: طلعة المسافات البعيدة
اقتباس:
|
رد: طلعة المسافات البعيدة
يا باشا الله ينور قناص والله
تحياتى للصحبه الرائعه |
رد: طلعة المسافات البعيدة
1 مرفق
مفاجأة هذه الطلعة المفاجأة التى لم يرد ذكرها فى جميع وكالات الأنباء نقدمها هنا حصرياً فى هذه المشاركة يا جماعة فى هذه الطلعة كانت نهاية .......... الوزة فقد قام الأستاذ كريم بإعدادها للأكل خير إعداد , و أعد أطباق لذيذة من المكرونة بالبشاميل , وأضفنا إلى الوجبة بعض الفاكهة والمشروبات الغازية والشيبسى وكانت أكلة جميلة وصحبة أجمل وفى النهاية تحياتى الى جميع الأصدقاء الأعزاء فى هذه الرحلة وتحياتى أيضاً الى أستاذ كريم اللى حافظ على الأمانة (الوزة) حتى سلمها الى أصحابها جاهزة للأكل وتحية أيضا الى الوزة التى أسعدتنا كثيراً سواء فى صيدها أو أكلها ........... أترككم مع صورة الوجبة اللذيذة ........... |
رد: طلعة المسافات البعيدة
ملحوظة هامة الوزة كان طعمها جمييييييييييييل جداً |
رد: طلعة المسافات البعيدة
بالهنا والشفاء ياجماعة وماشاء الله عليكم
ويارب دايما تكون طالعاتكم مفرحة وتتبسطوا ولسة انا بئا باذن الله هبدأ مشوار الصيد كمان اسبوعين باذن الله. ربنا يوفقكم |
رد: طلعة المسافات البعيدة
اقتباس:
|
| الساعة الآن 07:56 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir