الصيد فى مصر - الأسعار بدأت ترجع زى الأول يا رجاله مبروك علينا و عليكم

الصيد فى مصر (http://www.egyhunt.net/index.php)

- الموضوعات العامه (http://www.egyhunt.net/forumdisplay.php?f=86)

- - الأسعار بدأت ترجع زى الأول يا رجاله مبروك علينا و عليكم (http://www.egyhunt.net/showthread.php?t=10782)

Zero	11-06-19 07:05 AM

الأسعار بدأت ترجع زى الأول يا رجاله مبروك علينا و عليكم

أمبارح سمعت أن الأسعار بدأت ترجع تانى زى الاول بصورة كويسة بس لسه فيه محلات كتيرة لسه شغاله بسعر عالى برضة يعنى لسه حوالى 200 أو 300 جنيه كدة نقص فى الأسعار و الدنيا هتبقى حلوة دا على حسب كلام واحد أعرفة بيفهم فى أسعار المسدسات لأنى مبتدئ لكن ربنا يسهل و الأمور ترجع زى ماكانت و برضة أنا مش هجرب أجيب حاجة غير لما ترجع بالظبط زى أيام قبل الثورة يعنى مش هيتضحك عليا ولا هيتم أستغلالى حتى لو فى جنيه واحد و دا مبدأى عمتا و مبدأ ناس كتيرة

و على فكرة من مصلحة المحلات إنها ترخص الأسعار تانى لأن بدل ماتكسب مثلا 300 جنيه من حته واحدة و تبيع 10 يعنى 3000 جنيه ممكن تكسب 100 جنيه و تبيع 50 حته يعنى 5000 جنيه يعنى بمبدأ المكسب الصغير و البيع الكتير و محدش يقولى بقى محل و كهربا و تأمين و الكلام دة كله لأنه مش مبرر لأرتفاع الأسعار و الأستغلال

و للى أشترى بسعر غالى معلش بقى عوضك على الله أنت جيبته عشان تحمى نفسك بيه مش جيبته للأتجار و خليه معاك يفيدك أو لو عايز تبيعه بيعه بالسعر الطبيعى لأن ده مش سعر السلعة نفسها و يا جماعة خلوا عندكم مبدأ أسمه تقبل الخساره لأنى مينفعش أجيب حاجة و أستهلكها و يكون ليها عمر أفتراضى و أبيعها بنفس السعر حتى لو متضربش بيها طلقة انا مش بقول كدة عشان الناس ترخص من حاجتها لأ عادى جدا أعرض بالسعر إلى أنت عايزة بس مش هتجبر الناس تشترى بالسعر دة و كمان يمكن ناس كتيره تم أستغلالها لأن فيه ناس مكانتش تفهم فى السلاح و دخلت فيه بعد الثورة عشان تحمى نفسها و دا إلى فتح باب جامد للأستغلال فبلاش يتم معالجه الأستغلال بالأستغلال و أستعوض ربنا فالى راح

و أنتظروا إن شاء الله فى خلال الشهرين دول أن الأسعار ترجع زى الأول و أحسن كمان
و يا رب الموضوع ميكونش ضايق حد منى

جنرال

11-06-19 07:08 AM

رد: الأسعار بدأت ترجع زى الأول يا رجاله مبروك علينا و عليكم

فعلا الأسعار بدأت تنزل وده علشان الناس بدأت تتوقف عن الشراء لأن المسدسات بقت ممنوعة حتى ولو صوت . فيه لجان بتمسك اللي شايل مسدس ولو صوت.

Zero	11-06-19 07:27 AM

رد: الأسعار بدأت ترجع زى الأول يا رجاله مبروك علينا و عليكم

اقتباس:

المشاركة الأصلية كتبت بواسطة جنرال (المشاركة 126069)

كله بسبب التحويل لبلى و الكلام ده أنا مش بعيب فى إلى بيحول بلى لو كان مضطر و غير كدة أحنا كشعب برضة أغلبنا مش عارف الفرق بين المسدس الصوت والمسدس الحى لدرجة أن فيه ناس مش عارفة أصلا أن فيه مسدسات صوت وفاكرين أن أى حد ماسك سلاح يبقى حى على طول و النوعيه دى طبعا كل واحد فينا يعرفها لأن 80% من الشعب بتاعنا مالوش فى السلاح

mdfd5

11-06-19 08:30 AM

رد: الأسعار بدأت ترجع زى الأول يا رجاله مبروك علينا و عليكم

صحيح الأسعار بدأت تهدى بس لسه مبقتش زي الأول
و كمان بنادق الرش أسعارها لسه عالية و حاسس انها لسه بتزيد و عقبال متنزل أسعارها هي كمان

moneey1975

11-06-19 11:18 AM

رد: الأسعار بدأت ترجع زى الأول يا رجاله مبروك علينا و عليكم

خبر جديد وجميل جدا وربنا يوفق

Zero	11-06-19 02:37 PM

رد: الأسعار بدأت ترجع زى الأول يا رجاله مبروك علينا و عليكم

اقتباس:

المشاركة الأصلية كتبت بواسطة mdfd5 (المشاركة 126093)

مانا يا باشمهندس بقول لسه شهرين كدة ولا حاجة و كمان فيه ناس كتيره مش عايزة تشترى عشان عارفة أن الأسعار زادت و فيه ناس كتيره خايفة من أصله تشترى حاجة دلوقتى و ناس تانيه بتقول أن الجو بقى هادى شوية دلوقتى و كل دى بتخلى السعر يبتدى يرجع لكنه لسه مرجعش و إن شاء الله شهرين كدة و ترجع الدنيا زى الأول

اقتباس:

المشاركة الأصلية كتبت بواسطة moneey1975 (المشاركة 126153)

خبر جديد وجميل جدا وربنا يوفق

إن شاء الله يا باشمهندس و كمان والله كل إلى أعرفهم فى المنطقة بيعرفوا فى السلاح قالولى إنها بدأت بس لسه شوية و إن شاء الله فتره قصيره و هتبقى الأسعار زى زمان دا لأنى مبتدئ شوية فمش عارف بالظبط الأسعار كانت أية و بقيت أيه و إن شاء الله يبقى خير للتاجر و خير للمشترى و للجميع إن شاء الله

Android man

11-06-19 02:48 PM

رد: الأسعار بدأت ترجع زى الأول يا رجاله مبروك علينا و عليكم

ايوه كده قولو اخبار حلوة عايزين ننزل نشتري شوية حاجت

بسام سعيد

11-06-19 02:50 PM

رد: الأسعار بدأت ترجع زى الأول يا رجاله مبروك علينا و عليكم

يا مسهل يارب

Zero	11-06-19 02:55 PM

رد: الأسعار بدأت ترجع زى الأول يا رجاله مبروك علينا و عليكم

اقتباس:

المشاركة الأصلية كتبت بواسطة android man (المشاركة 126386)

ايوه كده قولو اخبار حلوة عايزين ننزل نشتري شوية حاجت

والله أنا للأسف عرفت المنتدى قريب كان نفسى أكون من زمان هنا و عرفت الموضوع بتاع السلاح كله قريب فللأسف محضرتش الأسعار الحلوة و كان نفسى أشترى لكن لما لقيت فيه مواضيع قديمه بأسعار أحسن من كدة قولت والله مانا جيب و هعمل مقاطعة غير لما الناس تقولى دا الأسعار دى كانت كدة زى قبل الثورة و سئلت ناس من المنطقة إلى ليهم فى الموضوع دة أو إلى أصلا لفتوا نظرى للموضوع دة و قالولى بدأت ترخص شوية لأن فيه مشاكل عمتا زى ماقولنا فى الردود عشان السلاح و إن شاء الله شهرين كدة الأستغلال دة يكون تم القضاء عليه نهائيـــــــــــا

اقتباس:

المشاركة الأصلية كتبت بواسطة بسام سعيد (المشاركة 126388)

يا مسهل يارب

منور يا باشا و يــــا رب دعواتكم بقى ياجماعة أن السوق يرجع زى الأول

hesham[MaFya]a

11-06-19 03:08 PM

رد: الأسعار بدأت ترجع زى الأول يا رجاله مبروك علينا و عليكم

طيب الحمد لله ربنـــا يسهل.

Zero	11-06-23 04:10 PM

رد: الأسعار بدأت ترجع زى الأول يا رجاله مبروك علينا و عليكم

حبيت أرفع الموضوع تانى عشان أفكركم أننا قولت ان الأسعار هترخص شوية
و يا مسهل زقة كمان و تبقى زى الأول و بعدها تبقى أحسن كمان و دى أستفاده للتاجر و للمشترى لو الأسعار بقيت أرخص

اقتباس:

المشاركة الأصلية كتبت بواسطة hesham[mafya]a (المشاركة 126418)

طيب الحمد لله ربنـــا يسهل.

أمين يا رب

NSAA	11-06-23 04:15 PM

رد: الأسعار بدأت ترجع زى الأول يا رجاله مبروك علينا و عليكم

يا سلام بقى لو حد من الناس القديمة يقولنا أسعار زمان كانت إيه علشان نعرف الفرق و يبقى عندنا مرجعية

aly406

11-06-23 05:04 PM

رد: الأسعار بدأت ترجع زى الأول يا رجاله مبروك علينا و عليكم

يا جماعة الكلام دة جميل بس عمرة ما حاييجى مرة واحدة كدة نستنى شوية على الاقل لاحد اخر السنة دى ولحد ما يبقى فيه حكومة وريس ومجلس شعب الدنيا حاتهدى وربنا يسهل ويمكن كمان تبقى احلى من الاول علشان حايبقى فية شغل كتير وتجار كتير كمان

وربنا يسهل ونرجع زى الاول تانى

don'tshoot

11-06-23 05:05 PM

رد: الأسعار بدأت ترجع زى الأول يا رجاله مبروك علينا و عليكم

اقتباس:

المشاركة الأصلية كتبت بواسطة nsaa (المشاركة 130579)

يا سلام بقى لو حد من الناس القديمة يقولنا أسعار زمان كانت إيه علشان نعرف الفرق و يبقى عندنا مرجعية

فيه موضوع في قسم الأسلحة النارية عن الثورة وتأثيرها علي الأسعار.... يعني مثلا المسدس الروم ال 9 ملل كان بيتباع ب 1500 جنيه ودلوقتي 2500 لو لقيته....

Zero	11-06-23 07:58 PM

رد: الأسعار بدأت ترجع زى الأول يا رجاله مبروك علينا و عليكم

اقتباس:

المشاركة الأصلية كتبت بواسطة nsaa (المشاركة 130579)

يا سلام بقى لو حد من الناس القديمة يقولنا أسعار زمان كانت إيه علشان نعرف الفرق و يبقى عندنا مرجعية

موضوع فى قسم الأسلحه الناريه أسمة تأثير الثورة على بيع و شراء الأسلحه حاجة زى كدة كما ذكر الأستاذ دونت شوت أسمة

اقتباس:

المشاركة الأصلية كتبت بواسطة aly406 (المشاركة 130629)

مش أستعجال بس مش عايزين حد يتضحك عليه أو ناس تستغل ناس أو تجار كبار يستغلوا الموقف كمان و يعملوا صفقات صح على حسابنا

اقتباس:

المشاركة الأصلية كتبت بواسطة don'tshoot (المشاركة 130630)

منور و شكرا على الأضافة
و معرفش الروم فعلا ليه نط النطة دى أنا عارف أنه من أفضل المسدسات إلى دخلت مصر بس أية يا جدعان إلى بيحصل ده دا كان وصل لـ4 ألاف فى عز الثوره دا الحى كان أرخص

الساعة الآن 10:09 PM