بخصوص البنادق
 

السلام عليكم

الاخوة الكرام بعد التحية

اولا انا معجب بالصيادين اللي هنا وبصراحة قولت ليه ما اتوجهش لرياضة وهواية الصيد؟

علشان كدة كنت عايز اعرف باختصار ايه البندقية اللي ممكن اشتريها بثمن من 1500 الى 2000 جنيه

لاني شفت انواع وصناعات تركي صيني وغيره.

مع العلم اني سمعت كلام كتير عن النوريكا جيت, هي صناعتها ايه ورأيكم فيها ايه؟

وبخصوص المنظار رأيكم ايه اني اركب واحد فوق البندقية وسعره كام تقريبا؟ وهل هو فعلا مفيد اوي ولا مش مجدي للدرجة؟

وفي الحالة محتاج بندقية ومنظار بالكتير 2000 جنيه.

وشكراً ليكم مقدما

رد: بخصوص البنادق
 

اهلا بيك معانا يا معلم يا معلم ههههههههههههه
انا انصحك بنوريكا جيت نمرة 1 بندقية رائعة جدا سعرها 1900 جنية
والتلسكوبات كتير في معظم الي في مصر صيني بس درجة اولي
وبتبدا من 800 جنية

رد: بخصوص البنادق
 

اولا اهلا بيك ثانيا ممكن تجيب الجيت جميله جدآ وهات نمره واحد بحوالي 1750 وهي جباره سرعتها 305متر في الثانيه وصناعه اسباني وجميله والتليسكوب مش هتحتاجه لانها فعلا دقيقه في المسفات البعيده

رد: بخصوص البنادق
 

اخي العزيز .. انا لسة مجربها و بصراحة هيا ممتازة و مأظنش حتحتاج تلسكوب عالاقل اول شهرين استعمال .. بعد كدة انت حتحدد اتجاهك اذا كنت حتكمل بالنشينكان العادي ولا حتصرف رقم محترم علي تليسكوب

رد: بخصوص البنادق
 

البندقية الجيت ممتازه وهي صناعة اسباني وسعرها بين 1700 الي 1800 جنيه والاستاذ هشام سمير كان عامل عليها عرض ممتاز ومن رأيي ان تبدأ الاول بتعلم الصيد بدون منظار حتي تتعلم الرمايه والمهارة وبعد ذلك اذا حبيت تشتري منظار اشتري دي حرية شخصية

رد: بخصوص البنادق
 

mahmoud11144 انت اللي معلم ياباشا ربنا يكرمك ويجازيك كل خير وشكرا على المعلومة عن التلسكوب.

_____________________________________

احمد فتحي باذن الله هشوفها دي الاقرب مع ان فيه نوريكا سبورت مش عارف رأيك فيها ايه؟


___________________________________

Ahmedlr باذن الله ياباشا ومبروك عليك, وكنت عايز اعرف هل فرق كبير بينها وبين السبورت؟ نوريكا سبورت؟

____________________________________

msa_79 انا مقتنع بيها جدا بس مقلق من انها قديمة في السوق ووو والجديد من النوريكا سبورت بس نمرة 2 سرعتها 160 فمش عارف والله دي هتمشي معايا ولا لا..


والله المستعان وجزاكم الله كل خير للافادة

رد: بخصوص البنادق
 

فرق كبير يا باشا .. الجيت اسرع و اقوي و إن لم اكن مخطئا مداها المؤثر لن يقل عن الضعف

رد: بخصوص البنادق
 

والله هو انتا ممكن تجيب الجيت لو انتا هتصطاد مسفات بعيده وكمان السبورت هتزهق منها بعد فطره علشان هتحتاج مسافات بعيده عن الاول وممكن تجيب الكرال حلوه ومش وحشه والله شوف انتا هتعمل ايه وانا فكرت اجيب حاجه متوسطه القوه بس قولت ملهاش مستقبل بعد كده وكمان المدي الموثر صغير

رد: بخصوص البنادق
 

حسام باشا حبيبى وان بلدى
اولا انتا مازلت مبتدا فى الموضوع بتاع الصيد على حد علمى واعتقد كمان ان كتير من اخوتنا الاعضاء هيرشحلك السبورت لانك مبتدا لكن لو هتسمع كلامى ابدا بالجيت علطول واتعلم وعود نفسك عليها بندقية بجد ممتازة مدى مؤثر بعيد نيشنكانات ثابتة وبالنسبة للتليسكوب مش هتحتاجة وبعدين لو هتفكر تجيبو شوفلك حد غيرى تطلع معاة لان الحكومة لو قبلتنا بية هيغلسو وهيقولو علينا قناصين بس من نوع تانى
المهم اكيد بهزر معاك شوف انتا هتشترى اية واخرك كام ونروح سوا نخلص بس يريت قبل يوم الجمعة علشان نطلع زى متفقنا
اخوك وليد
ابو ابراهيم

رد: بخصوص البنادق
 

Ahmedlr ربنا يكرمك والله المستعان
___________________________

احمد فتحي والله انت معاك حق بس فيه امور بتحكم وعموما ربنا ييسر ويقدم اللي فيه الخير وشكرا لنصيحتك ياباشا

___________________________


lilkapo حبيبي ابو ابراهيم ربنا يبارك فيك انت ماشاء الله اللي اديتني الحمااااااس هههه ربنا يخليك واهو هنشوف الجمعة الجاية وهنحكم وربنا ييسر باذن الله وتكون رحلة جميلة

وشكرا اوي لنصايحك ليا دايما ربنا يخليك لينا