الصيد فى مصر - عااااااجل جدا بخصوص الجلبه

الصيد فى مصر

الصيد فى مصر (http://www.egyhunt.net/index.php)

- بنادق ضغط الهواء ومتعلقاتها (http://www.egyhunt.net/forumdisplay.php?f=51)

- - عااااااجل جدا بخصوص الجلبه (http://www.egyhunt.net/showthread.php?t=10823)

elmostshar31

11-06-19 07:06 PM

عااااااجل جدا بخصوص الجلبه

مساء الخير علي جميع اعضاء المنتدي .....انا اشتريت جلبه جديده لبندقيتي الرمسيس .............ولقيت مع الجلبه قطعة بلاستيك مدوره بداخلها ويوجد بها ثقب للمسمار.......السؤال هل هذه القطعه من البلاستيك بتركب مع الجلبه كما اشتريتها ؟ وايه نوع الشحم المستخدم لتشحيم البندقيه؟وشكرا ......

Android man

11-06-19 08:17 PM

رد: عااااااجل جدا بخصوص الجلبه

ياريت بعد اذنك لو مفيش مانع تصور القطعة دي

mahmoud11144

11-06-19 08:40 PM

رد: عااااااجل جدا بخصوص الجلبه

يا باشا الجلبة الي حضرتك اشترتها مش بلاستك اصلي هي عادية
والقطعة الي بداخل الجلبة بتركب جواها وبتربط المسمار فيهم والجلبة دي
ما بتتشحمش عشان لو شحمتها مش هتحبس هواء
ولو عايز تشحمها تبقي حتة صغيرة جدا علي صباعك وتمسحها فيها كلها
وياريت صورة ليها ..

elmostshar31

11-06-19 09:21 PM

رد: عااااااجل جدا بخصوص الجلبه

4 مرفق

دي صوره الجلبه والقطعه البلاستيك ....

عادل عبده

11-06-19 09:28 PM

رد: عااااااجل جدا بخصوص الجلبه

ياريس الجلبه ديه جلبه زفره وانت بتحط جواها الورده الارلون ديه وبتربط بس اهم حاجه الجلبه الزفره ديه تبقى بتخر زيت كده زى الولابيا عشان ده شئ اساسى فى الجلب الجلد وياريت تقولى جبتها بكام ولو انا غلطان فى حاجه ياريت الاخوه الخبره يصححو كلامى وتقبل مرورى مع خالص تحياتى

mahmoud11144

11-06-19 09:29 PM

رد: عااااااجل جدا بخصوص الجلبه

الجلبة دي يا باشا مصري بس حلوة وشغالة
وركبها وان شاء الله هتبقي تمام
ومتنساش تحط القطعة جوة الجلبة ...
موفق ان شاء اللة ..

msa_79

11-06-19 09:36 PM

رد: عااااااجل جدا بخصوص الجلبه

فعلا لازم تغرقها زيت عشان متتاكلش بسرعة

mahmoud11144

11-06-19 09:42 PM

رد: عااااااجل جدا بخصوص الجلبه

يا جماعة الجلبة دي لو اتزيتت مش هتحبس هوا وعن تجربة اكثر من مرة والله
هي عايزة تشحيمة خفيفة اوي مش تغرقها زيت ...

عادل عبده

11-06-19 09:48 PM

رد: عااااااجل جدا بخصوص الجلبه

مع احترامى لحضرتك يا استاذ محمد الجلبه ديه انا مجربها فى بندقيتى الرمسيس ولازم تغرق زيت فعلا لان الزيت بيخليها تنفش وفى نفس الوقت تبقى طريه عشان ماتتهريش نظرا لانها جلد اساسا ومش بلاستيك او ارتلون بس المشكله بقى وعن تجربه ان الجلبه الارتلون البيضه اللى جايه معاها ديه من كتر الاستخدام بتتكسر وده بقى اللى بيخليها ماتحكمش
وتقبل مرورى وخالص احترامى وشكرا

elmostshar31

11-06-19 10:18 PM

رد: عااااااجل جدا بخصوص الجلبه

انا متشكر لكم جميعا .....انا شاريها من المنصوره ب 3جنيه .....انا محتار اعمل ايه ?ازيتها من جوه واشحمها من الخارج?........

عادل عبده

11-06-19 10:23 PM

رد: عااااااجل جدا بخصوص الجلبه

اقولك يا معلم انت اخلعها من الحتبه البيضه ديه وانقعها فى زيت كام يوم ممكن زيت عربيات او زيت ماكنات الخياطه وبعدين اقعد شربها فى زيت يعنى ادعكها بالزيت
ولما تيجى تركب بأذن الله ممكن بتعد ما تربط على البستم وتربطها كويس عشان ده مهم وتظبط الكلام ابقى اديها حته شحم حلوه كده من بره عشان حتى تركب معاك ثلثه ومش تضايق وربنا يوفقك بأذن الله ولما تجربها وتلاقيها زى المدفع ابقى قولى وادعيلى
تقبل مرورى وجزيل تقديرى واحترامى

سرسور

11-06-20 04:59 PM

رد: عااااااجل جدا بخصوص الجلبه

بالنسبة القطعة البلاستيك ممكن تركب القطعة القديمة وهي في الغالب معدن
عندما اشتريت جلبة للمعادي سالنى البائع في نوع بـ3 و في نوع بـ5 أخذت البـ5 و كان الفرق ان الاغلى معدن ومع ذلك ركبت الجزء القديم لاني وجدته اقوى
بالتوفيق ان شاء الله

amr naser

11-06-21 04:33 AM

رد: عااااااجل جدا بخصوص الجلبه

فعل يا جماعه انا اشتريت الى فيها قطعه معدن عامله زى الورده هيا تعتبر ورده اصلا لان جربت البلاستيك اتكسرت وسدت الهوا فانا بانصح بالمعدن لكل اخواتى فى المنتدى وشكرااا اخوكم عمرو نااصر

الساعة الآن 07:08 PM

Powered by vBulletin® Copyright ©2000 - 2026, Jelsoft Enterprises Ltd. TranZ By Almuhajir