|
بندقيتى القديمة عزيزة عليا اوى
اولا السلام عليكم و رحمة الله و بركاته
بصوا يا احلى رجالة , الموضوع ببساطة انى دخلت المنتدى من فترة الانفلات الامنى زي ناس كتير علشان اعرف او الاقى سلاح ادافع بيه عن نفسى و عن اهلى و ربنا وفقنى و لقيت اللى انا عايزه , بس جو المنتدى شدنى اوى لقيتنى بقرا المواضيع اللى ليها علاقة بالصيد برغم انه مش هوايتى او كان مش هوايتى , و اتشديت اكتر ففكرت اشترى بندقية و اجرب المتعة دى , ف افتكرت ان عندى بندقية ف شقتى القديمة و معرفش عنها حاجة ف روحت ادور و تربت نفسى و اتبهدلت لحد مالقيتها , شنغهاى موديل 62 , البندقية سليمة بس الناشينكان الخلفى بايظ و الدبشك ضايع , المهم حاولت اتصرف ف الدبشك و بفكر اعمل واحد عموله عند نجار , بس مش عارف الاقى الناشينكان الخلفى ده فين و عايز اعرف اغيرلها ايه و اعمل فيها ايه علشان ترجع زى الاول و احسن كمان لو امكن , و موضوع الجلبة و الكلام ده معرفش عنه حاجة , البندقية دى بالنسبالى حتى لو مش هرجعها زى الاول هخليها و اشترى واحدة تانية لانها هدية من والدى و ليها معايا زكريات جميلة , انا عارف انى معلوماتى ف الموضوع ده قليل اوى بس انا حابه اوى و عايز استمتع زيكم معلش يا جماعة انا عارف انى تعبتكم معايا و تقلت عليكم اوى اوى بس من عشمى و الله من الجو الاسرى اللى لقيته ف المنتدى ده |
رد: بندقيتى القديمة عزيزة عليا اوى
يا باشا البنادق الشنغهاي جميلة جدا وانا عندي واحدة بس 61
عايزها ترجع زي الاول واحسن غيرلها السوستة بواحدة اسباني 33 حلقة وجلبة بلاستك نضيفة وتكون بلاستك طري والدبشك امرة سهل ممكن تعمل واحد عمولة بس حل البندقية كلها وسنفرها وزيتها ونضف عليها جامد والنشان ممكن تلاقية في اي محل سلاح بس دور علية وهتلاقية وان شاء الله هتبقي تمام ... |
رد: بندقيتى القديمة عزيزة عليا اوى
اقتباس:
يا باشا تسلملى على اهتمامك بالرد عليا , و هفكر معاك بصوت عالى , السوستة ممكن فعلا اغيرها بس عندى تعليق هيا انها من ساعة ما اشتريتها زمان من 14 سنة ( و انا ف 2 اعدادى ) استخدمتها 3 شهور ( ف الاجازة بقى ) ف الرماية على اهداف ثابتة و مش كتير و من بعدها اتركنت ف هل لسة رايك انى اغير السوستة ؟؟؟ ( انا معرفش علشان ميبقاش قصدى انى مغيرهاش انا بس بقولك على اللى فيها ) , و موضوع البلاستكة ده تقصد بيه انهى جلبة لانى اسمع ان فيها جلبتين واحدة ف البستم و دى مشوفتهاش خالص قبل كدة و واحدة عند بيت الرش و دى انا حاسس انها متاكلة و بالذات بعد ما رشيت wd40 على البندقية كلها علشان انظفها من الصدأ و الجلبة دى لو عايزة تتغير و انا مغيرتهاش هياثر على ايه ف البندقية و ف أداءها ( معلش اخوك لسة زيرو ) و هدور فعلا على الناشنكان و ربنا يسهل و انا مش عايز افرط فيها |
رد: بندقيتى القديمة عزيزة عليا اوى
يا غالي انا تحت امرك
لو كانت مستعملة شهور قليلة اوي سيب السوستة والجلبة الي في بيت الرش لازم تغيرها بواحدة نضيفة والنضيفة هتلاقيها جلد وسمرة مش فل مكبوس والجلبة الاصلي بتاعت البستم انا كنت عملت موضوع لها الرابط اهو خووووووووووووووووووش علية ههههههههههههههههههههه http://www.egypthunt.net/showthread.php?t=8421 هتلاقي جلبة كبس وجلبة مسمار الجلبة الكبس هي السمرة متجبهاش لانها مش هتركب عندك هات لها الجلبة المسمار الي هي الصفرة او التانية واي استفسار انا في الخدمة يا غالي ... |
رد: بندقيتى القديمة عزيزة عليا اوى
ربنا يخليك ليا يا حودة , تسلملى يا جميل
|
رد: بندقيتى القديمة عزيزة عليا اوى
بالتوفيق ان شاء الله
|
رد: بندقيتى القديمة عزيزة عليا اوى
يا رب يا باشا , الموضوع جميل و يشد فعلا بس دايخ و الله على الناشينكان الخلفى و نفسى الاقيه
|
رد: بندقيتى القديمة عزيزة عليا اوى
يارب تلاقيه قول يارب
|
| الساعة الآن 06:49 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir