|
موسم الصقر لعام 2009
4 مرفق
السلام عليكم اذيكم يا جماعه عاملن ايه انا اسف مواضيعي بطول شويه بس انا بحب اني اجيكم بموضوع جديد ممكن يكون شيق لبعض الناس وممل لبعض الناس بس انا وانا بكتب الموضوع احب انه يعجب اغلب الناس منكم انا السنه دي خرجت عشان الحق موسم التصقير بس روحت متاخر شويه وربنا مكرمناش بس انا حبيت اني اوريكم بعض الصور يا رب تعجبكم طبعا انا معرفتش احافظ علي كل الصور بس جبت منها شويه يا رب يعجبكم
http://yfrog.com/iyimage168j |
رد: موسم الصقر لعام 2009
5 مرفق
ده تكمله الموضوع بالصور وفيها مرفق بعض صور النقلات المستخدمه في التصقير يا رب الموضوع يحوز اعجابكم
|
رد: موسم الصقر لعام 2009
3 مرفق
يا جماعه علي فكره دي نقلات بتستعمل في صيد الصقور ودي تمنا مش غالي علي فكره بيبدا ب300 جنيه لحد 2000 جنيه
|
رد: موسم الصقر لعام 2009
رائع ياعاصم وياريت نشوف صور الفرائس والصيد التي تمكن الصقر من صيدهم وربنا يكرمك ويرزقك رزق وفير
|
رد: موسم الصقر لعام 2009
لا يا استاذي الغالي هيا مش رحله للصيد بواسطه الصقر دي رجله لصيد الصقر نفسه وانا اسف ان الامر اختلط علي حضرتك اكيد انا مقدرتش اوضح
|
رد: موسم الصقر لعام 2009
ماشي ياعاصم انا كدة فهمت وانا كنت فاكر انك ها تصتاد بالصقور زي اهل الخليج بس طبعا انك تصيد الصقر بالصقر دة فن رائع واشتهر بية اهل الشرقية والكوامل والحاجر في الصعيد وفي سيناء اهل نيخل في وسط سيناء واهل مطروح واعتقد ان دة مش شئ سهل لانك ممكن تستنا الصقر لمدة اسبوع وممكن شهر وعلي العموم ربنا يرزق وتكون موفق ان شاء الله تحياتي
|
رد: موسم الصقر لعام 2009
وممكن استنا الصقر موسمين و3 واكتر والحظ ميحلفنيش ده نصيب
|
رد: موسم الصقر لعام 2009
الاخ العزيز عاصم انا مؤمن ان الصيد مثلة مثل الرزق والسعي الية مطلوب وان شاء الله الموسم دة ربنا هايكرمك وها تشوف وتقول جلال دة وشة حلو علينا
|
رد: موسم الصقر لعام 2009
الله يبارك فيك وتسلم الايادى والله الموسم دة كان ضعيف جدا والاسعار ولعت فيه............... الشواهين ضربت ارقام خياليه والعدد فى النازل وبالنسبه للاحرار 3 فى مصر وكلهم مجاهيم
وانشاء الله الصور هنا |
رد: موسم الصقر لعام 2009
السلام عليكم و رحمة الله و بركات
اخواتي في الله انا عضو جديد معكم هنا في المنتدي و جديد في موضوع الصيد برضوا فلو اي حد تكرم وجواب علي الاسئلة ديه ربنا يجازيه خير ان شاء الله هو الصيد بالصقر معناه الصقر هو اللي بيصطاد و بيجيب الفريسة ولا هو بيحدد مكانها بس وانا اللي اروح اصطاد بعد كده ولو هو اللي بيصطاد يعني انا اروح من غير بندقية وهو هيجيب الفرريسة لحد عندي ؟ والصقور ديه ممكن تصطاد صقور تانية بعد كده ولا هي حمام و بط بس مع خالص شكري واسف للاطالة |
رد: موسم الصقر لعام 2009
الصقر بمسك الفريسه اللى هى عبارة عن طير او حيوان (حسب تدريب الصقر الصياد)ويقع بها على الارض بغرض التهامها فلازم تجرى وراءة وتلحقه علشان الفريس ما تتقطع وتعرف تستفيد منها وهذة هى رصاضه او الصيد بالصقر اللى هو التصقر اما انك تصطاد الصقر نفسه بغرض تربيته وتدريبه ليصبح صياد فهذا هو صيد الصقور وهو موجود فى مصر ويتم صيدة بالفخ المصنوع من الشبك والطعم غالبا فرد حمام فقص دى بعض المعلومات البسيطه اللى اعرفها ارجو ان تكون افادتك بس فى اساتذة فى المنتدى طبعا يعرفوا اكتر منى بكتير:d:d:d
|
رد: موسم الصقر لعام 2009
الف شكر استاذ صلاح علي المعلومات الكويسة وانا سعيد اني مشترك في المنتدي ده لاني بجد حاسس اني في وسط اهلي وشكرا مرة تانية
|
| الساعة الآن 08:36 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir