الصيد فى مصر - مسدسات الصوت و رخص أسعارها

الصيد فى مصر (http://www.egyhunt.net/index.php)

- الصيد العام (http://www.egyhunt.net/forumdisplay.php?f=1)

- - مسدسات الصوت و رخص أسعارها (http://www.egyhunt.net/showthread.php?t=11311)

dr mohamed kamal

11-06-27 02:49 AM

مسدسات الصوت و رخص أسعارها

أريد تفسير لهذه المعلومة من تجار مسدسات الصوت بمنتهى السرعة ,لان الضرر سيكون فادحا ,ولن نسمح به أو نساعد عليه

الاخوة الاحباء مساء الخير تحذير هام من انواع المسدسات التي تجمع في الاسكندرية ومصدرها معروف للجميع وهي : -

1- الفولجا وهو شبية للمسدس التونة 8 ملل وهو خطر واستعمالة يؤدي الي حدوث اصابات في مستخدمة تم اصابة اربع اشخاص بالوجهة اصابة خطرة
2- سيج زور الرهيب بيضرب في وش من يستحدمة وتم اصابة اكثر من 10 افراد
يقوم تاجر معروف بالاسكندرية بتجميع هذة المسدسات في مصنع مملوك لتاجر كبير من اشهر التجار بمدينة الاسكندرية وهو غير مطابق لاي مواصفة من مواصفات الامان نهائيا وهذا تحذير هام للجميع
ويقوم ببيعة صبي ( نجار باب وشباك ) من صبيانة الي جميع التجار الصغار باسعار ذهيدة وطبعا الجشع اعماهم ونسوا انهم يتعاملوا مع ناس ابرياء وتخيلوا انهم سحبوا معظم اعلانتهم في منتدي الخراب ( الصوت في مصر ) خوفوا من الابلاغ عنهم بعد اصابة العديد والكثير اتقوا الله يا ظلمة يا من تتجارون بارواح الناس

kiko_2015

11-06-27 03:00 AM

رد: مسدسات الصوت و رخص أسعارها

اقتباس:

المشاركة الأصلية كتبت بواسطة dr mohamed kamal (المشاركة 134011)

ممكن يا استاذي تديني رقم اللي معاه البضاعه المضروبه دي عشان عاوز اكلمه بعد اذنك ؟

kiko_2015

11-06-27 03:02 AM

رد: مسدسات الصوت و رخص أسعارها

بالمره نتعرف و نشوف البضاعه المضروبه دي شكلها ايه..عشان النهارده كلمنا واحد يجيبلنا 30 حته من كل نوع من الصيني بعد ما اكد انه معاه..ولما طلبنا طلبنا قال كلموني بكره..وبعدين قال معندوش حاجه

الشبح المصرى

11-06-27 03:16 AM

رد: مسدسات الصوت و رخص أسعارها

يا جماعة لازم نبلغ عنهم ياريت اللى معاه معلومات اكيدة وفى دليل او يعرف المصنع ده يقدم بلاغ رسمى ده واجب علينا علشان الناس الفاسدة ميتاجروش بخوف الناس ويستغلو ظرف الوطن بالطريقة دى

kiko_2015

11-06-27 03:18 AM

رد: مسدسات الصوت و رخص أسعارها

اقتباس:

المشاركة الأصلية كتبت بواسطة الشبح المصرى (المشاركة 134047)

لما نشوف بس البضاعه المضروبه الاول دي شكلها ايه..اشكرك اخي علي وطنيتك الظاهره في كلماتك

Zero	11-06-27 03:35 AM

رد: مسدسات الصوت و رخص أسعارها

أرواح الناس بقيت تجاره
دا المفروض يبقى شعار الناس دى الجديد لأنه بيشارك بصورة مباشرة بقتل الناس و يا جماعة بنقولها مليون مرة السلاح مش لعبه يا ريت تجار السلاح يعرفوا أن السلاح مش لعبة ولا هوا مسدس خرز من بتوع الأطفال دا مسدس بيتعامل بيه ناس كبيره و ناس أرواحها غاليه لأنهم فى الأول و فى الأخر من بلدنا دا للأسف ولا حرب 48 يا جماعة دا أية الخيانه دى يا رب انتقم منهم و داين تدان و إن شاء الله ربنا ينتقم منهم

the hacker

11-06-27 03:59 AM

رد: مسدسات الصوت و رخص أسعارها

يا ريت حصرتك تقولنا مين الى بيبعهوم فى الاسكندريه و مين الى بيجمعهوم مع العلم انى من اسكندريه و امتلك فولجا و شغال معايا اكثر من ممتاز و لو حضرتك واثق من كلامك ادينى رقم التاجر الى سيتك بتقول عليه و رقم حد من الناس الى اتصابت و يارب متكونش اشعات زى الى حصلت من يو مين و ادت الى رفع اسعار مسدسات الصوت مش هبوطها

hunter store

11-06-27 04:08 AM

رد: مسدسات الصوت و رخص أسعارها

الدليل من فضللك ( مع احترامى )

الكلام ده كله درب من الخيال واللى يقول العكس عليه الدليل

dr mohamed kamal

11-06-27 04:10 AM

رد: مسدسات الصوت و رخص أسعارها

اقتباس:

المشاركة الأصلية كتبت بواسطة the hacker (المشاركة 134073)

أخى العزيز دى معلومة من أحد المواقع ,ويتهم فيها تجار معينين فى منتدانا ,لذلك أنا عرضت الموضوع للرد عليه من التجار ,مع العلم أن شاهدت حادثة أمام عينى ,لمسدس صوت طير صباع السبابة لصديق ,و قد نوهت عن هذه الحادثة فى إحدى موضوعاتى,تحياتى للجميع و حفظنا من هذه الحوادث

the hacker

11-06-27 04:14 AM

رد: مسدسات الصوت و رخص أسعارها

اقتباس:

المشاركة الأصلية كتبت بواسطة kemoboss (المشاركة 134079)

الدليل من فضللك ( مع احترامى )

الكلام ده كله درب من الخيال واللى يقول العكس عليه الدليل

الله ينور عليك يا كيمو والله الناس الى عماله تقول اشعات دى هتودى السوق فى دهيا انت مثلاً يا كيمو راجل شعال فى الموضوع ده! صح انهرده الاسعار زادت و هتزيد اكتر لو فضلت الاشعات كده.
انا عندى سؤال يا جماعه كام و حاد بيستخدم الفولجا و شغال معاه كويس؟
انا واحد من الناس الى بتستخدمو و شغال معايا 10 على 10 الله يكرمكو السوق مش ناقص اشعات خلصنا من موضوع الصينى دخلنا فى موضوع السلحه الخطره على الناس ...... كفايااااااااا
انا عايز دليل على الكلام ده ؟؟؟؟؟؟؟؟؟؟؟؟؟؟

فى حاجه كمان ليه متكونش الناس الى بيتكلم عليهوم صاحب الموضوع ميكنوش معدلين المسدسات دى ؟؟؟؟؟؟؟؟؟؟؟؟؟؟؟؟!!!!!!!!!!!!؟؟؟؟؟؟؟

tarekvb

11-06-27 04:23 AM

رد: مسدسات الصوت و رخص أسعارها

وايه خوفك انك تتكلم بالاسامى ؟؟

hunter store

11-06-27 04:24 AM

رد: مسدسات الصوت و رخص أسعارها

[QUOTE=the hacker;134084][b][color="red"][size="5"]الله ينور عليك يا كيمو والله الناس الى عماله تقول اشعات دى هتودى السوق فى دهيا انت مثلاً يا كيمو راجل شعال فى الموضوع ده! صح انهرده الاسعار زادت و هتزيد اكتر لو فضلت الاشعات كده.

ياباشا والله الواحد تعب الناس بقت تقول كلام عجيب واقسم بالله الناس اللى عارفة الحقية اللى انا نهت عليها فى الموضع اللى كتبته فى القسم العام بتضحك على الاختراعات اللى بتتقال

وانا بردو عند رائى مش مصدق اى حد غير بالدليل مع احترامى للجميع

dr mohamed kamal

11-06-27 04:53 AM

رد: مسدسات الصوت و رخص أسعارها

اقتباس:

المشاركة الأصلية كتبت بواسطة the hacker (المشاركة 134084)

الله ينور عليك يا كيمو والله الناس الى عماله تقول اشعات دى هتودى السوق فى دهيا انت مثلاً يا كيمو راجل شعال فى الموضوع ده! صح انهرده الاسعار زادت و هتزيد اكتر لو فضلت الاشعات كده.
انا عندى سؤال يا جماعه كام و حاد بيستخدم الفولجا و شغال معاه كويس؟
انا واحد من الناس الى بتستخدمو و شغال معايا 10 على 10 الله يكرمكو السوق مش ناقص اشعات خلصنا من موضوع الصينى دخلنا فى موضوع السلحه الخطره على الناس ...... كفايااااااااا
انا عايز دليل على الكلام ده ؟؟؟؟؟؟؟؟؟؟؟؟؟؟

فى حاجه كمان ليه متكونش الناس الى بيتكلم عليهوم صاحب الموضوع ميكنوش معدلين المسدسات دى ؟؟؟؟؟؟؟؟؟؟؟؟؟؟؟؟!!!!!!!!!!!!؟؟؟؟؟؟؟

فيه نقطة مهمة ,أنا أدعو التجار المعنين بسرعة الرد , كما أتمنى منك أخى العزيز أن تقراء الموضوع كويس جدا لكى تعلم أن الموضوع مكون من مقطعين ,المقطع الاول يخصنى ,أدعوا فيه التجار بسرعة الرد ,و المقطع الثانى يخص موقع يتحدث عن المسدسات و التجار و المصنع وخلافه ,أخى العزيز الخوف على إخوتك أعضاء المنتدى واجب على كل عضو ,و الغش أخى الكريم إنتشر فى شتى المجالات حتى الاكل والشرب ,فما بالك مسدسات الصوت ,والتجار معدومى الضمير أصبحوا كثر و لا يأبهوا بالخطر المحدق بالناس فى سبيل حفنة من الجنيهات,فقد باعوا ضمائرهم ,هل أخى الكريم رأيت فى حياتك مثل هذا الكم الهائل من تجار مسدسات الصوت ,مثل هذه التجارة التى ظهرت على السطح لإستغلال ظروف الناس و إيهامهم بإن مسدسات الصوت تحميهم حتى يقبلوا على شرائها ,هذا يا أخى غش وتدليس سيحاسبهم عليه الله ,كما أن مسدس الصوت يثير فزع الناس ويقدر أمنهم من كثرة إستعماله عمال على بطال دون مراعاة للجيران والناس من صوته الذى يفزعهم ويقلق مرضاهم ويشتت تركيز الطلبة وهذا فى حد ذاته يحاسب عليه الله ,إن أبنائى يقومون من النوم مفزوعين ويبكون من هول صوت هذه المسدسات التى تستعمل ليل نهار,أين حق الجار والناس ,أخى العزيز حريتك تنتهى عندما تبداء حرية الناس, و المفجع فى الامر تحويل المسدس لضرب بلى ,حتى يكون الخطر حقيقى وداهم ,إحترامى للجميع

hunter store

11-06-27 05:26 AM

رد: مسدسات الصوت و رخص أسعارها

الدكتور كمال ليا تعليق على كلامك

حضرتك الاول كنت بتتكلم فى اصابات وتصنيع محلى وماشبه ذللك

وبعد كده بتتكلم فى ازمة ظهور عدد كبير من التجار والازعاج ( اللى معاك حق فيه ) بس ياريت نتكلم فى اساس الموضوع الاول اللى هو الخامات والكلام ده

ولعلم حضرتك انا مش ببيع غير للناس المحترمه اللى ممكن يكون حيحطه فى بيه او عربيته الناس اللى بنتوسم فيهم الخير لكن اى حد تانى مش بنبيعله ( واعتقد ان ديه سياسة الناس اللى معانا هنا كلهم والله اعلم)

بس فى نفس الوقت مش حمشى ورا كل واحد اشترى منى تمام

وياريت توضح بالظبط سبب اعتراض حضرتك خامات وتصنيع فى مطابخ محلية ولا ازعاج وترويع

xman	11-06-27 05:54 AM

رد: مسدسات الصوت و رخص أسعارها

للعلم يا اخواني ممنوع استيراد اسلحة من الصين و شركات الشحن لاتقبل الشحن لمصر سواء صوت او حي او رش حتي. الموضوع ببساطة من حوالي شهر نزل السوق منتجات مصنعة تحت بير السلم و كان اولها التونا و كان سعره 120 جنيه و كمان الوان و الخامة رديءة جدا تقريبا مصنعة من الصفيح و تقفيل سئ جدا و يحمل ماركة الايكول و طبعا التجار الجشعين بلا ضمير شغالين و الاصلي الصوت اسعاره في النازل لعدم توافر الطلب كما في السابق ايام غياب الامن و بدء يرجع لسعره الاساسي بدون جشع او استغلال .دي كانت معلومة من تاجر محترم بارك الله فيه .و الله اعلم و اتمني ان تكون وضحة الرؤية

sadaany

11-06-27 07:17 AM

رد: مسدسات الصوت و رخص أسعارها

الرجاء عدم الحديث عن هذا الموضوع الا بالدليل اما بصوره او مواصفات واضحه يعنى انا مستغرب الاستاذ هشام سمير مثلآ قال انه شاف شغل مضروب مقلتش ليه يااستاذ هشام على الاختلافات اللى لقتها بين الاتنين واللى خلتك ترفض البضاعه ياريت اللى هيقول معلومه مفيده يقولها واللى هيفتح مواضيع من دى بدون دليل يبقى بيضرنا كلنا تجار ومستهلكين والمقصود بمعلومه مفيده يعنى يقول الفروق الموجوده بين البضاعه الاصليه والمضروبه مش يقول كلام مرسل وياريت الاستاذ هشام يقول الاسباب اللى خلته اقتنع ان البضاعه اللى اتعرضت عليه غير مطابقه للمواصفات وهل هوا شافهه بنفسه ولا خد على كلام التاجر انها صينى بدون رأيتها

mazenger

11-06-27 07:46 AM

رد: مسدسات الصوت و رخص أسعارها

الناس دى حزبى هو الله ونعم الوكيل فيهم ارجو من اللاخ الفاضل ذكر اسماء التجار دول لو عرفهم

الساعة الآن 02:14 AM