الصيد فى مصر - الحقونى!!! بندقيتى هتبوظ!!!!!!!!!!

الصيد فى مصر (http://www.egyhunt.net/index.php)

- بنادق ضغط الهواء ومتعلقاتها (http://www.egyhunt.net/forumdisplay.php?f=51)

- - الحقونى!!! بندقيتى هتبوظ!!!!!!!!!! (http://www.egyhunt.net/showthread.php?t=11446)

hesham[MaFya]a

11-06-29 12:44 AM

الحقونى!!! بندقيتى هتبوظ!!!!!!!!!!

السلام عليكم و رحمة الله و بركاتة...اريد المساعدة من حضراتكمــــ دلوقتى انا حطيط منديل فى مسورة البندقية عشان انضفها و بعد كدة المنديل اتزنق فى البندقية مع سيخ خشب (خلة طويلة)و بعد كدة جربت معاها بسيخ مش راضية تتطلع و الموضوع اتلعبك خااااااااالص!!!و انا اعصابى بايظة..فاياريت مساعدة من سيادتكم فى كيفية خروج هذا الـ:eek:..........

pooforever_2010

11-06-29 12:46 AM

رد: الحقونى!!! بندقيتى هتبوظ!!!!!!!!!!

اهدى كده وسمى الله وحاول تشوف حاجه اطول
وتحاول من الناحيه العكسيه وحتتطلع ان شاء الله

عادل عبده

11-06-29 12:49 AM

رد: الحقونى!!! بندقيتى هتبوظ!!!!!!!!!!

يابرنس عادى جدا
اضرب كام مره ممكن يتنطرو او هات حاجه حديد رفيعه اووووى وزوق بيها

YOSSEF EL MASRY

11-06-29 12:51 AM

رد: الحقونى!!! بندقيتى هتبوظ!!!!!!!!!!

اولا
هدي اعصابك خاص خالص
ثانيا
شوف سلكة تكون صلب حديد ناشف وياريت يكون قطرها اقل من قطر الرش ودخل السلكة دي عكس الاتجاة الي دخلت منة الخشبة والمنديل ومفيش مانع لو حطيت شوية زيت

احمد على

11-06-29 12:51 AM

رد: الحقونى!!! بندقيتى هتبوظ!!!!!!!!!!

lمدخلش اى سيخ حديد وتتعافى علشان متبوظش الشيش خان
حط شوية زيت فى الماسورة هتخلى المنديل ينكمش شوية وعمر واضرب وعمر واضرب وعمر واضرب احد ما السدة تطلع

hesham[MaFya]a

11-06-29 12:52 AM

رد: الحقونى!!! بندقيتى هتبوظ!!!!!!!!!!

منا عملت كل ده و مفيش فايدة دنا عملتهم بصلب عند حداد!!

هشام سمير

11-06-29 12:55 AM

رد: الحقونى!!! بندقيتى هتبوظ!!!!!!!!!!

بص يا سيدى اوعى تضرب على الفاضى علشان متبوش الجلبه ونهاية الكانون وكمان الضرب على الفاضى هيكبر المشكله
الحل يا سيدى لو عندك زيت w4 هتحط شويه فى الماسوره وتسبهم شويه وبعديد تجيب خيط صناره رفيع وطويل وتعديه فى ابره وتعديه الناحيه التانيه وبعديند بعد ما يعدى تشيل الابره وتحاول تعقده اكتر من مره لغاية ما يكون عقده كبيره وبعدين تشد من الناحيه الاخر لغاية ما تطلع المحشور فى الماسوره وياريت لو تكتر الزيت

hesham[MaFya]a

11-06-29 01:03 AM

رد: الحقونى!!! بندقيتى هتبوظ!!!!!!!!!!

بس يا باشا دا الحشر جامد اوى دا كمان خشبتين!!

dr mohamed kamal

11-06-29 02:32 AM

رد: الحقونى!!! بندقيتى هتبوظ!!!!!!!!!!

اقتباس:

المشاركة الأصلية كتبت بواسطة hesham[mafya]a (المشاركة 136069)

بس يا باشا دا الحشر جامد اوى دا كمان خشبتين!!

ممكن أعرف نوع البندقية , لو رمسيس ,يبقى تعمل الاتى 1- تحضر 3ملعقة كبيرةNaOH { بوتاص} صودا كاوية قشور و تذيبها فى نصف كوب ماء فى كوب زجاج بإحتراس ,سترتفع درجة حرارة الماء ,إحترس من أن يلامس السائل الجلد 2- بسرنجة بلاستك تأخذ 5سم وتضعهم فى فوهة البندقية وتتركهم 10 دقائق ,سيقوم محلول البوتاص بإذابة الخشب ,كل ذلك والبندقية مكسورة وتعمل زاوية قائمة مع الكانون و الفوهة إلى أسفل وبعد 10 دقائق وتثبت فوهة البندقية للارض وهى فى نفس الوضع ترجع الدبشك والكانون بحيث تبق البندقية جاهزة للضرب والفوهة كما هى لأسفل 3 - تضرب وهى فى هذاالوضع حتى لايدخل محلول البوتاص داخل الكانون 4-تثبت الماسورة وتكسر من الدبشك وتعيد الضرب و الفوهة للارض ,وبعد ما تسلك تضع جاز بالماسورة إلى أن تمتلاء وتقفلها بصباعك لمدة 2دقيقة و تغير الجاز وتكرر هذه العملية 3مرات, تحياتى

hesham[MaFya]a

11-06-29 02:33 AM

رد: الحقونى!!! بندقيتى هتبوظ!!!!!!!!!!

اقتباس:

المشاركة الأصلية كتبت بواسطة dr mohamed kamal (المشاركة 136136)

ممكن أعرف نوع البندقية

رمسيس يا دكتور.

fidodido

11-06-29 03:11 AM

رد: الحقونى!!! بندقيتى هتبوظ!!!!!!!!!!

يادكتور الكلام ده صعب اوى انه يتنفز فى البيت

fidodido

11-06-29 03:12 AM

رد: الحقونى!!! بندقيتى هتبوظ!!!!!!!!!!

قلبى معاك يا هشام

hesham[MaFya]a

11-06-29 03:24 AM

رد: الحقونى!!! بندقيتى هتبوظ!!!!!!!!!!

اقتباس:

المشاركة الأصلية كتبت بواسطة dr mohamed kamal (المشاركة 136136)

ممكن أعرف نوع البندقية , لو رمسيس ,يبقى تعمل الاتى 1- تحضر 3ملعقة كبيرةnaoh { بوتاص} صودا كاوية قشور و تذيبها فى نصف كوب ماء فى كوب زجاج بإحتراس ,سترتفع درجة حرارة الماء ,إحترس من أن يلامس السائل الجلد 2- بسرنجة بلاستك تأخذ 5سم وتضعهم فى فوهة البندقية وتتركهم 10 دقائق ,سيقوم محلول البوتاص بإذابة الخشب ,كل ذلك والبندقية مكسورة وتعمل زاوية قائمة مع الكانون و الفوهة إلى أسفل وبعد 10 دقائق وتثبت فوهة البندقية للارض وهى فى نفس الوضع ترجع الدبشك والكانون بحيث تبق البندقية جاهزة للضرب والفوهة كما هى لأسفل 3 - تضرب وهى فى هذاالوضع حتى لايدخل محلول البوتاص داخل الكانون 4-تثبت الماسورة وتكسر من الدبشك وتعيد الضرب و الفوهة للارض ,وبعد ما تسلك تضع جاز بالماسورة إلى أن تمتلاء وتقفلها بصباعك لمدة 2دقيقة و تغير الجاز وتكرر هذه العملية 3مرات, تحياتى

اشكرك ا دكتور هى صعبة شوية بس ممكن بأذن الله بس حضرتك مجربها؟؟

hesham[MaFya]a

11-06-29 03:29 AM

رد: الحقونى!!! بندقيتى هتبوظ!!!!!!!!!!

اقتباس:

المشاركة الأصلية كتبت بواسطة fidodido (المشاركة 136189)

قلبى معاك يا هشام

حبيـــــــــــــــــــبى يا فيدو شف اخرة الشقاوة..:o

fidodido

11-06-29 05:19 AM

رد: الحقونى!!! بندقيتى هتبوظ!!!!!!!!!!

هههههه هيا الرمسيس كده مغلبه الناس معاها ههههههه

rock	11-06-29 05:46 AM

رد: الحقونى!!! بندقيتى هتبوظ!!!!!!!!!!

اقتباس:

المشاركة الأصلية كتبت بواسطة احمد على (المشاركة 136054)

كلام جميل ... بس حط رشايه واضربها هتطلع كل اللى فى الماسوره ومتخفش الزيت هيخلى الاحتكاك مش موجود ... تحياتى .

hesham[MaFya]a

11-06-29 05:52 AM

رد: الحقونى!!! بندقيتى هتبوظ!!!!!!!!!!

اقتباس:

المشاركة الأصلية كتبت بواسطة rock (المشاركة 136246)

كلام جميل ... بس حط رشايه واضربها هتطلع كل اللى فى الماسوره ومتخفش الزيت هيخلى الاحتكاك مش موجود ... تحياتى .

لا يا باشا انا سألت لاقيت ان الزيت بيخلى الخشب يقفش و كمان لو ضربت على الفاضى الجلبة تبوظ و انا ضربت رشة اتحشرت جوة هى كمـــان بس طلعات الحمد لله.

rock	11-06-29 05:59 AM

رد: الحقونى!!! بندقيتى هتبوظ!!!!!!!!!!

تمام يا هشام الله ينور ... بس اقولك على حاجه ... لو معندكش سيخ تنضف بيه البندقيه ممكن تجيب حتة قطن (صغيره ) وتخيطها بابره وفتله طويله وبعدين تنزل الابره فى الماسوره (وطبعا الفتله طويله)لحد ماتنزل من الناحيه التانيه من الماسوره وشد الخيط بالراحه لحد ماتعدى القطنه فى الماسوره وتبقى تمام ان شاء الله ... تحياتى .

fidodido

11-06-29 07:13 AM

رد: الحقونى!!! بندقيتى هتبوظ!!!!!!!!!!

بص يا هشام معلش انا هقول كلام غريب شويه بس استحمله بص يا اتش روح عند اى حد بتاع ادوات صحيه و قوله انا عاوز السلك بتاع تسليك البلعات بجد و الله هتلاقيه سلك ناشف و قطره اقل من قطر الماسوره و رش زيت و سم الله و ان شأ الله البندقيه تبقى تمام

ahmadkader

11-06-29 08:16 AM

رد: الحقونى!!! بندقيتى هتبوظ!!!!!!!!!!

قلبى عندك يا هشام ،، بص يا سيدى أنا مرة حصلى حاجة شبه دى بس أنا الصراحة مخايتهاش العبك معيا للدرجة دى ، بص هات من عند كهربائى سوستة صلب اللى بيدككوا بيها السلك فى الحيطة ، هى بتبقى قوية جدا و لينة و فى نفس الوقت مبططة و تعديها للآخر و ممكن كمان تقطع منها قيمة متر و تيجى فى آخره و تطبق منه حته بتاعة 2 ميللى هتعمل معاك زى الخطاف تشد بيها المحشور ، إنما أهم حاجة تاخد بالك منها ، لو ضربت و الماسورة مسدودة كدا يبقى قول على الجلبة يا رحمن يا رحيم ، و لو حطيت عليها جاز الخشب هيقفش أزيد ، ممكن برضه تحط زيت و تبيتها ليلة معبية زيت فوق السدة و هى مكسورة و الزيت هيبوش الخشب و يخليه شبه العجينة

نصيحة أثناء كل تجاربك دى ، إوعى تلمش زناد البندقية و هى مكسورة حفاظا على سلامتك لأنى أعرف واحد عمل كدا و البندقية طيرتله صباعه

Eng\ Fekry

11-06-29 11:07 AM

رد: الحقونى!!! بندقيتى هتبوظ!!!!!!!!!!

اقتباس:

المشاركة الأصلية كتبت بواسطة yossef el masry (المشاركة 136053)

احب اضيف كمان انك تلف السيخ فى عكس اتجاة الشيش خان وانت بتضغط عليه زى مابتفك المسمار وان شاء الله تخرج معاك بسهولة

Android man

11-06-29 12:19 PM

رد: الحقونى!!! بندقيتى هتبوظ!!!!!!!!!!

تحب تأخد نصيحتي ولا هتقولو عليا مجنون
عموما انا هقول
انت تجيب شوية سبرتو وتحطهم في الماسورة وتولع وكل الي جوا هيتحول رماد وينزلو وبعد كده تنظف الماسورة بقي بفرشة خاصة وكل حاجة في التمام
وعموما السبرتو درجة حرارة احتراقو منخفطة جدا مش هتبوظ حاجة من دهان الماسورة الداخلي
وعن تجربة

ابو مروان

11-06-29 12:34 PM

رد: الحقونى!!! بندقيتى هتبوظ!!!!!!!!!!

كلام الاستاز هشام مظبوط_حط زيت كتير والمنديل الورق هاينهرى

mero1x

11-06-29 02:21 PM

رد: الحقونى!!! بندقيتى هتبوظ!!!!!!!!!!

يا جماعة ميتحطش زيت خالص او اى سوائل لأن الخشب هينفش ومش هيخرج
فكرة البطاس صح 100%
ولو عايز تعدى عليا البندقية السلكهالك مفيش مشكلة
وللعلم الموضوع دة حصل معايا قبل كدا وانا عارف القفشة دى كأن الماسورة مسدودة بلحام
بس من الاخر هتتسلك هتتسلك
وعموما نمرتى
0127687466 كلمنى وعلى اسوء الظروف هديك سيخ حديد ومعاة واحد واحدة هتلاقيها اتسلكة فجأة

hesham[MaFya]a

11-06-29 04:16 PM

رد: الحقونى!!! بندقيتى هتبوظ!!!!!!!!!!

اشكركم جميـــعاً لأهتمامكم و لكنى انا معايا السيخ الخاص لتسليك البنادق جبتة امبارح و لكن فعلاً يا أ/امير زى ما حضرتك بتقول زى اللحام!! و ان شاء الله لو امكن انى اجى لحضرتك هيحصل...تحياتى لك.

hesham[MaFya]a

11-06-29 04:17 PM

رد: الحقونى!!! بندقيتى هتبوظ!!!!!!!!!!

و لكن المشكلة بقى انى كمان عملت حاجة انا سخنت الماسورة و سلكت و بردة ماتلعطش!!!!!!!!

kemohabib

11-06-29 07:21 PM

رد: الحقونى!!! بندقيتى هتبوظ!!!!!!!!!!

روح ل بتاع كاوتش العربيات وخليه يسلط ضغط الكومبريسور عكس اتجاه دخول السداده بعد ما تحط ال wd40

adel152

11-06-29 09:56 PM

رد: الحقونى!!! بندقيتى هتبوظ!!!!!!!!!!

اقتباس:

المشاركة الأصلية كتبت بواسطة kemohabib (المشاركة 136709)

روح ل بتاع كاوتش العربيات وخليه يسلط ضغط الكومبريسور عكس اتجاه دخول السداده بعد ما تحط ال wd40

عمرك أطول من عمرى ياأستاذ كريم.
استاذ هشام حل ماسورة البندقية وعلى اقرب بتاع كوتش ده احسن واأمن حل. ممكن تاخد وقت شوية لكنه افضل حل.

YOSSEF EL MASRY

11-06-29 11:15 PM

رد: الحقونى!!! بندقيتى هتبوظ!!!!!!!!!!

اقتباس:

المشاركة الأصلية كتبت بواسطة hesham[mafya]a (المشاركة 136569)

و لكن المشكلة بقى انى كمان عملت حاجة انا سخنت الماسورة و سلكت و بردة ماتلعطش!!!!!!!!

كل اللي انت عملتة مش مشكلة ولكن التسخين مش كويس ابدا ابدا

imen_imen6

11-06-30 12:57 AM

رد: الحقونى!!! بندقيتى هتبوظ!!!!!!!!!!

السلام عليكم اولا احب اوضح انك اللى عملته ده غلط كبير اولا على جسم الماسورة من الداخل ثانيا لو عاوز تنظف الماسورة ممكن تجيب سيخ حديد صلب بس يكون رفيع مقدار مثلا 4 ملم وبعد كده تلف حتة قماشة قطن على السيخ من فوق وطبعا القماشة تكون متغرقة بزيت السلاح وبكده تقدر تنضف السلاح بتاعك مش عود خشب ومنديل

imen_imen6

11-06-30 01:00 AM

رد: الحقونى!!! بندقيتى هتبوظ!!!!!!!!!!

مين اللى قال ان خشب البنادق بينفش ده خشب زان مش خشب جميز وكمان ده مطلى بطبقة من الورنيش اللى بيديله لمعة وطبيعى ان الورنيش بيحميه من الميه ثانيا لازم تزيت السلاح واوعى تحط عليه ميه لا الميه بتخليه يصدى ويبوظ

dr_mohasan

11-06-30 01:02 AM

رد: الحقونى!!! بندقيتى هتبوظ!!!!!!!!!!

اقتباس:

المشاركة الأصلية كتبت بواسطة imen_imen6 (المشاركة 136945)

أخى الحبيب

أمير بيتكلم عن الخشب اللى هشام حطه جوه الماسورة , مش خشب الدبشك

dr mohamed kamal

11-06-30 01:40 AM

رد: الحقونى!!! بندقيتى هتبوظ!!!!!!!!!!

البوتاس البوتاس البوتاس البوتاس

hema777h

11-06-30 06:22 AM

رد: الحقونى!!! بندقيتى هتبوظ!!!!!!!!!!

اقتباس:

المشاركة الأصلية كتبت بواسطة dr mohamed kamal (المشاركة 137004)

البوتاس البوتاس البوتاس البوتاس

انا باييد الاقتراح دااا واقتراح ضغط الهواء هما دول الي هيجيبو من الاخر معاااااك

الساعة الآن 05:05 PM