بانسبه للناس الى فى التحرير
 

السلام عليكم احب اقول لكل الناس الى فاكره ان اهالى الشهداء هما الى فى التحرير ياريت تجيبو جرايد النهارده
دول مش اهالى شهداء دول بلطجيه
لما واحد ماسك shotgun و التانى بيضرب نار على الشرطه
و الله كده عيييب اوى الى بيعملوه ده
يارب الطف بينا

رد: بانسبه للناس الى فى التحرير
 

ده الي بقولو انهم رايحيين قاصدين شر

رد: بانسبه للناس الى فى التحرير
 

حرااااااااااااااااااااااااام نظلم اهالى الشهداء

رد: بانسبه للناس الى فى التحرير
 

والله الواحد بيحبط من الي بيحصل ده
الناس دي بتكره البلد ولا بيعملوا كده ليه!! يتقوا ربنا في بلدهم , بدل ما ينزل يشتغل ويتعب علشان تقف البلد على رجليها شغالين بلطجه وفتنه وخراب
حسبي الله ونعم الوكيل

رد: بانسبه للناس الى فى التحرير
 

يا جماعه الناس دى ولادها ميته ومتصابه لازم نعزرهم وسيبكم من كلام الجرايد دى لسنا متعلمناش
ان فيه ناس متحكمه فالحاجات دى نسيتوا التلفزيون وصروة الكورنيش والناس بتضرب بالنار
وشكرا

رد: بانسبه للناس الى فى التحرير
 

مش ممكن بل ومستحيل أن يكون اهالى الشهداء رايحين مسرح البالون علشان يتكرموا ومعاهم شوم واسلحة بيضاء وزجاجات مولوتوف دول أكيد ناس رايحة هناك ناوين على الشر.
الناس الوحيدة فى مصر اللى مش عايزة الشرطة ترجع تانى ويبقى فى أمن واستقرار فى البلد هم البلطجية ودى اسهل طريقة لبث الفتنة بين الشعب والشرطة والقوات المسلحة. لأنهم عارفين ان احنا شعب طيب وبنتعاطف مع اول خبر بنسعمه. هؤلاء يلعبون بمشاعر الشعب على حساب الشهداء واهاليهم حتى تظل البلد فى فوضى وبدون امن وهما مش عايزين اكثر من كده حتى يسرقوا وينهبوا ويغتصبوا ويقطعون الطرق بدون رادع.
ده رأيى الشخصى ويحتمل الصواب او الخطأ ولكنى لا أرى تحليل منطقى غيره.
وربنا يستر علينا كلنا وعلى بلدنا الحبيب مصر من أى خائن يارب.
تحياتى

رد: بانسبه للناس الى فى التحرير
 

رد: بانسبه للناس الى فى التحرير
 

يا جماعة الناس اللى فى السجون دول كانوا واصلين ومعاهم مليارات مش ملايين
يعنى يقدروا بفلوسهم يعملوا اى ربكة او انفلات متعمد
لكن فى نفس الوقت ما ينفعش نحكم على كل اللى فى التحرير انهم وحشين
انا عن نفسى مش راضى عن الاداء بعد الثورة
وشايف اننا متثبتين من القوات المسلحة رغم احترامى الشديد لهذه المؤسسة التى حمت مصر
لكن لحد دلوقتى مفيش اى حكم علشان قتل المتظاهرين الا الحكم بالاعدام على امين شرطة هارب
طيب وفين باقى الناس اللى قتلوا الناس فى الشوارع عياناً بياناً ؟
وفين الحكم على الحرامية الوزراء ؟
الاثنين ثلاثة اللى اتحكم عليهم اتحاكموا فى قضايا فساد مالى ... وفين الخراب اللى عملوه فى البلد ؟
لازم نتروى فى الحكم

رد: بانسبه للناس الى فى التحرير
 

لا حول ولا قوة الا بالله..