الصيد فى مصر - محتاجه مسدس في الاسكندريه

الصيد فى مصر (http://www.egyhunt.net/index.php)

- محدثات الصوت (http://www.egyhunt.net/forumdisplay.php?f=81)

- - محتاجه مسدس في الاسكندريه (http://www.egyhunt.net/showthread.php?t=11589)

نهله	11-07-01 12:42 PM

محتاجه مسدس في الاسكندريه

ازيكو عاملين ايه دي اول مره اخش فيها المنتدي بس انا بصراحه محتاجه مسدس صوت يكون شكله كبير ويخوف ويكون مستعمل عشان سعره يبئي مناسب بجد انا محتاجه جدا وانا في اسكندريه عاوزه اللي يقدر يساعدني يساعدني وشكرا ليكو

samirpop2

11-07-01 01:00 PM

رد: محتاجه مسدس في الاسكندريه

الاسعار كلها نزلت وانا اعرف عندكو في اسكنديه اسعار كويسه جدا افضل ليكي تشتري جديد

نهله	11-07-01 01:02 PM

رد: محتاجه مسدس في الاسكندريه

بس الجديد غالي

za2r2lel

11-07-01 01:32 PM

رد: محتاجه مسدس في الاسكندريه

راجعى اخر الاسعار هنا

والتاجر ده من عندكو من اسكندريه وربنا يوفقك

اول مره اشوف بنت هتمسك مسدس للحمايه؟؟؟ربنا يستر

http://www.egypthunt.net/showthread.php?t=10374

ولو اى بنت هتجيب انصح بالحجم الصغير فى الايكول تونا ب 500 جنيه جديد
او الايكول فولجا ب 700 جديد

وفى طبعا اغراض حمايه اخرى المنتدى هنا بيوفرها اى سلف ديفنس او اليكتريك شوك.....

خوفو	11-07-01 02:10 PM

رد: محتاجه مسدس في الاسكندريه

المسدس هيحطك فى موضع سبهه حتى ولو كان صوت حجات البنات مينفعش تشلها اينتى ممكن تشيلى رزاز كهربه أو ممكن تشترى اسبراى حارق للعنين ده أفضل ليكى عشان محدش يغلس عليكى من الشرطه الاشياء الثانيه أفضل ليكى لان لى شلتيها محدش هيكلمك لاكن المسدس هيعملك مشاكل لاكن لو مصممه على مسدس قولى مزنيتك كام علشان الاخوه فى المنتدى يقدرو يسعدوكى

نهله	11-07-01 02:15 PM

رد: محتاجه مسدس في الاسكندريه

انا مش همشي بيه في الشارع انا عاوزاه في البيت والسيلف ديفنس والحاجات الكهربا مش هتنفع انا عاوزه مسدس ويكون حجمه كبير بيخوف ومش عارفه الائي مستعمل فين

Peace Missile

11-07-01 02:25 PM

رد: محتاجه مسدس في الاسكندريه

مرشحش لحضرتك انك تشيلى مسدس حتى لو كان صوت .... السلاح الصوت ..بردة فيه مواضيع كتير ... واحنا هنا فى المنتدى فيه ناس كتير بتحب الاقتناء وانا واحد منهم ... لكن مسدس الصوت مشكلته ان لو حضرتك مثلا تعرضتى لهجوم على منزلك .. واشهرتى سلاحك ( الصوت ) فى وش الحرامى او البلطجى .. وضربتى بيه طلقيتن .. وطبعا طلعو صوت .. تاكدى تماما ان البلطجى ممكن لو مكنش عايز يقتلك وعايز يسرقك بس .. الحركة دى هتستفذوا اكتر .. وهتخليه يقتلك ...ربنا يسترها على اى حال وعموما حاليا فى حركه بيع لمسدسات الصوت المستعمله كبيرة جدا والجديد سعره نزل كمان لتغير احوال البلاد نوعا ما بعد الثورة وفيه ناس كتير اشترت وملقتلوش لازمه معاها .....نصيحتى لحضرتك .. خليى فى الالكتريك حاجه تكون قويه ...او تسيبيها على الله

ms3111

11-07-01 02:29 PM

رد: محتاجه مسدس في الاسكندريه

حتلاقى انشاء اللة فى ناس كتير عارضة

بس نصيحة منى حضرتك بس يا ريت تقرى شوية فى المنتدى الجميل دة قبل متشترى على أساس تتعرفى على اشكال المسدسات و المميزات والعيوب لكل مسدس وبعد كدة تقررى انتى حتشترى اية

و بالتوفيق تلاقى الى انتى عايزاة

نهله	11-07-01 02:31 PM

رد: محتاجه مسدس في الاسكندريه

طيب الناس اللي بتعرض مستعمل بتبئي في انهو قسم

bravehro1

11-07-01 02:33 PM

رد: محتاجه مسدس في الاسكندريه

انتي عامله حسابك على كام فلوس

نهله	11-07-01 02:45 PM

رد: محتاجه مسدس في الاسكندريه

والله ما عارفه ممكن 800

fadyibrahem

11-07-01 03:46 PM

رد: محتاجه مسدس في الاسكندريه

نهلة احسلك اول ماحد يجى عند البيت صوتى احسن من المسدس
واحسن مسدس برونى p4 j / 0126856370

TITODJ

11-07-01 03:59 PM

رد: محتاجه مسدس في الاسكندريه

نهلة ربنا يكون فى عونك وعون كل المصريين فى الوقت الحالى دة من البلطجية وانا عارض مسدس للبيع شبة الحقيقى بالظبط واللى يشوفو يقول حقيقى ما يفارقو عن الاصليى لان المسدس دة شبة مسدس اسمو حلوانى بيستعملو الشرطة المصرية بالظبط ودة عنوان الموضوع خشى على الرابط دة وعايزك تخلى بالك من نقسك ولو عجبك المسدس اوصلهولك لغاية البيت ومن غير فلوس كلنا اخوات ودة رقمى 0126345424 وتحياتى للجميع

http://www.egypthunt.net/showthread....578#post126578

ودى صورة لة للتوضيح

http://www.giantup.com/uploads/giant...0849604818.jpg

نهله	11-07-01 04:22 PM

رد: محتاجه مسدس في الاسكندريه

مرسي ليك بس انا شفت صور مسدس اسمه بروني p4 ومسدس تاني اسمه Blow c06
ممكن اعرف بكام مستعمل

Hany Ekram

11-07-01 05:10 PM

رد: محتاجه مسدس في الاسكندريه

إرشحلك الايكول p29 و بميزانيتك دي تقذري تشتريه جديد و علي فكرة المسدس ده من المسدسات اللي بتصرب بلي
و في مواصيغ كتير بالمنتدي بخصوص الموضوع ده و علي فكرة المسدس آلبلو بيضرب بلي سعره جديد من 1100 إلي
1200 جنيه جديد و بالنسبة لسعره مستعمل الله

و ربنا يسترها عليكي و علينا

sayedlabib

11-07-01 05:24 PM

رد: محتاجه مسدس في الاسكندريه

حضرتك روحى عند مهندس هيثم خضر فى شارع خالد بن الوليد بجوار قهوة ابو شوشه اخر محل فى الممر التجارى اسمه محل لخضر لادوات الصيد الراجل ده محترم جدا واسعاره ممتازة وهايجيب لحضرتك اى شئ بالثمن المناسب

sayedlabib

11-07-01 05:25 PM

رد: محتاجه مسدس في الاسكندريه

وعن جد انا ارشح لحضرتك الايكول تونا ال8 مللى هو حجمه صغير لكنه قوى جدا وسعره 500 جنيه

YOSSEF EL MASRY

11-07-01 05:33 PM

رد: محتاجه مسدس في الاسكندريه

يا استاذة نهلة

اقترح المسدس اسبيشيال 99 حجمة متوسط 9 مم وسعرة كويس
او البلو س 6 ودة سعرة قريب منة زي مانتي طلبة وفي حاجات اكبر واتوماتيك زي الجاكال التركي

نهله	11-07-01 05:35 PM

رد: محتاجه مسدس في الاسكندريه

اوك البلو سي عاوزاه بسعر مناسب اجيبه ازاي ومنين وبكام

sayedlabib

11-07-01 05:53 PM

رد: محتاجه مسدس في الاسكندريه

1200 او 1150 منين زى ماقولت لحضرتك لان ده الوحيد اللى انا اعرفه فى الاسكندرية وكنت بروح اجيب منه مع انى من القاهره

محمد حافظ بك

11-07-01 06:18 PM

رد: محتاجه مسدس في الاسكندريه

ارشحلك ايكول فولجا لانه 9 ملل و اسعار طلقاته مناسبة و انا من سموحة لو عندك اي استفسار

hunter store

11-07-01 06:53 PM

رد: محتاجه مسدس في الاسكندريه

حضرتك متاح عندنا جميع الموديلات

ممكن تبصى عليها فى الرابط اللى فى التوقيع

نهله	11-07-01 09:23 PM

رد: محتاجه مسدس في الاسكندريه

حضراتكم بتئولو جديد انا عاوزه واحد مستعمل نضيف

tarekvb

11-07-01 10:04 PM

رد: محتاجه مسدس في الاسكندريه

متابعة الادارة

koktal

11-07-01 10:10 PM

رد: محتاجه مسدس في الاسكندريه

اقتباس:

المشاركة الأصلية كتبت بواسطة sayedlabib (المشاركة 138473)

يا أستاذة/ نهلة .. زى الأستاذ/ سيد ما قال هتروحى للمهندس/ هيثم خضر .. وهو هيشوفليك اللى انتى عايزاه .. تحياتى ..

محمد المهدى

11-07-01 10:30 PM

رد: محتاجه مسدس في الاسكندريه

هيثم خضر مهندس محترم ممكن يساعد معاكى بالمشورة قبل البيع

شكرا

خوفو	11-07-02 01:31 AM

رد: محتاجه مسدس في الاسكندريه

حضرتك عوزه واحد للحمايه فى البيت يبقى أنصحك بمسدس بيضرب بلى مسوره مفتوحه من المصدر البلو سى 6 متغيرله الطبه علشان يضرب بلى أحسن

النونه

kiko_2015

11-07-02 04:13 AM

رد: محتاجه مسدس في الاسكندريه

مبروك يا استاذه نهله..اعلي نسبة مشاركه من الاعضاء في موضوعك..مع اول مشاركه ليكي
ده كلام جميل d:

jamayka

11-07-02 04:15 AM

رد: محتاجه مسدس في الاسكندريه

اقتباس:

المشاركة الأصلية كتبت بواسطة kiko_2015 (المشاركة 138902)

مبروك يا استاذه نهله..اعلي نسبة مشاركه من الاعضاء في موضوعك..مع اول مشاركه ليكي
ده كلام جميل d:

ههههههه يا باشا منتا عارف ان الشعب المصرى شعب خدوم و بيحب يساعد

kiko_2015

11-07-02 04:41 AM

رد: محتاجه مسدس في الاسكندريه

اقتباس:

المشاركة الأصلية كتبت بواسطة jamayka (المشاركة 138904)

ههههههه يا باشا منتا عارف ان الشعب المصرى شعب خدوم و بيحب يساعد

لو لم اكن مصريا لوددت ان اكون مصريا

نهله	11-07-02 08:34 AM

رد: محتاجه مسدس في الاسكندريه

علي فكره انا متشكره لكل الاعضاء اللي حاولوا يساعدوني بس الحمدالله انا خلاص اتفقت مع احسن وانضف تاجر سلاح هوا الاستاذ هشام وانشاءالله هستلم المسدس منه يوم الاتنين وعلي فكره بنصح كل اللي عاوز يشتري مسدس لازم يجرب معامله الاستاذ هشام بجد انسان خدوم ومحترم ومش مادي ولا انتهازي ربنا يباركله ويعوضه خير انشاء الله بس علي العموم انا هفضل معاكو هنا في المنتدي بسبب انب بئيت مهتمه بالاسلحه وكمان معاملتكم الكريمه

ramyhekal

11-07-02 09:12 AM

رد: محتاجه مسدس في الاسكندريه

اقتباس:

المشاركة الأصلية كتبت بواسطة jamayka (المشاركة 138904)

ههههههه يا باشا منتا عارف ان الشعب المصرى شعب خدوم و بيحب يساعد

دا انت مشكله ياجمايكا هههههههه

gamopt80

11-07-02 09:23 AM

رد: محتاجه مسدس في الاسكندريه

اقتباس:

المشاركة الأصلية كتبت بواسطة jamayka (المشاركة 138904)

ههههههه يا باشا منتا عارف ان الشعب المصرى شعب خدوم و بيحب يساعد

:d اكييد
كان نفسي احط تعليق بس خليني مكتوم احسن هههههههه

ramyhekal

11-07-02 09:28 AM

رد: محتاجه مسدس في الاسكندريه

اقتباس:

المشاركة الأصلية كتبت بواسطة gamopt80 (المشاركة 138968)

:d اكييد
كان نفسي احط تعليق بس خليني مكتوم احسن هههههههه

هههههههههههه
مظبووووووووووط
ما انا بقول كده بردو

sayedlabib

11-07-02 10:55 AM

رد: محتاجه مسدس في الاسكندريه

منين حكمتى ان هشام احسن وانضف تاجر كلنا بنحبة ده صحيح لكن انتى اول مره تشترى سلاح عشان تقارنى بينه وبين اى حد جربى الناس التانية عشان تحكمى ولا ايه المقارنه يا استاذه بتكون بين شيئين معلومين لكن عشان اقارن معلوم بمجهول ابقى ظلمت اللى معرفوش ارجو من حضرتك تبقى تشوفى الباقى قبل ماتحكمى ان هشام احسن وانضف مع احترامى للجميع هذه نصيحة فقط وعموما لو انتى فى القاهره كنت اديتلك البلو جديد ب 900جنيه فقط شوفى بقى انتى هاتشتريه بكام

sayedlabib

11-07-02 10:56 AM

رد: محتاجه مسدس في الاسكندريه

واظن كده الموضوع بقى واضح للجميع شغل جامعات بقى

نهله	11-07-02 11:10 AM

رد: محتاجه مسدس في الاسكندريه

اولا كلامي مكنتش اصدا بيه اني اقلل من حضراتكم او ان الاستاذ هشام كويس والباقي نصابين بس هيا جت اني كنت لسه اول مره اخش المنتدي امبارح اعد اقرا مواضيع كتير جدا ولائيت اشاده من ناس كتير بالاستاذ هشام فا انا بعت نمرته لجوزي عشان يكلمه عشان جوزي مسافر مش هنا فلما كلمه لائاه انسان كويس ومحترم وبعديها انا كلمته لائينه فعلا انسان محترم جدا وكلامه في منتهي الشياكه والادب ومريح في كلامه وطريقته عشان كده اولت عليه كده بس مظلمتش حد مجرد انسان بيعمل معايا خدمه فا كان لازم اديله حقه بس مش اكتر الحكايه مش انقاص للاخرين وعلي العموم يا استاذ سيد انا اسفه لو كلامي اتفهم بصوره غلط وللاسف انا من اسكندريه مش من كايرو والرجو من الجميع انه يتقبل اعتذاري لو كنت دايقت حد

sayedlabib

11-07-02 11:11 AM

رد: محتاجه مسدس في الاسكندريه

اقتباس:

المشاركة الأصلية كتبت بواسطة kiko_2015 (المشاركة 138902)

مبروك يا استاذه نهله..اعلي نسبة مشاركه من الاعضاء في موضوعك..مع اول مشاركه ليكي
ده كلام جميل d:

حضرتك عارف انى الحمد لله واعضاء المنتدى بيساعدوا كل الناس حتىلو مالهومش مشاركات واسلوب حضرتك فى التهكم على الاعضاء مرفوض

sayedlabib

11-07-02 11:14 AM

رد: محتاجه مسدس في الاسكندريه

مفهوم كلام سيادتك بس دى كانت نصيحة لحضرتك انك كان ممكن تقولى انهمن افضل الناس ولكن ليس هناك مشكله على الاطلاق الموضوع اصله بسيط جداجداجدا من كل النواحى بس انا مش عارف ليه فى بعض الاعضاء مصممين على اظهار كل من يريد المساعده بصوره سيئه اما استاذ هشان فانا قولت لحضرتك ان كلنا بنحبه لكنه ليس الافضل وهذا معروف وشكرا

sayedlabib

11-07-02 11:20 AM

رد: محتاجه مسدس في الاسكندريه

اقتباس:

المشاركة الأصلية كتبت بواسطة ramyhekal (المشاركة 138971)

هههههههههههه
مظبووووووووووط
ما انا بقول كده بردو

يا احمد يا جامو فى ناس كده وناس كده وبلاش يا حبيبى كده

هشام سمير

11-07-02 11:31 AM

رد: محتاجه مسدس في الاسكندريه

الاخوه الافاضل احنا فى منتدى محترم
واعضاء محترمين تربطهم هواية الملوك والنبلاء والشرفاء فعلى الجميع التزام آدبالحديث وعدم التهكم بأى صوره كانت

هشام سمير

11-07-02 11:33 AM

رد: محتاجه مسدس في الاسكندريه

اقتباس:

المشاركة الأصلية كتبت بواسطة نهله (المشاركة 138960)

متشكر جداً لزوق حضرتك اختنا الكريمه وان شاء الله على اتفاقى مع البشمهندس تامر
وربنا يديم عليك نعمة الامن

هشام سمير

11-07-02 11:39 AM

رد: محتاجه مسدس في الاسكندريه

اقتباس:

المشاركة الأصلية كتبت بواسطة sayedlabib (المشاركة 138988)

الاخ الغالى سيد حبيب
عندك حق فى كلامك ربما الاخت لم يسعفها التعبير وتعاطفت مع حسن المعامله التى نعامل بها الجميع فوصفتنى ذلك الوصف
على فكره لو تلاحظ ان مردتش فى العرض بتعها
ومعظم التجار فى المنتدى محترمين واحسن منى بكتير مع انى اقدم تاجر هنا فى المنتدى وطبعاً حضرتك من اكت الناس المحترمين

بسام سعيد

11-07-02 11:46 AM

رد: محتاجه مسدس في الاسكندريه

لاحول ولاقوة الا بالله

الساعة الآن 01:27 AM