انا اللي كلت الجبنه
 

بصراحه يا جماعه انا من ساعت ما سمعت خبر براة بعض الوزراء و رجال الاعمال
و انا متلخبط

حاجه تجنن....


اما الناس دي خدت براه ده معناه ان الناس اللي عملت الثوره ناس مفتريه و جاحده و ناكره للجميل و ان الوزراء دول كانوا ناس شرفاء و احنا رمينا بلانا عليهم .....
الله...... اما الناس دي طلعوا شرفاء امال فلوس البلد دي راحت فين





اقولكوا انا بقى الفلوس دي راحت فين





احنا اللي سرقنا الفلوس و احنا اللي قتلنا ولادنا و اخواتنا في التحرير و احنا كمان اللي كنا بنعذب ظباط الشرطه في امن الدوله لحد ما اتجننوا او ماتوا
و احنا كمان اللي نهبنا فلوس الدوله بدعوى العلاج على نفقة الدوله
و احنا كمان اللي اهدرنا الملايين علشان نصدر الغاز لاسرائيل بالخساره
واحنا اللي هربنا فلوس البلد بره
واحنا اللي لما اتقبض كلينا قلنا طظ في الجنسيه المصريه
واحنا اللي منعنا الفلاحين من زراعة القمح و الارز
و احنا اللي جوعنا الشعب
و احنا اللي رفعنا البطاله بين الشباب
و احنا اللي بيعنا شركات القطاع العام و نهبنا فلوسها بدعوى الخصخصه
و احنا كمان اللي ربينا الجمل اللي طلع على المتظاهرين في التحرير في يوم الموقعه الشهيره
واحنا .....و احنا.......و احنا

اقولكم .....


انا اللي كلت الجبنه

مع الاعتذار لفيلم ابو علي

رد: انا اللي كلت الجبنه
 

دلوقتي في تواطء جامد اوي من الحكومة ومن الجيش المفروض الناس دي تتحاكم من بدري وكان زمانتهم مرمين كلهم في السجن
يعني ايه استمرار وحكم براءة دي ثورة مش مجرد محاكمة لشوية فاشدين

رد: انا اللي كلت الجبنه
 

لو انت اللي كلت الجبنه
اقدر اقولك بالهنا و الشفا..مطرح ما يسري يمري
واللي سرق يسرق تاني..واللي قتل يقتل تاني,,واللي اغتصب يغتصب تاني

ياريتني طلعت ياباني