حد ساكن فى اسكندريه حاول يشترى سكوب من على النت؟؟
 

السلام عليكم,
ياجماعه انا ليا استفسار كده و برده يعتبر مشوره قانونيه و زى ماكتبت فى العنوان كده
حد ساكن فى اسكندريه حاول يشترى سكوب من على النت؟؟
لان انا جربت اشترى سكوب من على النت و وصل فعلا مصر "القاهره" و عدى تمام من جمارك القاهره لغايه ماوصل اسكندريه و معرفش ايه اللى حصل الطرد وقف فى مكانه محلك سر بقاله 5 ايام....قلت اتصل بالبريد عشان اعرف ايه النظام...ردت على ست كبيره فى السن و بكل احترام قالتلى من فضلك ادينى الرقم الطرد.....ماكدبتش خبر و اديتهم رقم الطرد...الست قالتلى استنى شويه كده....و بعد 10 دقايق مستنى على الخط... لقيتها بتقولى هو الطرد ده فيه ايه يابنى....انا طبعا استغربت السؤال...فقلتلها هديه كده لأخويا الصغير.....قالتلى اصل الطرد ده محجوز فى الأمن....انا طبعا وشى جاب الوان...قلتلها طب ليه...قالتلى انت تيجى بكره المكتب قسم طرود الجمرك العينات المسجله و تعرض الطرد على ضابط او حاجه زى كده.
فياترى هى الطرود بتتفتش تانى فى الاسكندريه و لا ايه...
و صراحه أنا مش عارف اروح ولا لأ....خايف اروح تحصل مشاكل....و لو مروحتش مصير الطرد ايه؟؟؟
ياريت بردو الخبراء القانونيين يردو على.
شكرا جزيلا.

رد: حد ساكن فى اسكندريه حاول يشترى سكوب من على النت؟؟
 

التليسكوبات ممنوعة والطرد سو ف يتصادر ودون مسئولية قانونية عليك بس قول انا معرفش انها ممنوعة وكنت شاريها لاخي الصغير

رد: حد ساكن فى اسكندريه حاول يشترى سكوب من على النت؟؟
 

انت مش عامل حاجه غلط, هو لو ممنوع مكنش دخل مصر اساسا
وبعدين دا سكوب مش جريمه يعني!!
روحلهم واكيد هيسالوك كام سؤال , جايبه ليه وهتعمل بيه ايه والكلام ده, وتاخده وتروح

رد: حد ساكن فى اسكندريه حاول يشترى سكوب من على النت؟؟
 

رد: حد ساكن فى اسكندريه حاول يشترى سكوب من على النت؟؟
 

بالتوفيق ان شاء الله تعالي وربنا ما يجيب مشاكل خالص

رد: حد ساكن فى اسكندريه حاول يشترى سكوب من على النت؟؟
 

متشكر جدا للردود ياجماعه..... و اتمنى ان الاخ "wknm" يبعتلى نمرته على الخاص عشان اعرف عمل ايه..

رد: حد ساكن فى اسكندريه حاول يشترى سكوب من على النت؟؟
 

رد: حد ساكن فى اسكندريه حاول يشترى سكوب من على النت؟؟
 

وبعدين ده سكوب لبندقية رش، والبنادق الرش في كل الدنيا بيركب عليها سكوب وبتخرج حتي كده من المصنع.... يعني ايه منع!! هو استهبال

اعتقد ان ده تعسف وخصوصا ان الحاجة دي عدت قبل كده ولا يوجد اي مبرر للمنع.... فمتسبش حقك

رد: حد ساكن فى اسكندريه حاول يشترى سكوب من على النت؟؟
 

رد: حد ساكن فى اسكندريه حاول يشترى سكوب من على النت؟؟
 

أنا سمعت عن موضوع انها ممنوعة قانوناً.... لكن الموضوع ليس له أي مبرر زي ما قلت لان دي حاجة من مستلزمات بنادق الصيد الاساسية وبتستخدم في كل الدنيا، وبعدين هو اللي بيغتال واحد جاب البندقية ومعرفش يجيب السكوب فبعت يجيب واحد صيني من علي النت!!

رد: حد ساكن فى اسكندريه حاول يشترى سكوب من على النت؟؟
 

رد: حد ساكن فى اسكندريه حاول يشترى سكوب من على النت؟؟
 

ما هو موضوع اسوأ الظروف ده مش هينفع لازم يكون فيه المام بحاجات الناس وتعارضها مع اسوأ الظروف دي، يعني يكون فيه دراسة وافية للموضوع وقوانين عادلة واي بلد محترمة أكيد بتعمل كده... وبما اننا الحمد لله بقينا بلد محترمة يبقي مينفعش نرضي بالتصرفات دي!

وبعدين يا حازم بيه انت معانا ولا معاهم :d

رد: حد ساكن فى اسكندريه حاول يشترى سكوب من على النت؟؟
 

رد: حد ساكن فى اسكندريه حاول يشترى سكوب من على النت؟؟
 

رد: حد ساكن فى اسكندريه حاول يشترى سكوب من على النت؟؟
 

رد: حد ساكن فى اسكندريه حاول يشترى سكوب من على النت؟؟
 

رد: حد ساكن فى اسكندريه حاول يشترى سكوب من على النت؟؟
 

رد: حد ساكن فى اسكندريه حاول يشترى سكوب من على النت؟؟
 

انا شوفت اسكوبات علي النت بأسعار وهمية جداً واعتقد انها تفرق عن الاسكوبات اللي بتستخدم مع بنادق الصيد اختلاف كبير خصوصا في الخامات.... في حاجات كانت معدية 3 الاف دولار

رد: حد ساكن فى اسكندريه حاول يشترى سكوب من على النت؟؟
 

رد: حد ساكن فى اسكندريه حاول يشترى سكوب من على النت؟؟
 

اهي هيه دي بقي السكوبات للاسلحة الحيه لذلك لا يكتب عليها airrifle scope

رد: حد ساكن فى اسكندريه حاول يشترى سكوب من على النت؟؟
 

و هي دي الي المفروض تكون ممنوعه مش تلسكوبات الاير رايفل الي هي تعتبر لعبه بجانب هذه التلسكوبات ... بس نقول لمين ونفهم مين هي الثوره قامت من شي شويه هههههههه

رد: حد ساكن فى اسكندريه حاول يشترى سكوب من على النت؟؟
 

اولا يا سيدي الفاضل المفروض ان الطرد مادام عدا من الجمارك لا يفتح مرة اخري ابدا و بيوصلك البيت عليه سكوتش كده مكتوب عليه customs و ده اللي الجمارك بتقفل بيه الطرد مره اخري بعد التفتيش
ثانيا انت روحلهم و شوف ايه الحكاية و لا تقلق انت مفيش عليك اي مشكلة و لو غلس قله مش انا اللي شارية ده مبعوتلي هدية و معرفتش اصلا في ايه في الطرد غير دلوقتي :)
ثالثا السكوب نفسه المفروض مايكونش ممنوع لان بتاع البنادق الرش لا يمكن استخدامه علي البنادق الحية لاختلاف في حاجه اسمها (Eye releif distance) و ملوش علاقة بالارتداد ولا حاجة لكن الرماية بيه مستحيلة و حتي سكوبات الحي ال Rim fire السكوب بتاعها مايركبش علي البنادق التي تعمل بالذخيرة اللي ليها primer خارجي

رد: حد ساكن فى اسكندريه حاول يشترى سكوب من على النت؟؟
 

طالما الشراء عن طريق النت اكيد الدفع عن طريق كارت الائتمان!!!!
معنى كده اكيد فى فاتورة مع التليسكوب باسم صاحب الكارت. يبقى ازاى مبعوت هدية وميعرفش ايه اللى فى الطرد؟
الصراحة مافيش احسن منها.

اعتقد اسوء الامور سيتم التحفظ على التليسكوب لأن ده حصل قبل كده فى مطار القاهرة.
وده رابط الخبر على مصراوى
http://www.masrawy.com/News/Cases/Ge...8/airport.aspx
وعلى فكرة دى كانت محاولة لتهريب بنادق هوائية وتليسكوب لكن الاخوة العضاء لم يحاولوا تهريبه ولكنه داخل البلد بطريق شرعى (البريد).
أن شاء الله ربنا يسترها مع الاخوة الاعضاء والموضوع يعدى على خير.

رد: حد ساكن فى اسكندريه حاول يشترى سكوب من على النت؟؟
 

لا الفاتورة بتيجي مكتوب فيها الصنف و السعر بس لكن مستحيل يكتب فيها رقم الفيزا
دي معلومة سرية.
انا باشتري من علي النت علي طول و ده اللي بيحصل معايا بس مش حاجات سلاح معدات دراجات سباق :)

رد: حد ساكن فى اسكندريه حاول يشترى سكوب من على النت؟؟
 

انا ماقولتش حاجة عن رقم الكارت. لكن اسم صاحب الكارت بيكون موجود على الفاتورة.

رد: حد ساكن فى اسكندريه حاول يشترى سكوب من على النت؟؟
 

بيكون اسم المرسل اليه علشان سهولة التعامل بعد كده و لو في ضمان او مرتجعات و اسم اللي اشتري او صاحب الفيزا بيفضل عند الشركة مش بتفصح عنه

رد: حد ساكن فى اسكندريه حاول يشترى سكوب من على النت؟؟
 

شكرا علي المعلومات المفيدة

رد: حد ساكن فى اسكندريه حاول يشترى سكوب من على النت؟؟
 

أخى العزيز من فترة كبيرة فى اوروبا ممنوع استعمال كروت ائتمان مثل الفيزا والماستر كارت...الخ عن طريق النت الا لصاحب الكارت نفسه وتكون مرسله على عنوانه المقيد فى بينات الكارت وقت الاستعلام من الشركة عن بيانات صاحب الكارت.
والفاتورة بتكون فى داخل الطرد وفيها الاسم وأخر اربع ارقام فقط من الكارت المستخدم وتاريخ وساعة الاستخدام من قبل الشركة لتحويل المبلغ لحسابهم + رقم كودى لمعرفة الجهة التى تم تحويل المبلغ لحسابها.

رد: حد ساكن فى اسكندريه حاول يشترى سكوب من على النت؟؟
 

رد: حد ساكن فى اسكندريه حاول يشترى سكوب من على النت؟؟
 

وينور عليك ياعصام باشا وكفاية صورة حضرتك منورة المنتدى كله
خالص تحياتى

رد: حد ساكن فى اسكندريه حاول يشترى سكوب من على النت؟؟
 

شكرا لكل من شارك فى الموضوع.... و هما على فكره مش محتاجين لرقم الكارد و لا دياولو ...انا خلصت و قلتلهم اسمى الرباعى و العنوان :)......وبالنسبه للسكوب هو مكتوب عليه "air rifle" و فيه تحّذير من الاستخدام للأسلحه الناريه يعنى مينفعش استخدمه للسلاح النارى.....وانا بالمناسبه لما كنت بدور على سكوبات كانت فى حجات اسعارها معقوله و دايما كان يبقى مكتوب عليها For Air Rifle" و سعات "Rim Fire" و كانت فى حجات اسعارها رهيبه و دى كانت للسلاح النارى....انا اعتقد ان المفروض يتمنع النوع التانى ده بتاع بنادق القنص....

رد: حد ساكن فى اسكندريه حاول يشترى سكوب من على النت؟؟
 

ازيك يأستاذ عادل....اتمنى انك تكون فى تمام الصحه.

رد: حد ساكن فى اسكندريه حاول يشترى سكوب من على النت؟؟
 

انا كويس والحمد لله وحأكون احسن لما تطمنا عليك فى هذا الموضوع. ان شاء الله مايكونش فى اى مشكلة لحضرتك ياأستاذ باسم.
برجاء تطمنا اول ماتنتهى من الموضوع ده على خير بأذن الله.
تحياتى

رد: حد ساكن فى اسكندريه حاول يشترى سكوب من على النت؟؟
 

ان شاء الله هاروح اسلم نفسى بكره فى مكتب البريد و الموضوع يخلص على خير بأذن الله......

رد: حد ساكن فى اسكندريه حاول يشترى سكوب من على النت؟؟
 

رد: حد ساكن فى اسكندريه حاول يشترى سكوب من على النت؟؟
 

معلش هو فعلا ممنوع استعمال الفيزا الا لصاحبها. و بيتاكدوا من ده عن طريق ادخال بياناته المسجله لدي البنك في billing adress لكن ال shipping adress ممكن يختلف علشان لو صاحب الكرت نفسه في عنوان اخر و عايز الحاجه تروح عليه او عايز يبعت هدية باسم شخص تاني علي عنوان تاني

و ساعتها الفاتورة بتروح علي عنوانه المسجل لدي البنك billing adress و الفاتورة الاخري مع الشحنه علي عنوان الشحن

و لو اي حد اشتري من النت ممكن يتاكد لما هيلاقي في checkout بيطلب منه انه يسجل الاتنين
و كل مره ممكن اسم مختلف
و صاحب الموضوع ممكن ياكد اذا كان ده حصل معاه او لا
و اللي عايز يجرب بنفسه يدخل امازون مثلا و يجرب يعمل checkout باي حاجه بس ميكملش للاخر طبعا :)

و بالمناسبه القيد بتاع منع استخدام الفيزا الا من صاحبها فعلا موجود بس عدد قليل اوي من المواقع بيلتزم بيه و ده من تجربتي الشخصيه. كتير بادخل اي عنوان وهمي او عنوان ارامكس نفسه رغم انه اكيد مش عنواني المسجل لدي بنكي و بتقبل

رد: حد ساكن فى اسكندريه حاول يشترى سكوب من على النت؟؟
 

لأ وايه ياباشا مش حيسلم نفسه فى اى حته!!!!! ده حيسلم نفسه فى مكتب البريد.......

رد: حد ساكن فى اسكندريه حاول يشترى سكوب من على النت؟؟
 

هو غالبا فى بكره تغيير جذرى فى حياتى كمحب و ممارس للهوايه :)....يأما هارجع بالسكوب و اعيش على ان فعلا فى امل....يأما هاعمل زى ما واحد مش صاحبى قالى ان ابيع البندقيه و اشترى جيتار :).

رد: حد ساكن فى اسكندريه حاول يشترى سكوب من على النت؟؟
 

فعلا فى ال Billing Address و ال Shipping Address
بس معظم المواقع بتفضل ان الاتنين يبقو واحد و لو غير كده "لو باعت هديه مثلا لشخص" بيتم ابلاغ الموقع عشان يعمل تأكيد من البنك ان فعلا صاحب الكارد هو اللى نفذ عمليه الشراء المطلوبه قبل مالموقع يعمل اى "Transaction".

رد: حد ساكن فى اسكندريه حاول يشترى سكوب من على النت؟؟
 

المهم انه ممكن و خليه معاك دليل براءة احتياطي. و بالمناسبة لو الموضوع فشل ابقي هات الجيتار نمرة 2 و يكون هاي باور

رد: حد ساكن فى اسكندريه حاول يشترى سكوب من على النت؟؟
 

يانهار ازرق....."دليل براءة"؟؟؟؟
دا الكارد بأسمى وعنوانى و الطرد بأسمى ورايح لعنوانى.......و احتمال الاسكوب يكون مش بوشنيل و يكون بأسمى و الموديل عنوانى.....انا حاسس انى سامع موسيقه برنامج خلف الاسوار بتلعب فى ودانى.

رد: حد ساكن فى اسكندريه حاول يشترى سكوب من على النت؟؟
 

أستاذ باسم
ممكن تقولى طريقة الدفع المستخدمة؟
ممكن تبعتلى على الخاص لو حضرتك مش عايز تكتبها على العام.

رد: حد ساكن فى اسكندريه حاول يشترى سكوب من على النت؟؟
 

لا تقلق إنت مفيش عليك أي مسؤلية. أنا بالك كدة بس إحتياطي علشان لو ربنا رزاق بضابط إبن ***** و حب يشتغلك و يدخلك في قصة تانية. و يالك مدام جيب يبئة عندك سلاح*
(بالمناسبة محاضر التلبس في البلد دي لها فرم *ثابتة) أنا رجل قانون بالمناسبة.
فلو قال لك كدة كل له إن د هدية وانك لا تعرف شئ عن ما بداخلها و حلاني على ما يدور وراك
المزة في مصر إن نظام البنوك عندنا عقيم جداً. و العملية بتتسجل في حسابك فالبنك بإسم الموقع إلي اشتريت منو و في لها رقم مسجل في فيزا انترناشونال.
فلزم هو علشان يعرف هي نفس المعاملة ولا لأ يبعت لفيزا انترناشونال يستعلم عن رقم المعاملة ويبعت للموقع ياخذمنو اخطار بإن الرقم مطابق علشان يثبت إن العملية إلي في حسابك هي هي*

رد: حد ساكن فى اسكندريه حاول يشترى سكوب من على النت؟؟
 

ياااااه...........انا اما صدقت انك تطلب منى حاجه يأستاذ عادل
طريقه الدفع فيزا " 4u انترنت كارد البنك العربى الافريقى"

رد: حد ساكن فى اسكندريه حاول يشترى سكوب من على النت؟؟
 

متشكر ياباشا....والله انا هاروح و اسيبها على الله.

رد: حد ساكن فى اسكندريه حاول يشترى سكوب من على النت؟؟
 

باذن الله مفيش حاجة بس طمنا ايه اللى حصل

رد: حد ساكن فى اسكندريه حاول يشترى سكوب من على النت؟؟
 

انا رحت النهارده مركز الحركه الرئيسى فى محطه مصر وكان معايا واحد صاحبى...دخلت زى ماقالولى وطلعنا الدور التالت قسم طرود الجمرك - العينات المسجله....قلت للمدام اللى على المكتب انا جاى استلم طرد و اديتها رقم الطرد....دخلته على الكمبيوتر وقامت جابته من الدولاب متدبس فيه ورقتين واحده خضراء و اخرى حمراء.....و قالتلى دا ايه ده "شكلو كان سؤال من جانب الفضول" ....قلتلها تليسكوب....قالتلى بيستخدم فى ايه يعنى....قلتلها بيقرب الصور عادى يعنى صراحه مكنتش عارف اقولها ايه ممكن ميتفهمش غلط.....المهم قالتلى دا مكتوب انه لازم يتعرض على الامن تعالى ورايا....روحنا لسيادة الظابط "كان مكتوب مباحث الجمرك"....فتح الطرد و فضل يقلب فى التليسكوب و ساعتها كنت اول مره اشوف التليسكوب كله بره العلبه....صراحه كان حاجه وهم 3-9x40 رانج فايندر و اضائه شعار....المهم,لقيته بيسألنى جايبه ليه...قلتلو انا هاوى للرمايه و البصريات و حبيت استخدم تليسكوب على "البندقيه الرش بتاعتى" و جزيت على سنانى فى الجمله الأخيره دى....لقيته زى مايكون عاوز يعرفنى انه فاهم و بيسئلنى دا كام مللى...قلتله قطر العدسه 40 مللى.....قالى بس ده خطر و ممكن يستخدم على بنادق ناريه....قلتله يافندم ده مصمم للبنادق الهوائيه و مكتوب عليه كده و سعره اكبر دليل 290 ج.م فى حين ان التليسكوبات الاصليه بتعدى الاف....قالى طب اتفضل استنانى بره شويه عقبال ماشوف ده ايه نظامه.....بعد شويه لقيته بيقول للست اللى كانت معايا دا نازل جدول اسلحه......الست خرجت و حسيت انها بتواسينى و هى بتقولى دا يروح الأمن العام و هما يقرروا .....قلتلها طب ادينى محاوله اكلم الظابط صراحه هى كانت فى منتهى التعاون و الظرف و كانت عماله تهزر معايا من الاول زى ماتكون حاسه ان الظابط دا هايقفلنى فقالتلى ماشى روح وابقى تعالالى المكتب تانى....دخلت احاول اشرحله و اقله ده موجود فى البلد عادى...يقوم يقولى عارف الاليكتريك شوك؟؟ .... قلتله ايوه...قالى دا ممنوع و نازل فى جدول السلاح...قلتله تمام...قالى موجود ولا لأ؟؟؟...قلتله بيتباع على الارصفه....قالى ازاى؟؟؟...قلتله مشعارف...حسيت انه استغبانى...فقالى عارف المخدرات؟؟؟...قلتله ايوه....قالى ممنوعه؟؟....قلتله واللى يقول غير كده حلال فيه الحبس...قالى موجوده؟؟؟....قلتله اكيد....قالى ازاى؟؟؟....قلتله اكيد متهربه....قالى الله ينور عليك...فسألنى ينفع حد يجيب مخدرات من بره فى وسائل رسميه بتتفتش زى البريد؟؟؟....قلتله لا....قالى بالظبت دا اللى انت عملته....جبت حاجه ممنوعه و حاولت تعديها من طرق رسميه...قالى ابعته تانى و خلى حد يجيبهولك و هو جاى من السفر... احاول اقنعه.. طب يرديك يهديك عملت الللى و برده مفيش و حجته ان مش فى ايده الموضوع دا فى ايد الآمن العام و قاللى دا لو كان قبل الثوره كان دخل من غير مشاكل بس احوال البلد بقى :)....قلتله ماشى....و شكرته و طلعت للست و قلتلها مفيش ادامى غير الامن العام ابعتيه و امرى لله....قالتلى لأ مانت اللى هاتوديه....طبعا انا عملت حمل وديع و قلتلها هاتيه اوديه و امرى لله ياطنط.....و طبعا كان فى نيتى شئ اخر تماما.....فضحكت و قالتلى انت هتاخد مندوب من الجمارك معاك هو اللى هايعمل كل حاجه انت مجرد هاتوصله فى عربيتك...قلتلها معنديش انا جايلكو فى مشروع...قالتلى يبقى تحجزله فى سوبر جيت او قطار و شويه مصاريف داخليه كده....قلتلها الموضوع دا كله يكلف كام قالتلى مش اقل من 300 ج.م ....قلتلها انا جايب البتاع ده ب 300 جنيه يبقى ازاى ادفع زيهم و اكتر عشان روتين انا مش مسئول عنه....قامت قالتلى يبقى مفيش ادامك غير انك ترجعه للى ارسلك الطرد.....و دى كانت حكايتى و مش عارف هل امشى فى الاجراءات و فى امل انه يتوافق عليه ولا ارجعه تانى؟؟؟.....وعلى فكره لو اى حد حصل معاه زى ماحصل معايا و ماستلمش الطرد و رجعه تانى ممكن هياخد فلوسه تانى اول مالشحنه ترجع لو دافع بنظام escrow.... مع العلم ان مش كل الناس اللى حاولو يجيبو تليسكوبات او اشياء متعلقه حصل معاهم كده...و فعلا فى حجات عدت و مازالت بس الفكره بقى بناء على ايه بتعدى؟؟؟...العنوان مثلا؟؟؟...المدينه؟؟؟....ياريت اللى جرب يقلنا و يكسب فينا ثواااااااااب.

رد: حد ساكن فى اسكندريه حاول يشترى سكوب من على النت؟؟
 

معلش يا استاذ. انا قلتلك اللي قلته امبارح علشان عارف ان ده كان هايحصل. احمد ربنا ان الضابط ما دبسكش في السكوب و بعتك معاه الامن العام لان ده من سلطته لانها قضية "تهريب جواهر ممنوعة" . انت لو رحت الامن العام هيقوللك نفس الكلام الا لو طلعلك من السما ضابط ابن ناس و مش متعقد من اللي عملناه فيهم في الثورة. غير كده هتضيع عليك مصاريف الانتقال.

لذا انصحك شوف واحد صاحبك معاه سيارة و خد ام المندوب فيها و وديه. نفع نفع. ما نفعش يبقي فكك منه. علما بان ال escrow هتدفع فيه اكثر من مصاريف الشحن حوالي الضعف.

و الله انا مخنوق لانهم قبل كده صادروا مني جراي كاربون فايبر لي beretta PX-4 Storm بحجة انه جراب للمسدس ملحق به ليزر و كان الضابط عايز يبعت اخطار للقسم لاعادة فحص السلاح و صباح قلة الادب

رد: حد ساكن فى اسكندريه حاول يشترى سكوب من على النت؟؟
 

بعد اذنك روح وكمل واوح وخلي حجج حضرتك مقنعة يعني بيقلك دة موجود بالجدول انت كان ممكن تسال اية الموصفات الموجودة بالجدول كدة يعني
شكرا

رد: حد ساكن فى اسكندريه حاول يشترى سكوب من على النت؟؟
 

على فكره الظابط ميقدرش "يدبسنى" فى السكوب او حاجه زى كده...لما كنا نازلين عشان نعرض السكوب صاحبى اللى كان معايا سأل الست بهزار و قالها "طب اتصل بالمحامى ولا موقفنا ايه؟؟" قالتله اكبر حاجه ممكن تحصل انه يطلب عرضه على الامن العام ولك ان توافق او ترفض استلام الطرد وساعتها هايرجع للمرسل الظابط مالوش اى علاقه بيك......وبالنسبه للنقطه بتاعت الEscrow مش واضحه ممكن توضحها اكتر؟؟؟...مع العلم ان ده نظام بيوفره الموقع اللى انا شارى منه عشان اضمن فلوسى لو ماستلمتش اللى طلبت شرائه زى اللى حصل فى حالتى.

رد: حد ساكن فى اسكندريه حاول يشترى سكوب من على النت؟؟
 

موضوع ال escrow في البريد المصري ممكن يكون علي حساب المرسل فعلا بس شركات الشحن هتدفعك فلوس علشان تعمل اعادة تصدير

اما موضوع التدبيس فانا لو مكانه و قررت العب بغباوة ففي مليون مخرج قانون يخلوني اعرف اروقك في قضية :)

رد: حد ساكن فى اسكندريه حاول يشترى سكوب من على النت؟؟
 

رد: حد ساكن فى اسكندريه حاول يشترى سكوب من على النت؟؟
 

المقولة صحيحة 100٪. و ده اللي كل رجال القانون بيحاولوا يعملوه.
بما فيهم الضباط :)

رد: حد ساكن فى اسكندريه حاول يشترى سكوب من على النت؟؟
 

ياسيدى ربنا مايجيب قضايا....الموضوع مش مستاهل قضيه على فكره.

رد: حد ساكن فى اسكندريه حاول يشترى سكوب من على النت؟؟
 

الاخوة اعضاء المنتدى الكرام
السلام عليكم
يوجد نص فى قانون الاسلحة قد عرض عن طريق قانونى فى المنتدى و نصه يقول انه يمنع السكوب الزى يركب على الاسلحة النارية و لم يتكلم ابدا عن البنادق الرش ازن المشكلة فى التفرقة بين الاثنين و اكيد ملوك الجمارك وجهابزته لا يفقهون شي فى هزا الموضوع و هنا مربط الفرس كيف نجعلهم يتنبهون الى زلك
koko polo

رد: حد ساكن فى اسكندريه حاول يشترى سكوب من على النت؟؟
 

منتظر الصور و الرسالة الخاصة

رد: حد ساكن فى اسكندريه حاول يشترى سكوب من على النت؟؟
 

بسم الله الرحمن الرحيم

ده ان شاء الله اخر تحديث للموضوع وفيه اخر محاولاتى لتخليص السكوب من الجمرك
رحت النهارده للبريد و بعد ماكانو قالولى روح الامن العام فى القاهره قالولى طب حاول فى مديريه امن الأسكندريه فارحت و بعد مالفيت من مكتب لمكتب قالولى مش اختصاصنا روح تراخيص السلاح فى الامن العام فى العباسيه فى القاهره "ايوه تراخيص السلاح مش عارف هو فين السلاح ده بس هما حافظين كده".....فرجعت و قالتلهم فى البريد مش فاضى قالولى يبقى يرجع على البلد المرسل قلتلهم ماشى.....بس قبل مامشى قلت لازم اصوره صورتين كده للذكرى
هو بوشنيل 3-9*40 شعار مدرج رانج فايندر و اضائتين احمر و اخضر كل اضائه ب5 مستويات و كان عامل 250 جنيه و كان مضحوك على فيه :) .............دا بكام هنا بقىىىىىىىى؟؟؟؟

رد: حد ساكن فى اسكندريه حاول يشترى سكوب من على النت؟؟
 

طيب لية ياباشا محولتش تشوف راي الامن العام
عايزين نعرف الخطوة دي لان كل الاخوة بيقفوا عندها
هيقول ممنع حلو اوي طيب الشفرات واسلحة الكتر ممنوعة
طيب هما ممكن يطلعوا تصريح للشراء
ياريت نعرف
شكرا

رد: حد ساكن فى اسكندريه حاول يشترى سكوب من على النت؟؟
 

وصلت يافندم ان شاء الله.

رد: حد ساكن فى اسكندريه حاول يشترى سكوب من على النت؟؟
 

تمام وصلت
و الله زعلتني لما شوفت الصور
حسبي الله و نعم الوكيل
و يا رب الحال يتغير

رد: حد ساكن فى اسكندريه حاول يشترى سكوب من على النت؟؟
 

يأستاذ يوسف الأساسى عند الناس دى المنع....طب انا هاحكيلك اللى حصل و انا رايح للمديريه النهارده كانو باعتين معايا مندوب من البريد عشان مينفعش يدونى الحاجه اعرضها و ابقى ارجعهالهم :) اكيد مكنتش هاترجع....
المندوب قبل مانروح قالى بص يابنى من الأول كده انا رحت المشوار ده كذا مره ....كان بيعدى بالواسطه قبل الثوره...بعد الثوره بيخافو يعدو الهوا...قلتله الحمد لله ان الثوره ساوت البشر...خلت اللى عنده واسطه زى الغلبان اللى زى حالاتى معندوش....قلتله اهو نحاول.....قالى انا من فتره مش بعيده كان فى انسه جايلها بتاع كده بترشه على عين اى حد يهاجمها...قلتله ايوه ده سلف دفنس ....قالى ده كان شكله نضيف جدا و البنت كان شكلها بنت ناس جدا....المهم رحت معاها المديريه قالولها احنا ايش عرفنا هاتستخدميه فى ايه....قالتلهم لو حد اعتدى على فى بيتى او فى الشارع او فى المواصلات فى الظروف اللى احنا فيها دى....و احنا ايش عرفنا مش يمكن تبوظى بيه عين حد.....بالزمه دى عقليه الواحد ينفع يتعامل معاها؟؟؟؟.....و على فكره وانا فى البريد شفت كميه اليكتريك شوك اللى هو بيتلبس فى قبضه اليد يمكن 50 واحد كل 10 فى كرتونه و كانو مطلوب عرضهم و كان فيه مطواه smith & wesson شكلها يهبل و كانت اكيد تحفه....بس يظهر ان صاحبها ملوش نصيب.........المهم انا لو كنت فى القاهره كنت جربت حظى بس انا فى اسكندريه فايبقى تعجيز انهم يبعتو معايا مندوب للقاهره رايح جاى.....شكرا

رد: حد ساكن فى اسكندريه حاول يشترى سكوب من على النت؟؟
 

مع العلم يا جماعه ان السكوبات بتاعه البنادق الهوائيه مشكوك انها ممنوعه لأن نص القانون كالأتى ماده 1 "ولا يجوز بأى حال الترخيص فى الأ سلحة المبينة فى القسم الثانى من الجدول رقم 3 وكاتمات أو مخفضات الصوت والتلسكوبات التى تركب على الاسلحة النارية"
وتم ذكره كمان فى ماده 35 مكرر والنص كالأتى
"مادة 35 مكرر
(1) - يعتبر أ سلحة نارية فى حكم هذا القانون أجزاء[color="rgb(0, 100, 0)"] الأ سلحة النارية المنصوص عليها بالجدولين 2 .3[/color] وكاتمات أو مخفضات الصوت و[color="rgb(0, 100, 0)"]التلسكوبات المعدة لتركيبها للأ سلحة النارية[/color]. ويعاقب على ال تجار فيها أو استيرادها أو صنعها أو أصلاحها بالمخالفة لأ حكام هذا القانون بذات العقوبات المنصوص عليها فى هذا الشأن على الأ سلحة النارية الكاملة. ويسرى حكم الفقرة السابقة على حيازة أو احراز الأجزاء الرئيسية للأ سلحة النارية المبينة بالجدول رقم (4) المرافق أو كاتمات أو منخفضات الصوت و[color="rgb(0, 100, 0)"]التلسكوبات التى تركب على الأسلحة المذكورة[/color].
"
انا مدرستش قانون و مش هافتى و اقول مش ممنوعه....فاتمنى حد درس قانون يفسر المادتين دول.

رد: حد ساكن فى اسكندريه حاول يشترى سكوب من على النت؟؟
 

قدر الله و ما شاء فعل ...على فكره انا مش زعلان على السكوب....انا ان شاء الله هاحاول تانى بس بطريقه تانيه....و اميييييين يارب الحال يتصلح.

رد: حد ساكن فى اسكندريه حاول يشترى سكوب من على النت؟؟
 

حلو اوي التليسكوبات التي تركب عل الاسلحة النارية
اللي هي مواصفتها اية بقي ممكن حد يفهمني النقطة دي
شكرا

رد: حد ساكن فى اسكندريه حاول يشترى سكوب من على النت؟؟
 

بالظبط هى دى النقطه....لو السكوبات اللى عندنا "الصينى" تنفع تركب على الاسلحه الناريه و ان كان مكتوب انها مخصصه للبنادق الهوائيه...انا اول واحد مع القانون اللى يمنع التليسكوبات حفاظا على امن بلدى....لاكن لو مفيش اى فرصه انها تركب على سلاح نارى يبقى ده حقى انى استخدمها.....بس مين اللى يحدد؟؟؟

رد: حد ساكن فى اسكندريه حاول يشترى سكوب من على النت؟؟
 

يا باشا كل الناس اللي انت شيفها في المنتدي ناس محترمة تحرص علي احترام القانون ومفيش واحد منهم بيدور علي الاخلال بالامن وكلنا مع القانون

ممكن فنيا اي تليسكوب يركب علي اي بندقية مع بعض التعديلات
دائما الاخلال بالامن بيكون عن طريق اسلحة الية والتيسكوبات غير مش مجدية معها بدرجة كبيرة
اللي يقدر يوفر سلاح قنص يقدر يوفر تليسكوب مش هيكون اصعب من السلاح
ولازم نعرف مواصفات التليسكوبات اللي بتركب علي الاسلحة النارية مش الموضوع مطلق دون مواصفات وبس ياريت اكون قدرت اوصل لحضرتك وجهة نظري
شكرا

رد: حد ساكن فى اسكندريه حاول يشترى سكوب من على النت؟؟
 

انا متأكد ان الناس اللى هنا محترمه و انا اتعاملت مع ناس كتيير هنا...انا مش عارف ايه اللى خلا حضرتك تشير للنقطه دى؟؟؟
ووجهة نظرك وصلت يافندم و على فكره احنا مش مختلفين
شكرا

رد: حد ساكن فى اسكندريه حاول يشترى سكوب من على النت؟؟
 

انا عندي فكره هبله هههه ممكن نرفع قضيه لتحديد مواصفات التليسكوبات الاسلحه الناريه و المخصصه للبنادق اويشفولنا حل مع القانون الاهبل ده

رد: حد ساكن فى اسكندريه حاول يشترى سكوب من على النت؟؟
 

مي الي قااال انها فكرة هبلة انت عارف ان انت لو اترفض طلب الترخيص وانت مستحق لية ممكن ترفع قضيئة وتاخد بيها حكم يجبر الدخلية انها تتديك ترخيص بحكم المحكمة

رد: حد ساكن فى اسكندريه حاول يشترى سكوب من على النت؟؟
 

على فكره هى فكره كويسه جدا و هو ده اللى المفروض يتعمل بس للأسف مينفعش دالوقتى ...احوال البلد مش ناقصه و غالبا قضيه زى دى هتتفهم غلط.....انا فى البريد كانو بيهزرو معايا و مسمينى "الأرهابى" :)...الأرهابى جه الأرهابى راح.

رد: حد ساكن فى اسكندريه حاول يشترى سكوب من على النت؟؟
 

ده المفروض يحصل بس يلا انشاء الله البلد تتغير‎

رد: حد ساكن فى اسكندريه حاول يشترى سكوب من على النت؟؟
 

يعني هي جت علي دي مش مشكله نستني شويه

رد: حد ساكن فى اسكندريه حاول يشترى سكوب من على النت؟؟
 

طيب بالنسبة للاسلحة البيضاء
انا كنت سمعن ان فى طول معين للشفرة قانونى وهو 5 سم
اكتر من كده ممنوع
ايه موقف الكلام ده من الصحة
يعنى لو اشتريت سكينة من على النت سلاحها 5 سم
هل تتصادر ام لا
ولو اتصادرت وطلبو عرضها على الامن العام فيها مشكلة
؟؟؟؟؟؟؟؟؟
فى انتظار الرد من الاخوة خبراء القانوووووووووون :)