الصيد فى مصر

الصيد فى مصر (http://www.egyhunt.net/index.php)
-   بنادق ضغط الهواء ومتعلقاتها (http://www.egyhunt.net/forumdisplay.php?f=51)
-   -   بخصوص طلقات الرش الموجوده بمصر!!! (http://www.egyhunt.net/showthread.php?t=12096)

za2r2lel 11-07-10 05:39 PM
بخصوص طلقات الرش الموجوده بمصر!!!
 
السلام عليكم
ازيكم اعضاء المنتدى الكرام

كان لى استفسار بخصوص الرش 1و2 الموجوده بمصر
(4.5 مللى / 5.5 مللى)
ما هو افضل نوع موجود....ومتوسط اسعار العلب منه كم؟؟؟

وهل يوجد بمصر رش المانى ؟؟؟؟؟؟؟؟ لانى اعرف الالمانى انضف نوع

SMART141366 11-07-10 06:07 PM
رد: بخصوص طلقات الرش الموجوده بمصر!!!
 
افضل الانواع من وجهه نظرى الجامو ماتش

silver_5000 11-07-10 06:33 PM
رد: بخصوص طلقات الرش الموجوده بمصر!!!
 
بص يا باشا , فى حد خبرة اوى اوى ف الصيد و زى ما الكل عارف هو والدنا الروحى ( أ. جمال نصر ) نصحنى ان مادام بندقيتى مش هاى باور يبقى استخدم رش خفيف و ده استفدت منه اوى و علشان كدة جربت الجامو ماتش بدل الجامو بروماجنوم , بس فى حد تانى خبرته ف الصيد كبيرة اوى برضه ( أ. جلال خليفة ) رشحلى نوع معين اسم ميلبرو و بصراحة جامد جدا جدا و راس الرشة كروية الشكل و عرفت ان ده بيديها قوة اختراق عالية جدا مع وزنها الصغير زى ما قال والدنا الاستاذ جمال نصر مخليها قوية جدا لدرجة انى نشنت بيها على علبة الرش الجامو بروماجنوم المعدن من مسافة حوالى 15 متر و خرمتها و على فكرة استاذ جلال خليفة قاللى لو ملقيتهوش هتلاقى اسمه تقريبا ويبلى و هو نفس النوع , و بالنسبة للاسعار كان الجامو بروماجنوم العلبة الـ 250 رشة بـ 30 جنيه و الجامو ماتش العلبة الـ 250 رشة بـ 25 جنيه و دول من عند شريف ابو ضيف و دول طبعا صناعة اسبانى , و الميلبرو دى كانت العلبة الـ 500 رشة بـ 40 جنيه و دى من عند الصياد المصرى و النوع ده صناعة انجليزى , و على فكرة كل كلامى و تجاربى دى على الرش الـ 5.5 اللى هو نمرة 2 على بندقية شنغاهى 62

za2r2lel 11-07-10 06:45 PM
رد: بخصوص طلقات الرش الموجوده بمصر!!!
 
شكرا اخوانى ومنتظرين باقى الردود للافاده

يسرى 11-07-11 10:07 PM
رد: بخصوص طلقات الرش الموجوده بمصر!!!
 
الرش الجامو الموجود بالسوق مضروب والمصرى احسن منه 00اى واحد مسافر بره يجبلك كميه وهتلاحظ الفرق الكبير00بالنسبه للانواع لازم الاول تجاوب على السؤال ده0000انت عايزه للرمايه ولا للصيد000ثانيا نوع الصيد000ثالثا نوع بندقيتك00وممكن اجاوبك بوضوح ومن غير ماتحير نفسك0000تحياتى

عادل عبده 11-07-11 10:16 PM
رد: بخصوص طلقات الرش الموجوده بمصر!!!
 
طب انا محتار اجيب نوع رش ايه يكون محترم مع البندقيه الرمسيس نمره واحد ويكون زو اختراق عالى وايضا مايسرقش الطير وياريت لو حدمتابع الاسعار يقولى سعره النهائى كام

يسرى 11-07-11 10:52 PM
رد: بخصوص طلقات الرش الموجوده بمصر!!!
 
اقوى مقذوف فى قوة الاختراق هو جامو راوند وهو زى البلى لكن بمواصفات خاصه وممكن تشوفوه على موقع جامو وكان واحد عارض ثلاثه علب ب60ج للعلبه وعرضت عليه 150 فى الثلاثه لكن ماردش اسمه naruto المهم انك تعرف تنشن كويس وتضرب فى الراس او الصدر

عادل عبده 11-07-11 10:58 PM
رد: بخصوص طلقات الرش الموجوده بمصر!!!
 
يسرى باشا اولا شكرا ليك بس انا اصلى سمعت عن المارسمان وسمعت عن الرمايه وشوفت الجامو سوبر بوينت المدبب وشوفت الماتش والاخوه الاعضاء افادهم الله كانو بيقولو ان اى رش ماتش بيقفل الطير ومش بيسرقو فانا محتار بجد ولو المارسمان حلو يبقى الكلام على ايه وعلما بأذن الجامو ال500 رشه بقى ب40 جنيه وانت عارف لو الواحد بتضرب على اهداف ثابه الموضع هيبقى مش لذيذ وشكرا ليك ياباشا

ahmed tawfik 11-07-11 11:21 PM
رد: بخصوص طلقات الرش الموجوده بمصر!!!
 
السلام عليكم ورحمة اللة
مساء الخير على اهل امنتدى الكرام
اعتقد من وجهة نظرى المتواضعة من خلال تجاربى لانواع رش كثيرة من اول رش عين الشمس المصرى بتاع زمان
مرورا بالماركس مان والميلبرو والديابلو والجاموماتش والهوبى افضل نوع انااستريحت لة من حيث الدقة وقوة التاثير
هو r 10 match او final match ودول صناعة المانى وبيستخدمو فى مسابقات الرماية الدولية نظرا لدقتهم العالية ولكن سعر العلبة غالى شوية بحوالى 60 او 70 جنية للعلبة 500
والدة اللينك بتاعةhttp://www.straightshooters.com/rws/rpr10match.html

za2r2lel 11-07-11 11:44 PM
رد: بخصوص طلقات الرش الموجوده بمصر!!!
 
شكرا لكل الاعضاء اللى ردوا وافادونا

ومعلش ليا سؤال الرش الديابلو الالمانى موجود بمصر وبيتباع بكم؟؟؟

وهل فيه انواع انجليزى جيده وبكم؟؟

dasboot 11-07-12 12:16 AM
رد: بخصوص طلقات الرش الموجوده بمصر!!!
 
اقتباس:
لرش المصري معقول بس يكون نوعه رش الرماية. لكن باقي الانواع مانصحكش. المارسمان مرة كويس و مرة زفت (رغم انه موجود بره مصر و الغريبة انه جامد جدا. و عين شمس مقرف بجد
بس يعيب الرش المصري ان مافيهوش خيارات من حيث الشكل و التصميم و الوزن هو كله رشاية واحدة

انا عن نفسي باستعمله لانه رخيص و انا باضرب للتدريب في اهداف ورق و خشب لكن في الصيد. في المسافات القريبة باستعمل جامو ماتش و البعيدة برو ماجنوم و للاهداف الاكبر حجما باستعمل ديانا hollow point علشان التفجير.

علما بان بندقيتي هاي باور و نمرة 2.

لو بندقيتك ضعيفة فا انا معنديش التجربة دي لان عمري ما مسكت بندقية ضعيفة. ان شاء الله خبراء المنتدي بفيدوك
ده من واقع تجربتي و اللي انا باعمله

يسرى 11-07-12 01:47 AM
رد: بخصوص طلقات الرش الموجوده بمصر!!!
 
اقتباس:
المشاركة الأصلية كتبت بواسطة za2r2lel (المشاركة 147246)
شكرا لكل الاعضاء اللى ردوا وافادونا

ومعلش ليا سؤال الرش الديابلو الالمانى موجود بمصر وبيتباع بكم؟؟؟

وهل فيه انواع انجليزى جيده وبكم؟؟
يوجد نوع رش انجليزى بروميثيوس براس صلب وغلاف بلاستيك سريع جدا اختراق رهيب 00زى الرصاص العلبه 100 طلقه تعدى ال100ج 00الديابلو الاصلى غير موجود انا كنت بجيبه من فتح الله سنه 1991 ب25ج للعلبه

يسرى 11-07-12 01:50 AM
رد: بخصوص طلقات الرش الموجوده بمصر!!!
 
ممكن حضرتك تقولى منينن بتجيب ال ديانا hollow point مع تحياتى

dasboot 11-07-12 02:02 AM
رد: بخصوص طلقات الرش الموجوده بمصر!!!
 
اقتباس:
المشاركة الأصلية كتبت بواسطة يسرى (المشاركة 147332)
ممكن حضرتك تقولى منينن بتجيب ال ديانا hollow point مع تحياتى
كنت بجيبه من فتح الله اسكندرية من حوالي سنه و دلوقتي باجيب من علي امازون و انا بجيب حاجات الدراجات بالمرة

اقتباس:
المشاركة الأصلية كتبت بواسطة يسرى (المشاركة 147329)
يوجد نوع رش انجليزى بروميثيوس براس صلب وغلاف بلاستيك سريع جدا اختراق رهيب 00زى الرصاص العلبه 100 طلقه تعدى ال100ج 00الديابلو الاصلى غير موجود انا كنت بجيبه من فتح الله سنه 1991 ب25ج للعلبه
قوللي انت بقي بتجيب منين البروميثيوس؟ انت فكرتني بيه و انا كنت بايستعمله زمااااان في المانيا ايام البندقية الفايروخ رحم الله ايامها.
كنت بجيب منه الباراجون كانت رصااااااصة مش رشة ابدا.

يسرى 11-07-13 03:06 AM
رد: بخصوص طلقات الرش الموجوده بمصر!!!
 
اقتباس:
المشاركة الأصلية كتبت بواسطة dasboot (المشاركة 147335)
كنت بجيبه من فتح الله اسكندرية من حوالي سنه و دلوقتي باجيب من علي امازون و انا بجيب حاجات الدراجات بالمرة



قوللي انت بقي بتجيب منين البروميثيوس؟ انت فكرتني بيه و انا كنت بايستعمله زمااااان في المانيا ايام البندقية الفايروخ رحم الله ايامها.
كنت بجيب منه الباراجون كانت رصااااااصة مش رشة ابدا.
السلام عليكم000ممكن حضرتك تقولى طريقة الحصول على الرش من امازون000البروميثيوس جبته من واحد مسافر بره اخدت منه 3 علب ب300 ج 000وعلى فكره انا عرفت انك قديم فى الهوايه لان كتير جدا مايعرفش النوع ده 00لكن ياترى عندك Beeman kodiac 28 grainواخيرا تحياتى

عادل عبده 11-07-13 03:14 AM
رد: بخصوص طلقات الرش الموجوده بمصر!!!
 
ياجدعان حرام عليكو عقدتونا ده كل اللى الواحد سمع عنه وشافه عين الشمس والرمايه ويادوبك سمع عن المارسمان

يسرى 11-07-13 03:25 AM
رد: بخصوص طلقات الرش الموجوده بمصر!!!
 
اقتباس:
المشاركة الأصلية كتبت بواسطة عادل عبده (المشاركة 148312)
ياجدعان حرام عليكو عقدتونا ده كل اللى الواحد سمع عنه وشافه عين الشمس والرمايه ويادوبك سمع عن المارسمان
يا استاذ عادل مش انا بعتلك صور وشرح كل ده مش مهم الانسان يحصل على كل شئ يكفى معلومه ولو صغيره عن كل شئ00لكن لو جالى بروميثيوس نمره 1 ان شاء هاديلك شويه هديه 00تحياتى000د0يسرى

عادل عبده 11-07-13 03:30 AM
رد: بخصوص طلقات الرش الموجوده بمصر!!!
 
اقتباس:
المشاركة الأصلية كتبت بواسطة يسرى (المشاركة 148319)
يا استاذ عادل مش انا بعتلك صور وشرح كل ده مش مهم الانسان يحصل على كل شئ يكفى معلومه ولو صغيره عن كل شئ00لكن لو جالى بروميثيوس نمره 1 ان شاء هاديلك شويه هديه 00تحياتى000د0يسرى
يسرى باشا انا فعلا متشكر ليك بس انتو فعلا حسستو الواحد انه مايعرفش اى حجه عن البنادق ولا الذخيره بتاعتها ولو حضرتك تعرف انى عدلت البندقيه الرمسيس بتاعتى ومش عارف احكم عليها بسبب عدم معرفتى بانواع الرش وبعدين انا بقيت اروح عند محل الصيد مش عارف اجيب انهى نوع من كتر ما الواحد دماغه ساحت من المعلومات اللى اضربت فى خلاط جوه دماغه وعموما ياباشا انا شاكر شعور حضرتك الطيب ده انا نفسى ارطلع الصطاد او اعمل اى حاجه مفيده بالبندقيه ديه بعد ما صلحتها واسف للاطاله وبجد شكرا لحضرتك اوووووى

dasboot 11-07-13 03:45 AM
رد: بخصوص طلقات الرش الموجوده بمصر!!!
 
اقتباس:
المشاركة الأصلية كتبت بواسطة يسرى (المشاركة 148311)
السلام عليكم000ممكن حضرتك تقولى طريقة الحصول على الرش من امازون000البروميثيوس جبته من واحد مسافر بره اخدت منه 3 علب ب300 ج 000وعلى فكره انا عرفت انك قديم فى الهوايه لان كتير جدا مايعرفش النوع ده 00لكن ياترى عندك Beeman kodiac 28 grainواخيرا تحياتى
حضرتك اتبع التالي:
1- ادخل علي الموقع ده: http://www.pyramydair.com/
2- انتقي ما تريد من الاشياء (و لكن انا مجربتش اجيب بنادق او سكوبس من قبل)
3- ضع ما تريد في العربة add to cart
4- اختر checkout with amazon account
5- هيفتحلك لينك لي امازون ادخل بياناتك و امازون ستتولي عملبة دفع النقود و سحبها من الفيزا و ان شاء الله الحاجة توصل بالسلامة

ملاحيظ:
1- انا باضطر استخدم امازون لان الموقع لو اشتريت منه مباشرة هيرفض الفيزا بتاعتك لعقم نظم البنوك المصرية و هيقول ان billing info غير صحيحة.
2- نصيحة في شراء الرش: تخير الانواع ذات العبوات الورقية او البلاستك لان وزن الصفيح ثقيلة جدا و هتاخد مصاريف شحن كتييييير
4- حاول تجيب كميات كبيرة علشان رسوم التخليص الجمركي و الشحن تقسم علي كمية اكبر و ذلك اوفر كثيرا
5- اختر عدد اقل من العبوات ذات كميات الرش الكبيرة افضل من عدد علب كثير باعداد رش قليلة

dasboot 11-07-13 04:02 AM
رد: بخصوص طلقات الرش الموجوده بمصر!!!
 
اقتباس:
المشاركة الأصلية كتبت بواسطة عادل عبده (المشاركة 148320)
يسرى باشا انا فعلا متشكر ليك بس انتو فعلا حسستو الواحد انه مايعرفش اى حجه عن البنادق ولا الذخيره بتاعتها ولو حضرتك تعرف انى عدلت البندقيه الرمسيس بتاعتى ومش عارف احكم عليها بسبب عدم معرفتى بانواع الرش وبعدين انا بقيت اروح عند محل الصيد مش عارف اجيب انهى نوع من كتر ما الواحد دماغه ساحت من المعلومات اللى اضربت فى خلاط جوه دماغه وعموما ياباشا انا شاكر شعور حضرتك الطيب ده انا نفسى ارطلع الصطاد او اعمل اى حاجه مفيده بالبندقيه ديه بعد ما صلحتها واسف للاطاله وبجد شكرا لحضرتك اوووووى
بعد اذن يسري باشا و هو صياد قديم ولا صوت يعلو فوق صوت خبرة المحاربين القدماء. لكن انا هاقترح عليك حاجة جربها.

استعمل لبندقية حضرتك رش جامو ماجنوم العادي مش البرو لان البندقية ضعيفة القوة و بالتالي تحتاج الي رشة تعطي قدرة علي الاختراق مع وزن خفيف لعدم التضحية بالسرعة تماما و ذلك لكل المسافات طويلة كانت ام قصيرة.

و الاقتراح ده علي اساس ما هو متوفر في السوق المصري.

عادل عبده 11-07-13 04:08 AM
رد: بخصوص طلقات الرش الموجوده بمصر!!!
 
اقتباس:
المشاركة الأصلية كتبت بواسطة dasboot (المشاركة 148339)
بعد اذن يسري باشا و هو صياد قديم ولا صوت يعلو فوق صوت خبرة المحاربين القدماء. لكن انا هاقترح عليك حاجة جربها.

استعمل لبندقية حضرتك رش جامو ماجنوم العادي مش البرو لان البندقية ضعيفة القوة و بالتالي تحتاج الي رشة تعطي قدرة علي الاختراق مع وزن خفيف لعدم التضحية بالسرعة تماما و ذلك لكل المسافات طويلة كانت ام قصيرة.

و الاقتراح ده علي اساس ما هو متوفر في السوق المصري.
شكرا يا فندم على النصيحه وياريت بقى لو ترفعلى صوره ليه تبقى عملت معايا واجب عشان ماتسكش فيه

dasboot 11-07-13 04:20 AM
رد: بخصوص طلقات الرش الموجوده بمصر!!!
 
2 مرفق
اقتباس:
المشاركة الأصلية كتبت بواسطة عادل عبده (المشاركة 148349)
شكرا يا فندم على النصيحه وياريت بقى لو ترفعلى صوره ليه تبقى عملت معايا واجب عشان ماتسكش فيه
تلباط سعادتك اوامر. اتفضل

عادل عبده 11-07-13 04:23 AM
رد: بخصوص طلقات الرش الموجوده بمصر!!!
 
اقتباس:
المشاركة الأصلية كتبت بواسطة dasboot (المشاركة 148360)
تلباط سعادتك اوامر. اتفضل
ياباشا ربنا يكرمك يارب ومايأمرش عليك ظالم ابدا يارب بجد ميرسى لزوقك وكرم اخلاقك بس كمل جميلك بقى وقولى العلبه بتاعته دلوقتى بكام وبعدين ده عامل زى الرش الجامو السوبر ماستر بوينت انا شوفته عن ميل عازر

dasboot 11-07-13 04:36 AM
رد: بخصوص طلقات الرش الموجوده بمصر!!!
 
السعر حقيقي معرفش لاني معنديش بندقية نمرة ١ من زمان. العلبة دي عندي من سنتين.

اما الفرق بين الماجنوم و الماستر بوينت فهو يتلخص في ان الماستر بوينت تحت الراس المدبب هناك حلقة واحدة و لكن الماجنوم حلقتان. و علي الرغم من وحدة وزن الطلقتين الا ان تصميم الماجنوم ثنائي الحلقات يعطيها مقاومة اقل قليلا للهواء لتدرج الaero dynamic الخاص بها بزاوية اقل حدة فرق (٥١ قدم) و لكن الاهم من ذلك ان نقطة استضامها بالهدف تكون اكبر قليلا لان الحلقة المزدوجة تتمدد بشكل اكبر عند الاستضام. (٠.٣٥ انش في مقابل ٠.٢٣انش).

عادل عبده 11-07-13 04:53 AM
رد: بخصوص طلقات الرش الموجوده بمصر!!!
 
اقتباس:
المشاركة الأصلية كتبت بواسطة dasboot (المشاركة 148364)
السعر حقيقي معرفش لاني معنديش بندقية نمرة ١ من زمان. العلبة دي عندي من سنتين.

اما الفرق بين الماجنوم و الماستر بوينت فهو يتلخص في ان الماستر بوينت تحت الراس المدبب هناك حلقة واحدة و لكن الماجنوم حلقتان. و علي الرغم من وحدة وزن الطلقتين الا ان تصميم الماجنوم ثنائي الحلقات يعطيها مقاومة اقل قليلا للهواء لتدرج الaero dynamic الخاص بها بزاوية اقل حدة فرق (٥١ قدم) و لكن الاهم من ذلك ان نقطة استضامها بالهدف تكون اكبر قليلا لان الحلقة المزدوجة تتمدد بشكل اكبر عند الاستضام. (٠.٣٥ انش في مقابل ٠.٢٣انش).
بص يافندم انا مش فاهم الكلام ده ميه فى الميه يعنى بسكل اللى فهمته ان تصميمها ثنائى الحلقات وده بيديها سرعه اعلى وقوه اختراق اكب ومشاء الله عليك بجد من الواضح انك فعلا محترف بدرجه كبيره بس سؤال تانى هما ليه بيقولو ان الرش الماتش بيبقى مع نمره واحد فعليته اقوى وهل مع نمره 1 الهاى باور بس ولا مع الرمسيس كمان وبجد شكرا ليك يافندم ولتقديرك ولمجهودك الرائع

dasboot 11-07-13 05:07 AM
رد: بخصوص طلقات الرش الموجوده بمصر!!!
 
انت كده فهمت الكلام كله بالضبط علي فكرة الباقي بقي شرح مفصل و ارقام :)

و بخصوص موضوع الماتش فالمعلومة صحيحة بالنسبة للبنادق ذات القوة المتوسطة او المدافع :)
حيث ان البنادق النمرة واحد دائما حتي في نفس الموديل تعطي سرعة اعلي من النمرة ٢ او ٣
ولكن في المقابل تعطي قوة اقل بسبب خفة وزن المقذوف و صغر حجمه و صغر مساحة اصطدامه بالهدف.
لذلك يكون الرش الماتش افضل ليعطي صدمة اقوي للهدف (stopping power) بدلا من اختراقه و الخروج من الناحية الاخري دون ان يستوقف الهدف و يسقطه.

لكن في حالة بندقيتك فمع الاسف لو استخدمت نفس المبدا هتكون صدمة الطلقه فعلا قوية جدا و لكن بسبب ضعف البندقية سيكون المدي الفعال للطلقة ٣-٥ متر بالكتير. ساعتها روح بوس العصفورة بنفسك اسهل :P

عادل عبده 11-07-13 05:14 AM
رد: بخصوص طلقات الرش الموجوده بمصر!!!
 
يعطي صدمة اقوي للهدف (stopping power) بدلا من اختراقه و الخروج من الناحية الاخري دون ان يستوقف الهدف و يسقطه.

لكن في حالة بندقيتك فمع الاسف لو استخدمت نفس المبدا هتكون صدمة الطلقه فعلا قوية جدا و لكن بسبب ضعف البندقية سيكون المدي الفعال للطلقة ٣-٥ متر بالكتير. ساعتها روح بوس العصفورة بنفسك اسهل :P[/QUOTE]

هههههههههههههههههههههههههههههههههههههههه
شكرا ياكبير وعلى فكره انا عملت تعديل بسيط على البندقيه ومن بعد بتاع 30 او 33 متر بالرش عين الشمس المعفن علمت فى علبه سمنه جديده وخرمت علبه بويه ساج بس كانت مصديه وبعدين كفايه انا متعقد منها جاى انت تخلينى اكرها خالص بالزمه ده ينفع يعنى اعيط دلوقتى ولا ايه اهئ اهئ اهئ اهئ
مشكووووووووووووووووووووووووووووور ياكبير وانا سعيد جدا بمعرفتك وياريت نبقى اصدقاء

dasboot 11-07-13 05:52 AM
رد: بخصوص طلقات الرش الموجوده بمصر!!!
 
يا باشا الشرف ليا اني اتعرفت علي معاليك.
و علي فكرة متكرهش البندقية ولا حاجة بالعكس كل بندقية و ليها مزايا و ليها عيوب. و المهم التكنيك الصح هو اللي يخليك تعرف تجيب الهدف اللي انت عايزه انشالله بنبلة.

و علي فكرة و انت بتعدل في البندقية ما تعليش السوستة قوي او تجيب سسته حلقاتها اكتر كتير لانها صحيح هتديك اداء افضل كل ما زودت بس جسم البندقية مش مصمم للضغط ده

hema777h 11-07-13 06:17 AM
رد: بخصوص طلقات الرش الموجوده بمصر!!!
 
اقتباس:
المشاركة الأصلية كتبت بواسطة dasboot (المشاركة 148327)
حضرتك اتبع التالي:
1- ادخل علي الموقع ده: http://www.pyramydair.com/
2- انتقي ما تريد من الاشياء (و لكن انا مجربتش اجيب بنادق او سكوبس من قبل)
3- ضع ما تريد في العربة add to cart
4- اختر checkout with amazon account
5- هيفتحلك لينك لي امازون ادخل بياناتك و امازون ستتولي عملبة دفع النقود و سحبها من الفيزا و ان شاء الله الحاجة توصل بالسلامة

ملاحيظ:
1- انا باضطر استخدم امازون لان الموقع لو اشتريت منه مباشرة هيرفض الفيزا بتاعتك لعقم نظم البنوك المصرية و هيقول ان billing info غير صحيحة.
2- نصيحة في شراء الرش: تخير الانواع ذات العبوات الورقية او البلاستك لان وزن الصفيح ثقيلة جدا و هتاخد مصاريف شحن كتييييير
4- حاول تجيب كميات كبيرة علشان رسوم التخليص الجمركي و الشحن تقسم علي كمية اكبر و ذلك اوفر كثيرا
5- اختر عدد اقل من العبوات ذات كميات الرش الكبيرة افضل من عدد علب كثير باعداد رش قليلة
طيب انا عابز اسالك في حاجة انا شفت علي موقع امازون سكينة صيد بويك حلوة جدااااااااا لو انا اشتريتها هستلمها عادي ولا هتتصادر في الجمرك لما توصل رغم انها مسموح بشرائها وكماااان في شحن مجاني ...............شكرااااااااا جزيلا

عادل عبده 11-07-13 06:24 AM
رد: بخصوص طلقات الرش الموجوده بمصر!!!
 
اقتباس:
المشاركة الأصلية كتبت بواسطة dasboot (المشاركة 148385)
يا باشا الشرف ليا اني اتعرفت علي معاليك.
و علي فكرة متكرهش البندقية ولا حاجة بالعكس كل بندقية و ليها مزايا و ليها عيوب. و المهم التكنيك الصح هو اللي يخليك تعرف تجيب الهدف اللي انت عايزه انشالله بنبلة.

و علي فكرة و انت بتعدل في البندقية ما تعليش السوستة قوي او تجيب سسته حلقاتها اكتر كتير لانها صحيح هتديك اداء افضل كل ما زودت بس جسم البندقية مش مصمم للضغط ده
ياباشا انا بندقيتى تعتبر جديده لانها ماكنتش بتستخدم وكل اللى هى قتله يمامه وعفورتين تقريبا
اما انا بقى كل اللى عدلته عليها انى دهنت الدبشك دهنه محترمه زى لون النرويكا جيت وعملت الجلبه بتاعتها ارتلون وخلتها داخه تقيله حبتين اما سوستتها الاصليه مدفع وكل اللى فاضلى على انى اجربها انى اجبلها النشينكان الخلفى وعلبه رش محترمه تخلينى اقدر فعلا احكم على ادائها بدل الرش المعفن اللى عندى ده وممكن نتواصل على الخاص او الياهو او الفيس وانا سعيد جدا بمعرفتك

hema777h 11-07-13 06:42 AM
رد: بخصوص طلقات الرش الموجوده بمصر!!!
 
2 مرفق
انا في رش عندي اسمو اوسكار نمرة 2 مدبب لو في حد عايز منو فا هو موجود وهو تقريبا مفيش في بايظ قريبا خالص الرش تقريبا ال100 سلام هو مصري علي فكرة ودي الصورة بتاعتو

0100131401

يسرى 11-07-13 03:37 PM
رد: بخصوص طلقات الرش الموجوده بمصر!!!
 
كلامك تمام بس لو كان الموجود مستورد فعلا000 انا شوفت الرش الجامو فى محل وحش جدا 00ومضروب والعلبه كانها مستورده 00بلاش 00 استعمل المارسمان افضل او الرمايه

يسرى 11-07-13 03:46 PM
رد: بخصوص طلقات الرش الموجوده بمصر!!!
 
اقتباس:
المشاركة الأصلية كتبت بواسطة dasboot (المشاركة 148327)
حضرتك اتبع التالي:
1- ادخل علي الموقع ده: http://www.pyramydair.com/
2- انتقي ما تريد من الاشياء (و لكن انا مجربتش اجيب بنادق او سكوبس من قبل)
3- ضع ما تريد في العربة add to cart
4- اختر checkout with amazon account
5- هيفتحلك لينك لي امازون ادخل بياناتك و امازون ستتولي عملبة دفع النقود و سحبها من الفيزا و ان شاء الله الحاجة توصل بالسلامة

ملاحيظ:
1- انا باضطر استخدم امازون لان الموقع لو اشتريت منه مباشرة هيرفض الفيزا بتاعتك لعقم نظم البنوك المصرية و هيقول ان billing info غير صحيحة.
2- نصيحة في شراء الرش: تخير الانواع ذات العبوات الورقية او البلاستك لان وزن الصفيح ثقيلة جدا و هتاخد مصاريف شحن كتييييير
4- حاول تجيب كميات كبيرة علشان رسوم التخليص الجمركي و الشحن تقسم علي كمية اكبر و ذلك اوفر كثيرا
5- اختر عدد اقل من العبوات ذات كميات الرش الكبيرة افضل من عدد علب كثير باعداد رش قليلة
السلام عليكم00اشكرك جدا على الافاده00ياريت اعرف اسمك واتعرف عليك اكتر00انا يسري رزق 0استشارى جراحه العظام0 53سنه00ولو سمحت عايز اعرف انواع الرش اللى جبتها واسعارها00
لم يبقى عندى سوى 3 رشات Beeman من كميه كانت هدىه من صديق مسافر بره شايلهم للذكرى000تحياتى

dasboot 11-07-14 04:07 AM
رد: بخصوص طلقات الرش الموجوده بمصر!!!
 
اقتباس:
المشاركة الأصلية كتبت بواسطة يسرى (المشاركة 148634)
السلام عليكم00اشكرك جدا على الافاده00ياريت اعرف اسمك واتعرف عليك اكتر00انا يسري رزق 0استشارى جراحه العظام0 53سنه00ولو سمحت عايز اعرف انواع الرش اللى جبتها واسعارها00
لم يبقى عندى سوى 3 رشات Beeman من كميه كانت هدىه من صديق مسافر بره شايلهم للذكرى000تحياتى
الشرف ليا انا يا د. يسري.
انا اسمي زياد. و اعمل في المفوضية السامية لشئون اللاجئين بالامم المتحدة. و علي فكرة انا من سن ابن حضرتك فعمري 24 عام فقط :)
و بقالي في مصر ٥ سنين فقط. قبلها كنت عايش في المانيا. و هناك كنت بامارس هوايتيني اللي مش عارف استمتع بيهم هنا و هما الصيد و الرماية و ركوب دراجات السباق الهوائية

و بخصوص موضوع الرش فمع الاسف مش فاضل عندي غير Diana match و الباقي هو الرش الحقير اللي اشتريته من هنا هذا الاسبوع. بس كان عندي امل اني الاقي هنا حاجه لكن واضح ان مفيش امل!!!

hema777h 11-07-14 10:00 AM
رد: بخصوص طلقات الرش الموجوده بمصر!!!
 
اي نوع رش ممكن تتخيلة موجود لدي بينو الزمالك ماجنم او ديانا ماتش او ...... الخ الخ الخ

يسرى 11-07-14 10:19 PM
رد: بخصوص طلقات الرش الموجوده بمصر!!!
 
اقتباس:
المشاركة الأصلية كتبت بواسطة dasboot (المشاركة 149105)
الشرف ليا انا يا د. يسري. انا اسمي زياد. و اعمل في المفوضية السامية لشئون اللاجئين بالامم المتحدة. و علي فكرة انا من سن ابن حضرتك فعمري 24 عام فقط :) و بقالي في مصر ٥ سنين فقط. قبلها كنت عايش في المانيا. و هناك كنت بامارس هوايتيني اللي مش عارف استمتع بيهم هنا و هما الصيد و الرماية و ركوب دراجات السباق الهوائية و بخصوص موضوع الرش فمع الاسف مش فاضل عندي غير diana match و الباقي هو الرش الحقير اللي اشتريته من هنا هذا الاسبوع. بس كان عندي امل اني الاقي هنا حاجه لكن واضح ان مفيش امل!!!
السلام عليكم00اتشرفت بيك جدا يااستاذ زياد وفعلا انت من سن ابنى خالد 26 سنه وعلى فكره انت بتفكرنى بنفسى لما كنت فى سنك ماشاء الله معلوماتك جيده وصحيحه 00بالنسبه للصيد ان شاء الله بعد انتهاء شهور الحر نبدا من جديد وان شاء الله نلاقى اماكن للصيد ونكون مع بعض وعلى فكره هاعرفك على د0 محمد كمال وهو شخصيه ممتازه جدا وخبير فى الصيد00ان شاء الله بنت اختى هاتسافر الامارات وراجعه بعد العيد للجامعه 00لو عاوز اى حاجه (رش او اكسسوار)من الصياد وهو توكيل كبير فى دبى وعنده توكيل ديانا برجاء قولى عليه وان شاء الله نجيبه من هناك 000انا جبت منه الجامو ماجنوم نمره 2 3 علب 250 طلقه ب 45 درهم 000واخيرا تحياتى والى لقاء قريب باذن الله

mohamed fayd 11-07-15 11:22 PM
رد: بخصوص طلقات الرش الموجوده بمصر!!!
 
انا ساكن فى بنها مش لاقى الجامبو خاااااااااااااااااااااااااااااااالص ومحسسنى انو مستحيل تلقى فى مصر

hema777h 11-07-15 11:26 PM
رد: بخصوص طلقات الرش الموجوده بمصر!!!
 
حط صورة العلبة بتاعتو وممكن نشترية ليك مفيش مشكلة

mohamed fayd 11-07-15 11:30 PM
رد: بخصوص طلقات الرش الموجوده بمصر!!!
 
ربنا يخليك يا باشا hema777h بس سعر الجامبو بكام والقى فين

hema777h 11-07-16 12:28 AM
رد: بخصوص طلقات الرش الموجوده بمصر!!!
 
اكتب الموديل بتاعها الي انت عايزو وياريت شكل العلبة

moorg 11-09-18 08:24 PM
رد: بخصوص طلقات الرش الموجوده بمصر!!!
 
اقتباس:
المشاركة الأصلية كتبت بواسطة hema777h (المشاركة 148399)
انا في رش عندي اسمو اوسكار نمرة 2 مدبب لو في حد عايز منو فا هو موجود وهو تقريبا مفيش في بايظ قريبا خالص الرش تقريبا ال100 سلام هو مصري علي فكرة ودي الصورة بتاعتو

0100131401
سيدى الفاضل العرض دا لسا موجود ............:o

احمد المواجيرى 11-09-18 09:57 PM
رد: بخصوص طلقات الرش الموجوده بمصر!!!
 
لكل بندقية نوع مناسب

ابو مروان 11-09-18 10:03 PM
رد: بخصوص طلقات الرش الموجوده بمصر!!!
 
ولكل صيد نوع مناسب كمان

صياد الصعيد 11-10-02 02:03 PM
رد: بخصوص طلقات الرش الموجوده بمصر!!!
 
انا يا اخوانى بالسعودية وشريت بندقية جامو سوكوم 1250 ...........سالت ناس كتير قالو افضل الانواع هى.... سيلفر بوينت..المانى---جامو ماتش..اسبانى----H.n هندلر المانى----ديانا هنتر---المانى..والاخير مقطوع من السوق


الساعة الآن 01:09 AM

Powered by vBulletin® Copyright ©2000 - 2026, Jelsoft Enterprises Ltd. TranZ By Almuhajir