حادث قتل ضابط شرطة فى الكيت كات على يد بلطجى
 

http://www.alwafd.org/index.php?opti...#axzz1Rj1cfktx



قتل ضابط شرطة على يد سارق سيارات اثناء مطاردته له بميدان الكيت كات، حيث أطلق عليه عدة أعيرة نارية فأصابه بطلقة فى الجانب الايسر من البطن واستقرت ولم تخرج ولفظ انفاسه الاخيرة فور وصوله الى مستشفى الشرطة .
وكشفت تحقيقات محمد عبد المنعم علما وكيل اول نيابة حوادث شمال الجيزة باشراف المستشارمجاهد على مجاهد المحامى العام أن صاحب سيارة ملاكى توجه الى نيابة النزهة للابلاغ عن سرقة سيارته واتصال السارق به، وساومه على مبلغ 7 آلاف جنيه للاستردادها, فامرت النيابة مباحث السيارات لضبط المتهم والتى كلفت الضابط المجنى عليه محمد على عبد العزيز زين "26سنة" بالمهمة, وكان مكان التسليم فى دائرة قصر النيل، ثم قام المتهم بالاتصال مرة اخرى بصاحب السيارة وغير المكان امام وزارة الثقافة بميدان الكيت كات، فطلب الضابط من الاخير مسايرة المتهم، وتوجه الى المكان بصحبة 5افراد من رجال الشرطة واثناء المقابلة فى الميعاد المتفق عليه شعر الاخير بمراقبة الشرطة فأطلق على القوى عدة اعيرة نارية فاصاب الضابط فى بطنه وفر هاربا .

امرت النيابة باستخراج المقذوف من جثة الضابط والتحفظ عليه لحين مضاهاته وتشريح الجثة لبيان سبب الوفاة والتصريح بالدفن عقب الوفاة، وسماع اقوال 5من افراد الشرطة الشهود, وسرعة ضبط المتهم .



اقرأ المقال الأصلي علي بوابة الوفد الاليكترونية مقتل ضابط شرطة طارد سارقًا بالكيت كات

رد: حادث قتل ضابط شرطة فى الكيت كات على يد بلطجى
 

الله يرحمه وربنا يسهل والبلد تهدى

رد: حادث قتل ضابط شرطة فى الكيت كات على يد بلطجى
 

رد: حادث قتل ضابط شرطة فى الكيت كات على يد بلطجى
 

الله يرحمه .... نفسي بقا الشرطه تنضف شويه ... 5 افراد مش عارفين يعملو كمين لواحد ؟؟؟ هم مكنوش بيدربوهم غير ع الوساخه و قلت الادب و التعذيب بس؟

رد: حادث قتل ضابط شرطة فى الكيت كات على يد بلطجى
 

رد: حادث قتل ضابط شرطة فى الكيت كات على يد بلطجى
 

البقاء لله
شهيد الواجب لة كل الاحترام والتقدير
وللكن للاسف الاعلام عمل استعراض اعلامي علي الموضوع تماما كما حدث من قبل حين استشهد
الضابط احمد خاطر علي يد بعض الارهابيين وكان ذلك في بداية الاعمال الارهابية في مصر
نفس الفكر والاسلوب لاتغيير
لكي اللة يامصر
رحمهم اللة جميعا
ل

رد: حادث قتل ضابط شرطة فى الكيت كات على يد بلطجى
 

الله يرحمة ويجعله من اهل الجنه

رد: حادث قتل ضابط شرطة فى الكيت كات على يد بلطجى
 

ادي اخر التسيب الي في البلد بقت البلطجيه هي الي تقتل في الشرطه و لو ضابط شرطه ضرب نار علي بلطجي منهم يتحول بقدرة قلدر الي متظاهر و يقولوا عليه شهيد الله يرحمه و يرحمني

رد: حادث قتل ضابط شرطة فى الكيت كات على يد بلطجى
 

يا ريت يكون في اسلوب احسن من كده للنقاش

رد: حادث قتل ضابط شرطة فى الكيت كات على يد بلطجى
 

هوه ده فعلا اللي بيحصل دلوقتى ربنا ينجى مصرنا الحبيبه من هذه الفتره العصيبه

رد: حادث قتل ضابط شرطة فى الكيت كات على يد بلطجى
 

المشكلة الاساسية ان مفيش امانة في نقل المعلومة
يعني كل اللي احنا عارفينة عن هذا الضابط الشهيد ان السارق او اللطجي اطلق النار علية اية التفاصيل الدقيقة واذي كان فية ميعاد في ميدان الكيت كات اللي فية نقطة مرور دائمة
اية اللي حصل بالضبط

لكي الله يامصر

رد: حادث قتل ضابط شرطة فى الكيت كات على يد بلطجى
 

ربنا يصبر اهلو ويرحمو
البلد عايزة شوية من الضباط المحترمين اللى زى دا ويساعدو قيادات الداخلية الحالية على تصفية الفاسدين اللى موجودين فى الداخلية حتى الان لانهم اقدر الناس على ذلك

رد: حادث قتل ضابط شرطة فى الكيت كات على يد بلطجى
 

رد: حادث قتل ضابط شرطة فى الكيت كات على يد بلطجى
 

ده شهيد وبالنسبه للاخ اللي بيتكلم علي الوساخه عايزهم يعملوا ايه مع واحد مسلح عاوزهم يحصلوا صاحبهم وعلي فكره انت لو سمعت صوت ضربه نار مش حد بينشن عليك الله اعلم ايه اللي هيحصل

رد: حادث قتل ضابط شرطة فى الكيت كات على يد بلطجى
 

كل بلطجى منه لله

رد: حادث قتل ضابط شرطة فى الكيت كات على يد بلطجى
 

رد: حادث قتل ضابط شرطة فى الكيت كات على يد بلطجى
 

الله ما ادخله فسيح جناتك وارحمهو يا ارحم الرحمين ونحسبهو عند الله شهيدااا باذن الله وغفر الله ذنوبه باذن الله

رد: حادث قتل ضابط شرطة فى الكيت كات على يد بلطجى
 

أخى العزيز ,هذا الضابط كان يعمل معاون مباحث بقسم السويس وكان من ضمن الضباط القتلة الذين قتلوا الثوار و المفرخ عنهم من المحكمة بالسويس,وتم نقله إلى مباحث سرقة السيارات بمدرية أمن القاهرة قبل الحادث بى3 أيام ,لينقذوه من أيدى أسر الشهداء ,ففر من قدره إلى قدره, فدعوة المظلوم و الامهات الثكالا ,إن ربك لابالمرصاد و إن كان قد فلت من المحكمة ,فإن عدل الله لايفلت منه أحد ,و هذا هو الخبر من الوفدhttp://www.alwafd.org/index.php?opti...#axzz1S0aoTyrE

رد: حادث قتل ضابط شرطة فى الكيت كات على يد بلطجى
 

اولاً رحم الله شهدائنا جميعاً الله اعلم بما فى النوايا ولكن اللى اعرفه انه من ضمن النتهمين بقتل الثوار الاحرار ولكن لو كان غير ذلك ربنا يرحمه
ثانياً سبحان الله تقوم الدنيا ولا تقعد عند قتل ظابط شرطه
سؤال كام ظابط شرطه يقتل كل سنة !!!! ؟؟؟؟؟
السؤال الثانى كم مواطن شريف ضعيف غلبان فقير يقتل على يد ظابط شرطه سواء معذب او اى شئ آخر كل سنة ؟
هل تقوم الدنيا ولا تقعد !
مش عارف الظباط جنس سامى ولا ايه !

رد: حادث قتل ضابط شرطة فى الكيت كات على يد بلطجى
 

يحول ظابط الشرطة لبطل سواء قاتل او مقتول
مأمور قسم الازبكية تحول لبطل ومجنى عليه بعد قتل سواق ميكروباص جنب القسم وقال ايه الناس هى اللى ضربت الراجل ومات وهو فى طريقه للمستشفى
آه نسيت اقول حاجة مهمة الداخلية مفهاش قناصة ! عروستى

رد: حادث قتل ضابط شرطة فى الكيت كات على يد بلطجى
 

الله يرحمه.

هو من السويس بس مش متهم في قضايا قتل متظاهرين.
والسوايسة عملوا لستة فيها إسم 48 واحد وده مش منهم.

وكمان اللي قتله مسجل سرقه سيارات.

لا طبعاً يا أستاذي.
في فرق بين واحد معاه سلاح وواحد واقف بيتظاهر.
عشان عايزين يداروا جريمة قتل المتظاهرين فبيلبسوا الحق بالباطل.

مقاومة وقتل البلطجية إن ضربوا نار وماستسلموش واااااااااااااااجب, هو ده شغلهم.
ومفيش للبلطجية دية.
إِنَّمَا جَزَاءُ الَّذِينَ يُحَارِبُونَ اللَّهَ وَرَسُولَهُ وَيَسْعَوْنَ فِي الْأَرْضِ فَسَادًا أَنْ يُقَتَّلُوا أَوْ يُصَلَّبُوا أَوْ تُقَطَّعَ أَيْدِيهِمْ وَأَرْجُلُهُمْ مِنْ خِلَافٍ أَوْ يُنْفَوْا مِنَ الْأَرْضِ ذَٰلِكَ لَهُمْ خِزْيٌ فِي الدُّنْيَا وَلَهُمْ فِي الْآخِرَةِ عَذَابٌ عَظِيمٌ