السلام عليكم
 

انا عضو جديد هنا فى المنتدى ياريت تقبلونى اخ جديد وبالمناسبة دية انا هقولكم على حاجة حصلت النهاردة كدة فى شارعنا ومش لاقى ليها تفسير مع العلم ان الموقف اللى هحكية دة لية بقية
وهو ان فية شاب كان جاى الشارع عندنا وواقف ومعاة كلبين الصراحة انا مشفتش اضخم منهم خالص وواقف حوالية ولاد البوابين اللى عندنا فى الشارع وعمالين يتكلموا معاة عن الكلبين اللى معاة وفية حالة انبهار واستغراب فلما انا اقربت منة وشفت الكلبين وسالته نوعهم اية دول قالى ان دول دنواة
(الجريت دان ) وانة عايز يبعهم لانة كان شاريهم ايام الثورة وانة بيقول ان الامور خلاص رجعت لحالتها والامن بقة مستتب
فسالتة عايز تبيعهم على كام قالى على 800 الاتنين تخيلو وبصراحة شكلهم يخوف اوى لانهم كبار مش جراوى صغيرة بس المدهش انهم واقفين ساكتين يعنى محدش من اللى كانوا واقفين حوالين الواد دة خايف من الكلابين
وانا بصراحة كدة ناوى اشتريهم منة وعرضت علية الشراء ووافق وهيجيى بكرة عايز اعرف اية عيوب الجريت دان واية مميزاتة وهل وهما كبار كدة هياخدوا على بسرعة

رد: السلام عليكم
 

اولا مرحبا بيك في منتدانا الجميل ده ومش عايز اقولك انت هتكون مبسوط وهتستفيد من الناس هنا اد ايه بص من العيوب الرزله انهم هياكلوا اكتر منك و اكتر من كل اللي في البيت هياكل بفلوسه يعني وحاجه تانيه لو تعرف حد بيفهم في الكلاب علشان يعاينهم لا يكونو تعبانين لو متعرفش حد خدهم وروح ل دكتور بيطري قبل ما تشتريهم والراجل معاك ويكشف عليهم ولو الراجل رفض الكلام ده يبقي اكيد خايف من حاجه بس علي فكره علشان تكون عارف الجريت دان او الدنواه مش شرس من حكمه ربنا لانه لو شرس مع الحجم هيبقا اسد و محدش هيعرف يسيطر عليه

رد: السلام عليكم
 

مهو انا من سعات ما حصل الموقف دة وانا عمال اجمع معلومات من على الانترنت عن النوع دة بالذات ومن ضمن المعلومات اللى عرفتها عن الجريت دان انة طويل واهبل هههههههههههههه يعنى ملوش فى الشراسة خالص ولا بيعرف يحرص لانة المفروض كلب صيد
بس انا هشتريهم منة لسببين
اول سبب ان العرض مغرى جدن يعنى الاتنين وفى الحجم دة وب800 جنية بس رغم ان عرفت ان سعر الجرو الواحد منهم بيوصل ل5000 جنية
ثانيا انا عمال اتخيل وانا ماشى بيهم فى الشارع وواحد على يمينى وواحد على شمالى والله لو ادامى عشرة بلطجية اكيد هيخافوا من شكلهم لو اءقولك ان الواحد منهم فى حجم الحمار ما بالك دول اتنين كمان

رد: السلام عليكم
 

وعلى فكرة فية ميزة كمان حلوة اوى
انا ممكن بعد ما اكون زهقت منهم ابيعهم لحد واعرض الواحد 2000 مثلا واكيد هيشترى ومن غيركلام لان كل الناس عارفة ان الكلاب الجريت دان غالية يعنى انا كسبت من شرائى للكلبين دول بس يارب هو يجى بكرة

رد: السلام عليكم
 

الجريت دين كلب لطيف جدا و حبوب و يموت فى اللعب و الهزار
اى كلب يمكن تشريسه لان التشريس صفة مكتسبة
بالتوفيق

رد: السلام عليكم
 

يرجي النقل للقسم المخصص له

رد: السلام عليكم
 

يعنى اية النقل للقسم المخصص لة

رد: السلام عليكم
 

انا ايل اعرفه ان سعره غالي بس 800 الاتنين دي تشككني فيهم بصراحه
والي اعرفه كمان ان تربيتهم على كبر صعب جدا, والناس الي فاهمه في الكلاب هتفيدك اكتر

رد: السلام عليكم
 

بالتوفيق ان شاء الله تعالي

رد: السلام عليكم
 

يعني كنت تكتب استفسارك في قسم الصيد البري فرع الصيد بالكلاب وعموما حصل خير والمشرفين ينقلوه

رد: السلام عليكم
 

اهلا بيك فى المنتدى , و موضوع الكلاب مش هقدر افيدك فيه لانى بربى عصافير بادجى

رد: السلام عليكم
 

تم النقل لقسم الصيد بالكلاب