|
مصر بتموت باسم الثورة
مجموعه من المجهولين فجرت جزء جديد من خط الغاز بجد حرااااااااااااااااااااااام مش هى الثورة ولا دول ثوار دول بيدبحوا مصر بسكينه بارده :mad: ربنا يسترها فمليونيه النهارده ربنا يرحمنا ده لينك الموضوع http://www.youm7.com/News.asp?NewsID...D=65&IssueID=0 |
رد: مصر بتموت باسم الثورة
ده خط الغاز اللى رايح إسرائيل ، حضرتك مع تصدير الغاز لإسرائيل و اللا إيه ؟
|
رد: مصر بتموت باسم الثورة
انا ضد الطريقه يا احمد باشا مش اكتر
والحمد لله مفيش خساير فالارواح بس لو واحد بس كان اتجرح مش حرام ولا مش معايا |
رد: مصر بتموت باسم الثورة
اقتباس:
بس في نقطة صغيرة يجب ان تكون في الحسبان انك لما تكون تعبان او مجروح لا تهاجم حتي استرداد عفيتك اولا ثم تهاجم باقصي قوة حتي تحقق النصر يعني تكون مستعد صح لكي الله يامصر |
رد: مصر بتموت باسم الثورة
اقتباس:
يعنى اتفجر ففبراير وصلحوه واهو تانى وحيصلحوه وطبعا عارفين بفلوس مين مع ان كل الاتفاقيات مع اسرائيل او غيرها سقطت رسميا مع سقوط النظام |
رد: مصر بتموت باسم الثورة
اقتباس:
الشىء الوحيد الذي يسقط هو الدستور مع سقوط النظام واحنا دلوقتي المعمولة بة في مصر هو الاعلان الدستوري لان الاعلانات الدستورية تلغي كل ماقبلها ويعمل بها لحين عمل الدستور الجديد ويتم بعدذلك مراحعة كل القوانين الوضعية الحالية ومدي توافقها مع الدستور الجديد شكرا |
رد: مصر بتموت باسم الثورة
والله يا باشا ده الكلام اللى اتقال من اكتر من محلل
بس انت ادرى تحياتى بس انت معايا ان اللى بيحصل ده مينفعش اللى بيحصل ده بيضيع كل حاجه |
رد: مصر بتموت باسم الثورة
اقتباس:
احنا عندنا تخبط شديد جدا جدا في ادارة الموقف الداخلي وعدم وضوح في الرؤية ثانيا اللي بيحصل دة ميرضيش اي واحد بيحب البلد دي وبيخاف عليها اللي علينا احنا اننا بنعمل اللي نقدر علية من جهد في عملنا ومحاولة تهدئة من حولنا من ناس ونطلب من الله ان ينقذ بلدنا من ا لاخطار الداخلية لانه في بعض الاوقات اشد كثيرا من الاخطار الخارجية لكي الله يامصر |
رد: مصر بتموت باسم الثورة
تمام كل كلامك
مشكور على التحليل المنطقى |
رد: مصر بتموت باسم الثورة
ربنا ينتقم من كل ما يريد سوءا بمصر مع اني ضد تصدير الغاز للكفرة دول ولكن لا تحل بهذه الطريقة
|
رد: مصر بتموت باسم الثورة
ماتقلقش ما هى اسرائيل اللى بتصلح على حسابها
|
رد: مصر بتموت باسم الثورة
لو بايدي افجر الخط ده اللي رايح لليهود مليون مره...اقسم بالله ما استني لحظه
|
رد: مصر بتموت باسم الثورة
انا مثلا راجل اهلي سوايسه..عايش ف مصر بسبب ان بيتنا ف السويس ف الحرب اتضرب بصاروخ..يعني اهلي عاشو عيشة لاجئين في القاهره..بعد كل ده تيجي تقوللي اصدرلهم غاز؟؟؟؟ عشان اسرائيل تنور بالغاز بتاعنا..ومصر تنور باهلها
|
رد: مصر بتموت باسم الثورة
محدش مع تصدير الغاز لاسرائيل , بس احنا دلوقتى بنغرق
مفيش عقل يقول ان كل حاجه تحل مرة واحدة لازم الصبر و ترتيب الاولويات و اعطاء فرصة للوقوف مرة اخرى على ارض صلبة , كل الناس طمعت اليومين دول كل الاحزاب كل الطوائف لازم نهدء شوية و ربنا يستر على مصر |
رد: مصر بتموت باسم الثورة
ansha2 allah rabenah yehlek el zalimen bel zalimen
|
رد: مصر بتموت باسم الثورة
اقتباس:
اي عملية تخريبية داخل بلدنا بتاثر علينا احنا الاول يعني اقطع ايدي علشان اعور عدوي ؟؟؟؟ |
رد: مصر بتموت باسم الثورة
اة صحيح مصر متجها للاسوءءءءءءءءءءءءءءءءءء وهيكون في اسوء من الذي فات
|
رد: مصر بتموت باسم الثورة
والنبى ياجماعة تفككم من الثورة والثوار مش اى حاجة تتعمل تنطوا علينا :@
عامة هناك حكم قضائى بمنع تصدير الغاز لإسرائيل ومع ذلك لم ولن ينفذ إذاً هو التفجير ثانياً الاخ اللى بيقول الثورة مش عارف مبتسقطش العقود الدولية لأ بتسقط ومش محتاجة ثورة عشان منصدرش روسيا صحيت الصبح وقالت مش هصدر غاز واللى مش عاجبه يخبط دماغه فى الحيط وكذا دولة تانية عملت كده |
رد: مصر بتموت باسم الثورة
اقتباس:
غير في نقطة مهم يعني احنا حلينا كل مشاكلنا ومش باقي الا تصدير الغاز للسفت هو تا الذي هيحل مشاكل مصر كلها ياليت نفكر بعقلنا الاولية لاة |
رد: مصر بتموت باسم الثورة
اولا رأيي ان تصدير الغاز لاسرائيل أكبر جريمة عملها الرئيس السافل المخلوع مبارك وتفجير الخطوط بايدين اكيد ناس متضررة واعتقد فلسطينيين وده حقوهم علينا وانا معاهم في التفجير لان مبارك أخطأ في حق مصر والمصريين والمسلمين ككل.
ولان الاساتذة مارضيوش يعلو السعر ولان الاساتذة بتوعنا ما وقفوش الغاز فاعتقد ان الناس مش هترضى بغير قطع الغاز ومصر عمرها ما هتمشي للاسوأ مع احترامي لاي واحد بيقول كدة بس اللي بيقول كدة لو كان راح امن الدولة علشان واظب على الصلاة في مسجد او اتظلم في قسم الشرطة واتروق او شاف المر او مالقاش علاج فهيعرب ان اكبر مكسب هو ازاحة المخلوع واللي جاي عمره ما هيكون سهل لكن خير لان المرض اللي يفضل في الجسم 30 سنة عمر صاحب الجسم ما بيروء بعد شهور. تفاءلوا والخير جاي باذن الله ومصر هتفضل بخير |
رد: مصر بتموت باسم الثورة
اقتباس:
ثانياً الامور تحل بكل سهولة مع بعضها يتم وقف تصدير الغاز لحين إنتخاب مجلس شعب يبت فى الامر والموضوع سهل جداً ثانياً بالنسبة لتصدير الغاز لإسرائيل انا على يقين ان المجلس العسكرى يعارضه واعتقد انه راضى على التفجيرات "بس من بعيد لبعيد" الجيش لو عاوز يأمن الخط هيأمنه انا ضد سياسات المجلس العسكرى بس مش بشك فى وطنيته او نيته ابداً وبرضه المجلس العسكرى مش الجيش المصرى المجلس العسكرى دلوقتى فى وضع رئيس الجمهورية ومجلس الشغب يعنى منصب سياسى يبقى ننقده ونعمل اللى عاوزينه شرعية الشعب فوق كل المواثيق طالما لم تمس حقوق الانسان والمبادئ العامة |
رد: مصر بتموت باسم الثورة
شكرا لتفاعل جميع الاخوة مؤيدين للتفجير ومعارضين
وربنا يحمينا ويحرسنا هو القادر على كل شئ تحياتى اخوتى وارجو نغير حاجه اننا بنتناقش مش بنهاجم بعض وكل واحد ليه رايه على الجميع احترامه لان الضرر اللى فكل واحد غير التانى وشكرا |
رد: مصر بتموت باسم الثورة
ربنا يستر ويعدى الايام ده على خير
|
رد: مصر بتموت باسم الثورة
اقتباس:
1- مين اللى قريب من خط الغاز أكتر ؟ ثوار التحرير و اللا الفلسطينيين ؟ 2- مين اللى يملك العتاد و المعدات و التدريب لتنفيذ العملية ؟ 3- هو الجيش معملش حراسة على خط الغاز من أول تفجير ليه ؟ يكونش الوضع كدا أريح ؟ 4- ليه دائما تفجير خط الغاز بيبقى بدون خسائر فى الأرواح ؟ 5- إشمعنى تفجير خط الغاز مبدأش غير بعد تنحى مبارك ؟ يعنى أثناء جمعة الغضب نصف مصر ولعت فى ربع ساعة و السجون هربت فى ساعتين و خط الأنابيب متفجرش ليه ؟ 6- تفتكروا إيه مصلحة المتظاهرين فى تفجير خط الغاز ؟ 7- هو تفجير خط غاز طبيعى سهل و اللا صعب ؟ |
رد: مصر بتموت باسم الثورة
اسمحلى اجاوب ا / احمد على قد مبفهم
1- طبعا الفلسطنين 2- نفس اجابه 1 3- مينفعش طبعا يا باشا الخط ده كذا الف كيلو 4- احمد ربنا يا عم انت عاوز ارواح كمان 5- عشان البلد على كف عفريت وكل حد مبيصدق يلاقى مصلحه ومش مهم مصحه البلد(مش قصدى الفلسطنين بس احنا قبلهم ) 6- ده لو كان ثوار التحرير اصلا يبقى نفكر ايه مصلحتهم 7- طبعا سهل ياباشا على ماظن لو خرم ابرة وعود كبريت يقوما بالواجب فمابالك بالعبوات الناسفه تحياتى ا/ احمد |
رد: مصر بتموت باسم الثورة
الإجابة 1 ، 2 ، 6 بس اللى صح :)
|
رد: مصر بتموت باسم الثورة
طيب متنورنى وفيدنى يا احمد بيه
|
رد: مصر بتموت باسم الثورة
اقتباس:
|
رد: مصر بتموت باسم الثورة
اوعى تقولى كوسه او احدى مشتقتها
ههههههههههههههههه والناس الظاهر لسه نايمه من الحر |
رد: مصر بتموت باسم الثورة
صحيح يا باشا هو انت لسه زعلان منى عشان سألتك على الأدابتور
والله انا حتى مسألتش حد تانى ليزعل منى |
رد: مصر بتموت باسم الثورة
السلام عليكم يا شباب معلش انا داخل كدة فى الموضوع منغير احم ولا دسطور بس بخصوص تصدير الغاز الى اسرائيل انا قراءت مقال للدكتور يوسف صبرة وعجبتنى اوى وقلت اشاركم معاية اتفضلو ان تصدير الغاز المصري الى العدو الصهيوني او الكيان الصهيوني او اعداء الامة العربية والاسلامية او دولة الارهاب المسماه اسرائيل حرام شرعا وكل شخص يوافق على هذا سوف يعاقب امام يدي الله يوم القيامة يوم لا ينفع لا مال ولا بنون ايها الشعب المصري كونوا رجال صدقوا ما عاهدوا الله عليه ولا تكونوا اذلاء مستسلمين ضعفاء خانعين متخلفين كما أن تصدير الغاز به ضرر اقتصادى كبير . فمن الاجدر بمصر ان توقف تصدير الغاز لاسرائيل وذلك لانقاذ ميزانية الدولة . وذلك باستبدال الغاز بدلا من المازوت والبوتجاز .. وبالتالى تقليل واردات مصر من المازوت والبوتاجاز الذى يحمل الدولة مبالغ طائلة فى وقت تقل فيه مصادر الدخل من النقد الأجنبى، ويتناقص الاحتياطى منه فى البنك المركزى، «ومصر تحتاج إلى التركيز على تمويل شراء السلع الغذائية الإستراتيجية مثل القمح والسكر . ايضا ليس هناك مبرر لمنح إسرائيل مميزات تفضيلية فى الأسعار، خصوصا أن مصر تتكبد، كما أعلن وزير البترول، دعما قدره 82 مليار جنيه للمواد البترولية. وبعبارة أخرى فكأن جانبا من هذا الدعم الذى يغطى أنابيب البوتاجاز كان يذهب لإسرائيل. وليس من الإنصاف أن نطالب المستهلك المصرى بأن يدفع جنيها زيادة فى أسعار أنبوبة البوتاجاز لتقليص حجم الدعم الذى تتحمله الموازنة كما أن هناك ضرورة فنية لوقف تصدير البترول .. حيث ان المشكلة التى ستواجهها مصر فى الصيف ستكون أكبر إذا تم استئناف تصدير الغاز لإسرائيل أو غيرها بنفس الكميات السابقة، حيث أن قطاع الكهرباء فى مصر يواجه مشكلة نتيجة ضعف إمدادات الغاز منذ الصيف الماضى، والتى ما زالت مستمرة وستكون أشد شراسة فى الصيف المقبل بدليل أن هناك بعض الإشارات التى بدأت وهى انقطاع الكهرباء المتكرر فى بعض المناطق رغم أن الشتاء لم ينته بعد . بالطبع الغاز المصرى يحمى البيئة فى اسرائيل ويلوث البيئة فى مصر .. ولهذا منع تصدير الغاز المصرى لإسرائيل قبل حلول الصيف، سيخلق مشكلة بيئية داخل الدولة العبرية، مع ارتفاع استهلاك الكهرباء بسبب زيادة استخدام أجهزة تكييف احتياجات انتاج الكهرباء الإسرائيلية، ولكن بعد توقف الغاز المصرى اضطرت الدولة العبرية إلى إنتاج الكهرباء من الديزل والفحم بتكلفة تصل إلى 1.5 مليون دولار يوميا. هذه رسالتى لكل من يمتلك قلباً مفعماً بحب مصر .. والى كل من يملك عقلا يعمل حباً فى مصر .. بل هذه الهواء، وهو ما قد يضطر الحكومة إلى زيادة اعتمادها على المازوت، كبديل عن الغاز، وبالتالى إصدار تشريعات تخفف من حدة قوانين حماية البيئة .. وتؤثر أزمة الغاز على إسرائيل سياسيا واقتصاديا، حيث إن الدولة العبرية قضت السنوات الأخيرة فى عملية تحويل لتوليد الطاقة من البترول والفحم إلى الغاز الطبيعى، وكانت تراهن على واردتها من الغاز المصرى كأكبر مصدر لها، حيث كان الغاز المصرى يؤمن 45% من رسالتى لكل من يحاول أن يفهم وتحياتى للجميع |
رد: مصر بتموت باسم الثورة
يا / pooforever_2010 pooforever_2010 باشا
ليك رسالة على الخاص تحياتى |
رد: مصر بتموت باسم الثورة
اقتباس:
مفيش اى مصرى مع تصدير الغاز لليهود بس الدنيا والعه وماينفعش نزودها احنا بنقول يا رب الامور تهدى نقوم احنا نبوظها اكتر ياريت نشوف الامور بعين العقل مش فلسفه فاضيه وخلاص البلد مجروحه نخلينا فى احوالنا دلوقتى لحد ما ربنا يرد البلد لما كانت عليه وبعدين نشوف علاقاتنا الخارجيه |
رد: مصر بتموت باسم الثورة
شكرا لتفهم الاخوة موقفى انابكره اسرائيل
بس الطريقه غلط ومش وقتها فيه مثل بلدى بيقول اخد الحق حرفه ولا ايه تحياتى |
رد: مصر بتموت باسم الثورة
اقتباس:
لاحول ولا قوة الا بالله والله يا استاذ عصام كلام جميل وكلنا هذا الرأى بس اعتقد ان موضوع الغاز ده اكبر من كده لدرجة انى مش مصدق ان هيجى يوم وتصدير الغاز يتوقف مش عارف والله اقول ايه غير ان استغفر الله العظيم يكفى ان بالسبب ده يخلد حسنى مبارك فى جهنم ولنا الله فى مصر |
رد: مصر بتموت باسم الثورة
اقتباس:
كلامك سليم طبعا وانا مؤيد وكلنا متفقين ع الكره الفطرى لاسرائيل مفيش كلام . تحياتى |
رد: مصر بتموت باسم الثورة
شكرا لكل الاخوة للتفهم وارجو محدش يبقى زعلان من رأيى وبالخص ا / احمد قادر
ومبروك لاستاذ عصام الصورة انا بحقد على الادارة كده اتنين ليهم صور فالتوقيع اوعدنا يا رب وابقى حتى بواب فالادارة ههههههههههههه تحياتى |
رد: مصر بتموت باسم الثورة
اقتباس:
اقتباس:
اقتباس:
اقتباس:
5- إشمعنى تفجير خط الغاز مبدأش غير بعد تنحى مبارك ؟ يعنى أثناء جمعة الغضب نصف مصر ولعت فى ربع ساعة و السجون هربت فى ساعتين و خط الأنابيب متفجرش ليه ؟ والله يمكن ماكنتش أولوية وقتها في حالة ان المصريين ما اللي بيعملوها اقتباس:
اقتباس:
|
رد: مصر بتموت باسم الثورة
طيب يا جماعة ناخد الموضوع واحدة واحدة ، و نجمع المعلومات بتاعتنا على أساس علمى و منطقى .
عندما سئل اللواء محمد علي بلال المرشح المحتمل لرئاسة الجمهورية عن من وراء تفجير خط الغاز للمرة الرابعة ؟ رد قائلا: لمعرفة اجابة هذا السؤال يجب ان نعرف اولا من المستفيد من توقف تصدير الغاز لاسرائيل سنجد ان المستفيد الوحيد هم المصريون بعد الخسائر الكارثية التي تعرضت لهامصر جراء تصدير الغاز لاسرائيل باسعار تقل كثيرا عن السعر العالمي اما اللواء عادل سليمان الخبير الاستراتيجي والمدير التنفيذي للمركز الدولي للدراسات المستقبلية فكان من وجهة نظره بخصوص من المسئول عن تفجير خط الغاز المرة الرابعة ان الجهة المسئولة عن هذه التفجيرات هى جماعة رافضه لتصديرالغاز او بعض من اهالي سيناء الذين يشعرون بالتهميش والظلم. وبسؤاله عن التهديدات التي تقع علي مصر نتيجة لتهديد اسرائيل باللجوء للتحكيم الدولي؟ قال ان مصر لن تدفع تعويضات لاي من الاطراف المتضررة من توقف ضخ الغاز سواء محليا او خارجيا باعتبار الحادث يقع تحت القوة القاهرة التي لايمكن التحكم فيها كما أكد موقع ديبكا فايل المقرب من الاستخبارات الإسرائلية أن التفجير الذي وقع، صباح اليوم، في خط أنابيب الغاز الذي يزود إسرائيل والأردن يصب في مصلحة النظام المصري الحالي. كما تحدثت الوكالة العبرية عن أن توقيت الانفجار من شأنه أن يدفع الغرب للتراجع عن ضغطه على النظام وطلبه بالرحيل الفوري للرئيس المخلوع حسني مبارك، خاصة أن النظام سيعمل على استغلال الحدث للإشارة إلى أن رحيل مبارك في الوقت الراهن ليس في مصلحة أحد، وخاصة إسرائيل التى ستضرر كثيرًا إذا استمرت الانتفاضة المصرية ضد النظام، وما أعقبها من فلتان أمني. و فى نفس الوقت ، إن النظام المصري سيستغل الانفجار لوقف تصدير الغاز لإسرائيل ؛ ليظهر للشارع المصري الغاضب على أنه يحترم إرادته. أما مشايخ القبائل فلهم رأى مختلف تماما ، فقد رجحوا أن تكون إسرائيل نفسها خلف تفجير خط غاز مصري يتجه للأردن كعملية تخريبية لزعزعة الاستقرار المصري. أما عاموس جلعاد ـ رئيس الهيئة السياسية والأمنية بوزارة الدفاع ـ أن الإعتداء على أنبوب الغاز المصري لم يكن موجها ضد دولة اسرائيل وفقا لما نقلته عنه الاذاعة العبرية اليوم. في سياق منفصل أعرب بنيامين نتنياهو رئيس الوزراء بنيامين نتنياهو عن قلقه من الاصوات التي تتعالى في مصر والداعية الى الغاء معاهدة السلام مع اسرائيل وفقا لما نقلته الاذاعة العبرية في تقرير لها اليوم موضحة أن تلك التصريحات أدلى بها نتنياهو خلال اجتماع عقده نتنياهو في القدس اليوم توهتوا منى و اللا لسة ؟ مش مهم يا جماعة تعرفوا مين اللى نفذ العملية ، أو إتنفذت إزاى ؟ أو نتيجة إهمال مين ؟ و إيه نوع المتفجرات المستخدمة ؟ المهم فقط إنكم تتأكدوا إن تفجير خط الأنابيب ده فى مصلحة مصر مش ضدها بأى شكل من الأشكال |
رد: مصر بتموت باسم الثورة
شكرا ا/ احمد
بس هما لازم يقولوا كده امال حيقولوا ايه عشان يخلقوا العداوة بين العالم ونظامنا الجديد لانهم حاسسين انه بدأ يقوى حيقولوا فمصلحه فلسطين ليه هما كده كده دايسيين عليها دى وجهه نظرى يا ريت متزعلش |
رد: مصر بتموت باسم الثورة
اقتباس:
|
رد: مصر بتموت باسم الثورة
اقتباس:
ودى ابسط حاجه من الخسارة لمصر ولا ايه غير خسارة البرصه والناس اللى هناك اللى مهدده على طول |
رد: مصر بتموت باسم الثورة
يادى السياحة اللى دايما متشعلقين فى حبالها ،، أولا من شهر 3 لشهر 11 فى مصر أصلا بيبقى مافيش سياحة أجنبية ن بيبقى فيه عرب بس و قلة من الأجانب . و أساسا بقى إحنا بلد فاشلة فى موضوع السياحة دى من زمان و لا نفقه أى شئ فى التسويق السياحى بالرغم إن عندنا ثلث آثار العالم و أروع الشواطئ ده غير السياحة الدينية و موقعنا المتوسط بين القارات الثلاثة ،،،، السياحة هنا من الآخر فاااااااشلة
أما بالنسبة لموضوع البورصة ، ف ده ملوش علاقة بالتفجير بتاع خط الأنابيب ، ده ليها علاقة بالأوضاع بتاعة البلد ككل ، يعنى لو المناخ العام مستقر يبقى البورصة مستقرة ، طيب ماهو خط الأنابيب إتفجر تلات مرات قبلها ، إشمعنى يعنى المرة دى اللى البورصة إتأثرت ؟ |
رد: مصر بتموت باسم الثورة
انت زعلت ليه وبتزعق كمان هههههههه
يا باشا دى كانت وجهه نظر ولو غلط اديك صلحتها ومين قالك ان البورصه مش بتتاثر ولا اتاثرت فاللى فات مش شركه الغاز بتخسر وقت وفلوس ولا ايه |
رد: مصر بتموت باسم الثورة
اقتباس:
|
رد: مصر بتموت باسم الثورة
مش عارف انت زعلان ليه
وبرضه من غير زعل انت الوحيد اللى مشجع حكايه التفجير دى بس هى وجهات نظر تحياتى |
رد: مصر بتموت باسم الثورة
اقتباس:
اقتباس:
اقتباس:
اقتباس:
سيدى الفاضل ، يؤسفنى إنك فتحت باب للنقاش و أنت لا تسمع إلا صوتك فقط |
رد: مصر بتموت باسم الثورة
اقتباس:
انت مش واخد بالك انا اول واحد مش مع التصدير بس الطريقه غلط والناس اللى استشهدت بيها برضه قالت ان اللى بيحصل ضد مصلحه البلد وفالاخر انا اللى اسف انى رديت عليك واتناقشت معاك شكرا |
رد: مصر بتموت باسم الثورة
اقتباس:
|
رد: مصر بتموت باسم الثورة
هو حضرتك مش ملاحظ انك بتهاجمنى وتكلمنى ناشف وان عمال اهزر معاك
بجد انت حرقت دمى جدا انا مضطر انسحب بجد رغم انى حخسر المنتدى الجميل ده بس مش عارف اقول ايه ربنا يسامحك سلام عليكم |
رد: مصر بتموت باسم الثورة
Mr. Ahmedkader
Mr.pooforever 2010 اسمحوا لي بالتدخل مفيش شك ان حضرتكم بتحبوا بلدكم مصر الغالية علينا كلنا وكل واحد فيكم بيعبر عن وجهة نظرة و راية بطريقتة واختلاف وجهات النظر لازم نتقبلة من بعض احنا عايزين كل واح] يقول راية ونسمعة ونتعلم من بعض مش كل واحد ياخد موقف من التاني وينهي الكلام بالصورة دي كلنا اخوات وكلنا بنحب مصر يبقي كلنا ايد وحدة ارجو ان تتقبلوا كلامي شكرررررررررررررررا |
رد: مصر بتموت باسم الثورة
سلام عليكم
انا تانى : 1) الاقتصاد المصرى مش البورصة اللى بيقولكم كده الناس اللى حاطه فلوسها فى البورصة وخايفة عليها 2) نصدير الغاز ملوش علاقة بكامب ديفيد : كامب ديفيد فى سنة كام !!!!!!!!!!!!!!! إتفاقية الغاز 2005 يارب نفهم سلام |
| الساعة الآن 05:00 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir