|
مواقف حقيقيه جدا
اخوكم مشترك فاحد المواقع اللى تقوم على مواقف حقيقيه حصلت لنا بجد وفيها المحرج جدا والظريف جدا فحبيت افرفشكم شويه لان كل مواضيعى بقت نكد وانقلكم شويه جاحات كده حلوة وخلى بالكم انا حنقلها يعنى مش انا صاحب المواقف تحايتى |
رد: مواقف حقيقيه جدا
مره، كنت رايح المدرسه و لقيت بنت بتجرى و كلاب كتير بيجروا وراها و انا عمال اتفرج، لقيت البنت مره واحده راحت وقفت و صوتت، ببص لقيت الكلاب كلها خافت و لفت و جريت الناحيه التانيه
|
رد: مواقف حقيقيه جدا
مره، ابويا كان مفهم امى انه بطل يشرب سجاير، فا كنت انا و هوا بنشترى حاجات بالعربيه قام وقف على جنب و قالى هشرب سجاره اوعى تقول لامك، قولتله ماشى، لما وصلنا البيت امى شمت ريحه الهدوم و زعقتله قالتله بردو شربت سجاير، لقيته بيشاور عليا و بيقولها هوا ابنك اللى ادانى السجاره،
|
رد: مواقف حقيقيه جدا
دى عينه لو عجبكم الموضوع اكمل
تحياتى |
رد: مواقف حقيقيه جدا
هههههه موضوع دمه خفيف كمل يا باشا
|
رد: مواقف حقيقيه جدا
موضوع لذيذ جدا .. بصراحة عجبني .. ياريت كلنا نكمل
خالص تحياتي للجميــــــــــــــــــــــــــــع |
رد: مواقف حقيقيه جدا
شكرا لتشجيهكم يا اخوتى
ويا ريت احد عدنه عنده موقف يضيفه زى الافوكاتو متفضل وقال تحياتى وامسكو نفسكم اللى حيضحك حيخرج بره ههههههههههههه |
رد: مواقف حقيقيه جدا
مره، كنت بكلم بنت عن الاغانى فا قولتلها انا بعشق مايكل جاكسون، لقيتها قعدت فكرت شويه كده و راحت قالتلى ااااااه مش ده اللى بيقلد تامر حسنى
|
رد: مواقف حقيقيه جدا
مره، كنت فى المدرسه و قليت ادبى ع المدرسه بتاعتى، قامت واخدانى من ايدى عشان نروح للنظاره و فجأه راحت وقفت كده و هيا ماسكه ايدى و قالتلى انتى اديكى ناعمه كده ازاى؟ قوليلى نوع الكريم اللى بتسخدميه و مش هوديكى للناظره
|
رد: مواقف حقيقيه جدا
النهارده، بايت عن واحد صاحبى و مفيش سجاير لأنه مبيشربش فا نزلت الشارع الصبح ادور على محل ملقتش، فا سألت واحد ماشى قولتله اجيب سجاير منين؟ قالى لمين؟ قولتله ليا، بصلى كده باستحقار و قالى لمين؟ قولتله ليا انا فى ايه يا عم، راح مشى و سابنى، فا وقفت واحد تانى و قولتله اجيب سجاير منين؟ قالى لمين، قولتله ا؟؟؟؟ليا انا، قالى يا استاذ الكشك لمين اهو
|
رد: مواقف حقيقيه جدا
النهارده، كنت بكلم بنت ع الفيس بوك و لقيتها بتقولى الثوره دى فاشله و ازاى يهينوا رمز زى حسنى مبارك و احمد شفيق و انا مكنتش بعرف انام من الثوره و البلطجيه اللى كل يوم فى التحرير، فا بسألها هوا انتى بتدرسى ايه؟ قالتلى انا خرجت من ابتدائى عشان البنات المفروض متتعلمش،
ههههههههههههه(سياسه مبارك نفعته ) |
رد: مواقف حقيقيه جدا
مره، شعرى طول اوى و بابا كل شويه يقولى احلقه و انا اقوله لا، فضلنا ع الحال ده اسبوع، صحيت فى مره من النوم لقيت بابا قاعد ع السرير و فى ايده مقص و بيقولى نعيما يا بطل
|
رد: مواقف حقيقيه جدا
ههههههههههههههههههه كله كوم و بتاعت السجاير دى كوم تانى استمر يا باشا
|
رد: مواقف حقيقيه جدا
مره، كنا فى الامتحانات و انا و واحد صاحبى طلعنا من نص الوقت و مستنين اصحابنا التانيين لما يخلصو، فا بقوله هما بيعملو ايه ده كله؟ قالى تلاقيهم بيمتحنو
|
رد: مواقف حقيقيه جدا
اقتباس:
|
رد: مواقف حقيقيه جدا
النهارده، وانا ماشى بالعربية كان فى نص نقل ماشية ادامى وقافلة الطريق عليا ..اديت كلاكسات ورعشت نور وعملت كل حاجة مفيش فايدة ..دوست بنزين وقربت منة اوى عشان اشتمة لقيتة كاتب ع العربية لو الديك باض مش هاعديك ياض،
|
رد: مواقف حقيقيه جدا
مره، بكلم حبيبتي وكانت أمها تعبانة شوية و بتروح المستشفى لقيتها بتعيط و منهاره و مش عارفه تسكت، أنا قلت أمها حصلها حاجة لحد ما هديت بسألها مالك إيه اللي حصل يا حبيبتي؟ قالتلي الزرع مات في الفارم فيل (لعبة ع الفيس بوك)،
|
رد: مواقف حقيقيه جدا
النهارده، كنت رايحه فرح فا حضرت نفسى قبلها بكتيررر و جبت فستان شيك اوى و روحت الكوافير من بدرى و ظبطت نفسى آخر حاجه، و انا داخله القاعه اتكعبلت فى ديل الفستان و وقعت على وشى اتعورت، فضلت قاعده فى مكانى طول الفرح اعيط،
|
رد: مواقف حقيقيه جدا
النهارده، جهزت نفسى عشان انزل التحرير لقيت ابويا بيقولى اعد يا روح امك مش هتنزل، انتا نزلت امبارح الماتش و كانوا هيتقلوا بعض، متنزلش النهارده التحرير لا الميدان يولع العيال اللى فيه دول ولاد ناس،
|
رد: مواقف حقيقيه جدا
النهارده، كنت فى التحرير الصبح و لسه راجع اهو، اول ما رجعت لقيت ابويا قالى يا اهلا بالتحرير عملت ايه هناك؟ قولتله هتفنا ضدكوا (ابويا فى الجيش) قالى ابقى قابلنى لو اديتك فلوس تانى،
|
رد: مواقف حقيقيه جدا
هههههههههه .. مواقف جميلة ... تسلم ايدك .. تحياتي لك.
|
رد: مواقف حقيقيه جدا
النهارده، لقيت بنتى الصغيره (عندها 4 سنين) دخلت عليا جرى و فرحانه اوى و بتقولى مفاجأاااااه انا حاااامل
شفتوا التلفزيون |
رد: مواقف حقيقيه جدا
اقتباس:
|
رد: مواقف حقيقيه جدا
أنا حصل معايا موقف من أغرب المواقف التي مرت علي في حياتي ... و الأجمل أنها هنا بالمنتدي .. فكنت كتبت موضوع و أيدني به العديد من الأعضاء ... و فجأة ظهر عضو و هو ( sghr220 ) و قام بمهاجمتي بشدة ... و فوجئت صراحة بهذا الهجوم ... و رددت عليه ... و تجادلنا كثيرا و دخل الدكتور محمد حسن و أحمد عبد القادر للدفاع عن موقفي في غيابي ... ثم عدت و جادلتة من جديد و حصل تصادم كبير بيننا في هذا الموضوع.
و من خلال مشاركات هذا العضو فوجئت أنه يقول لدكتور محمد حسن أنه ساكن بجوارة .. و بالتالي فهو جاري لأن محمد حسن ساكن جنبي ... فقلت له ... طالما أنت جار محمد حسن فأنت جاري أيضا ، و تتطرأنا لاحديث إلي إجراء مقابلة معه لتفهم الموقف ... فأخذ رقم هاتفي و كلمني ... و حدثت المفاجأة ... و هي أن هذا العضو لم يكن جاري فقط ... بل أنه كان زميل الطفولة من إبتدائي و حتي الثانوية العامة ... و تعجبت لصغر هذه الدنيا ، و هو أيضا ... و ضحكنا لأنه لولا المشادة التي حدثت لما أتصل بي و عرفنا هذه المعلومة ... و تصالحنا علي صفحات المنتدي و أستغرب د / محمد ... و قال دة أكيد فيلم هندي و إحنا اللي عملينة .. :) ههههههههه عموما شكرا لك بيا محمد علي موضوعك ... و بالتوفيق. |
رد: مواقف حقيقيه جدا
اقتباس:
على فكرة , أنا محمد حسن اللى فى الموضوع ده , ومش مصدق أى حاجة منه هههههههههههههههههههههههههههههههههههههههههههههههههه هه |
رد: مواقف حقيقيه جدا
اقتباس:
سبحان الله فعلا فيلم هندى ده على كده انا برضه جارك فلتحيا شبرا هههههههههههههه |
رد: مواقف حقيقيه جدا
اقتباس:
احنا نروح عند كريم باشا ونعذبه لحد ميعترف ههههههههههههههه |
رد: مواقف حقيقيه جدا
يلا بقى اللى ضحك يطلع برة عشان حنرش ميه
هههههههههههههههههههههههههه فين المواقف يا رجاله |
رد: مواقف حقيقيه جدا
اقتباس:
كريم يقصد مكان سكنى الآن فى جسر السويس , وكريم ساكن بجوارى , وكمان صاحبه ... اللى كان طالع معاه فى الفيلم الهندى أما شبرا فهى الأصل والمنشأ , وبيت والدتى الآن أطال الله عمرها |
رد: مواقف حقيقيه جدا
اقتباس:
اقتباس:
اقتباس:
|
رد: مواقف حقيقيه جدا
اقتباس:
|
رد: مواقف حقيقيه جدا
اقتباس:
لو فيلم هندى مضايقك .... يبقى نخليها فيلم عربى أبيض وأسود من بتوع أمينة رزق ههههههههههههههههههههههههه |
رد: مواقف حقيقيه جدا
اقتباس:
بقولك أيه أنت مينفعش معاك غير طارق ... هو اللي بيعرف ثغراتك ... و أيه حكاية الكرسي بتاع سمسم ... مش هتقول عليه في المواقف ولا أيه ... ههههههههههههههه |
رد: مواقف حقيقيه جدا
اقتباس:
أنا اتثبتت كدة بس لما أشوفك يا طارق ... هاخليك تحصل الكرسى |
رد: مواقف حقيقيه جدا
اقتباس:
هههههههههههههههههههه وربنا يعطى الوالده الف صحه وعافيه ياااااااااااارب |
رد: مواقف حقيقيه جدا
اقتباس:
وشوف بقى رجاله المنتدى حتعمل ايه |
رد: مواقف حقيقيه جدا
ايه الاسرار دى بقى
|
رد: مواقف حقيقيه جدا
اقتباس:
|
رد: مواقف حقيقيه جدا
خد دى يا كريم باشا
النهارده، بكلم اخويا و بسأله ليه البنات المصريات مبيحطوش صورهم ع النت؟ راح قايلى من كتر الحبوب اللى فى وشهم، هههههههههههههههههه |
رد: مواقف حقيقيه جدا
اقتباس:
|
رد: مواقف حقيقيه جدا
مره، كنت بقول لأمى انى عايز اعمل تجليد للعربيه فا قالتلى يعنى ايه تجليد عربيه؟ فا سهلتلها الفكره قولتلها زى مابنلبس الموبايل جراب، انا هعمل للعربيه جراب جلد، لقيتها بتقولى طل و لما تيجى تركب العربيه هتطلعها من الجراب ده ازاى؟،
|
رد: مواقف حقيقيه جدا
مره، كنت بتصل بواحد صاحبى فا ردت عليا اخته، قولتلها احمد موجود، قالتلى موجود اقوله مين؟ قولتلها عماد، قالتلى ازيك يا عماد عامل ايه؟ انتا شكلك نمت متأخر امبارح، و قعدت ترغى معايا شويه كده و انا برد عادى بس مستغرب و فى الآخر تقولى مش انتا عماد ابن خالى؟ قولتلها لا انا عماد صاحب احمد
|
رد: مواقف حقيقيه جدا
مره، دخلت سوبرماركت و بشترى حاجه لقيت ولد صغير دخل قال للراجل عمو هاتلى بنص جنيه جبنه، لقيت الراجل دخل جاب السكينه اللى بيقطع بيها الجبنه و قاله خدلك لحسه،
دى بقى جامده موت ضحكتنى جدا هههههههههههه |
رد: مواقف حقيقيه جدا
ودى حصلت مرة معايا فمرة من التلاته اللى ركبت فيه الاختراع العجيب ده
النهارده، كنت راكب توكتوك و السواق كان طاير و كنا هنعمل اكتر من حادثه قولتله هدى السرعه شويه، قالى ليه؟ قولتله انا خايف ع نفسى يا عم، راح بصلى باحتقار كده و قالى خايف ع نفسك و مش خايف ع التوكتوك؟ |
رد: مواقف حقيقيه جدا
النهارده، فى الشارع لقيت واحد سألنى بتعرف انجليزى؟ قولتله ايوه، قالى اصل فى رساله انجليزى جاتلى و مش عارف اقراها شكلها حد بيعاكس، قولتله لا دى الشركه بتقولك ان الكول تون اشتغل، قالى يعنى ايه كول تون، قعدت ربع سعه افهمه و وصلت معاه انى هرن عليه عشان يسمع الاغنيه، فا بتصل بيه، قالى بسسس اللى بيعاكس اهو و فتح عليا
|
رد: مواقف حقيقيه جدا
النهارده، وانا بلعب كوره لقيت طفل عنده بتاع 7 سنين كده واقف برا و نفسه يلعب، صعب عليا فا روحت مطلع واحد شويه و نزلته بعد شويه لقيته بيقولى لو ما رجعتش الدفاع هطلعك برا
|
رد: مواقف حقيقيه جدا
ده اخر موقف النهارده
معلش ححاول انام منمتش من امبارح بجد ولو لقيت ردود ان المواقف حلوة حكمل بكرة تحياتى مره، كنت بقرا فى الجرنال صفحه مكتوب فيها مطلوب عروسه و واحد بيقول عايز عروسه متعلمه تعليم عالى و آنسه و بتشتغل و عندها شقه و جميله و بيضه و صغيره و على خلق و هيا اللى هتفرش البيت، و فى مواصفاته هوا كاتب كلمه واحده: سباك، |
رد: مواقف حقيقيه جدا
اولا موضوع رائع وانا هحكلكم مواقفى انا و اصحابى و ابتدى بنفسى
مره و انا صغير جرى ورايا كلب من باب البيت لحد الملك الصالح و كان قلبى خلاص هيقف قولت فى نفسى انا هترمى على الارض و الى يحصل يحصل لقيت الكلب برده هيموت و راح قاعد على الارض قريب منى و شويه و سابنى و مشى بس كان يوم روحت وشى لون الليمون |
رد: مواقف حقيقيه جدا
والله العظيم الموضوع دة جامد جدن وشيق اوى ومتهيالى ان ممكن يخلينا نستغنى عن الموضوعات الاساسية فى المنتدى
لان المواقف اللى بتحصل للواحد وانة يحكيها بتكون مبهرة وشيقة وعلى فكرة فية كمان مواقف بتكون مرعبة وفية مواقف بتكون عادية وفية مواقف محرجة وفية مواقف بتخلى الواحد مش عارف يتصرف ازاى وفية مواقف بتخلى الواحد يشوف نفسة هل هو يعرف يواجة الناس ولا لاء ارجو من جميع الاعضاء المشاركة باى مواقف اتعرضلوها وصدقونى ممكن الواحد يفضل سهران للصبح يقرا المواقف اللى بحكيها اصحابها عن نفسهم وميزهقش كمان لان المواضيع دية بالذات بتعمل حالة من الانبهار والاثارة |
رد: مواقف حقيقيه جدا
والله فكرة جامدة جدا
|
رد: مواقف حقيقيه جدا
اة فعلان والله انا بقول ان ممكن يتعمل منتدى كامل على الموضوع دة مش موضوع وبس
وانا عارف انا بقول اية لان فية مواقف كتير خصوصا لما بتكون حقيقة بتعمل حالة من الانبهار والتشويق حتى لو مواقف عادية واصحابها هما اللى بيحكوها |
رد: مواقف حقيقيه جدا
وانا عايز اشكر صاحب الموضوع شكرا جزيلا جدن جدن جدن لانة فتح موضوع حلو اوى والله العظيم ممكن الواحد يفضل يقرا فى مواقف حصلت بيقولها اصحابها وميزهقش خالص
|
رد: مواقف حقيقيه جدا
هو انا بس لية طلب بعيد عن موضوع المواقف دة
لو انا عايز اعمل بحث على الفيس بوك يعنى اختار مثلا البلد والسن للبنت يكون منين على الفيس بوك |
رد: مواقف حقيقيه جدا
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
|
رد: مواقف حقيقيه جدا
دي بقي مواف بجد مع المشاهير
كان أينشتين لا يستغني أبدا عن نظارته .. وذهب ذات مرة إلى أحد المطاعم ، واكتشف هناك أن نظارته ليست معه فلما أتاه ((الجرسون )) بقائمة الطعام ليقرأها ويختار منها ما يريد طلب منه أينشتين أن يقرأها له فاعتذر الجرسون قائلا : إنني آسف يا سيدي ، فأنا أمي جاهل مثلك |
رد: مواقف حقيقيه جدا
أبو علقمة وابن أخيه
قدم على أبي علقمه النحوي ابن أخ له ، فقال له : ما فعل أبوك؟ قال : مات قال : وما علته ؟ قال : ورمت قدميه قال : قل : قدماه قال : فارتفع الورم إلى ركبتاه قال: : ركبتيه فقال : دعني يا عم ، فما موت أبي بأشد علي من نحوك هذا |
رد: مواقف حقيقيه جدا
وقف على باب نحوي أحد الفقراء فقرعه فقال النحوي : من بالباب ؟
فقال : سائل فقال النحوي : لينصرف فقال الفقير مستدركا : اسمي أحمد ( وهو اسم لاينصرف في النحو ) فقال النحوي لغلامه : أعط سيبويه كسرة |
رد: مواقف حقيقيه جدا
شكرا لكل الاخوة الاعضاء
انا شايف ان الموضوع عجب الاغلبيه وان شاء الله الموضوع حيفضل مفتوح بمشاركتكم على طول وربنا يقدرنى وارسم بسمه صغيرة على وجوه اخوتى فظل الظروف الراهنه تحياتى أخوكم / محمد سعيد |
رد: مواقف حقيقيه جدا
اقتباس:
|
رد: مواقف حقيقيه جدا
طيب اخبار المواقف المرعبة اية
يعنى ياريت جميع الاعضاء يشاركوا باى موقف غريب او مرعب حصل مع حد |
رد: مواقف حقيقيه جدا
اقتباس:
عاوزين نضحك الناس مش نخوفهم انا والله حصل معايا مواقف فالجيش شعرى ابيض فيها بجد وعشان كده مطول شعرى جامد(اللى شافنى عارف انه كبير) |
رد: مواقف حقيقيه جدا
ابراهيم و البشري
كان حافظ إبراهيم جالساً في حديقة داره بحلوان،ودخل عليه الأديب الساخر عبد العزيز البشري وبادرهقائلاً :شفتك من بعيد فتصورتك واحدة ست فقال حافظ ابراهيم:والله يظهر انه نظرنا ضعف، انا كمان شفتك، وانت جاي افتكرتك راجل!: |
رد: مواقف حقيقيه جدا
اية يا ولد يا beta دة اية الحلاوة دية يا حبيبى
بقولك مواقف مرعبة |
رد: مواقف حقيقيه جدا
مره، كنت قاعد فى كافيه مستنى واحد صاحبى و كان فى بنت زى القمر و كتكوته كده قاعده قدامى و مكسوفه اوى لما ببصلها و باين عليها محترمه و اخلاق، انا قولت السناره غمزت و لسه بفكر هعمل ايه، لقيت صاحبى دخل الكافيه و البت نطت من مكانها سلمت عليه و بتقوله وحشتنى، قالها بتعملى ايه هنا؟ قالتله كنت زهقانه فا قولت اجى اشدلى حجرين،
|
رد: مواقف حقيقيه جدا
مره، كنت بتصل بواحد صاحبى فا ردت عليا اخته الصغيره قولتلها انا خالد، قالتلى انتا خالد اللى بابا بيقول عليه فاشل؟،
|
رد: مواقف حقيقيه جدا
شفوا بقى طيبه المصريين
مره، كنت راكب ميكروباص (انا من اسكندريه) وصلنا عند مؤسسه عبد الرازق فا واحد قال عبد الرازق يا اسطى السواق نزله، وصلنا عند دوران جيهان، فا واحده قالت جيهان معاك وقف و نزلها، لقيت واحد بيقوله حسين يا اسطى، السواق قاله حسين مين؟ قاله انا اسمى حسين و عايز انزل، افتكر اللى بيقول اسمه بينزل |
رد: مواقف حقيقيه جدا
طيب انا فية حاجة بقة سمعتها بنفسى فى البيت عندنا
انا مرة قمت بالليل علشان اروح الحمام وسمعت والله غطا الحلة اترفع واتحط تانى وسمعت واحد بيندة وبيقول تعال يا عبد الجيد اسم غريب عبد الجيد دة بس كدة وعرفت بعدها ان فية انواع من الجن بتيجى بالليل تاكل من الزبالة او بتدخل المطابخ وتاكل من اكلنا لان معروف انهم زينا فى كل حاجة حتى الاكل بتاعنا هو نفسة الاكل بتاعهم مشتركين معانا فى كل حاجة |
رد: مواقف حقيقيه جدا
اقتباس:
بس غريبه حكايه الاكل دى يا باشا اول مرة اسمعها |
رد: مواقف حقيقيه جدا
خد دى واضحك بدل الرعب
مره، كنت راكب ميكروباص و لقيت الراجل اللى ورايا بيقول للسواق على جنب يا اسطى، قاله هتنزل هنا؟ الراجل قاله لا قدام شويه عند بنك الهس بس اللى جى، فا ببص ع البنك الغريب ده طلع hsbc فى الآخر |
رد: مواقف حقيقيه جدا
مرة انا و اصحابى كنا واقفين ع الطريق السريع بتاع اكتوبر و بنزاول فى الميكروباصات، شاورت لميكروباص وقف، قولت للسواق شارع ميكى ماوس باشا يا سطى؟ قالى اه اركب،
|
رد: مواقف حقيقيه جدا
اناااا لو حصلي حاجة يبقي انتم السبب
|
رد: مواقف حقيقيه جدا
لاء مش غريبة ولا حاجة هما فعلان بياكلوا نفس الاكل بتاعنا بس بطريقة اخرى بدليل ان فى السنة بيقولك ان ابو هريرة كان بيشوف واحد كل يوم بيسرق من غلة القمح اللى عند ابو هريرة وكان سيدنا ابو هريرة رضى الله عنة بيمسكة وفضل على هذا الحال ثلاث مرات ولما سال الرسول صلى الله علية وسلم قالة ان دة كان شيطان
فاهو اية اللى يخلى الجن يجى ويسرق القمح علشان يعتبر القمح من اكلهم اللى هو اصلان اكلنا والسنة مفصلة الموضوع دة باستفاضة |
رد: مواقف حقيقيه جدا
اقتباس:
|
رد: مواقف حقيقيه جدا
اقتباس:
الله اعلم ورسوله شكرا للمعلومه |
رد: مواقف حقيقيه جدا
مره، كنت قاعد أنا و واحد صاحبي مع بنتين كده فى كافيه و مظبطين، المهم خلصنا و رايحين القهوه قابلنا واحد صاحبنا مشفنهوش من زمان، بيقولنا كنتم فين؟ قلتله كنا مع بنتين جامدين واحده أسمها ساره حلوه أوى، وكان معاها بنت خالتها أسمها... لقيته بيقولي أسمها منه، قولتله أيوه عرفت منين؟ قالي ساره دى خطيبتي
|
رد: مواقف حقيقيه جدا
موضوع لذيذ جدا
|
رد: مواقف حقيقيه جدا
مرة، اتعرفت على واحده و اعجبت بيها و اخدت رقمها، لما روحت كلمتها و بسألها سنك اد ايه؟ قالتلى 17 سنه، قولتلتها انتى صغيره اوى، قالتلى انتا كام؟ قولتلها 24، قالتلى عادى اللى قبلك كان 27 و كان عادى،
|
رد: مواقف حقيقيه جدا
هههههههههههههههه الموقع دا جاامد جدا و كل المواقف اللى فيه حلوة بس مش عارف الناس ليه لما بتسمع اسموو بتفهم غلط و بلاش اقوول اسمة احسن بدل ما اطرد طبعا انت فاهمنى ىا باشا ههههههههههههه
|
رد: مواقف حقيقيه جدا
اقتباس:
معايا على الخط ( انا حقى اعترض ) هههههههههههههههههههههههههه تحياتى |
رد: مواقف حقيقيه جدا
هههههههههه اعترض براحتك
|
رد: مواقف حقيقيه جدا
برجاء غلق الموضوع :mad:تحياتى لكل الاخوة السلام عليكم |
رد: مواقف حقيقيه جدا
ليه يا باشا عايز تغلق الموضوع ما هوو موضوع حلو
|
رد: مواقف حقيقيه جدا
لا حول ولا قوة إلا بالله ..
نحن في شهر فاضل ترفع فيه الأعمال .. وقادمون على شهر كريم من افضل اشهر العام . فمن الافضل حذف الموضوع لا غلقه لما فيه من اشياء لا ترضي الله عز وجل .. وكذلك لا تليق بهذا الملتقى المحترم .. |
رد: مواقف حقيقيه جدا
الموضوع جميل احيك عليه
بس رجاء من كل الاخوه الافاضل اختيار الالفاظ وتنقية ما يتم كتابته تم حذف بعض المشاركات البذئيه وسنقوم بحذر حساب صاحبها اذا تكررت |
رد: مواقف حقيقيه جدا
اقتباس:
هههههههههههههههههههههههههههههههههههههههههههههه |
رد: مواقف حقيقيه جدا
مرة كنت عند البقال وعيل راح يقوله اديني بنصف جنيه جبنة بيضاء بس كل بربع جنيه لوحده فقاله ايه القحط اللي انتو فيه ده يابني
|
رد: مواقف حقيقيه جدا
ومرة كنت بادور علي شقة قبل الزواج واتفرجت علي واحده جنب بيت الوالدة وصاحبها قالي لما اشوف في محرم بك وبعد فتر ة كنت مدي ميعاد لسمسار علي القهوة في محر م بك وباكلمه علي المحمول وشتمت علي الراجل الاولاني و انا باحك ي حكايته فلقيت اللي بيلتفت من الكراسي اللي قدام ي علي القهوة ولقيته نفس الراجل الاولاني والظاهر كان مستني السمسار برده
|
رد: مواقف حقيقيه جدا
موضوع جميل جدا
|
رد: مواقف حقيقيه جدا
ههههههههههههههههههههههههههه أنا ح أفضل أضحك لغاية تانى يوم العيد اللى جاى الساعه 7 و 52 دقيقة .
|
رد: مواقف حقيقيه جدا
كنت فى مكتبة الجامعة وكان اتنين سعاة بيتغدو الاول قال البتنجان عادم النهاردة فرد التانى غاضبا بسخرية اروح اجيبلك مرقة فاى فوص؟
|
| الساعة الآن 03:18 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir