|
طريقة لظبط نشان بندقية ضغط هواء
بسم الله الرحمن الرحيم
السلام عليكم ورحمة الله وبركاته قرأت عن طرق ومحاولات كثيرة لضبط النشان وهذه الطريقة أعجبتني وحبيت أجيبها لكم لتعم الفائدة وأتمنى من الجميع تجربتها الطريقة كالآتي: أولاً: لابد أن يكون أمامك حائط ثابت ولونه فاتح يفضل أن يكون أبيض اللون للحصول على الدقه العالية ووضوح الهدف . ثانياً : تكسر البندقية بزاوية 90 درجة ثم تقوم بتثبيتها جيداً وهي مكسورة (ويفضل استخدام المنجلة التي تستخدم عند فك السسته ) ثم تتأكد من الماسورة أنها غير مائلة من خلال النظر من الثقب الذي يوضع فيه الرشة ثالثاً : تحضر كشاف (الليز) أو مصباح قوي الاضاءة ثم تقوم بتثبيته على الثقب الذي توضع في الرشة ويكون شغال ستلاحظ أن النور يخرج من رأس الماسورة الى الحائط الذي أمامك ويفضل أن تبتعد عن الحائط حوالي 5 إلى 15 متر . رابعاً : تقوم بالنظر من خلال فتحة النشان ( فتحة الشيز ) على نقطة الليزر التي في الحائط وتزنها على بعضها بدقه . خامسأ: بعد الا نتهاء من وزن النشان كما ترغب عمر البندقية ثم تسمي بالله وتقوم بتصيوب الهدف سترى دقه متناهيه في التصويب . جربوها وبلغوني بالنتيجة |
رد: طريقة لظبط نشان بندقية ضغط هواء
طريقة حلوة
انا حاولت اعملها علي ال54 بتاعتي لكني فشلت علشان مش عارف اثبت الليزر بس عموما انا قبل كدة عرضت الفكرة دي من فترة علي م طلعت وكاريزما وقالوا ان علي الارجح انها صح نظريا اما عمليا فبتكون ضعيفة الحقيقة انا مقتنع تماما ان الفكرة صح ميه الميه نظريا وعمليا عموما لو انت جربتها قولي علي النتيجة |
رد: طريقة لظبط نشان بندقية ضغط هواء
الطريقة الثانية :-
الطريقة دي يا وجدان بتنفع مع البنادق الكسر ’ أنا كمان بندقيتي ديانا52 لكن هأقولك على الطريقة اللى تظبط بيها البنادق اللى ما بتتكسرش زي الدينا52 والديانا54 وما يشبههما وتصلح للبنادق الكسر وهي أيضا قرأتها في أحد المنتديات الطريقة كالاتي :- يتم الضبط على مرحلتين 1- تضع خط أفقي على حائط والافضل ان يكون ابيض بعد وضع الخط تنشن على الخط ، الاصابه ستكون اما في الاسفل او في الاعلى ، اذا كانت في الاسفل ارفع الوزنة والعكس صحيح اذا كانت في الاعلى نزل الوزنة الى ان تصوب على نفس الخط بعد التصويب على نفس الخط الان وزنا النشان من ناحية الاعلى والاسفل يعني البندقية ولا بتعلي ولا بتوطي . 2- تضع خط رأسي لكي تزن الوزنة من الاتجاه اليمين واليسار فتصوب اما ستكون يسار واما ستكون يمين اذا كانت يمين حرك الوزنية لليسار والعكس صحيح اذا كنت يسار حرك الوزنية لليمين الى ان تكون الإصابة على نفس الخط وبذلك طالما أنك أصبت الخط الأفقي والرأسي خلاص تبقى ظبطت النشان ياريت نجرب ونقول النتائج |
رد: طريقة لظبط نشان بندقية ضغط هواء
بصراحة يا اسامة انت راجل هايل ربنا يكرمك كمان و كمان
|
رد: طريقة لظبط نشان بندقية ضغط هواء
شكرا يا جلال باشا ، انت اللى هايل لأنك بتميز الموضوعات الجيدة
وتقبل تحياتي على مرورك وردك الكريم |
رد: طريقة لظبط نشان بندقية ضغط هواء
اية الجمال دة وفكرة هايلة مش عارف ازاى مخطرتش ببالى قبل كدة
شكرا يا اسامة بك |
رد: طريقة لظبط نشان بندقية ضغط هواء
أنت الأجمل يا أبو الشوق
عايزك تجربها في البي إس إيه اللى أنت إن شاء الله هتشتريها وتقولي على النتيجة |
رد: طريقة لظبط نشان بندقية ضغط هواء
10/10 تسلم
|
رد: طريقة لظبط نشان بندقية ضغط هواء
السلام عليكم و رحمة الله و بركاتة
عندى سؤال عن النشان هل لقواعد و تعلم النشان سن معين او انة يمكن لأى شخص تعلم التصويب و النشان فى أى وقت؟ أشكركم على الرد مقدماً و اشكركم على هذا المنتدى الجامد. |
رد: طريقة لظبط نشان بندقية ضغط هواء
umarex شكرا على مرورك وردك
El Fateh بالنسبة لقواعد وتعلم النشان ليس له سن محدد ولكن المطلوب من الشخص الذي يريد أن يجيد التنشين بصورة صحيحة أن يكون على مقدرة من حمل السلاح بصورة جيدة ولا يهتز في يده وكذلك يعلم انه يحمل شئ به قدر من الخطورة ويعلم كيفية استخدامه بأمان وشكرا على مرورك |
رد: طريقة لظبط نشان بندقية ضغط هواء
ايه يا اسامه دة انت عامل شغل جامد اوى وطريقه حلوة
بس فى طريق اسهل شويه وبرشه واحدة بس اعمل نقطه على الحائط ونشن واضرب عليها افترض الطلقه جت شمال مثلا تقوم تنشن مرة تانثه على نفس النقطه ثم تثبت البندقيه عليها ثم تحرك النشان حتى يتطابق مع الرشه اللى ضربتها وجت شمال فاذا تطابق النشان مع الرشه تكون البندقيه مضبوطه على المسافه دى زائد او ناقص 3م(فى حال الضبط على مسافه 10م) |
رد: طريقة لظبط نشان بندقية ضغط هواء
اقتباس:
|
رد: طريقة لظبط نشان بندقية ضغط هواء
انا مع الطريقة الثانية بسيطة و جيده
و لكني لاافعل ذلك ان بشوف نقطة او فحرة قطرها نص سم و انشن عليها مرة و إتنين لو عالت الضربة اظبط و لو كان يمين او شمال يبان المهم انني كنت لا اخرج للصيد إلا و ضربتي تركب على النقطة او غيرها 3 مرات على الاقل |
رد: طريقة لظبط نشان بندقية ضغط هواء
طريقة جميلة اخى الكريم وكما قال الاخوة يمكن تطبيقها على البنادق القابلة للكسر وفهيا بعض المخاطرة والصعوبة
وعندى طريقة جربتها ونتائجها مرضية 1- اقوم بتثيت البندقية عن طريق قامطة ( المستخدمة لتثبيت الخشب). 2- ورقة بيضاء على بعد 15 متر تقريبا. 3- اقوم باطلاق طلقة عليها بدون نيشان. 4- اقوم بضبط النيشان على مكان الطلقة. 5- تكرار الطلقة حتى اصل الى نتيجة مرضية ملحوظة مع استخدام المنظار لابد من ضبط المنظار على مسافة ابعد لضمان الدقة. |
رد: طريقة لظبط نشان بندقية ضغط هواء
شكرا للاخ mustafa-amer على مرورك وتعليقك
وشكرا للاخ ابوشعبان على مرورك وتعليقك واقولك كل شيخ وله طريقه وكل واحد فينا يعرف حاجة بيقولها وكل واحد يختار اللى يناسبه وطريقتك ممتازة وتشبه طريقة الاستاذ صلاح وهي فعلا جيدة واهم شئ فيها تثبيت البندقية |
رد: طريقة لظبط نشان بندقية ضغط هواء
موضوع ضبط النشان ده من الموضوعات المهمة
وهنا توجد اراء كثيرة من رأيي أفضل تثبيت الموضوع ولا ايه رايكم |
رد: طريقة لظبط نشان بندقية ضغط هواء
الف شكر على الطرق الرائعة
لو تم اضافة صور وشرح مبسط وعملي لكل طريقة هيستاهل التثبيت عن قوة تحياتي مـ/ أسامة |
رد: طريقة لظبط نشان بندقية ضغط هواء
أسامه باشا شكرا جزيلا على أخلاقك النبيلة, أما بخصوص ضبط النشان فهو مجهود رائع ومميز ,ويفضل يكون الضرب ب20 رشة أو أكثر حتى نستطيع الحكم بدرجة صحيحة ,لانه أثناء الضرب ممكن يد الرامى تتهز و تيجى الرشة فى المكان المضبوط فيعتقد أن البندقية تم ضبطها ,وهذا خطاء شائع,فالضرب بعدد كبير من الرش سيوضح مكان يكون الرش متجمع فيه بأكبر عدد, وهذا المكان هو مايجب الضبط عليه, بعد الضبط لاتغير نوع الرش حتى تظل البندقية على ضبطها.لك تحياتى
|
رد: طريقة لظبط نشان بندقية ضغط هواء
عزيزيى dr mohamed kamal كلامك مظبوط وهو تكرار الضرب على نفس الظبطة للتأكد انها مظبوطة
ودا طبعا شئ اكيد انك تصيد بالرش اللى ضبط بيه البندقية لان اختلاف الرشة سواء في الوزن او في الشكل سوف يكون له تاثير على النشان شكرا لمرورك وردك |
رد: طريقة لظبط نشان بندقية ضغط هواء
بصراحه انا بشكرك على الافكار الهايله دى من حضرتك
|
رد: طريقة لظبط نشان بندقية ضغط هواء
اقتباس:
علشان يبقى موضوع متكامل واشكرك على فكرتك |
رد: طريقة لظبط نشان بندقية ضغط هواء
اقتباس:
أشكرك على مرورك وردك يا أستاذ محمد وعايزين كلنا نطلع أفكار جميلة أو ننقلها لو قرأناها في مكان آخر والكل يستفيد ويفيد لأن المحصلة في الآخر الفائدة لمنتدانا الجميل وتنتشر الهواية بشكل صحيح |
رد: طريقة لظبط نشان بندقية ضغط هواء
السلام عليكم
والله عملت فينا معروف بتجميع العديد من الطرق لظبط النيشان والله مجهود رائع السلام عليكم |
رد: طريقة لظبط نشان بندقية ضغط هواء
اللة ينور يا استازنا الغالى اسامة باشا خطاب
استاز بجد وموضوع يخرج من ايد استاز الله ينور تقبل مرورى |
رد: طريقة لظبط نشان بندقية ضغط هواء
االه ينور عليك يا مستر اسامه
طريقه سهله وعمليه ربنا يزيدك من علمه |
رد: طريقة لظبط نشان بندقية ضغط هواء
استاذ / أسامة
انا بشكرك جدا على طرح الافكار ده و انا أؤيد تثبيت هذا الموضوع لانه بدون مبالغة مرجع في موضوع الرماية لأن ده مشكلة كل الصيادين بيتعرضولها و لاستثارة الافكار الاخرى في موضوع طرق النيشان انا عن نفسي بتبع طرقة تانية و هي كروت النيشان لكني وجدتها بالنسبة لطريقة حضرتك في الخطوط الرأسية و الافقية انا طريقتي ده تبقى و لا حاجة شكرا جزيلا على المعلومات الغالية |
رد: طريقة لظبط نشان بندقية ضغط هواء
درويش51 - ابو عامر - Mahmoud أشكركم على مروركم وردودكم وطبعا كل واحد له طريقته اللى بيحبها وبيشتغل بيها لكن لما نلاقي طريقة عملية اكتر وسهلة يكون افضل واحسن ودائما النقاشات الجادة بتخلق افكار بين الأعضاء وتقبلوا خالص التحية |
رد: طريقة لظبط نشان بندقية ضغط هواء
موضوع ضبط النشان ده من الموضوعات المهمة
هو اختلاف الرشة سواء في الوزن او في الشكل سوف يكون له تاثير على النشان وأصابة الهدف |
رد: طريقة لظبط نشان بندقية ضغط هواء
الأستاذ سامى الحسينى
اهلا بك انا موافقك طبعا في ان اختلاف وزن وشكل الرشة له تأثير واضح على تغيير النشان وهو ليس العامل الوحيد ولكنه أحد العوامل المؤثرة شكرا على مشاركتك |
رد: طريقة لظبط نشان بندقية ضغط هواء
تسلم ايدك على الطريقة الرائعة دى وبإذن الله هجربها
|
رد: طريقة لظبط نشان بندقية ضغط هواء
اقتباس:
وجربها وحط لنا النتائج وشكرا لردك ومرورك |
| الساعة الآن 05:59 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir