ساعدونى فى تحريك صليبة اسكوب
 

ازاى احرج صليبة اسكوب جامو32*4 على هدف معين مع العلم بان فيه غطيين واحد فوق وواحد فى الناحية اليمين دول بيتفكو بس مبيظبطوش الصليبة وبعد ما فكتم لقيت حاجه كده زى ترس او حاجه انا حاولى احركها سنة معرفش اتحركت ولا لا بس سبتها وقومت

رد: ساعدونى فى تحريك صليبة اسكوب
 

يا فندم حضرتك ماتفكش المسمار. حضرتك تحركه يمين و شمال بس و هو هيحرك الصليبة.
حضرتك هات ورقة بها خطين واحد بالطول و التاني بالعرض. ، حطها علي مسافة ٢٠ متر مثلا و نشن علي السنتر و اضرب مثلا ٥ رشات.
لو لقيت الرش تحت او فوق الهدف لف المسمار اللي فوق حسب الاتجاه المرسوم عليه يمين او شمال و حاول تاني.
و لو لقيت الرش يمين او شمال الهدف لف المسمار اللي في الجنب.
و بالمناسبة تاكد ان الكروس الخط الراسي بتاعه عامودي علي جسم البندقية

رد: ساعدونى فى تحريك صليبة اسكوب
 

هوا مش مسمار ده غطى بلاستيك بيتفك وتحته الترس انا بحاول الففه الترس بيلف سنه صغيرة جدا ويقف ومش عاوز انشف عليه؟؟؟؟؟؟

رد: ساعدونى فى تحريك صليبة اسكوب
 

الترس هو هو المسمار المهم. ممكن يكون واصل للاخر جرب لفه الاتجاه التاني. و متنشفش عليه لانه المفروض يلف بالراحة. بس ملحوظة اتاكد ان السكوب علي اقل درجة زوم لو هو متدوة و انت بتعمل القصة دي.

و لو لسه معصلج يبقي فيه حاجة غلط!!*

رد: ساعدونى فى تحريك صليبة اسكوب
 

الترس بدا يلف تمام بس انا مش حاسس ان الصليبة بتتحرك؟؟
يمكن بتلف حجات بسيطة متتلاحضش ولا ايه؟؟

رد: ساعدونى فى تحريك صليبة اسكوب
 

عمرك ما هتشوفها بتتحرك بعينك ابدا. دي حركة بالميكروميتر. بس هتلاحظ ان موضع الطلقة اتغير في النشان

و عموما لو مكانش مرسوم علي الترس كل حركة بتفرق قد ايه فالمعتاد ان تكون كل تكة ب ١/٣ انش. و لو بيلف علي طول من غير تكات. يبقي استمتع بالعمل علي السنس و كله بالتعود :)

رد: ساعدونى فى تحريك صليبة اسكوب
 

كلامك صح جدا هوا متوب علي الترس
1click
0
1/4
100 yd
يعنى انزل اسبت البندقية واحرك لحد ميظبط؟؟؟؟؟؟؟؟

رد: ساعدونى فى تحريك صليبة اسكوب
 

تمااااااااااام
و متنساش تورينا صور الصيد بقي :)

رد: ساعدونى فى تحريك صليبة اسكوب
 

ربنا يخليك يا رب ويقدرنى على رد جمايلك وعلى فكره انا اصطدت بيها يمامتين ههههههه