الصيد فى مصر

الصيد فى مصر (http://www.egyhunt.net/index.php)
-   الموضوعات العامه (http://www.egyhunt.net/forumdisplay.php?f=86)
-   -   مازال مسلسل التعذيب مستمر من الشرطة (http://www.egyhunt.net/showthread.php?t=12302)

dr mohamed kamal 11-07-14 07:49 PM
مازال مسلسل التعذيب مستمر من الشرطة
 
قبل ساعات من اعلان حركة الشرطة، احتفل فلول حبيب العادلي وزير داخلية النظام الفاسد بطريقتهم الخاصة بالحركة التي جاءت لتطهير الداخلية من افعالهم. قام امناء الشرطة في قسم شرطة السويس بالاعتداء بالضرب المبرح علي 6 من المعتصمين والاستيلاء علي تليفوناتهم المحمولة، وقام احد الأمناء بإطفاء السجائر في جسد أحدهم، ليذكرنا بوسائل التعذيب التي شهدتها أقسام الشرطة في عهد النظام السابق، وكشفت الواقعة قيام 28 مضرباً عن الطعام بالاعتصام أمام محافظة السويس احتجاجاً علي عدم تحقيق مطالب الثورة بمحاكمة قتلة الشهداء وأصيب 6 منهم بالإرهاق من شدة الحر والعطش والجوع. وتم نقلهم إلي مستشفي السويس العام. ورفضت نقطة المستشفي تحرير محاضر لهم فتوجهوا الي قسم الشرطة لتحرير محاضر واستقبلهم امناء الشرطة بالضرب والاهانة والاستيلاء علي تليفوناتهم، وعندما اعترض المعتصمون علي سوء المعاملة قام احد الامناء برفع ملابس احدهم وأطفأ سيجارته في جسمه، تجمع المعتصمون أمام القسم ورفضوا الانصراف، وتوجه اليهم محمد عبد المنعم هاشم محافظ السويس وأحد قيادات الجيش والتقيا بالمعتصمين الستة صالح خلاف ابراهيم وأحمد علي محمد وأحمد حسني عبد العزيز ومحمد صلاح الدين ومحمد تمساح وأحمد السيد وتم تحرير محاضر إثبات حالة لهم داخل القسم.
http://www.alwafd.org/index.php?opti...catid=150:ثورة الغضب&Itemid=409#axzz1S0aoTyrE
اقرأ المقال الأصلي علي بوابة الوفد الاليكترونية سلخانة لتعذيب المعتصمين فى السويس

mo7 faqih 11-07-14 08:03 PM
رد: مازال مسلسل التعذيب مستمر من الشرطة
 
شكراً د/محمد على تذكيرك
ولكن حنعمل اية حنقول حسبى الله ونعم الوكيل الى ان يأتى حاكم للبلاد وغصبن عنه حيظبط البلد وحيحاسب المفسدين الجيش مضغوط علية من الشعب ومتنساش ان بعد ما ينهى مهامة الفترة الانتقالية دى الرئيس الى حيمسك لازم يفهم كل ذرة عملها المشير فهو مش عاوز يغلط ولو واحد من الف وخلاص هانت كلها شهرين

مسافر عبر البرارى 11-07-14 08:27 PM
رد: مازال مسلسل التعذيب مستمر من الشرطة
 
يارب يطلع ظنكم مش فى محلة ويبان مين الشريف من البلطجى وما اكثرهم البلطجية فى كل مكان حتى على المواقع هنا

elexlns1 11-07-14 08:29 PM
رد: مازال مسلسل التعذيب مستمر من الشرطة
 
حسبنا الله ونعم الوكيل

مسافر عبر البرارى 11-07-14 08:35 PM
رد: مازال مسلسل التعذيب مستمر من الشرطة
 
ارجو من الادارة غلق الموضوع دة نهائيا لان بكدة وكل اللى بيتكلم على الداخلية وفيما تفعلة بيزيد الامر سوء ياريت الادارة تغلق اى مواضيع زى كدة
زى اللى كان بيتكلم وبيقولك ان الشرطة كانت بتقتل كل اللى بيقتحموا الاقسام والله الواحد قعد يضحك ضحك
واحد كلب بلطجى داخل يقتحم قسم علشان يسرق السلاح اللى فية عايز منة اية الظباط تتبطب علية
وبكرة هيقولك اللى علقوا البلطجية على النخلة فى التحرير هما افراد الشرطة
انا نفسى بقة اللى بيتكلم على الشرطة دة نقعدة لوحدة فى مكان كدة ونجيب شوية بلطجية ونشوفة هيعمل اية
والله من غير الشرطة ميسواش بصلة
ياريت السادة المشرفين على الموقع يغلقوا الموضوع دة ياريت

kiko_2015 11-07-14 08:37 PM
رد: مازال مسلسل التعذيب مستمر من الشرطة
 
السوايسه قادمون..تذكرو هذه الكلمه اليوم في المساء

elexlns1 11-07-14 08:39 PM
رد: مازال مسلسل التعذيب مستمر من الشرطة
 
اقتباس:
المشاركة الأصلية كتبت بواسطة مسافر عبر البرارى (المشاركة 149628)
ارجو من الادارة غلق الموضوع دة نهائيا لان بكدة وكل اللى بيتكلم على الداخلية وفيما تفعلة بيزيد الامر سوء ياريت الادارة تغلق اى مواضيع زى كدة
زى اللى كان بيتكلم وبيقولك ان الشرطة كانت بتقتل كل اللى بيقتحموا الاقسام والله الواحد قعد يضحك ضحك
واحد كلب بلطجى داخل يقتحم قسم علشان يسرق السلاح اللى فية عايز منة اية الظباط تتبطب علية
وبكرة هيقولك اللى علقوا البلطجية على النخلة فى التحرير هما افراد الشرطة
انا نفسى بقة اللى بيتكلم على الشرطة دة نقعدة لوحدة فى مكان كدة ونجيب شوية بلطجية ونشوفة هيعمل اية
والله من غير الشرطة ميسواش بصلة
ياريت السادة المشرفين على الموقع يغلقوا الموضوع دة ياريت
لا تعليــــــــــــــــــــــــــــــــــــق

كفافى1 11-07-14 08:44 PM
رد: مازال مسلسل التعذيب مستمر من الشرطة
 
حسبنا الله ونعم الوكيل

مسافر عبر البرارى 11-07-14 08:59 PM
رد: مازال مسلسل التعذيب مستمر من الشرطة
 
يا ادارة اى حد بيجيب سيرة الشرطة ابلسوء ما هو الا مسخناتى عايز يسخن الدنيا لسببين
اول سبب ان اللى بيجى يكتب اى خبر عن الشرطة بالذات فى منتدى هو عايز يعمل عملية شحن للناس علشان هو بيكون عارف ان المنتديات بيكون عليها اكبر عدد من الناس
واصلان لية اللى بيتكلم مبيجبش سيرة البلطجية دايما يجيبوا سيرة الشرطة علشان المعروف دلوقتى ان الشرطة لو وقعت البلد كلها هتنهار وهو دة الهدف
ثانيا اشمعنى هو اللى عرف الاخبار دية دونا عن جميع الاعضاء يعنى فين مصدر الكلام دة ولا هى اشائعات وناس عايزة تعمل بلبلبة وتسخين وخلاص

dr mohamed kamal 11-07-14 09:13 PM
رد: مازال مسلسل التعذيب مستمر من الشرطة
 
http://www.alwafd.org/index.php?opti...#axzz1S0aoTyrE<P>
اقتباس:
المشاركة الأصلية كتبت بواسطة مسافر عبر البرارى (المشاركة 149628)
ارجو من الادارة غلق الموضوع دة نهائيا لان بكدة وكل اللى بيتكلم على الداخلية وفيما تفعلة بيزيد الامر سوء ياريت الادارة تغلق اى مواضيع زى كدة </P>
<P>زى اللى كان بيتكلم وبيقولك ان الشرطة كانت بتقتل كل اللى بيقتحموا الاقسام والله الواحد قعد يضحك ضحك </P>
<P>واحد كلب بلطجى داخل يقتحم قسم علشان يسرق السلاح اللى فية عايز منة اية الظباط تتبطب علية </P>
<P>وبكرة هيقولك اللى علقوا البلطجية على النخلة فى التحرير هما افراد الشرطة </P>
<P>انا نفسى بقة اللى بيتكلم على الشرطة دة نقعدة لوحدة فى مكان كدة ونجيب شوية بلطجية ونشوفة هيعمل اية </P>
<P>والله من غير الشرطة ميسواش بصلة </P>
<P>ياريت السادة المشرفين على الموقع يغلقوا الموضوع دة ياريت
</P>أخى الفاضل الشرطة لن تتخلى عما كانت تفعله بالشعب ,أخى العزيز نحن لا نتجنى على أحد و كل هذا منشور بالوفد ,أما من ناحية سرقة الاسلحة من الاقسام ,إقراء هذه القضية , http://www.alwafd.org/index.php?opti...#axzz1S0aoTyrE أما من ناحية البلطجية ,فالذى صنعهم هم الشرطة ,وللا البلطجية كانوا ناس أسوياء ثم عندما إختفت الشرطة حصل لهم تغير جينى كما نسميه فى الطب طفرة جينية و ظهر البلطجية فجاءة ,أخى العزيز الثورة عندما قامت كانت بالاساس ضد الشرطة ,أخى الفاضل بعد حركة تنقلات الشرطة أمس ,حصل إنسحاب للشرطة مثلما حصل يوم 28 يناير إحتجاجا على تغير اللواءات القتلة و العمداء القتلة ,الشرطة تريد أن تعود بشروطها لا بشروط الشعب صانع الثورة مصدر السلطات ,تحياتى لك أخى الكريم

مسافر عبر البرارى 11-07-14 09:57 PM
رد: مازال مسلسل التعذيب مستمر من الشرطة
 
اخى العزيز
مهما اتكلمنا عن الشرطة وفيما تفعلة سواء بالسلب او الايجاب لن يفيد بشىء
الامر هيزداد سوء وهنشحن الناس الشرفاء ضد الشرطة
وفى نفس الوقت هتكون اكبر مصلحة للبلطجية يفعلون ما يشاءءون
يعنى اية الوضع لو رجعنا من تانى نضرب الشرطة ونتخانق معاهم سعتها هتكون اكبر فرصة للبلطجية انهم يرجعوا تانى
وانتا طبعا شايف ومعاصر افعالهم وسعتها كل الكلام اللى احنا بنكتبة عن الشرطة لن يفيد بشىء
فالاحسن فى ظل الظروف الحالية ان يكون فية تواصل بين الشرطة والشعب حتى يتم القضاء على البلطجية لكن الان فى ظل الامور المشتعلة دية منصحكش انتا او غيرك ان احنا نتكلم عن الشرطة فى اى حاجة

dr mohamed kamal 11-07-14 10:20 PM
رد: مازال مسلسل التعذيب مستمر من الشرطة
 
اقتباس:
المشاركة الأصلية كتبت بواسطة مسافر عبر البرارى (المشاركة 149669)
اخى العزيز
مهما اتكلمنا عن الشرطة وفيما تفعلة سواء بالسلب او الايجاب لن يفيد بشىء
الامر هيزداد سوء وهنشحن الناس الشرفاء ضد الشرطة
وفى نفس الوقت هتكون اكبر مصلحة للبلطجية يفعلون ما يشاءءون
يعنى اية الوضع لو رجعنا من تانى نضرب الشرطة ونتخانق معاهم سعتها هتكون اكبر فرصة للبلطجية انهم يرجعوا تانى
وانتا طبعا شايف ومعاصر افعالهم وسعتها كل الكلام اللى احنا بنكتبة عن الشرطة لن يفيد بشىء
فالاحسن فى ظل الظروف الحالية ان يكون فية تواصل بين الشرطة والشعب حتى يتم القضاء على البلطجية لكن الان فى ظل الامور المشتعلة دية منصحكش انتا او غيرك ان احنا نتكلم عن الشرطة فى اى حاجة
أخى الفاضل لاأحد فوق القانون من يخطىء يحاسب ويأخذ عقابه كما حدده القانون والشرطة ليست فوق القانون ,فإن عادت على هذا المبداء فأهلا وسهلا و إن رفضت ,فالشعب والجيش قادران على عمل جهاز أمنى يقوم على أساس أمن المواطن أولا ,إحترام الشعب وحماية حقوق الانسان ,حماية ثروات الشعب التى نهبتها الشرطة وساعدت على نهبها ,شوف أى رئيس مباحث لسه سنه لم يتجاوز 30 سنه عنده شقة فاخرة فى أرقى مكان و فيلا بالساحل الشمالى و حساب فى البنك و سيارة أخر موديل ,هل عندك تفسير أخى الفاضل

اسلام 11-07-15 08:43 AM
رد: مازال مسلسل التعذيب مستمر من الشرطة
 
لا تعلييييييييييق


الساعة الآن 04:33 PM

Powered by vBulletin® Copyright ©2000 - 2026, Jelsoft Enterprises Ltd. TranZ By Almuhajir