|
تحذير هام من ورشة أولاد زكى عوض لتصليح الاسلحة
اليوم ذهبت مع الدكتور يسرى لأولاد عوض خلف مستشفى غمرة العسكرى لتركيب زناد جديد وبستم وسوستة للبندقية ديانا 54 ,كان الدكتور يسرى قد أحضرهم من دبى لأنهم غير موجودين فى مصر,وإحنا فى الورشة فجاءة لقينا ناس كتير دخلوا الورشة مع العلم إنها صغيرة جدا ,بصراحة ساورنى الشك ,المهم الاخ كرم عوض الذى يقوم بفك الزناد ,معلش نسيت حاجة وهى كان الدكتور يسرى قد فك البندقية بالبيت وركب الزناد الجديد و البستم و لم يستطيع تركيب السوستة الجديدة لآنها قوية فحاول كثيرا ولم يستطيع والزناد الجديد كان بيعلق بعد تركيبه,فقام بتركيب السوستة القديمة وده السبب الذى من أجله ذهبنا لأولاد عوض مع العلم أنا كنت ذاهب ل شريف 100 ش شبرا و لكن هو عامل عملية فى عينيه الاثنان و لم يذهب للورشة أرجوا من جميع الاعضاء الاتصال به و الاطمئنان عليه لانه محترم جدا و أمين جدا جدا جدا جدا جدا والسبب جاى تليفون شريف0126131287 بالمناسبة حالة شريف نسميها بالطب Diabetic Retinopathy وهى حالة صعبة ربنا يشفيه ويعافيه ,نرجع تانى للورشة ,قلت يا عم كرم نركب السوستة دى ولا لا ,قال لا, بعد ما ظبط الزناد من غير ما يفك السوستة وإستغرق معه 10 دقائق لان الزناد كان عايز تظبيط فقط ,والزناد القديم كان إتفكك من د/يسرى ولم يستطع تأفيله ,فقلت ممكن يا عم كرم تأفل الزناد ده ,قال ماشى بس تعالى بره الورشة ,وجلست بجواره خارج الورشة و قفل الزناد ,فجاءة د/ يسرى قال السوستة مش لائيها يا د/محمد قلت السوستة جوه على البنك فى الورشة ,قال مش موجوده ,دخلت ئلبت الورشة لم أجدها ,قلت فين السوستة يا عم عوض ,قال سوستة إيه أنتم ماكنش معاكم سوستة أنا ماشفتش معكم سوست,طبعا حسيت إن فيه حاجه و رجعت شريط الزحمة فى أول ما دخلنا الورشة وطبعا كلهم صنيعية معاه ,المهم الدكتور يسرى قال أدور فى السيارة فرديت بنرفزة السوستة كانت على البنك ,طبعا معنى إن الدكتور يسرى يدور فى السيارة يبقى السوسة كل سنة وإنت طيب راحت ,طبعا عليت صوتى فطقم الصنيعية إتلم تانى وقلوا فى نفس واحد مفيش سوست إنتم جبتوها و الورشة أمامكم ,طبعا فيه حاجة بسيطه حصلت لما كان بيصلح الزناد فيه جلدة ديانا بسئله عنها فقال دى جديدة و نادى على واحد وقله دخل دى جوه قولت جوه فين دا الورشة كلها 2,5م ×2م المهم خد الجلدة وخرج ودخل بيت بجوار الورشة ,طبعا قلت فى بالى المفرود الجلدة تبقى فى الورشة عشان يبيعها مش يشيلها فى مكان خارج الورشة ,طبعا ربط كل الاحداث دى وطلعت بنتيجة واحدة وهى إنه هو من أخذ السوستة ,وعليت صوتى فرد واحد كبير فى السن عنده وقال إنت بتحلم إنك كان معاك سوستة وقال ده إللى بنأخذه من زبون أخر الليل, إحنا كنا بعد العصر بساعة,قلت إحترم نفسك إنت قليل الآدب ومش محترم وصوتى على جدا وقلت إنت بتكلم دكتور محترم لدرجة إن الدكتور يسرى قال خلاص فى داهية السوستة ,قلت بصوت عالى لو سمحت يا د/يسرى سبلى الموضوع و متتكلمش ,فرد كرم وقال هات للدكتور سوستة جديده ألمانى من جوه و أنا ربنا حيعوض عليا ودخل واحد نفس المكان الذى دخله بالجلدة ,و غاب 10 دقائق وطلع بالسوستة فخدتها وبدأت أفحصها وكان فيه علامات فالسوسته أكدت إنها هى السوسته بتاعتنا ,وده من غبائه إنه جاب نفس السوستة ,ومشينا وده الذى حصل فى ورشة أولاد عوض لذلك لزم التحذير
|
رد: تحذير هام من ورشة أولاد عوض لتصليح الاسلحة
حسبى الله ونعم الوكيل فى الناس دى
وشكرا على المعلومة يا دكتور تحياتى |
رد: تحذير هام من ورشة أولاد عوض لتصليح الاسلحة
بسم الله كلامك صح يادكتور محمد هية مرة من سنين وتوبة وفيهم داء مكروة انة بيعامل الييروحلة باستغلال اما (((((التوفشكى شريف ))))) (زوق وادب ومعاملة بما يرضى الله وربنا يتم شفاة على خير) وتحياتى لاطيب طبيبين واجدع اصدقاء دكتور محمد ودكتور يسرى
|
رد: تحذير هام من ورشة أولاد عوض لتصليح الاسلحة
شكرا جدا يا دكتور محمد وأحيي حضرتك علي شجاعتك وتمسكك بالحق وعدم تركه، وعشان كده رجعت السوستة للدكتور يسري....
طبعا لازم الكل يحذر من الناس المشبوهه دي.... مش كفاية الأسعار لأ وسرقة كمان!! |
رد: تحذير هام من ورشة أولاد عوض لتصليح الاسلحة
السلام عليكم00الحقيقه انا لم اتوقع ان يكون فيه ناس بهذه الاخلاق00انا كنت شارى السوسته دى من فتح الله 1992 وكنت شايلها مع بعض متعلقات البنادق ومع طول المده اصابها بعض نقط من محلول طلاء البنادق فعملت شويه خشانه فى 3 حلقات من ناحيه وكمان عند محاوله تركيبها عملت خطوط بتلمع فى 4 حلقات من الناحيه الثانيه يعى ممكن اطلعها من وسط الف سوسته000حسبنا الله ونعم الوكيل
|
رد: تحذير هام من ورشة أولاد عوض لتصليح الاسلحة
اقتباس:
|
رد: تحذير هام من ورشة أولاد عوض لتصليح الاسلحة
وإيه بس اللى وداك للعالم الزبالة دول ؟؟؟
منت عارف شريف وأدبه وأخلاقه وأخلاق اللى شغالين معاه ............. لازم تجرب الزبالة دول ؟ المهم محدش بيتعلم ببلاش أحمد ربنا جت سليمة وقدر ولطف |
رد: تحذير هام من ورشة أولاد عوض لتصليح الاسلحة
أعتقد ان الراجل دة شغال فى المحل لان لو محله مش هيعمل كدة
وربنا يبارك فى كل مليم حلال |
رد: تحذير هام من ورشة أولاد عوض لتصليح الاسلحة
كل التقدير والاحترام للدكتور ورفيقه والى الامام ان شاء الله
|
رد: تحذير هام من ورشة أولاد عوض لتصليح الاسلحة
حسبي الله ونعم الوكيل في العالم الي زي دي اشكااال دخيلة علي المجااال وعلي المهنة ولاسف سوء سمعة المهنة والهي انا اتعملت قبل كدااا مع شريف في شبراء راااجل محترم جدااااااا وغير كداااااا لما عرف اني من المنتدي قائم بكل واجب ضيافة بصراحة و ومش بتاع لاف ودوران الحاجة هتتصلح يبقي هتتصلح قطع غيلرها مش موجودة بيقولك مش موجودة واصبر شوية
|
رد: تحذير هام من ورشة أولاد عوض لتصليح الاسلحة
اقتباس:
|
رد: تحذير هام من ورشة أولاد عوض لتصليح الاسلحة
علي فكرة انا كنت عايز منة حاجة امسدس صوت ورفض وتعامل معي معاملة سيئة جدا اللي بتقولة دة مش غريب عن ناس زي دي
|
رد: تحذير هام من ورشة أولاد عوض لتصليح الاسلحة
اقتباس:
|
رد: تحذير هام من ورشة أولاد عوض لتصليح الاسلحة
يا باشا حصل خير والحمد لله انك خد نفس السوستة بتاعتك وعلى العموم متقلقش انا مش هكتبلك رقمى عشان لو حصل مع حضرتك موقف تانى زى دة رن عليا بس وانا اجيلك .......... هههههه
|
رد: تحذير هام من ورشة أولاد عوض لتصليح الاسلحة
و على فكرة يا دكتور زكى عوض دول استغلاليين جدااااااااااً
|
رد: تحذير هام من ورشة أولاد عوض لتصليح الاسلحة
اقتباس:
|
رد: تحذير هام من ورشة أولاد عوض لتصليح الاسلحة
اقتباس:
|
رد: تحذير هام من ورشة أولاد عوض لتصليح الاسلحة
على فكرة أنا مش مستغرب خالص من الكلام ده ، هما فعلا ناس إستغلاليين جدا و عن مجموعة من التجارب ، فعلا أنا يوم الثلاثاء اللى فات رحت ل شريف فى روض الفرج و لقيت عينيه تعبانة و كان عامل فيها عملية و قاللى الإثنين اللى جاى عندى عملية تانية ، و كنت عايزه يصلحلى حاجة ، و لما رحت ل زكى عوض إتعاملوا معايا ب تناكة و قاللى هتتكلف 170 جنيه و تاخدها كمان 3 أيام ، الصراحة دمى إتحرق ، و أنا مروح عديت على محل عم سمير زكى فى مصر الجديدة ، فيه عنده واحد بتاع صيانة إسمه إيهاب إيديه تتلف ف حرير ، صلحهالى ب 60 جنيه و أنا واقف
|
رد: تحذير هام من ورشة أولاد عوض لتصليح الاسلحة
حسبي الله و شكرا على المعلومة
|
رد: تحذير هام من ورشة أولاد عوض لتصليح الاسلحة
اولا تحياتى لسيادتك ولدكتور يسرى
وشكرا على هذا التنبيه والحركات اللى بيعملوها دى زى الميكانيكيا الغشاشين وعمرهم ما هيكسبو لانهم علطول سيرتهم بتبقى زفت كدا ولازم اى حد يتعرض لموقف زى دا يحذر الاخرين زى ما سيادتك عملت كدا علشان الناس ماتتعملش معاهم ويقعو فى نفس المطب واخيرا تحياتى لكل شخص ايجابى ولا يسكت على حقه |
رد: تحذير هام من ورشة أولاد عوض لتصليح الاسلحة
ياجماعة مفيش انظف من شريف بتاع شبرا مش علشان جارى ولاكن انا بتعامل مع المحل من ايام عم محمود الله يرحمه واللهى شريف قمه فى الاحترام وياريت الكل يرد عليا
شكرا |
رد: تحذير هام من ورشة أولاد عوض لتصليح الاسلحة
اقتباس:
|
رد: تحذير هام من ورشة أولاد عوض لتصليح الاسلحة
يادكتور محمد انا كل اللى هقدر اقولهلوك انك رااااااااااااااااااااااجل جدع وشهم وقمه الشجاعه واحد غيرك كان ممكن يخلع ويخاف وانا بمنتهى الصراحه لو كنت مكانك ماكنتش عارف انا هعمل ايه واللى يقولك هعمل وهعمل وهعمل يبقى كداب لانه لازم يتحط فى الموقف عشان يقدر يحكم بنفسه وعلى العموم ياريس حمدالله على سلامه السوسته واحييك برده على قمه متابعتك وذكاءك وتنك مش واقف كده وخلاص والحمد لله انك بشاعتكعرفت تجيب السوته يا دوكتور
وتقبل مرورى |
رد: تحذير هام من ورشة أولاد عوض لتصليح الاسلحة
فعلا حسبنا الله و نعم الوكيل الناس دي مش عارفا انها بكدا بتخسر سمعتها للابد ...
|
رد: تحذير هام من ورشة أولاد عوض لتصليح الاسلحة
يا دكتور محمد هما حراميه جدا دى حقيقة وكويس انك اخدت السوسته بتاعتك ولو مكونتش عملت كده مكانتش هاترجع وكان هايبيعها لحد تانى هو شريف ربنا يشفيه احسن واحد يصلح باحسن سعر مع انه ساعات بيغلى برضه بس عيبه انه بطئ شويه عموما ربنا يشفيه
|
رد: تحذير هام من ورشة أولاد عوض لتصليح الاسلحة
معلش يادكتر / محمد ..... انت كده عرفتهم وعرفت المنتدي بيهم وبغشهم والحمد الله انك رجعت السوسته ومحصلش أي مشكله تانية وبعد كده فى أي مكان الحاجه تكون معاك فى أيدك مش تسبها فى أى مكان .......... وجزاك الله خير على التحذير من هذه الورشة
|
رد: تحذير هام من ورشة أولاد عوض لتصليح الاسلحة
لازم الواحد ياخذ حذره من اي صنايعي او اي ورسة يتعامل معها لان قلة الضمير بقت هي السمة المتواجدة الان
|
رد: تحذير هام من ورشة أولاد عوض لتصليح الاسلحة
شكرا د / محمد علي توعية الأعضاء و تحذيرهم من هذا الشخص .. و الحمد لله علي سلامتك أنت و د / يسري.
تحياتي لكما. |
رد: تحذير هام من ورشة أولاد عوض لتصليح الاسلحة
اقتباس:
|
رد: تحذير هام من ورشة أولاد عوض لتصليح الاسلحة
فيه ناس كتير معندهاش ضمير
|
رد: تحذير هام من ورشة أولاد عوض لتصليح الاسلحة
ربنا سترها عليك من النصبين دول وشكرا على التحزير وربنا يوفق وتقدر تصلح البندقيه بتعتك
|
رد: تحذير هام من ورشة أولاد عوض لتصليح الاسلحة
اقتباس:
|
رد: تحذير هام من ورشة أولاد عوض لتصليح الاسلحة
الحمد لله ان ربنا كشفهم وده يعلمنا ان الانسان لايضع ثقته الكامله الا لمن يستحق
|
رد: تحذير هام من ورشة أولاد عوض لتصليح الاسلحة
شكرا على التحذير , و ربنا يشفى الناس دى من مرض السرقة المنتشر فى مصر
|
رد: تحذير هام من ورشة أولاد عوض لتصليح الاسلحة
ربنا لا يخلف عليهم خير ابدا ويديهم علي اد نيتهم الحمد لله رجوع السوسته يا دكتور محمد
|
رد: تحذير هام من ورشة أولاد عوض لتصليح الاسلحة
:mad:هذه الورشه للاسف انا ذهبت اليهم لشراء ناشنكاة خلفي لبندقية رمسيس ..... فقال لي ثمنه 80 جنية .......... ولما قلتله اذاي يعني .........قال اصله الاصلي ................ وبعدين لما لقاني ماشي مش هشتري قال لي يوجد عنده واحد مستعمل بـ 30 جنيه .............
وطبعا برده غالي لاني قرأت في موضوع مشابه ان سعر الناشنكاه الخلفي للرمسيس 10 جنيه ... وانا في اري لا يساوي غير ذلك ويمكن اقل ............... لكن انا لاحظت انه طبعا كورشه سلاح بيصلح سلاح حي .... وكان بيستلم 3 طبنجات للاصلاحهم ... وكان إستلمهم خلاص و انا سالته عن هل بيصلح سلاح حي وده كان سؤال للتأكيد معلومه فقط ... الراجل الكبير قال لي نعم ... ثم قال للصنايعي الي استلم الطبنجات الثلاثه بعد ماكان بدأ يفك واحده منهم .......... فين رخص هذه الطبنجات و فين الصورة التي نحتفظ بها للورشه ........... وطبعا كان 2 فقط برخصه و الثالثه بدون رخصه ..........وهنا رفض استلامها ........... فقال له الذي بيصلح الطبنجات ياعم زكي من امتى بتعمل كده معايا ما انا دايما بصلح عندك .......... فرد عليه وقال له انا اول مرة اشوفك هذه هي تعليمات الام العام ........... وطبعا مكان الورشه وصغر حجمها وشيله البضاعة في المنزل في الناصيه المقابله للورشه اعطاني ايحاء انه فعلال بيتعامل في اصلاح الطبنجات التي بدون رخصة .................... وده الي بيخليه غير مهتم بكسب زبون ..........او التعامل باسلوب كويس .. وكذلك بالنسبه للاسعار .. وربنا يرحمنا من امثال هؤلاء ........... وطبعا الف شكر لصاحب الموضوع ......... لتحذيرنا .......لان طبعا تخيلوا لو انتا بتصلح حاجه وتركتها عنده ........يبقى شكرا ممكن يسرق اي شيء منها ويبدله بشيء اخر رديئ ...:mad: |
رد: تحذير هام من ورشة أولاد عوض لتصليح الاسلحة
اقتباس:
|
رد: تحذير هام من ورشة أولاد عوض لتصليح الاسلحة
اقتباس:
|
رد: تحذير هام من ورشة أولاد عوض لتصليح الاسلحة
اقتباس:
|
رد: تحذير هام من ورشة أولاد عوض لتصليح الاسلحة
اقتباس:
|
رد: تحذير هام من ورشة أولاد عوض لتصليح الاسلحة
اقتباس:
|
رد: تحذير هام من ورشة أولاد عوض لتصليح الاسلحة
لما اتنشر الموضوع اكتشفت ان فيه ناس كتير بتشتكى منهم
|
| الساعة الآن 01:51 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir